Akwa Mboho
Afo Emekeme Nditang Israel Mbok!
Akwa Mbono eke Ofiong April 2021

Afo Emekeme Nditang Israel Mbok!

Etop Otode Ahmad S.Corbitt

Akpa Onoitem ke General Presidency eke Young Men

Ami mmofiok oyoho-oyoho ke mbufo iwaad emekeme ndinam emi ke ntak nkpo emi abangade idiongo ye akwa odudu emi odude mbufo ke idem.

Ke nkpo nte isua ita emi ebede, President Russel M.Nelson ama okot kpukpru mme iwaad Ufok Abasi Jesus Christ eke Latter-day Saints ete eduk otu “iwaad mbon-ekong Abasi man enwam etang Isreal ebok ke edem ikpehe mbiba. Enye odoho ete, ke nditang mbok edi ata akpan nkpo emi edidade itie ke ererimbot mfin emi.”1 Ami mmofiok oyoho-oyoho ke mbufo iwaad emekeme ndinam emi—enyung enam enye eneghede ofon—ke ntak (1) nkpo emi abangade idiongo ye (2) akwa odudu emi odude mbufo ke idem.

Ndise
Brother ye Sister Corbitt

Ke isua Aba-ye-kiet emi ebede, mme okworo-iko Abasi iba etode Ufok Abasi nnyin ema ebo ntuk ndika ufok kiet ke New Jersey, ke United States. Ke ini ekemde, ye ke utibe usung ete ye eka ye ofuri ndito Duop ema ena baptism. Ke mme iko prophet, “mmo ema eyak Abasi akan”2 ke uwem mmo. Ami mkpedoho nte “ke uwem nnyin.” Ami nkedi oyoho enyen ita. Ami nkedi enyen isua Efureba ke ini ami nkemekde ndinam nsinsi ediomi nditiene Jesus Christ. Ndi afo emekeme ndikere nkpo efen emi ami nkebierede? Ami ndikaha utom ukworo-iko Abasi. Oro okpon eti-eti. Ndien owo idiyomke mi nnam emi, ntre? Ami nkedi obufa owo ke Ufok Abasi. Ami nkenyeneke okuk. Ke ebede oro, ami mma nkure ukpebnkpo ke akamba ufoknwed emi odude ke Usoputin eke Philadelphia nyung nkut mme ikpɔ mfina, ke ndibe ami mma nkop ndik ndikpong ufok ke ofuri isua iba.

Ndise
Ufokemana eke Corbitt

Ata Idiongo Mbufo

Edi ke mibighike ami mmekpeb nte ke ami ye kpukpru ubon owo ikedung ye Ete nnyin ke Heaven nte ndito esie iren ye iban eke spirit mbemiso nnyin idimana. Ana nte mbon efen efiok, nte mi mfiokde, ete ke Enye ama onyom kpukpru ndito esie ekop idaresit ndinyene nsinsi uwem ye enye. Ke ntre, mbemiso owo ndomokiet edidu ke ererimbot, Enye ama ada owut kpukpru owo mfonmma uduak erinyanga ye inemesit esie, ye Jesus Christ nte Andinyanga. Ke ndiokiso, Satan ama afanga uduak Abasi.3 Nte ewetde ke nwed Eriyarade, “ekong ama odu ke Heaven”!5 Satan ama ada nkari esie abianga ndito spirit eke Ete Heaven emi ekeyohode mbaak ita ndinam enye akan ke itie Abasi.5 Edi ikidighe afo! Apostle John ama okut ete ke afo ama akan Satan “oto ke iko ntiense [fo]”6

Ndifiok ata idiongo mi, ye unwam emi otode edidiong eke patriarch mi, ono mi uko ye mbuotidem ndinyime ikoot emi President Spencer W. Kimball okonode abanga nditang Isreal mbok.7 Oro eyedi ukem-ukem ono mbufo, ndima ufan mi. Ke ndifiok nte ke afo ama ebemiso akan Satan oto ke iko ntiense fo eyenwam fi ndima, mbuana nyung nkot8 mfin emi ye ke kpukpru usen—ndikot mbon efen ete edi edise, edi edinwam, enyung edi ediduk, koro ukem-ukem ekong oro ke anwa-nwana ye ukpong ndito Abasi.

