Mbon Mmem-Idem
Eyom kpukpru owo ke mme nkok ufok-Abasi—mbon emi ekopde odudu ye mbon emi idem etiede nte emem. Kpukpru nkpo odot.
Nte ekpri eren, ami mmeti nkawatde ye ete mi ke moto ndien ima ikut mme owo ke mben-usung emi ekekutde idem mmo ke idiok idaha mme emi ekeyomde unwam. Ete mi esiwak ndidoho ete “Pobrecito,” emi oworode “owo mmem-idem.”
Ndusuk ini, mma nsise ye udong nte ete mi esinwamde ediwak ke otu mbon emi, akpan-akpan ke ini isinamde isang ika Mexico ndise mme ekam mi. Enye oyoyom sasanga owo enyenede mfina onyung aka ke ndibe okono unwam mmo eyomde. Mma ndidiongo ke enye ekesi nwam mmo eda esin enying ke ufok-nwed,edep udia, onyung anwam ke usung kiet mme eken okofonde ye mmo. Enye akanwam “owo mmem-idem ”emi akasangade ebe ke usung esie. Ke akpaniko, ke ini uyen mi nkemeke nditi ini nnyin mikenyeneke owo okodungde ye nnyin emi okoyomde ebiet ndidu nte mmo ekenamde ndida ke idem mmo. Mme nkpo-ntibe oro enam mi nnyene spirit ima mbanga mme nsanga irenowo ye iban mi ye mbon emi ebuenede.
Ke Preach My Gospel eting ette: “Mbufo edungo ye mme owo. Emebe mmo ke efak, ekut mmo ke ufok-idung mmo, enyung ebuakidem ye mmo. Kpukpru mmo edi ndito Abasi, ndito eka mbufo iren ye iban. … Ekese mmo esanga eyom usung uwem. Mmo ekere ebanga ini-iso ye ekpuk mmo” (Preach My Gospel: A Guide to Missionary Service [2018], 1).
Ofuri isua, kini nkanamde utom ke Ufok Abas, mma ndomo ndiyom mbon oro eyomde unwam ke uwem mmo, ke nkpo isong ye eke spirit. Mosuk nsikop uyo ete mi odohode, “Pobrecito,” owo mmem-idem.
Ke Bible nnyin imokut akwa uwut-nkpo emi enwamde owo mmem-idem:
“Ekem Peter ye John edok eka ke temple ke ini akam, emi edide hourita uwemeyo.
“Ndien emen owo kiet emi edide mbungo toto ke emana esie, edinim ke usen ke usen ke enyin usung temple emi ekotde Ediye, man enye ebenge mmo emi edukde ke temple nkpo;
“Ntre ke ini enye okutde Peter ye John nte eyomde ndiduk ke temple ebenge mmo nkpo.
“Edi Peter, owuk enyin ese enye ye John, onyung odoho enye ete,Se nnyin.
“Ndien enye ese mmo, onyung odori enyin ete eyeno imo nkpo.
“Edi Peter odoho ete, nnyeneke Silver ye gold; edi se nnyenede ke nno fi oro: Ke enyin Jesus Christ emi otode ke Nazareth daha sanga.
“Ndien Peter omum enye ke ubok nnasia, emenere enye ke enyong: ndien idaha oro enye okop odudu ke ukot esie ye okpo itong-ukot esie” (Acts 3:1–7; enehede eting).
Nte nkotde mbuk emi, iko usem oro ndiwuk-enyin.ama ono mi udong. Iko emi ndiwuk-enyin oworo ndiwongode enyin, ekikere, mme ndiwuk nse (se “fasten,” Dictionary.com). Nte Peter ekesede ete emi, enye ama okut enye okpuhode okpong mbon efen. Enye ama ese ebe unana-ukeme esie ndisanga ye mmem-idem esie onyung okut ete ke mbuotidem esie ama ekem ndino edikɔk man oduk temple okobo mme edidiong emi enye okoyomde.
Mma nkut ke enye okomum enye ke ubok nnasia onyung edibede enye ke enyong. Nte enye anwamde ete emi ntre, Obong Jesus okok enye ke utibe usung “ukot esie ye okpo itong-ukot ema ebo odudu” (Acts 3:7). Ima enye amade ete emi ye udong ndinwam enye ono ediwak odudu ye ukeme ke idem owo okodongode.
