Efuh Inkacnek in Olwelah
Inkacnek in olwelah yohk srihpac nuh sin moul ma pahtpaht.
Ke karihngihn lal, Prestuhn Russell M. Nelson el lutlut kac ca luti olwelah luhn God nuh sin tuhlihk Nahtuhl. El sifacna pa sie srihkasrak kahlwem luhn sie mwet suc fahsr ke inkacnek in olwelah. Ke mwe luti se emet lal ke el Prestuhn ke Alu uh, Prestuhn Nelson el fahk:
“Kihsackuhnlah lom in ukwe Mwet Lahngo pa in oraclah olwelah lom nuh sel ac na kom srukyacna olwelah inge in fah ikucslah sruhngucl nuh ke mwe ahkinsewowo luhn nguhn nuh kwewa ac sukohsohk ikacklah nuh sin mukul, muhtwacn, ac tuhlihk nuh kwewa ke acn nuh kwewa.
“Akwuck luhn tempuhl ac olwelah kom oraclah oasr ki in ahkkweye moul lom, pahyuck ac sucu lom, ac kuh lom in lain ma koluk. Ahkfuhlwact lom lun tempuhl ac kuhlwacnsap lom we kacn mwet mahtuh lom fah ahkinsewowoye kom ahkyohkyelihk fwackyuck lom sifacna ac mihs ac fah ahkkapye orekma lom in muhtana ke inkacnek in olwelah.”1
Meac inkacnek in olwelah? Inkacnek sefanna ma kol nuh ke tohkohsrahi celestial luhn God. Kuht fungyang nuh ke inkacnek soko eke montonac luhn pacptais ac na “ahkwot nuh met ke luhlahlfongi ke kuh in Kraist, in oasr kahlwem suwohs luhn finsrak, ac luhngse God ac mwet nuhkwewa [masap yohk luo emet ah] nuh ke sahflah.”2 Ke fuhfahsryucsr luhn inkacnek in olwelah (suc, ke ohiyac, som ahluhkwelah moul in mahno), kuht eis akwuck nuhkwewa ac olwelah muhtahl fal nuh ke moliyucklac ac moul ma pahtpaht.
Muhtuhn kihsackuhnlah lasr ke olwelah pa in oruh ma luhngse luhn God “ac in ahkostwen nuh ke masap ke masap Lal ke ma nuhkwewa ma El fah sapkihn nuh sesr.”3 Ukweyacn mwe luti ac masap ke wosauc luhn Jisus Kraist lwen nuh ke lwen pa fuhfahsryucsr engna emet ac wolacna ke moul uh. Ke sie ma ah, sie mwet el kahingkihn elyah puhs ac auli lal. Lwelah nuh sihk ngacn akacsruhi sie sramsram ke sritacl. Ke tennis, asr ma se pahngpahng tahfonglac ma tiac orek in oacyac. Ma inge pa nuh ke in sruhnguhllah pohl se som sun nwek ah kuh srihngihlyac pacl luo ke serf uh. Tahfonglac ma tiac orek in oacyac inge pa motweyuck muh ma ke sahrtahk kuh ma ke suhmaht in sritacl luhn mwet se ma lainkom ah pa oruh uh.
