Ti Usung Fo Ndifiak Nyong Ufok
Nnyin iminyene eti uwutnkpo eke Jesus Christ nditiene, ye isang unyong akade nsinsi ufok edide oto ke mme ukpepnkpo Esie, uwem Esie, ye uwa ufak Esie.
Ke 1946. ekpri odungore-nkpo Arthur Hasler ekedok ke obot idim emi ekperede ufok ini-uyen esie kini enye ekenyenede mbufiok emi ekemende aka akwa ukut nkpo obot kabanga nte iyak esiyomde usung ndifiak-nka idim emana mmo.
Ndidok ke enyong obot, ndien ke ndikut ediye oduo-mmong ini-uyen esie, Hasler ososop enyene ekikere emi enye ama ekefre. Enye ete, “Kpa nte mbit-mbit ofim, akamade inem-ufik eke mosses ye columbine, oyoho adanga itiat oro, mme nkpo oduo-mmong emi ye ntongo esie ke iso obot ososop edi ke enyin mi.”1
Ufik emi anam afiak-nti mbufiok ini uyen esie onyung eti enye abanga ufok.
Edieke ufik ekemede ndinam oruk editi oro, enye ekere kakpan ufik ekeme ndidi nte ndedibe iyak salmon emi, ke ediwak isua ndidu ke inyang ebede, afiak aka ke ata ebiet emi ekemande enye ndisin nsen.
Otode ke mbufiok emi, Hasler, ye mbon ndungore efen, eka iso ndinam nwut ke salmon eti ufik emi ediwamde mmo ndiwɔk mbe tosin itiat nyom usung mmo ndifiak nka ufok otode ke inyang.
Mbuk emi anam mi nkere ke ata akpan nkpo nnyin ndinam ke uwem emi edi ndifiok nyung nti usung ndinyong ntiene Ete nnyin ke Heaven ndien ke idara ye mbuotidem nwana ndiyɔ ke ofuri usung-isang.
Ami nkere mbanga nkpo editi inang emi, kini edade esin ke utom ndien ndien ke uwem nnyin, ekeme ndinam iti ufok nnyin eke heaven.
Akpa, Nnyin Imikeme Nditi ke Nnyin Idi Ndito Abasi
Nnyin imenyene edisana uduot. Ndifiok ite ke nnyin idi ndito Abasi nko ke Enye oyom nnyin ifiak idi iso Esie edi akpa ndaha kiet ke isang unyong ndika ke ufok eke heaven nnyin.
Ti idem fo banga uduot emi. Nam ini ndien ndien ndisongo ukpeme eke spirit fo ke nditi mme edidiong emi afo okobode oto Jehovah. Nim nda usung emi afo okobode Enye ke akpaniko, utu ke ndifiak ofuri mbine ererimbot ke ndidomo ufon fo nyung nyom usung fo.
Mmi-mmi emi ami mma-nkese owo ima mi ke enye ama okodu ke ufokibok. Enye eting ono mi ye nyik idem ete ke ini enye akanade ke bed ufokibok, ke kpukpru se enye okoyomde ekedi owo ndikwo ikwo “Ami Ndi Eyen Abasi.” Enye ete, ekikere oro kpot, ama ono imo emem emi imo ikoyomde ke ini ndutuho oro.
Ndifiok owo emi afo edide okpuho se ekerede ye se anamde.
Ndinyene ifiok mbanga se enehede edi ebenge fi idem abanga ndifiok ye nditi usung mbufo ke ediyong nka ebiet idung fo eke heaven ndien enyene udong ndidu do.
Udiana, Nnyin Imekeme Nditi Itiat-idakisong Emi Ekpemede Nnyin
Osongo edi ebine nnyin kini idide nti, akpaniko, inyung inyene mbuotidem ke Ete Heaven ye Jesus Christ, okposuk edi nte mbon efen minamke mme mbet ye edu uwem eke erinyanga ukpong2
Ke Nwed Mormon, Heleman ekpep ndito irenowo esie ete eti ke mmo ena nte ebop ke itiat-idakisong eke Jesus Christ ke ndinyene ukeme ndisongo nda ke nnwana ye mme idomo eke andidiok. Akwa ofim ye oyobio Satan ke amia nnyin, edi mmo idinyeneke odudu ndiduri nnyin edieke nnyin isinde idorenyin nnyin ke ebiet ubɔhɔ—ke Andifak nnyin.3
Ami mefiok otode ke ifiok-ukpeb nte edieke idimekde ndikop uyio Esie nyung ntiene Enye, nnyin iyebo unwam Esie. Nnyin iyebo akamba ndaha ke mme itie nnyin ye ntotungo ifiok kabanga ufon uwem. Nnyin iyekop nuai eke spirit emi edidade nnyin usung ika ufok eke heaven .