Ke ini nkedide Area Seventy, mma nsinim usen Tuesday nno ndisanga-nse ye mme stake president ke ebiet nkodude. Mma ndoho mmo esobo ye mbon emi eyomde ewuho gospel Jesus Christ mme mbon emi mmikaha iso ndinim ediomi mmo ekenamde. Oto ke nsongo-nyire ye iting-enyin edisanga-nse nnyin, Abasi ama odiong utom nnyin ndien ima ikeme ndikut mme owo ekpuk emi ekeyomde unwam. Mmo emi ekedi “mbon mmem-idem” emi ekedungde ke nsio-nsio stakes ikodude.
Ini kiet, mma ntiene President Bill Whitworth, president eke Sandy Utah Canyon View Stake, man inam nsanga-nse. Enye ama obong akam abanga owo idisobode, anwana ndinyene ukem ndaha nte Nephi, emi “ Spirit akadade usung, mikodiongoke kanga mkpo emi [enye] anade anam” (1 Nephi 4:6). Enye ama owut ke nte nnyin inwamde, ana itiene ediyarade ikosobo ye mbon emi enehede eyom unwam, idihe nditiene udim enying mme ndisanga nkese mme owo ke-nde ke-nde. Yak nnyin itiene odudu nda-usung.
Mmeti nte nkakade ufok mkpri odondo iba, Jeff ye Heather, ye ekpri eyen-eren mmo,Kai. Jeff okokpon oworo nte esin-ifik owo ufok-Abasi nnyin. Enye ama odiongo mbre-sport onyung enyene utom emi okofonde. Enye ama otongo ndisihede mkpong ufok-Abasi ke ini uyen esie. Ikibihike, enye ama enyene unomo ke moto, emi eketimede usung uwem esie. Nte ikodukde ufok mmo, inyung itetie, Jeff ama ebup nnyin ntak idide ndikut ekpuk esie. Nnyin ima iboro ke edi nkpo nte ikot ufok-Abasi 3,000 edungo ke adanga stake emi. Ntem ke mbup enye, “ Jeff, ke kpukpru mme ufok nnyin ikpakade okoneyo emi, doho nnyin ntak emi Abasi odongnde nnyin mi.”
Do ndien, Jeff ama ofoho onyung otongo nditing nno nnyin ndusuk mfina esie ye ndusuk afanikong emi mmo enwanade nte ekpuk. Nnyin ima itongo ndibuana nsio-nsio ibot-iko gospel Jesus Christ Ima idoho mmo enam mme akpan mkpo emi eketiede nte ososong ke ntongo edi ke nka-iso eyeno akwa inemesit ye idara. Ndien President Whitworth ama ono Jeff edidiong priesthood man anwam enye ndikan mme mfina esie. Jeff ye Heather ema enyime ndinam mkpo ikodohode mmo ekpenam.
Nkpo nte isua kiet ke iso, mma nnyene ukeme ndise nte Jeff oduokde nwan esie , Heather mmong, owo The Church of Jesus Christ of Latter-day Saints. Idahaemi mmo ebenge idem ndiduk temple man edian mmo kiet nte ekpuk ke ini ye ke nsinsi. Edika nnyin ama owongode usung uwem mmo ke obuk-idem ye spirit.
Jehovah okodoho ete:
Abasi odoho ette: “Ndien, songo-da; da ke itie utom eke Ami mmekde nno fi; enwam mbon mmem-idem, enehede ubok emi oduode, enyung esin odudu ke edong emi efumde” (Doctrine and Covenants 81:5).
“Ndien adanga nte enamde mme mkpo emi mbufo emenam mkpon-nkan ufon eno mbok idung mbufo, koro ememenede ubong enye emi edide Abasi mbufo” (Doctrine and Covenants 81:4).
Iren ye iban, Apostle Paul ekekpeb akwa mkpo kabanga utom nnyin. Enye ekekpep ette ke nnyin idi “ikpokidem Christ, ye mme ndido Esie” (1 Corinthians 12:27) ndien ke eyom kpukpru ndido ke ikpokidem man ekut ette ke ofuri ikpokidem esana. Ndien enye ama ekpep ata akpaniko emi okosuhode oduk esit mi ke ini nkokotde. Enye okodoho ete, “Ediwak mme ndido ikpokidem, emi efumede ekan, mmo ke iyom: mme ndido ikpokidem oro, emi nnyin ikerede ke idotke ukpono, mbon emi ke eno ata oyoho ukpono” (1 Corinthians 12:22–23; enehede eting).