Elyah uh ma upac lasr uh kwacna sifacna-ahkkolukyeyuck, sikyak ke srihpen sulwaclah koluk lasr, kuh kuht kuh in fahk, muh sikyak ke srihpen ma ke “tahfonglac ma tiac orek in oacyac.” Ke kuht oaru in suk inkacnek in olwelah, kuht mihslac na falkihn in lusrong “tahfonglac ma tiac orek in oacyac” puhkantwen uh. Kuht fahsr ut siskacn kain in atac ke ma kuht pahlah in oruh uh. Kuht tiac na puhtatlac nuh lun lohf luhn ohiyac kuhtasrihk. Kuht fahsr fuhluhngyac infulwacn ma acn twen luhn moul in mahno ac ma koluk. Kuht fahsr ahliki mwet ac ma lah, finne ohrohr, fah ahkkolukye lah moul in mahno ac nguh. Kuht lusrong sulwaclah ma ahkngalye kuh ahkkolukye mwet shayac ac eis ohiyac in kaiyac-sifacna ac kuhlwacnsap.4
Elder J. Golden Kimball el fahkwelihk, “Sahp tiac [pacl nuhkwewa] nga fahsr ke inkacnek suwohs ac ohsrihksrihk, tuhsruhk nga [srihke] in fahsr fuhluhngyac ke kuhiyuck.”5 Ke kuhtuh pacl napwacye uh, nga etuh muh Tamuhlwel Kimball elac insese kac lah muhta na kac, fahsr na kac, inkacnek in olwelah pa finsrak yohk lasr in kahingkuhnlah kweok ma upac in lusrongyuck ke sie lacpo an ac muhtwacnglah ahsor ma upac in lusrongyuck ke lapo se sahyac an.
Sahp kuhtuh ac fahk muh, “nga kuh oraclah sulwaclah lah pacptais kuh tiac pahptais, nga tiac enenuh olwelah muhtahl in ahkfuhlwactyeyuck ac in sie mwet kuhtanglah se.” Ahok, oasr suhnuh mwet puhs suc, ke elos wangihn ke inkacnek in olwelah soko ah, mukwikwi ke ohiyac ma fahkwack sulwaclah lalos ac oraclah luh elos suc oasr fin inkacnek in olwelah soko ah. Sahp kom ac fahk muh elos kosrwacni mwe insewowo ke elos fahsr ke “inkacnek kacfweacng in olwelah” soko ah. Acn sacn pa meac eklac ke inkacnek in olwelah soko uh?
Yohkna, eklac la uh pa siena ac usrnguck ma pahtpaht. Oasr luhmahlah ke ahkostwen lasr, ohiyacn kihsackuhnlah luhn God nuh sesr, kahsruh fuhwlact kuht eis, mwe insewowo kapriyucki in fahsrweni ekihn mwet olwelah, ac yohk srihpac emet, usru ma pahtpaht lasr.
Ahkostwen ma Insacnweacng in Oreklac.
Ma se met, ma inge luhmahlah se emet ke ahkostwen lasr nuh sin God. Yohk liki na in ana oraclah in wo ma uh, kuht insepwacye in moulkihn kahs nuhkwewa ma tuhkuh liki oaluh luhn God. Tuhsruhk finne El muhtahl, El ahkkahlwemye nuh sin tuhlihk nuhtin mwet lah, in oacna nuh ke mahno El ahkpuhsisaclyacl sifacna ye muhtuhn Pahpah, ac loh kac nuh sin Pahpah lah El ac ahkostwen nuh Sel in liyacacng masap Lal.”6
Ke olwelah, kuht srihke kac yohk liki na in lusrong na tahfoglac lasr kuh in sensenkihn ke sulaclah lasr. Kuht puhla insacnweacng nuh sin God ke sulwaclah lasr in moul lasr uh. Kuht eis nuh facsr inen Jisus Kraist. Kuht lohacng nuh kacl Kriast—in fokoko testimoni lasr kacl Jisus Kraist ac ahkyohkye ohiyac luhn Kraist.
Olwelah, ahkostwen nuh ke mwe luti luhn wosasuc tuhkuh ke okahn nguhnasr. Nga etuh ke sie siyacnyacn yac, ke pacl in macruht lalos, muhtwacn sac tiac oaru ke Alu uh ac mukul sac tiac mempucr ke Alu uh. Ngac luhma nuh kaclos muh Mary ac John, tiac muh inelos napwacye. Ke pacl se tulihk srihsrihk muhtwacwacack in oasri ke petsac se inge, Mary el puhlakihn eneneyac in tuhfahltahllah, oacna ke ma suhmuhslah fahk, “ke karihngihnyuck ac kaiyuck luhn Leum.”7 John el ahkkweye. Mary el oraclah kuhtuh kihsac yohk srihpac in muhta na lohm ah in luti wosasuc tahuhnlah. El ahkkweye lah sucu uh eis nohfohn woiyac ke ahkfuhlwactyeyacn Alu ac kais sie mukwikwi. Mary ac John oacna sie ninac ac pahpah in srikasrak, ac tuhlihk nahtuhlos (nohfohn tuhlihk mukul fokoko) kapkapwack ke luhlahlfongi ac insacnweacng nuh ke mwe luti luhn wosasuc ac akwuck.