Ndise
Elder Corbitt

Odudu Mbuotidem emi odude Mbufo ke idem

Nso itibe ye akwa odudu emi odude fi ke idem? Kere banga emi: afo ama osio-nkpo idara9 ndidi ererimbot emi ama okoduo emi kpukpru owo edikutde mkpa obukidem ye eke spirit. Nnyin ikpikemeke ndikan mmo mbiba ke odudu idem nnyin. Nnyin idiboho ufen ito idioknkpo nnyin kpot edi iyebo ufen ito idioknkpo mbon efen nko. Ubonowo eyekut ata ofuri-ofuri uto edibung ye edikpu emi ekpekerede10—kpukpru emi ye ikpehe efre emi ofukde esit nnyin nkoro ye ndiok-mma asua ererimbot emi osuk akade iso ndiyom nnyin nyung ndomo nnyin. Kpukpru idorenyin ndifiak nduk edisana iso Abasi nte andiset ke mkpa ye nte edisana owo esine ofuri-ofuri ke Owo kiet ndinim enwongo Esie.11

Nso ino fi odudu ndika iso? President Henry B. Erying ama ekpeb ete, “Oyom mbuotidem ke Jesus Christ ndinyime uduak inemesit ye utom Esie ke uduak oro kini mbufo ekefiokde ata esisit ebanga afanikong emi edisimde mbufo ke uwem isong”.12 Ke ini Jesus Christ okowongode ndidi ererimbot ndiyak uwem Esie nno man atang-obok13 onyung anyanga nnyin, afo ukunimke enye ke akpaniko. Mbufo “mme nti spirit”14 ema enyene “ata akwa mbuotidem” ndikut nte ke enwongo Esie eyeworo osu.15 Enye ikemeke ndisu nsu, ke ntre mbufo ema ekut Enye nte ke Enye ama ododuok iyip Esie ono mbufo, ke anyan ini mbemiso enye edimana.16

Ke iko John emi adade ono nkpo, afo “ama akan [Satan] oto ke iyip Enyen-erong ”17 President Dallin H. Oaks ama ekpeb ete ke ererimbot oro, “[afo] ama okut utit to-to ke ntongo.”18

Edieke ke usen kiet mbemiso afo adaha ufoknwed ete mme eka fo anam ewongo ke akpaniko ete ke eyeno fi udia emi afo esimade kini afo ediyongde idi ufok! Afo emekop inemesit eti-eti! Ke ini afo odude ke ufoknwed afo ekere nte afo adiade udia oro, ndien afo emetabi enye okop. Nte obot edide, afo emebuana eti etop fo ye mbon efen. ke esede ini iso ndinyong ufok ono fi inemesit eti-eti onyung anam mme idomo ye mfina ufoknwed akabade etie mmem-mmem ono fi. Iduhe nkpo emi ekemede ndida idara fo mfep mme anam fi eyik oto ke ntak emi afo ofiokde mfon-mfon ke enwongo oro enye osu. Ntre, mbemiso mbufo “nti spirit” edimamana mbufo ema ekpeb ndikut mme enwongo Christ ke ukem usung nsongonda emi, ndien mbufo ema etabi erinyanga Esie ekop.19 Akwa mbuotidem fo etie nte esip emi edikade-iso ndisong nyung mkpon nte afo adade mmo anam utom, edi mmo ema edodu ke idem fo.

Didie ke afo ekeme ndidemere akwa mbuotidem fo ke Christ onyung ada enye atang Isreal obok onyung otongo ntak akan Satan? Ke ndifiak-nkpeb ndise ke ini iso nyung nkut ye ukem ntim-mfiok oro nbanga enwongo Obong emi abangade nditang nyung nyanga mfin emi Enye eneghede ada Nwed Mormom ye mme prophets esie ndikpeb nnyin nte idinamde oro. Ke anyan ini mbemiso Christ, mbon Nephi, “mme prophets, ye … mme oku, ye … mme andikpeb ema [ekpek mbonowo] ete eka iso ese Messiah, enyung enim enye ke akpaniko nte ke enye ama ededi.”20 Prophet Abinadi ama ekpeb ete, “Ndien idahaemi edieke Christ mikpikidighe ke ererimbot, ke nditing mbanga nkpo nte ke mmo ema ededi, edifak ikpoduhe.”21 Nte Alma, Abinadi “ama ese ini iso ye enyin mbuotidem”22 onyung okut enwongo erinyanga eke Abasi nte ke mmo ema ewoworo esu. Mmo ema ekan Satan eto ke iyip Enyen-erong, ye… iko ntiense mmo ke anyan ini mbemiso Christ edimana, kpa nte afo ekenamde. Ndien Obong ama ono mmo odudu ndikoot nyung ntang Isreal mbok. Enye eyenam ukem oro ono fi nte afo esede ini-iso ye mbuotidem, okut ete ke ema etang Isreal ebok—ke ofuri ekondo ye ke “eku” mbufo—onyung okoot kpukpru owo!

