Ediong ke Enying Esie
Ntak emi nnyin ibɔde itie-oku edi ndiyak nnyin idiong mme owo ino Abasi, ndinam ntre ke enying Esie.
Ndima ndito-ete mi, mme nsanga isungutom ke itie-oku Abasi, edi nkpɔ ukpono ono mi nditing-iko nno mbufo ke okoneyo emi. Mbufo emenyene ata ukpono ye ekɔm mi. Kini ami ntingde-iko ye mbufo nyung nkop mbanga akwa mbuotidem mbufo, ami mmenim nte ke nkori odudu itie-oku osuk ododu ke ererimbot, ye mme nti osongo eboho ye ediwak nti mme akama itie-oku.
Ke esisit ini mi ke mbubreyo emi, ami nyeting-iko nno mbufo emi eyomde ndinehede nsinifik ke utom-unwam itie-oku ke idem mbufo. Mbufo emediongo ebanga ukpuhore se mbufo enyene ndinam ikoot mbufo man enwam.1 Edi mbufo emekeme ndikere se ndinam ikoot mbufo okpon ekeme ndiworo nno mbufo.
Ami nyetongo ye mme ata mbufa deacon koro mmo ekpebiet nte inyeneke idorenyin kabanga se oworode ke ndinam utom-unwam eke itie-oku atara. Mme mbufa elder emi emekde nko ekeme ndiyom ndikop. Ndien bishop kiet ke akpa udua utom esie ekeme ndinyene udong nko.
Edi item ono mi ke ndifiak nse ini mi nte deacon. Ami mkpekoyom owo eting ono ko mi se ami nyomde nditing idahaemi. Oro ekpekenwam ke kpukpru ubiongutom itie-oku emi okodude ono mi tongode ke ini oro—kpa ye mme ubiong eke ami mbɔde idahaemi.
Ema enam mi nte deacon ke branch emi ekekpride ekesim ke ami nkedi nkokure deacon ndien Ted eyeneka mi eren ekedi nkokure teacher do. Nnyin kpot ikedi nkokure ufokemana ke branch oro. Akpakip branch oro ekesiso-bo ke ufokidung nnyin. Adausung itie-oku eke eyeneka mi eren ye ami ekedi obufa owo emi mibighike ɔkɔbɔ itie-oku ke idemesie. Ami nkenim idahaoro ke nkokure utom itie-oku mi ekedi ndideme udia-Obong ke ubet-udia ufɔk mi.
Kini ufokemana mi eworode ekedung ke Utah, ami ndikut idem mi ke akamba ward ye ediwak mme deacon. Ke akpa sacrament meeting mi do, ami nse nte mme deacon—mbon ekong,ekebiet mi nte—esanga nnen-nnen ke nte mmo edemeke udia-Obong ke-ebiet nka emi ekebode ukpeb.
Ami mma nkop ndik esinde ami mbak nka ebiet ward oro ke usen Ederi efen ndidu ikpong ke ini owo ndomokiet mikwe mi. Ami mmeti ke ebiet oror ekedi Yalecrest Ward ke Salt Lake City, ndien ke obobot-nkpo ama odu ke isong ebiet oro. Ami mbe nduk edem obobot-nkpo oror nyung mbong-akam nyom unwam man ndiongo nte midinamke ndudue ke nte ndade itie mi ke ndideme udia-Obong. Ema eboro akam oro.
Edi ami ndidiongo idahaemi ke odu eti usung ndibong-akam nyung nkere ke nte nnyin idomoke ndikori ke utom itie-oku nnyin. Ami medifiok ntak emi enɔde mme owo itie-oku. Ntak emi nnyin ibɔde itie-oku edi ndiyak nnyin idiong mme owo ino Jehovah, ndinam ntre ke enying Esie.2
Ediwak isua ama ekebe ke ami mma-nkedi deacon ke ami nkedifiok se edinam oro ekenehede oworo. Nte uwutnkpo, nte akwa oku kiet, ema edong mi nka sacrament meeting eke ebiet ukpeme kiet. Ema edɔhɔ mi ete ndeme udia-Obong. Utu ke mkpekere mbanga ndaha mme nnen-nnen usung nte ami nkesideme-ke udia-Obong, ami nke-se mme ɔkpɔ-iso eke nkani owo kiet-kiet. Ami nkut ediwak mmɔ etuade-eyet. Nwan kiet edimum ofong mi, emenere-enyin ese,ndien eting ke okposong uyo ete, “Oh, sosongo, sosongo.”