Ninac ac pahpah tuhmwacl John, ninac mahtuh ac pahpah mahtuh tuhmwacn tuhlihk mukul nahtuhl, sruikihn kewa moul lalos ac ma tuhlihk mukul nahtuhlos eis kuhtanglah kac, tuhsruhk ke srihpen oasr kuhtuh sruhng lalos nuh ke Alu uh, elos ke na ahkfahsryelah ma wowo se inge in yohk nuh ke ohiyac in kaiyuck lal John ac Mary. John, ne ohinge tiac mempucr se ke Alu uh, tiac na lwelah in fahlac srikasrak sac. El sulaclah tuh elos in wi liye fahko ke mwe luti luhn wosasuc—ke ma tuhlihk mukul nahtuhl oruh eke alu ah ac oacyacpac ma sikyak eke lohm selos ah.
John sifacna el moklweyuck sin Nguhn, luhngse ac srihkasrak luhn muhtwacn kiacl, ac kacfwe luhn tuhlihk nahtuhl. Ke sahflahiyac, el pacptais lac, yohk pwacr ac engan luhn mempucr ac kawuck ke ward sac.
Ke pacl se wacngihn ma upac sikyak ke moul lalos ac tuhlihk mukul nahtuhlos uh, Mary ac John sang insiaclos nohfohn lah ma na pwacye se lah olwelah luhn wosasuc uh oasr eke okah luhn mwe ahkinsewowo lalos. Elos tuh lie kahs luhn Leum nuh sel Jeremiah nwacklah moul luhn tuhlihk nahtuhlos oacyacpac lalos sifacna: “Nga fah likiya ma sap luk in elos, ac simusla insialos; ac fah Gd lalos, ac elos fah mwet luk.”8
Ma Kunac nuh sin God
Ma ahkluo ke ohiyac usrnguck ke inkacnek in olwelah uh pa kuhpahsr lasr ke Ip luhn God. Olwelah ma God el sang nuh sin tuhlihk Nahtuhl uh orek yohk liki na in kol kuht. Ma inge kapre kuht nuh Sel, ac, kapriyucki nuh Sel, kuht kuh in kuhtanglah ma nuhkwewa.9
Nga tuh ritweack sie sie mwe fahkwack sin sie mwet orekma ke nus met ah suc ahkuhtweyac lah ohiyac kuht oruh ke pacptais nuh sin mwet misac uh pa in petsaciyucklac ke tihli otyak ke kof uh. Elos nuhkwewa suc ma inelos oasr ke petsac sac motkweyuck muh pacptaislac. Ohiyac se ingacn yohk srihpac tuhsruhk ac lusrohnglah woiyac na sahflah se luhn kais sie ac elyah yohk srihpac ke olwelah la sifacna nuh sin God.