Oyoho Ita, Nnyin iyeti Ndibong-akam.
Nnyin idu ke ini ke ye ke ndituk ini kiet mme ke ndino uyio, nnyin imikeme ndiyom iboro ke misehe kpukpru nkpo ke akamba iko edongde ke usop ye ediwak nkpo ofim eke computer.
Ke usung efen, nnyin iminyene mmem-mmem ikoot ke nditongo ndiyom mme iboro otode heaven. “Ebong akam kpukpru ini, ndien nyeduok spirit mi ke idem mbufo.” Ndien Obong onwongo ete, “ndien edidiong fo eyekpon—ihn, okpon akan edieke afo obode inyene eke isong.”4
Abasi enehede ofiok nnyin kiet-kiet ndien ebenge idem ndikop akam nnyin. Ke ini itide ndibong akam, nnyin ikut ndausung ima Esie, ndien nte ibongde akam awak ino Ete eke Heaven ke enying Christ, ntre ke imen Andinyanga isin ke uwem nnyin nko ofon ndifiok usung emi Enye ekenimde ndida-nka ufok heaven nnyin.
Oyoho Inang, Nnyin Imikeme Nditi Ndinam-nkpo nno Mbon efen.
Nte nnyin inwanade nditiene Jesus Christ ke ndinam nkpo nno nyung nwut mfonido ye mbon efen, nnyin inam ererimbot edi eti ebiet.
Mme edinam nnyin ekeme ndidiong uwem mbon owo ke nkan-nkuk nnyin ye uwem nnyin nko. Ndima ndinwam adian ufɔn ono uwem enye emi onode ye enye emi obode.
Kuse ke mbio ukeme fo enyenede ke ndiwam mbon eken ndinam nti, mbiba ke nam nwut fo ye ke utom eke namnwut.
Ndima edinwam mbon efen ada nnyin usung ke usung unyongo ufok heaven nnyin—usung nditie nte Andinyanga nnyin.
Ke 1975, otode ke ekong, Arnaldo ye Eugenia Teles Grilo ye ndito mmo ema ekpong ufok mmo ye kpukpru se mmo ekebopde ke mme ediwak isua okposong utom. Ke ndika ke idung mmo Portugal, Brother ye Sister Teles Grilo ekut ukut ke ndifiak ntongo ini kiet efen. Edi ediwak isua ebede, ke ema ekeduk Ufok Abasi Jesus Christ eke mme Ndisana Owo Ukperedem Usen, mmo edoho ete, “Nnyin ima inana kpukpru nkpo ikinyenede, edi ekedi eti nkpo sia oro anwam nnyin ndise mbanga mme ufon nsinsi edidiong.”5
Mmo ema enana ufok isong mmo, edi mmo ekut usung ndinyong nka ufok mmo eke heaven.
Nkpo ekededi emi edikpongde ke edem ke nditiene usung ndika ke ufok eke heaven ke usen kiet eyetie nte idihe nwaidem ke ekedi.
Nnyin iminyene eti uwutnkpo eke Jesus Christ nditiene, ye isang unyong akade nsinsi ufok edide oto ke mme ukpepnkpo Esie, uwem Esie, ye Erisio-isop Esie—ke esit edide mkpa Esie ye enyene ubong Eriset.
Ami nkot mbufo nte ekop idara ke nditi ete ke nnyin idi ndito Abasi nko ke Enye enehede ama ererimbot tutu Eyen ama odong Eyen Esie6 ndiwut nnyin usung. Ami nkot mbufo nte eti ndinyene mbuotidem, ndiwongre uwem mbufo mbine Andinyanga nyung mbɔp itiat-idak-isong mbufo ndori ke Enye. Ti ndibong akam ke isang usung fo nyung nnwam mbon efen emi ekutde ke usung.
Ndima ndito-eka mi irenowo ye iban, ke Easter Sunday emi, ami nno iko ntiense mi nte ke Jesus Christ edi Andifak ye Andinyanga ererimbot. Enye edi enye emi edidade nnyin iduk ke okpokoro oyoho idaresit uwem onyung ekpeme nnyin ke usung isang nnyin. Yak nnyin iti inyung itiene Enye inyong ufok. Ke enying Jesus Chrst, amen.