Jehovah ama odiong utom-unwam mi nkenode ke enying Esie. Usen oro ami nkebenge nyom oruk utibe-nkpo nditibe utu ke ndibong-akam nyom danga mkpenam ubiong mi ofon. Ami mbenge yak mbon oro ekpekop ima Abasi oto ke utom ima mi. Ami mmediongo ke emi edi ukpɔhɔde ke ndinam-nkpo nyung ndiong mbon efen ke enying Esie.
Ami mmenyene ifiok-ukpeb mmi-mmi emi eke-etide mi abanga oruk ima oro. Ini emi eketrede ofuri esop Ufok Abasi oto ke udongo COVID-19, ono-unwam eyeneka eren kiet ama enyime ubiongutom oto president elders quorum esie ndidiong nyung nda udia-Obong nsɔk eyeneka-nwan emi enye esinwamde. Ini emi enye okotde man enyime edi-da udia-Obong nka, enye ekenyime menge-menge, asua ndisio enye ke ufɔk esie ke oruk idiɔk ini oro ndien enim nko ke nkpɔ eyesop afiak eketie nte ekesitiede.
Ini emi ekesimde ufɔkidung esie ke usenubɔk Ederi oro, enye ekenyene ebenge kiet. Mmo eyekeme ndika ufɔk efen ndien nko nnɔ mbohidung isua Anang-ye-itiaba esie udia-Obong? Ye unyime eke bishop, enye ama enyime.
Eke ediwak, ediwak udua, diana nting-enyin ke ndibahade-ntie ye mme mbet ubɔhɔ efen, ekpri eboho ikot Abasi oro esiboho ofuri usen Ederi man enam ekpri ederi udia-Obong. Ata esisit mbio uyo emi ebungde ye mme cup mmong—edi ema etua ediwak mmongeyet oto ke mfonido eke ima Abasi.
Ke ini ekemde, ono-unwam eyeneka eren, ufɔkemana esie, ye eyeneka-anwan emi enye onode-unwam ema ekeme ndifiak nka ufɔk Abasi. Edi ebekpa isua Anang-ye-itiaba oro, mbohidung esie, ke ntak ediwak mkpeme-idem, enyene ndidu ke ufɔk. Ono-unwam eyeneka-eren oro—ke eteti ete ke ubiong esie ekedi ɔnɔ mbohidung esie ndien ke idihe kpak inɔ akamba eyeneka-anwan emi ke idemesie—tutu esim usen emi ke ededi ufok esie ofuri usen Ederi ye ekpri ibio uyo ke ubɔk, man anam udia-Obong eke Akpatre Udia-mbubreyo eke Jehovah.
Utom-unwam itie-oku esie, nte okim ke usen oro ke ebiet ukpeme oro, ɔkɔwɔrɔ oto ima. Ke akpaniko, mmi-mmi emi ono-unwam eyeneka eren emi obup bishop esie mme odu mbon efen ke ward emi enye ekemede ndise-enyin. Udong esie ke ndinam utom-unwamitie-oku esie ama okori ke nte enye anamde utom ke enying Jehovah ye ke usung emi Abasi ikpong etimde odiongo. Ami ndiongoke mme ono-unwam eyeneka-eren oro ama obong-akam, nte ami nkenamde, man mbon emi enye akanwamde ndidongo ima Abasi, edi koro utom-unwam esie edide ke enying Jehovah, iboro ekedi ukem-ukem.
Ukem eti iboro oro esidi kini ami mbongde-akam nyom oro mbemiso ami mbong-akam edidong nno owo emi odongoke mme eke enyenede mfina. Oro ama etibe inikiet ke ufokibok kini mme anana-ime dacta edongde mi—enehede edong mi—ekpak mi—ete nsɔp nwɔrɔ ke usung man mmo ekeme ndinam utom mmo, akan ndino mi ufang man nnɔ edidiong itie-oku. Ami ntuak-nda, nyung nnɔ akam-edidiong oro. Ndien ekpri eyen-anwan eke ami nkebongde-akam nno ke usen oro, emi mme docta ekekerede ete ke eyekpa, ama odu uwem. Ami mmenem esit idahaemi koro ke usen oro, ami nkenyimeke nno ekikere idem mi ada itie edi nkere ke Abasi ekpei eyen-anwan oro ɔbɔ akam-edidiong. Ndien ami mma ndiongo ewe edidiomg oro ekedi: ami ndiong enye man ɔbɔ ukɔk. Ndien enye ama ɔbɔ ukɔk.