“[Jisus] el fahk … : Kowos ilyak ke muhtuhnpot ohsrihksrihk; tuh ohsrihksrihk muhtuhnpot uh, ac ohsrihksihk inkacnek ma kol nuh ke moul, ac puh mwet suc konwacack.”10 Sramsramkihn akucl, motonac se inge ohsrihksrihk napwacye ma lwelah mwet se fanna in utyak pacl se fanna. Kais sie oraclah kihsackuhnlah la sifacna nuh sin God ac fohlohk eis owelah Sel sifacna, ke inel, tuh kuht in kuh in epacl nuh ke pacl fal ac nuh tok ma pahtpaht. Ke akwuck ac owelah, kuh luhn God ahkahlwemyeyuck ke moul lasr.11
Kahsruh Fuhlwact
Kol kuht lac nuh ke nuhnkweyacn mwe ahkinsewowo saochk aohktolu ke inkacnek in olwelah. God El sang sie mwe sang apkuhran in usrnguck in kahsruh mwet oraclah olwelah uh in mwet liyacacng olwelah: mwe sang luhn Nguhn Muhtahl. Mwe sang se inge pwacye nuh ke kuhpahsr, karihngyuck, ac kolyuck luhn Nguhn Muhtahl.12 Oacyacpac etweyuck muh pa Mwet in Ahkwoye se, Nguhn Muhtahl “nwacnwaclah ke fisnrak ac luhngse pwacye.”13 El “etuh ma nuhkwewa, ac ahkloh nuh sin Pahpah ac ke Wen,”14 suc kuht olwelah in mwet loh nuh se.15
Ke inkacnwek in olwelah soko kuht oacyacpac konwacack mwe insewowo yohk srihpac luhn nuhnak muhnahs ac ahknwacsnwacsyeyuck lac liki ma koluk. Pa inge kahsruh ma kuh in tuhkuh ke kuhlwacng muhtahl, tahfweyuck sin Nguhn Muhtahl uh. “Na pa inge masap”, fahk Leum, “Auliyak, kowos nuhkwewa fin facluh, ac tuhkuh nuh Yuruk ac pacptaislac ke Inek, tuh kowos in kuh in ahknwacsnwacsyeyucklac ke eisyacn Nguhn Muhtahl, tuh kowos in kuh in tulac nwacsnwacs ye muhtuhk ke lwen sahflah.”16
Fahsrweni wi Mwet Olwelah.
Ahkahkosr, elos ma suk inkacnek in olwelah konwacack sie mwe sang ke kain in tuhkweni fuhlwact srihsrngiyucki. Ma palyeiyuck ke un mwet fahsrweni luhn Israelke pacl somlah ah nuh ke acn in kosrwacni lalos konweyuckyak lun ma suhmuhslah.17 Fohnlah luhn ma palyeiyuck ac olwelah ingacn pa ingena som weacng fahsrweni luhn mwet wuhlweacng nuh ke Alu uh, tohkohsrahi luhn God fin facluh. Prestuhn Nelson el ahkuhtweyac, “Ke kuht sramsramkihn fahsrweni kuht sramsram ke ma fihsrwacsr se inge: kais sie sin tuhlihk nuhtin Pahpah Tuhmasr Inkuhsrao, mwet moul ac misac, enenuh in lohng ke pweng luhn wosasuc fohlohkihnyuck luhn Jisus Kraist.”18
Leum El sapkihn mempucr ke Alu luhn Jisus Kraist luhn Mwet Luhlahlfongi ke Lwen-sahflah in tuhkahkek ac srweyac acn metoh, tuh kahlwem lom fah kuh in mwe luti nuh sin muhtuhnfwacl; … tuh fahsrweni toeni fin acn Zion, ac fin stek lal, fah ma in karihngihn, ac ma nuh ke kosrwaclah pahkah, ac liki kasrkuhsrak ke pacl se fah ukiyucklac wacngihn.19
Oasr pac tuhkweni ke wik nuhkwewa luhn mwet wuhlweacng nuh ke lohm in pruhe ke lwen luhn Leum, tuh kuht fah “karihngihn kuht [sifacna] in upac liki met ah in nwacsnwacs liki facluh.”20 Fahsrweni in ipeis ke kuhfwen bread ac kof in esam Iwaclah luhn Jisus Kraist ac sie pacl in lalo ac pruhe, ac in sramsram inmahsrlon kais sie ke ma ac wo nuh ke nguhn [lasr].”21 Ekihn sie mwet fuhsr, nga tuh muhkwena mempucr se ke Alu uh ke kuhlahs luhk aeskul ah. Nga pacrkihn akohnohki inmahsrlon mwet kawuck puhkantewn wowo luhk ke aeskul ah, nga tuh konwacack tari lah nga fungyang upac nuh ke tuhkweni in Sabbath ke kais sie wik in ahkesamye ac ahksasucye yuc ke nguhn, ac finne ke mahno. Fuhkah kohsrohiyac uh ke kuht puhlakihn wacngihnlac luhn tuhkweni olwelah ma oreklac tahklac ke pacl upac mihsenge uh, ac fuhkah luhpan rahrah lasr ke kuht salka pacl kuht kuh in sifil tuhkweni oacna met ah.