Ndien, ke kpukpru ward ye branch nnyin imoyom kpukpru owo—mbon emi ekopde nsongo ye mbon emi etiede nte idem emem. Eyom kpukpru owo ke ata edidiong ofuri “ikpokidem Christ.” Mmesi-kere mbon emi nnyin iyomde ke nsio-nsio eboho nnyin man edino nnyin odudu enyung enam nnyin idi eboho kiet.
Elder D. Todd Christofferson ekpeb ete: “ Ke Ufok Abasi nnyin ikpebke ndisana ido kpot, nnyin nko imekpeb ndisin oto ke edinam. Nte ikpokidem Christ, mbon Ufok Abasi enehede ese kiet eken enyin ke kpukpru usen uwem. Kpukpru nnyin ifonke ima. … Ke ikpokidem Christ, ana nnyin ikpong mme ekikere ye ikpɔ ikɔ edi inyene ata ‘osongo’ ifiok-ukpeb ke nte nnyin ‘idungde otokiet ke ima’ [Doctrine and Covenants 42:45]” (“Why the Church,” Liahona, Nov. 2015, 108–9).
Ke isua 1849, Brigham Young ama enyene ndap emi enye okokutde Prophet Joseph Smith nte asangade ye akwa udim erong ye ebot. Ndusuk mme unam emi ema ekponi enyung eye; mmo eken ekedi mkpri enyung ebaridem. Brigham Young ama eti nte enye esede iso Prophet Joseph Smith onyung odoho, “Joseph, afo enyene ndioi-nkan ufene … akanam nkutde ke uwem mi; nsoke afo edinam mmo?” Prophet, emi mikinyeneke mfina ye ndiok ufene emi, ama oboro ete, “[Brigham,] kpukpru mmo efon ke itie mmo.”
Kini President Young ama ekedemede, ama anwanga enye nte ke adangaemi Ufok Abasi editangde nsio-nsio “erong ye ebot,” edi utom esie ndida ofuri mmo nsin nyung yak mmo kiet-kiet ekut oyoho ukeme mmo nte mmo edade itie mmo ke Ufok Abasi. (Adapted from Ronald W. Walker, “Brigham Young: Student of the Prophet,” Ensign, Feb. 1998, 56–57.)
Iren ye iban, etop mi emi okotongo ke ini nkekerede mbanga owo kiet emi mibuanake aba ke Ufok-Abasi Jesus Christ. Idahaemi, mkpama nditing iko nno mmo kiet-kiet. Elder Neal A. Maxwell ekpep ette ke “uto ibon emi esidu ekpere—edi isibuanake oyoho-oyho ke—Ufok-Abasi. Mmo ididukke idi esit Ufok-Abasi, idinyung ikpongke etehe esie. Emi edi mbon emi enanade, emi Ufok-Abasi eyomde, edi mmo, ‘edu uwem emi eside Abasi efep ke ererimbot’ [Mosiah 27:31]” (“Ntak Midihe Idahaemi?,” Ensign, Nov. 1974, 12).
Yak mfiori ikot edima President Russell M. Nelson ini enye eketingde iko ke akpa ifet ono mbon Ufok-Abasi. Enye okodoho, “Idahaemi, ami ndoho ikot Ufok-Abasi emi kiet-kiet nte: esanga ke usung ediomi. Nsin ifik mbufo man etiene Andinyanga ke ndinam ediomi ye Enye ye ndinim mme ediomi oro eyeberede usung ono ofuri edidiong spirit ye ukeme emi edude ono iren, iban, ye mkpri-ndito ke kpukpru ebiet.
Ndien enye ebenge: “Idahaemi, edieke edide mbufo ema eworo ekpong usung oro, ami mmokot mbufo ye ofuri idorenyin ke esit mi ndoho nte mbok efiak edi. Se mbume mbufo ekpededi, se mfina mbufo ekpededi, itie odu ono mbufo mi, ke Ufok Abasi Christ emi. Mbufo ye emana mbufo emi mimanake kanga eyebo edidiong eto edinam mbufo idahaemi ke ndifiak nnyong-nka usung ediomi emi” (“As We Go Forward Together,” or Liahona, Apr. 2018, 7; emphasis added).
Ami mmono iko-ntiense mbanga Enye, kpasuk Jesus Christ, Akwa Andikpep ye Andinyanga kpukpru nnyin. Ami nkot mbufo kiet-kiet nte eyom “pobrecitos,” “mbon mmem-idem” ekedude kotu nnyin emi edude ke unana. Emi edi idorenyin ye akam mi ke enying Jesus Christ, amen.