Oro esitibe ke ediwak ini ke nte ami mbongde-akam edidiong nno owo emi ekperede ndikpa, ye mbon ufokemana ndikanare bed nkuk, eyom akam edikɔk. Ekpedi ke ami nnyene esisit ini kpot, ami kpukpru ini nyebong-akam man ndiongo ewe edidiong ke Jehovah oyom eke ami nkemede ndinɔ ke enying Esie. Ndien ami nyebup man ndiongo danga Enye oyom ndidiong owo oro inyung idige se ami mme se mbon emi edade ekpere eyomde. Ifiok-ukpeb mi edi kpa kini edidiong oro midige se mbon efen eyomde eno idem-mmo mme mbon-ima mmo, Spirit eyetuk esit man ebɔ unyime ye ndongesit ikam-idige edikpu.
Ukem odudu oro esidi kini mme patriarch eterde-udia enyung ebong-akam eyom ndausung man enɔ edidong emi Jehovah oyomde ono owo kiet-kiet. Efen, ami mmekop enode mme edidiong ekekpade mi idem onyung akpade owo emi ɔbɔde idem nko. Nte anwamgede, edidiong oro okoto Abasi—ikpan emi esinede ke esit ye mme enwongo emi ebuanade ke enying Esie. Abasi ama ono udori ke akam ye utre-udia eke patriarch.
Nte bishop, ami mma mkpeb kini nnamde ndungore edi-dot ndibong-akam nno Abasi man ayak mi mfiok se Enye oyomde onoowo oro, etre ndiyarare odudu ekededi emi Enye edinode okpong ubiere-ekikere mi. Oro eyesong edieke Abasi, ke ima, oyomde ndidiong owo kiet ye ntunɔ. Oro eyeyom utom ndidiongo se Abasi oyomde osio ke se mbufo ye owo eken ekpeyomde.
Ami mmenim ke nnyin imekeme ndinam utom-unwam itie-oku nnyin ofonke ofuri eyo uwem nnyin nko ke akande oro. Oro edikongo ke nting-enyin nnyinke ndidomo man idiongo uduak Abasi ye ukeme nnyin ke ndikop uyo Esie man nnyin ikeme ndidiongo ofon se Enye oyom ono owo emi nnyin inwamde inɔ Enye. Edinam-okpon emi edi-di ke mkpri ndaha. Ekeme ndi-di sung-sung, edi eyedi. Jehovah okonwongo emi ono nnyin ete:
“Koro owo ekebuotde-idem ekesim ndibo itie-oku iba emi eke ami nyingde mbanga, ndnam ikoot mmo okpon, eyesana-ama oto ke Spirit ekesim ndinam ikpɔkidem mmɔ edi obufa.
“Mmɔ ekabare edi ndito-iren Moses ye eke Aaron ye mkpasip Abraham, ye eke ufɔk Abasi ye obio-ubong, ye ndimek eke Abasi.
“Jehovah ɔdɔhɔ ete, Ndien nko kpukpru mmɔ emi ebɔde itie-oku emi ebɔ mi.”3
Ami ndi ntiense nte ke ema efiak eyak mme ukpɔhɔde itie-oku enɔ Prophet Joseph Smith Mme isungutom Abasi ema ebiongore eto heaven efiak-eyak itie-oku enɔ kabanga mme akwa edinam emi eketatde-enim ye ekenade nnyin kiso. Eyetang Israel ebok. Eyebenge ikɔt Abasi idem enɔ ɔyɔhɔ-ubong Edidi Oyɔhɔ Ikaba Esie. Edifiak-mmen-ndi eyeka-iso. Jehovah eyeyarare ediwak uduak Esie ono mme prophet Esie, ye mme isungutom Esie.
Mbufo emekeme ndikop esisit ke edade-edomo ye akwa utom emi Jehovah edinamde. Edieke mbufo enamde, ami mmekot nte ebup ke akam danga nte Abasi abatde mbufo. Enye odiongo mbufo ke idem, Enye ɔkɔnɔ mbufo itie-oku, ndien edidemere mbufo nyung nkama itie-oku ɔfɔn enyene ufɔn ɔnɔ Enye koro Enye ama-ma mbufo onyung enim ke mbufo eyediong mme owo emi Enye amade ke enying Esie.
Ami mediong mbufo idanaemi man ekeme ndikop ima Esie ye iberedem Esie ke enying Obong Jesus Christ, amen.