Ndisik-mkpere Idiongo
Idihe se nnyin ikutde ke uwem edi akpan-nkpo edi edi se nnyin idikabare idi.
Nte ami nkotde ke Utom Mme Apostle ye mme nwed etop eke Paul, akpa mi idem ke se Paul emi akasangade ye ima ye ekom ke ndinwam, ndikpep, ye nditie ntiense kabanga Jesus Christ. Didie ke uto owo oro anwam ye uto ima oro ye ekom, akpan akpan ke ndise ke akwa ndutuhore esie? Nso ikenyik Paul ke ndinwam? “Ami nsik mkpere idiongo ke ekom urua akamba ikoot eke Abasi ke Christ Jesus.”1
Ndisik-nkpere Idiongo edi ndinyene oyoho mbuotidem ke ndisuk ndu ke “nnen-nnen ye mkpafaha usung emi adade aka nsinsi uwem”2 ye Andiyanga nnyin ye Ete nnyin ke Heaven. Paul ese ndutuhore esie nte “midotke ndida ndomo ye ubong emi ediyarade ke nnyin.”3 Nwed itoro Paul onode mbon Philipi, emi enye ekewetde kini enye okodu ke mkpokobi, edi nwed itoro emi oyohode ye ndikop inem ye ndongesit ono kpukpru nnyin, akpan akpan ke okposong ini ye ndutime emi. Kpukpru nnyin ina nte inyene osongo otode ke Paul: “Mbat kpukpru nkpo edi ntak-ntak ke ntak eti mbufiok eke Christ Jesus Obong mmi: emi ami mbode ndutuho anamde ntabi kpukpru nkpo, ndien mbatke mmo, edi nkere ke mekeme ndikan ke Christ.”4
Nte nnyin isede ito utom unwam eke Paul, nnyin ikop udong inyung imenere ke idem nnyin “Pauls” ke usen nnyin, emi nko anwamde, ekpep, ndien etie ntiense ke ima ye ekom ke ufot idomo mmo ekutde ke uwem mmo ye ke uwem mbon ima mmo. Mbufiok emi nkenyenede ke isua usukkiet emi ekebede ama anwam mmi ndifiok ufon ndisik-nkpere idiongo.
Ke 2012, nte ami nkesangade ke akpa idaha ndiduk akwa mbono eke mme ada ibuot, ami nkemeke ndikere utenge ye unana ndidot. Ke ekikere mi uyio okodu emi okusuk akade iso eting, “Afo uduhe mi! Akwa ndudue ke ekenam!” Kpa nte nkesangade ke ndiyom ebiet nditie, Elder Jeffrey R. Holland ama okut mi. Enye edi ebine mi onyung odoho ete, “Edward, ofon ndikut fi mmi,” sung sung enye atabi mi iso. Nkekop nte eyen-owong! Ima esie ye mfari otum mi idem onyung anwam mi ndibo spirit ke ndidu do, spirit eke ndito ete iren. Ke edem usen oro, ami nse Elder Holland anamde ukem oro enye akanamde ye ami ke usen edem, sung sung atabide Elder Dallin H. Oaks-ini oro ke iso, emi edide akwa owo ono enye!
Ke ikem ini oro nkop ima Obong nto mme eren emi nnyin imenere ubok ino nte mme prophet, asiak-uduak ye mme andiyarare. Elder Holland, otode eti, ye edinam obot esie, ama anwam mmi ndikan ndidu ke idem okim ye ekikere unana edidot mi. Enye anwam mmi ndisuk nse ke edisana ye utom inemesit emi ekekotde mi—ke ndikɔ ukpong nnɔ Christ. Enye, nte Paul eke eset, anyan ubok odoho mi ete nsik nkpere Idiongo.
Ndiyoho ye ntingenyin, Paul ke odoho nnyin ete isik ikpere kini okotde nnyin ndifre emi odude ke edem—ndik eke edem nnyin, nting enyin edem nnyin, ndudue ake edem nnyin, ye mfuho edem nnyin. Enye kekot nnyin, kpa nte edima prophet, President Russel M, Nelson, onode “ata obufa, edisana edikpere.”5 Enwongo Andinyanga edi akpaniko: “Owo ekededi emi edi ikpemede uwem esie eyenana enye: ndien owo ekededi ediduokde uwem esie ke ntak mi eyekut enye.”6
Ke akpa uting iko mi ke akwa mboho, ami mma mbuana mbufiok mmi otode ukpep eke eka mi ndinam utom ke inwang. Enye ete, “Kuse edem.” “Se iso ke nkpo se inyenede ndinam.”7
Ekperede utit uwem esie, nte eka akawanade ye cancer, enye okodung ye Naume ye ami. Okoneyo kiet nkop nte enye atuade ke ubet esie. Ubiak esie ama enehede okpon, kpa nte emende akpatre morphine esie ke nkposuk hour iba ekperede.
