Ukut Nnyin Eyekabare edi Idara
Ami nkoot kpukpru owo emi ekutde ukut, kpukpru owo emi ekopde mkpaidem ebanga se iditibede ke nnyin imai-kpa, nte enim mbuotidem mbufo ke Christ.
Ke ediwak isua emi ebede, kini ndukde mboho ke Obio Salt Lake, edima prophet nnyin, Russel M. Nelson ama edikom mi. Ke ufofiop ye ke usung emi enye esimade ndinam, enye obup ete. “Mark, idem eka fo etie didie?”
Ami ndoho enye nte ke ami mma nkedu ye enye ke ntongo urua oro ke ufok esie ke New Zealand ndien ke enye oduk usong edi oyoho ye mbuotidem ye ntuk ono kpukpru owo emi efiokde enye.
Ndien enye odoho ete, “Mbok no enye ima mi … yung doho enye ete ke ami ke nyeyom ndifiak nkut enye.”
Idem ama akabare akpa mi ndien ami mbup nte, “Ndi afo emeaduak ndisop nka New Zealand?”
Ke ekikere akpaniko enye oboro ete, “Oh ihn-ihn, ami nyekut enye ke uwem efen.”
Iduhe nkpo ndomokiet se ikedide mbubru ke iboro esie. Ekedi eti ndammana editing akpaniko. Ke ndibe, unana-ukpeme ini oro, Ami mma nkop ndien edisana iko ntiense emi otode odu uwem prophet ete ke uwem odu ke mkpa ebede ama oduk esit mi.
Ke utit urua akwa mboho emi, mbufo eyekop mme odu uwem apostles ye mme prophets nte etingde iko ntiense ebanga Ediset ke mkpa Jesus Christ. “Ata akpan ukpeb ke edu-ukpono nnyin edi iko ntiense eke mme Apostle ye Prophet abangade Jesus Christ, ete ke Enye ama akpa, ebuk enye ndien ke enye ama eset ke oyoho usen ita[;] … kpukpru mme nkpo eken abangade edu-ukpono nnyin edi nda-ndian eke akpaniko.”1 Ami mmewongo nte edieke afo udu akpangde utong ke ata eti ekikere, edisana spirit eyesongo mme iko ntiense emi ke ibuot ye ke esit fo.2
Mbet Jesus ke eyo eset ema enyene nsisni ukpuhode ke Enye ama okobiongode ono mmo ke Enya ama akakpa. Owo duop kotu mmo ema ekut eno idem mmo ete ke Enye ama eset ke mkpa. Thomas, emi mmeikiduhe ke akpa ifet, odoho ete, “Ibohoke Ami nkut … Ami ndinimke ke akpaniko”3 Ke ini iso, Jesus ekpeb Thomas ete: “Kunyung unana mbuotidem, edi nim ke akpaniko.”4 Ndien Obong ekpeb akwa ufon mbuotidem ete: “Ofofon ono mmo emI mike kwe, edi enimde ke akpaniko.”5.
Ediset Obong ono mme Apostle Esie ubiong utom nditing iko ntiense mbanga Esie. Nte edide ye mme oduwem Apostle nnyin mfin, mmo ekpong kpukpru mme ubok-utom ererimbot eyung ebiat nsoho uwem mmo ke nditing uko-uko ete ke Abasi ama anam Jesus emi eset ke mkpa. Okposong iko ntiense mmo ama anwam ediwak ndinyime ikoot ndina baptism.6
Ediye etop eke usenubok Easter edi akpan etop ono kpukpru Ikot Abasi Jesus Christ ama eset ke, ke ntak emi, kpukpru nnyin iyefiak idu uwem ke nnyin ima ikakpa. Ifiok emi ono ntak ye uduak ke uwem nnyin. Edieke nnyin ikade iso ke mbuotidem, nnyin iyenyene ukpuhore ke nsinsi, kpa nte mme Apostle eyo oko. Nnyin, nte mmo iyekeme ndiyo nsongo-nkpo ekededi ye mbuotidem ke Jesus Christ. Mbuotidem emi ono nnyin idorenyin kabanga ini emi “edikabare ukut nnyin isin ke idara.”7
Mbuotidem mmi ekenyene ntongo esie oto ke ini ukut.
Ete ye eka mi ekebok-erong ke New Zealand.8 Mmo ema ekop inem ke uwem mmo. Nte obufa mbon-ndo, mmo ekenyene mkpri ndito iban ita. Mkpri- nkan ke otu emi eke ekere Ann. Usen kiet ke ini mmo ekekade nduok-odudu otokiet ke akamba nkpodioho mmong, Ann emi ekedide eyen-ofiong Efureba adiangade oduo. Ke ema ekeda esisit ini ndiyom enye ke mbrenyin, ema ekut okpo esie ke mmong.
Idiok nkpo-ntibe emi ama ada akwa ukut edi emi owo mikemeke nditing. Ete mi ewet ke mme isua ebede ete ke ndusuk imam ama oworo ke uwem mmo ke nsinsi. Enye onyung ono udong ndiyom iboro nno akpan mbume ke uwem emi edide : “Nso nkpo iditibe ino edima Ann nnyin? Ndi nnyin iyefiak ikut enye ke nsinsi? Didie ke ufokemana nnyin edifiak inyene inemesit?”
