“Liye! Nga Pa God luhn Mwenmwen”
Ma usrnguck, mwe akucl, ac mwenmwen tuhkuh nuh sin mwet fahsr tukun Jisus Kraist mihsenge, ke moul lowos ac moul luhk.
Tamuhlwel ac tahmtahel sacohk wiyuck, ma sacohk in tu met liki kowos mihsenge. In ma sefanna nga weluhlos suc sramsram ke toeni se inge, nga fahkwack nuh suwohs lah Jisus Kraist El moul. El kol Alu Lal; El sramsram nuh sin mwet pahluh Lal, Prestuhn Russell M. Nelson, ac El luhngse tuhlihk nuhkwewa nahtuhl Pahpah Inkuhsrao.
Ke Sacnri in Istuh se inge kuht ahkfuhlwactye Sifil Moulyak luhn Jisus Kraist, Mwet Lahngo ac Mwet in Molwelah lasr,1God Kulana, Fihsrak lun Misla.2 Iwaclah Lal, sahflah ke Sifil Moulyak Lal tukun lwen tolu ke kolyuck, tu ke ma mwenmwen yohk emet ke pacl luhn mwet. “Tuh liye,” El fahk, “Nga pa God; ac Nga pa God luhn mwenmwen.”3
“Yac ma usrnguck uh tui ke srihpen Kraist El sowack nuh inkuhsrao, ac muhta ke lacpo lacyot luhn God?”4 mwet pahluh Mormon el siyuck ke Puk luhn Mormon. El topuk, “Moh; lipufacn uh tiac pac tui in luti nuh sin tuhlihk nuhtin mwet.”5
Tukun Srihpsrihpyak, lipufacn luhn Leum sikyang nuh sel Mary ac kuhtuh muhtwacn sahyac suc tuh som nuh ke kuclyuck in akmuhsraelah monun Jisus. Lipufacn el fahk:
“Efuh kowos kuh suk El suc moul inmahsrlon mwet misac?6
“El wacngin inge, tuhsruhtuh El moulyak.”7
Mwet pahluh Abinadi ke Puk luhn Mormon tuh fahkwack ke ma usrnguck sacn:
“Fin wacngihn God na kuht wacngihn, … tuh ac wacngihn ma oreklac.
“Tuh oasr moulyak, ohinge kuclyuck uh wacngihn kuhtanglah la, ac ngal luhn misac kuhtangyucklac sin Kraist.”8
Ma mwenmwen Lal Jisus Kraist oruh mwet tuhmal lutlut in fahk: “Su mwet se inge? El sapsap nu sin eng uh ac noa uh, ac elos aksol.”9
Ke Mwet Sap sa fahsr tokol Jisus Kraist ac porongel luti ke wosasuc, elos liye ma usrnguck puhkantwen. Elos “liye mwet kun elos ku in liye, mwet ul elos ku in fahsr, mwet musen lepa elos aknasnasyeyukla, mwet sulohngkas elos ku in lohng, mwet misa elos akmoulyeyukyak, ac Pweng Wo uh lutiyuk nu sin mwet sukasrup.”10
Ma usrnguck, mwe akucl, ac mwenmwen tuhkuh nuh sin mwet fahsr tukun Jisus Kraist mihsenge, ke moul lowos ac moul luhk. Ma usrnguck pa mukwikwi muhtahl, ma sikyak, ac akucl luhn kuh fuhlwactlacna luhn God ac ahkkweye kuht tuh El “oacna sie ekweah, mihsenge, ac ne tok ma pahtpaht.”11 Jisus Kraist, suc oraclah meoa, kuh in ahkmisye; El suc sang liye nuh sin mwet kun kuh in sruhkwack liye lasr nuh inkuhsrao; El suc ahkkweyelah mwet lepa kuh in ahkwoye kuht; El suc ahkweye mwet suhkahpahs kuh in pahngon nuh sin in tuyak ac “Fahsruh, fahsr tukuk.”12
Puhkantwen suwos liye ma usrnguck, pucs liki kom etuh kac. Sahp luhman srihk kapsreyucklac nuh ke Jisus ahkkweye mwet misac. Tuh finne sihk srwackna ma usrnguck se, ac tuhkuh sin God. Kuhtuh mwet fahk muh ma usrnguck sikyak na ac wacngihn srihpac. Tuh mwet pahluh Nephi el kaiyac elos suc “srihkkihn kuh ac orekma usrnguck luhn God, ac sifacna lotwelos ke lahlmwetmwet lalos sifacna ac etwacack lalos sifacna, tuh elos in kuh in kahsruhpi.”13
Ma usrnguck oreklac ke kuh muhtahl sin El suc fokoko in molwelah.14 Ma usrnguck tuhkuh sin plwacn ma pahtpaht luhn God; ma usrnguck tuhkuh inkuhsrao me in molwelah.