Ami nduk ubet esie ntua ye enye. Mbong akam uyio oworo man enye obo usop edikok oto ke ubiak esie. Ndien nko enye anam nkpo emi enye ekesinamde ke inwang ke mme isua emi ekebede: enye odop ekpep mmi nkpo. Ndifreke iso esie ke ini oro: mmem mem, abiakde, onyung oyohode ye ubiak, esede ye mbom ke mfuho eyen esie. Enye asak oto ke mmong eyet esie, ese mi ke enyin, onyung odoho ete, “Iduhe ino fi mme owo efen, edi odu ono Abasi mme ubiak emi eyekure mme idikureke.”
Ndaha ntie sung-sung. Enye nko osuhore etie sung sung. Nkukut oro osuk odu anwa-anwa ke ekikere mi. Okon eyo oro, otode eka mmi, Obong ono mmi ukpepnkpo emi edidude ye ami ke nsinsi. Nte eka mmi okowutde ndinyime uduak Abasi, ami nti ntak emi Jesus Christ okobode ndutoho ke Inwang Gethsemane nko ke cross ke Golgotha. Enye odoho: “Sese Ami mmeno mbufo eti etop, ndien emi edi eti etop [mi] eke ami nnode mbufo—edi Ami nkedi ke ererimbot ndinam uduak Ete mi, koro Ete mi okodong mi.”8
Ami nsede nto edima prophet nnyin, mbume emi President Nelson onode nnyin ke akpatre akwa mbono. President Nelson obup ete: “Ndi afo omoyom ndiyak Abasi akan ke uwem fo? Ndi afo omoyom ndiyak Abasi okpon akan ke uwem fo? Ndi afo eyeyak … uyo Esie okpon akan uyo efen? Ndi afo omoyom uduak Esie okpon akan uduak fo?19 Eka mi ekpeboro ye nnyekidem edi osongo “ihn,” ndien nti mbon Ufok Abasi ke ofuri ererimbot ekpenyung eboro nko ye nnyekidem edi esongo “ihn,” President Nelson, sosongo ke ndino udong nnyung ndibede nnyin ye mme mbume fo emi.
Mmi-mmi emi, man nyene nneme ke Pretoria, South Africa, ye bishop emi ekebukde nwan esie ye nkpon nkan eyen-anwan esie ke ukem usen oro. Coronavirus emi ekemen uwem mmo efep. Ami mbup nte enye akanamde. Iboro Bishop Teddy Thabethe ama osongo ekikere mi nditiene mme iko nnyung no item emi otode mme prophet Abasi, okut nkukut, ye mme asiak uduak, ye andiyarare. Bishop Thabethe oboro ete ke idorenyin osuk odudu ye ndongesit ke ndifiok ke Andinyanga ama emen ubiak mbon Esie, odori ke Idemesie man Enye ekeme ndifiok adanga nte edinode edinwamde nnyin.10 Ye ntotungo mbuotidem enye etie ntiense ete, “Ami mmenem esit mbanga uduak erinyanga ukpong, uduak inemesit.” Enye ndien obup mi mbume: “Emi idihe se prophet nnyin akanwanade ndikpep nnyin ke akwa mbono emi ekebede?”
Kini idomo obukidem edidide ino kpukpru nnyin ke usung kiet mme eken, yak nnyin iwuk enyin ke uduak nnyin “ndika [iso] ntiene idiongo,” emi edide “ekom-urua eke ata akamba ikoot Abasi.”11
Sung-sung ikoot eke ami nnode kpukpru nnyin edi ke inaha nte ifiak edem! Ekot nnyin ete “inim kpukpru mbiomo ke nkang kiet, ye idioknkpo emi ekemede ndinam esit nnyin ayat, ndien yak nnyin ifehe ye ime ke mbuba emi anade nnyin ke iso, ise ke Jesus emi edide ntongo ye utit mbuotidem nnyin.”12
Itimke idi se nnyin ikutde ke uwem edi-di se nnyin ikabare idi. Idara odu ke ndisik-nkpere idiongo. Mmetie ntiense nte ke Enye emi akakande kpukpru eyenwam nnyin nte nnyin isede Enye. Ke enying Jesus Chrst, amen.