Nte mme isua ebede ke nkpo mmoneyet emi ama eketibe, nkpri mme okworo iko Abasi iba emi etode Ufok Abasi Jesus Christ eke mme Latter-day Saints ema edi inwang nnyin. Mmo etongo ndikpeb mme akpaniko emi edongode ke Nwed Mormon ye ke Bible. Mme akpaniko emi esine akwa uwongo no ete ke Ann ke odu uwem idahaemi ke ererimbot eke spirit. Ke ntak Edise- ke-mkpa Jesus Christ, enye nko eyeset ke mkpa. Ndien mmo ekpeb ete ke ema efiak emen Ufok Abasi Jesus Christ ini kiet efen edi ererimbot ye mme oduwuem prophet ye Apostles duopeba. Mmo enyung ekpeb sanga-sanga ye utibe ukpeb ete ke ekeme ndidian ufok emana otokiet ke nsinsi ye ukem-ukem odudu itie oku emi Jesus Christ okonode etubom mme Apostles Esie, Peter8
Eka osop odiongo akpaniko onyung obo ntiense eke Spirit. Ete, nte ededi, anwana oyoho isua ke ufot eyighe ye mme edinuk eke spirit. Kpa ntre nko, enye ikiyeneke udong ndikpuho usung eduwem esie. Ke usenubok kiet emi etienede okoneyo unana idap, nte enye osuk asangade sung-sung ke isong ufok, enye owongode ese eka mi onyung odoho ete, “Ami nyena baptism mfin emi midihe ntre ndinaha aba.”
Eka mi odoho mme okworo iko Abasi se iketibede, ndien mmo esop ekut ekpri mbuotidem ke idem ete mi emi idahaemi anade nte enam asak midihe ntre enye eyenime.
Ke usenubok oro ufokemana nnyin enam isang eka mben-inyang emi adade ekpere. Ke nnyin mikefioke se itibede, nnyin ndito-owong ima ibre mbre ke ntan ke ini mme Elder Boyd Green ye Gary Sheffield edade ete ye eka mi eduk inyang ekenim mmo baptism. Ke ndika iso nwut mbuotidem, Ete mi ke ndibe ama anam mkpe-mbiere ono Abasi ete se ikpi itetibe, ke imo enye inam akpaniko ke ofuri uwem imo ibanga ediomi emi imo inamde.
Ke Isua kiet ebede ema ediong temple ke Hamilton, New Zealand. Ke ekpri ini ebede ufokemana nnyin, ye owo adade ono Ann, etongo erong ekanade altar do ke edisana ufok Jehovah. Do, ke odudu itie-oku, ema edian nnyin otokiet nte nsinsi ufokemana ke mmem-mmem ye ediye edinam iko Abasi. Emi ama ono nnyin akwa emem ye idara.
Ke ediwak isua ebede Ete odogo mi ete ke mikpeidige mkpa ndiokiso eke Ann, ke imo ikpinyeneke nsuhoreidem se ikemede ndibo mfiak-nda-ndi iko Abasi Edi Spirit Abasi ono idorenyin ete ke se mme okworo iko Abasi ekpebde edi akpaniko Mbuotidem ete ye eka mi ama aka iso ndikori tutu mmo mbiba esak ye ikang iko ntiense emi ke sung-sung ye ke nsuhoreidem ada mmo usung ke kpukpru ubiere mmo ke uwem.
Ami nyeka iso ndikom ete ye eka mi ke uwutnkpo mmo enode mme emana ini iso. Idihe mmem-mmem nkpo ndidomo ibat uwem emi ekphuhode ke nsinsi ke ntak utom mbuotidem mmo emi okotode iboro eke akwa ukut.
Ami nkoot kpukpru owo emi ekutde ukut, kpukpru owo emi enwanade ye eyighe, kpukpru owo emi ekopde mkpaidem ebanga se iditibede ke nnyin imai-kpa, nte enim mbuotidem mbufo ke Christ. Ami nwongo nte edieke mbufo oyomde ndinim ke akpaniko, ndien anam-utom ke mbuotidem onyung etiene uyio-spirit, afo eyekut idara ke uwem emi ye ke ererimbot emi edidide.
Nte ami nsede usen iso emi ami ndisobode ye enyen eka mi Ann Ami ke nse usen ke iso emi ndisobode ke idara ye ete mi, emi ekekpade ke nkpo nte isua edip-ye-duop emi ebede. Ami nno iko ntiense mbanga idara emi nnyin idikutde ke ndidu uwem ke mbuotidem, inim ke akpaniko ke ini nnyin miikwe ke enyin, edi nnyin ifiok ke odudu Edisana Spirit ite ke Jesus Christ odu uwem. Ke Ofuri esit ye ukpong mmi, ami mmemek nditiene Jesus Christ ye nfiak-nda -ndi iko Abasi Esie Emi odiong kpukpru ndaha ke uwem mmi. Ami mmofiok ke Jesus edi Christ; Eyen Abasi, Andiyanga ye Andifak nnyin Ke enying Jesus Chrst, amen.