Yac tari ac Tahmtahel Rasband ac nga som nuh acn Goshen, Utah, nuh ke Face to Face ma suhpweyuck nuh sin mwet puhkantwen fin facluh ke kahs 16.15 Toeni se inge tuh lohacng ke ma sikyak ke Fohlohkihnyuckyak luhn wosasuc luhn Jisus Kraist, ke kihsen siyuck ma tuhkuh sin mwet fuhsr fin facluh. Tahmtahel Rasband ac nga sifacna riti kihsen siyuck ingacn; elos sang nuh sesr pacl in fahkwelihk kacl Joseph Smith oacna mwet pahluh luhn God, kuh luhn fwackyuck ke moul lasr, Fohlohkihnyuckyak luhn wosasuc luhn Jisus Kraist, ac ma pwacye ac masap ma kuht luhngse. Pucs mwet suc lohng mihsenge wi toeni wolacna ingacn.
Met broadcast ac in tuhkuh sin Imac Muhtahl fin acn New York, ke, oacna Joseph Smith el fuhlwaclihk: Nga liye Mwet luo, suc kahlwemiyac ac wolacnaiyac tiac kuh in ahkuhtweyucki fal, tu lucng likiyuc yen engyeng uh. Sie selos sramsram nuh sihk, pahngon inek ac fahk, srihsrngiyac mwet se sahyac ah—Pa inge Wen Kuloh Nuhtihk uh. Porongo El!16 Ma sacn, tamuhlwel ac tahmtahel, pa ma usrnguck se.
Mas fin facluh nohfohn inge oruh kuht in oraclah toeni broadcast se ke acn Goshen, Utah, ke Alu luhn Jisus Kraist luhn Mwet Luhlahlfongi ke Lwen-sahflah suc oraclah, ke orek petsac, kuhtuh ke siti Jerusalem mah. Tahmtahel Rasband ac nga apkuhran nuh sin Goshen ke Sacnri sacn ke kuht liye fofosr lucng tuhkuh sin acn kuht som nuh we. Oasr e luhlahp ke acn sacn, ac kuht fosrngah tuh toeni broadcast sacn in tilac sikyak. Pwacye, minit 20 met liki ao 6:00 pacl luhn toeni broadcast in muhtwacwacack, sahromrom ke acn nohfohn sac kunlac. Wacngihnlac sahromrom! Wacngihnlac toeni. Oasr generator in orek sahrom sefanna ma kuht nuhnkuh kuh in oraclah, tuh kuht tiac etuh fin kuh in sang sahrom nuh ke kuhfa in oraclah broadcast lasr.
Kuht nohfohn ke toeni sacn, weacng mwet sihm, mwet orek on—finne mwet fuhsr ke sucu lasr—tuh arlac ke toeni sacn in sikyak. Nga muhtwacwacack in tuhng ke sronin muhta ac fohs ac siyuck Leum ke ma usrnguck se. “Pahpah Inkuhsrao,” nga tuh pruhe, “Nga suhkwac siyuck ke ma usrnguck, tuh nga ingena siyuck ke ma se. Toeni se inge enenuh in sikyak nuh ke mwet fuhsr lasr fin facluh nohfohn. Kuht enenuh sahromrom fin fal nuh ke kena Lom.”