Ediwak okworo iko Abasi ebop akwa mbuotidem emi mmo ekenyenede ke uwem spirit edori ke Christ ke ndikere mbon emi mmo esobode mme ekpebde nkpo nte mmo esinede ofong baptism ye ofong temple. Ke etop esie emi ibuot iko ekedide, “Tongo ye Utit ke Esit,”24 President Nelson ama abuana uwutnkpo idemesie kiet emi abangade ndinam emi onyung eteme mme adausung ke mission ete ekpeb mme okworo-iko nnyin ndinam ukem oro. Ndifiok ke mmo ema enam akwa mbuotidem emi ke uwem ikeidude mbemso idi ererimbot anwam mme ukworo-iko nnyin “ndikop uyo Esie”25 onyung edemere akwa mbuotidem mmo nditang Isreal mbok nte Obong okowongode.

Ke ntre, ndikere mbanga nsu abiat mbuotidem.26 Mme ufan mi, ediko-koi nkere mme ndise mme nkpo emi anwanade ye se afo enehede edi, akpan-akpan ndioi ndise, eyenam mbuotidem fo ke Christ emem ndien ke edikabare esit miduhe ekeme ndibiat enye. Mbok da mme ekikere esit fo nam mbuotidem fo ke Christ okori, idihe ndibiat enye.

Edinam Ndito-nwong ye eke Iwaad

Edinam Ndito-nwong ye eke Iwaad edi nkpo utom otode prophet ndinwam mbufo iwaad ndinam akwa mbuotidem mbufo okpon. President Oaks ekpeb ete, “Ekenam edinam oro ndinwam mbufo ndinehede ntie nte Andinyanga nnyin ke usung inang: eke spirit, mbre, ikpok-dem ye ikikke.”27 Nte mbufo iwaad—edade-usung—ke ndidu uwem nte iko Abasi ekpebde, ndikpeme mbon efen, ndinam mme ufokemana ediana otokiet ke nsinsi, enyung enam mme edinam inemesit,28 akwa mbuotidem emi mbufo ekeyenede ke Christ ke uwem oko eyefiak oworo-edi onyung ono mbufo odudu ndinam utom Esie ke uwem emi!

Nko, uduak nnyin, “akpan-akpan uduak eke ibio-ibio ini,”29 anwam ndisongo odudu mbuotidem mbufo. Ke ini afo enimde eti uduak afo ese ini-iso, nte afo ama eke-nanam, onyung okut se Ete Heaven fo oyomde fi mme owo eken ekabade edi.30 Ekem mbufo eduak enyung enehede enam-utom man enyene nkpo oro. Elder Quentin L. Cook ekpeb ete, “Kusuhode ufon unam uduak, ndinim mme utit-uduak … , ye [ndikot mbon efen]—ke enyin mbuotidem”.31

Mbumek edi okwo! Jehovah eting abanga mbufo ete, “Odudu [ndimek] odu mmo ke idem.”32 Elder Neil L. Andersen anam anwanga ete, “Mbuotidem fo eyekori idige ke ufang edi oto ke mbumek.”33 Enye adian ete, “Eti mbume [ekededi] emi [afo ekpenyenede] … eyebo iboro oto ke ime ye ke enyin mbuotidem.”34

Ami nno iko ntiense nte (1) ata idiongo mbufo ye (2) akwa odudu mbuotidem ke Christ emi odude ke idem fo eyenwam fi “nditiene ndiong ererimbot nno edifiak ndi Andinyanga ke ndikoot kpukpru owo ete editiene Christ enyung ebo mme edidiong eke Erisio-isop Esie.”35 Yak kpukpru nnyin ibuana idara nsongonda enwongo emi odude ke Nwed Mormon:

“Ndinen owo emi ekpangde utong eno mme prophets, ndien ese ini -iso etiene Christ ye nsongonda … okposukedi mmo ekutde kpukpru ukobo … mmo iditakke.

Edi [Christ] … eyekok mmo, ndien mmo eyenyene emem ye Enye.”36

Ke enying Jesus Chrst, amen.

Mkpri nwed

  1. Russell M. Nelson, “Hope of Israelworldwide youth devotional, June 3, 2018), HopeofIsrael.ChurchofJesusChrist.org.

  2. See Russell M. Nelson, “Let God Prevail,” Liahona, Nov. 2020,93.

  3. Se Gospel Topics, “Plan of Salvation,” topics.ChurchofJesusChrist.org; see also Henry B. Eyring, “The Power of Sustaining Faith,” Liahona, May 2019, 58.