Mwet wuhlweacng fahsrweni nuh tempuhl, lohm sin Leum, in eis akwuck muhtahl, mwe insewowo, fwackyuck usrnguck ma oasr we. Mwet Pahluh Joseph Smith el luti: “Meac srihpen fahsrweni luhn … mwet luhn God ke oacna sie matwac ke facluh se? … Srihpac yohk se pa in muhsahelah nuh sin Leum sin lohm yac El kuh in ahkkahlwemye nuh sin mwet Lal akwuck muhtahl ke lohm Sel ac wolacnaiyacn tohkosrahi Lal, ac luti mewt uh inkacnek luhn molwelah; tuh oasr akwuck muhtahl suwohs se ac mwe luti lah, ke kuht lutiyuck ac ahkpahye kuht, enenuh in orek ke sie acn kuh lohm ma muhsahiyucklac ke srihpac sacn.”22
Usrui Olwelah ma Wuhlweacng
Ke sahflahiyac uh, sukyacn inkacnek in olwelah muhkwena pa kuht kuh in usrui mwe insewowo lal Abraham, Isaac, ac Jacob, mwe insewowo yohk emet ke molwelah ac moul ma pahtpaht suc God muhkwena kuh in use.23
Ma suhmuhslah luhmweyuck nuh ke mwet wuhlweacng inge wacna kalmac pa mwet lal Abraham kuh “lohm sin Israel.” Tuhsruhk mwet wuhlweacng inge oacyacpac lwelah mwet nuhkwewa in eis wosasuc luhn Jisus Kraist.24 Paul el ahkuhtweyac:
“Kowos baptaisla in kupasryang nu yurin Kraist. …
Ac fin kowos ma luhn Kraist, na kowos ma ke fihtac lal Abraham, ac mwet usrui fal nuh ke olwelah.”25
Elos suc ma suwohswohs nuh ke olwelah “fah tuhkuh nuh met uh ke sifil moulyak luhn mwet suwohs.”26 Elos oreklac suwohswohs kacl Jisus mwet se muhta infulwac ke olwelah sasuc se. … Elos pa mwet suc mahnolos fuhlwact, suc wolacna la uh ma ke faht ah, finne wolacna luhn God, fuhlwact liki nuhkwewa.27 Ohinge, ma nuhkwewa ma lalos, lah moul kuh misac, kuh ma oasr misenge, kuh ma ac fah tuhkuh, ma nuhkwewa ma lalos ac elos ma luhn Kraist, ac Kraist El ma luhn God.28
Lweluh kuht in porongo pahng luhn mwet pahluh in mutha na ke inkacnek in olwelah. Nephi el liye kuht ac pacl lasr ac suhmuhslah, “Nga, Nephi, liye kuh luhn Lahm nuhtin God, puhtati nuh fin mwet luhlahlfongi ke alu luhn Lahm, ac nuh fin mwet wuhlweacng luhn Leum, suc fahsrelihk nuh fin facluh nohfohn; ac elos nuklac ke suwohswohs ac ke kuh luhn God ke wolacna yohk.”29
Ke Nephi, “nguhnihk engan ke olwelah luhn Leum.”30 Ke Sacnri in Istuh se inge, nga fahwack testimoni kacl Jisus Kraist, suc Sifil Moulyak Lal pa finsrak lasr ac ahkkweyeyuck ma wuhlweacng nuh ke ac ke sahflahiyacn inkacnek in olwelah. Ke inen Jisus Kraist, amen.