Minit itkohsr tukun ao 6:00, sahromrom fohlohk. Ma nuhkwewa muhtwacwacack in oreklac, on ac petsac ac kuhfa in suhpwaclah broadcast. Kuht muhtwacwacack toeni lasr. Kuht tuh liye ma usrnguck se.
Ke Tahmtahel Rasband ac nga fohlohk nuh lohm ah tukun toeni se, Prestuhn ac Tahmtahel Nelson el suhpwaclah pweng se nuh sesr: “Ron, kuht ke komtacl in etuh tuh ke kuht lohm ma wacngihnlac sahrom, kuht pruhe ke ma usrnguck se.”
Ke ma suhmuhslah ke lwen-sahflah sihmlac, tuh nga, Leum, tuh sang pouk in orekmakihn kuh luhn inkuhsrao; tuh kowos tiac kuh in liye ingena, tuh kihtihn pacl ac kowos fah liye, ac nga etuh tuh nga oasr, ac fah tuhkuh ac kol wi mwet luhk.17
Pa inge ma sikyak. Leum el sang pahol ac sahrom tuh orekma.
Ma usrnguck oreklac nuh ke kuh luhn luhlahlfongi, oacna Prestuhn Nelson el luti ke fokoko ke toeni tari ah. Mwet pahluh Moroni el fahk nuh sin mwet, “Tuh fin wacngihn luhlahlfongi inmahsrlon tuhlihk nuhtin mwet uh God El tiac kuh in orek ma usrnguck inmahsrlolos; ohinge, El tiac ahkkahlwemyacl sifacna ne ke na tukun elos luhlahlfongi.”
El oacyacpac fahk:
“Liye, ma ke luhlahlfongi lal Alma ac Amulek pa oruh nien srohoh in ikori nuh infohk uh.
“Liye, ma ke luhlahlfongi lal Nephi ac Lehi pa oraclah eklac luhn mwet Laman, tuh elos pacptaislac ke e ac ke Nguhn Muhtahl.
Liye, ma ke luhlahlfongi lal Ammon ac tamuhlwel lal pa oraclah sie ma usrnguck na yohk inmahsrlon mwet Laman. …
“Ac wacngihn kuhtwena pacl ma ma usrnguck uh orek ne ke na tukun elos luhlahlfongi; ohinge elos luhlahlfongi met ke Wen nuhtin God.”18
Ac nga kuh in sang nuh ke kahs ke ma suhmuhslah ingacn, “Ma ke luhlahlfongi ke mwet tacn fuhsr, mwet ke broadcast, mwet kol ac mempucr luhn Alu uh, mwet sap se, ac mwet pahluh luhn God ma suk ma usrnguck yohk se ma oruh sahromrom in fohlohk nuh ke acn in orek petsac se ke acn Goshen, Utah.”
Ma usrnguck tuhkuh in topuk pruhe lasr. Tiac kwacna sikyak oacna kuht siyuck ke luhngse, tuh ke kuht luhlahlfongi Leum, El ac oasr we, ac El ac etuh ma wo emet. El el sang ma usrnguck nuh ke pacl kuht enenuh.
Leum El oraclah usrnguck in ahkacsmakihnye kuht ke kuh Lal, luhngse Lal nuh sesr, saplak Lal liki inkuhsrao nuh ke moul lasr, ac kena Lal in luti kuht ma yohk srihpac. El suc luhlahlfongi keik in kwelac, El fahk nuh sin Mwet Luhlahlfongi ke 1831, ac olwelah sacn srwackna oasr mihsenge, ac tiac srihsrngiyucklac in misac, fah ahkkweyeyucklac.19 Oasr masap oreklac inkuhsrao, ac kuht enenuh in fahsr fal nuh selos.