  4. Se Revelation 12:7–8.

  5. Se Doctrine ye Covenants 29:36–37.

  6. Revelation 12:11.

  7. See Spencer W. Kimball, “It Becometh Every Man,” Ensign, Oct. 1977, 2–7.

  8. “Sharing the Gospel,” ChurchofJesusChrist.org/share.

  9. Se Job 38:4–7.

  10. Se Mme Ibuot-iko eke Iko Abasi, “Uduak Erinyanga”; kese nko “Be Still, My Soul,” Hymnsno. 124, verse 3.

  11. See Gospel Topics, “Plan of Salvation”; see also Dallin H. Oaks, “The Great Plan,” Liahona, May 2020, 93–94, 96.

  12. Henry B. Eyring, “Odudu Ndinyime ke Mbuotidem,” 58.

  13. Se 3 Nephi 27:14.

  14. Russell M. Nelson, “Hope of Israel,” HopeofIsrael.ChurchofJesusChrist.org; see also Doctrine and Covenants 138:55–56.

  15. See Alma 13:2–4; see also Revelation 12:11; Articles of Faith 1:5. Nwed Mormon anam anwanga ete ke “akwa mbuotidem” okut enwongo Abasi nte ke enye ama owoworo osu. Se 1 Nephi 5:5; Mosiah 3:11–13; 4:1–3; Alma 27:28; 28:12 (“they are raised” in 77–76 BC; emphasis added); see also Exodus 3:13; Isaiah 53; Doctrine and Covenants 130:7; Moses 7:47.

  16. Se 2 Nephi 31:15; Ether 3:6–9, 11–13. Mbuotidem ndikut enwongo ediyanga eke Christ nte ke mmo ema ewoworo esu oyom nditim mfiok nte ke Christ ikemeke ndisu nsu. Oruk mbuotidem oro edi ndinam anwanga ido mme enyene-mbuotidem ke uwem ikidude mbemiso nnyin idi ererimbot, akpan-akpan iwaad nnyin. Ete nnyin ke Heaven ama osio ediwak nti spirit esie onim—ndusuk, Ami mmekeme ndidoho nte, ata eti otu-mbon esie, ono akpatre ini emi Nti spirits oro—ata nti mbon-mbre oro, mbon uko oro—edi mbufo!” (Russell M. Nelson, “Hope of Israel,” HopeofIsrael.ChurchofJesusChrist.org). Se nko John 1:1; 14: 6, 17.

  17. Revelation 12:11; se nko Ether 3:6–9.

  18. Dallin H. Oaks, “The Great Plan,” 93.

  19. Se Alma 36:24-26; se ke nko Psalm 34:8; Jacob 3:2; Mosiah 4:11.

  20. Jarom 1:11.

  21. Mosiah 16:6.

  22. Alma 5:15.

  23. Se “Ndidu uwem eke Iko Abasi; New Era, Oct. 2020, 15.

  24. Russell M. Nelson, “Tongo ye Utit ke Esit (etop ekenode ke ukpebnkpo eke mme mbufa ada ibuot ke mme mission, June 22, 2014).

  25. Se Russell M. Nelson, “Hear Him,” Liahona,, May 2020, 88–92.

  26. Nte uwutnkpo, Alma ama eting ono mbon esie abanga ndise ini-iso ye enyin eke mbuotidem esim ini emi mmo edidade ke iso Abasi, edi ono ntot ete ke mmo idikemeke ndikere ndinam ntre ke uko ye emem ibohoke mmo ekabade esit ekpong idioknkpo.(see Alma 5:15–17).

  27. Iso ye Iso ye President ye Sister Oaks (worldwide youth broadcast, Feb. 23, 2020), facetoface.ChurchofJesusChrist.org.

  28. Se General Handbook: Serving in The Church of Jesus Christ of Latter-day Saints, 1.2; 10.2.1.3; 11.2.1.3, ChurchofJesusChrist.org.

  29. Face to Face with President and Sister Oaks, facetoface.ChurchofJesusChrist.org.

  30. Se Preach My Gospel: A Guide to Missionary Service (2018), 156, ChurchofJesusChrist.org; see also Alma 5:15–17.

  31. Quentin L. Cook “Ekikere ye Uduak” (etop ekenode ke mbono eke mme mbufa ada ibuot ke mme mission, June 25, 2019).

  32. Doctrine and Covenants 58:28.

  33. Neil L. Andersen, “Faith Is Not by Chance, but by Choice,” Liahona, Nov. 2015, 66.

  34. Neil L. Andersen, “The Eye of Faith; Liahona, May 2019.

  35. “Aaronic Priesthood Quorum Theme,” ChurchofJesusChrist.org.

  36. 2 Nephi 26:8–9.

Ming