Oasr pacl ke kuht finsrak ke ma usrnguck se in ahkkweye mwet kuht luhngse, in ekuhllah ma suhfal, kuh in ahkenganye insiacn mwet suc ahsor kuh suhpwacr. In liye ma inge ke ohiyacn mwet, kuht ke Leum in tuhkuh, ac ahkwoye ma muhsahllah. Nuh ke luhlahlfongi, ma usrnguck ac tuhkuh, tuh tiac fal nuh ke pacl lasr kuh nuh ke ma kuht ke sikyak. Tuh kalmac ma kuht tiac luhlahlfongi kuh tiac fal nuh ke kahsruh Lal? Moh. Kuht sacohk nuh sin Leum. El sang moul Lal kacsr, ac Iwaclah Lal kalweni in tuhlwe kuhtlac liki ma toasr ac ma koluk lasr ke kuht auliyak ac fototoyang nuh Sel.
Leum El tuh ahkacsmakihnye kuht, “Nunak luk, tia oana nunak lowos.”20 El fahk, “Fahsruh nuh yuruk, kowos nuh kwewa suc orekma ac tohtohlah, ac nga fah usot nuh suwos monglac.”21—monglac liki fosrngah, suhpwacr, sahngweng, seahkostwen, fosrngah nuh sin mwet kuht luhngse, ke finsrak suc wacngihnlac. Mihslac finne oasr ma upac kuh ahsor pa ma usrnguck se. Esam kahs luhn Leum: Kuh tiac nga sramsram mihslac nuh ke nuhnak lom ke ma inge? Mwe lohoh wo fuhkah emet kom kuh in eis sahyacn sin God uh?22 Ma usrnguck sacn pa Jisus Kraist, Jehovah Wolacna, Wen nuhtin El suc Fuhlwact, sang nuh sesr mihslac.
Oacna El sikyang nuh sel Mary ke imac, pahnglol ke inel, El pahngon kuh in orekmakihn luhlahlfongi lasr. Mary el suk in kuhlacnsapwacl ac karihngihnuhl. Sifil Moulyak Lal tiac ma nuhnkuh, tuh fahsr fal nuh ke plwacn wolacna luhn engan.
“Fani liki sakseng soko an,”23 un mwet suhlahlahlfongi fahk nuh Sel ke Calvary. Oasr kuh lal in oraclah ma usrnguck. Tuh El tuh ma sahflah ke muhtwacwacack, ac El kena in luhlahlfongi plwacn luhn Pahpah Tuhmwacl. Kuht enenuh in lohacng nuh ke srihkasrak ingacn.
Nuh sesr ke pacl upac El fahk, Liye kihnet ma fakihsyac sikuck, ac oacyacpac iken osra ke pouk ac niyuck; kowos in oaru, liyacacng ma sap Luhk, na kom fah usrui tohkohsrahi luhn inkuhsrao.24 Ma ingacn, tamuhlwel ac tahmtahel, pa ma mwenmwen uliyuck nuh sesr kais sie.
Ke Sacnri in Istuh se inge ke kuht ahkfuhlwactye ma usrnguck luhn Sifil Moulyak luhn Leum, ke sie Mwet Sap luhn Jisus Kraist nga pruhe ke puhsisacl tuh ke kowos puhla kuh luhn Mwet Lahngo ke moul lowos, tuh nguhsr lowos nuh sin Pahpah tuhmasr Inkuhsrao ac fah toplac ke luhngse ac oaru ma ahkkahlwemyeyuck sin Jisus Kraist nuh ke kuhlwacnsap Lal. Nga pruhe tuh kowos kuh in tu ke kuh ac luhlahlfongi nuh ke ma nuhkwewa ma ac tuhkuh. Ac nga ahkinsewowoye kowos tuh ma usrnguck ac sikyak nuh moul lowos oacna kuht liye ke acn Goshen—fin pa luhngse luhn Leum. Suk ke mwe insewowo inkuhsrao me ke moul lowos ke kowos “suk Jisus se inge suc mwet pahluh ac mwet sap elos sihmihs kac, tuh luhng kuhlwacng luhn God suc Pahpah, ac oacyacpac Leum Jisus Kraist, ac Nguhn Muhtahl, suc fahkwack ke ma sihmlac kaclos, in kuh in ac in muhta yuruwos ne nok ma pahtpaht.”25 Ke inen Jisus Kraist, amen.