Mmo Ikemeke Ndikan; Nnyin Ikemeke Ndiduo
Edieke nnyin ibopde itiat idak-isong nnyin ke Jesus Christ, nnyin ikemeke ndiduo!
Edima prophet nnyin, President Russell M. Nelson, okodoho ke akpatre akwa mbono nnyin: “Ke mme idiok eyo emi emi Paul Apostle eketingde abanga, Satan ifinake idem aba kpa ke ndidomo ndidip enwan esie ye uduak Abasi. Okposong idiok oyoyoho. Ke ntre, nkukure usung ndiboho ke spirit edi ndibiere ndiyak Abasi akan ke uwem nnyin, ndikpep ndikop uyo Esie, nyung nda ukeme ndiwam ntang Israel mbok.”1
Nte nnyin isede ke ikoot prophet ke ndikpep ndikop uyio Abasi, esit nnyin enyime mme osong? Yak nnyin iti ibanga item emi ekenode ke Jacob 6:6: “Mbufo, mfin, edieke edikopde uyio esie, inyung isongke esit mbufo; nso ntak ke mbufo edikpa? Yak nnyin iyak Abasi akan ke uwem nnyin.
Nnyin idikeme didie ndiyak Abasi akan ke uwem nnyin idige asua? “Ke Doctrine ye Covenants 6:34 nnyin ikot, “Ndien, kufehe ndik, mkpri ufene; enam eti; yak isong ye hell ediana kiet ke ndinwana ye mbufo, koro edieke ebopde mbufo ke enyong itiat mi, mmo idikanke.” Edi ata akpan unwongo. Okposuk edi isong ye hell ekeme ndidiana kiet ndinwana ye nnyin, mmo ikemeke ndikan edieke nnyin imekde ndiyak Abasi akan ke ndinam uwem nnyin ke itiat Esie.
Nditing iko nno mme mbet esie, Jesus Christ ama ekpep abanga ofiok nkpo owo ye ndisime owo, emi ewetde ke Matthew chapter 7 ke Obufa Ediomi. Ediwak mbufo emesikop ikwo ndito nwong “Ofiok nkpo Owo ye Ndisime Owo.”2 Edieke afo anamde ini ndimen udim ikwo inang emi ndomo kiet, afo eyekut ete ke udim kiet ye iba edi ata ukem ukem nte udim ita ye inang. Mbiba ofiok nkpo owo ye ndisime ekebop ufok. Mmo ekeyom ndino ufokemana mmo eti itie ye inem ufok. Mmo ema eyom ndidung kiet ke inemesit ke nsi nsi nte ufok emana, ukem nte afo ye ami. Nkpo emi akande okuk ekedi ukem: “ Edim osuhore edi, ndien oto-mmong odok edi.” Nnyin ikwo enye nkan itiokiet kini ikwode ikwo oro. Nkukure nkpo edi ke ofiok nkpo owo akebop ufok esie ke enyong itiat ndien ufok osongo ada, kini ndisime owo okobopde ufok esie ke onyong ntan ndien ufok esie ebe efep. Ndien, ebiet emi itiat idak-isong nnyin odude enehede edi akpan, nko emi enyene ntak ke unyime ke siworode idi akpan akpan ye nsinsi.
Ami medot-enyin nnyung mbong akam ke nnyin iyekut inyung idu ke ata itiat idak-isong nte nnyin iwukde uwem ini iso nnyin. Eti nnyin ke Heleman 5:12: “Ndien idahaemi, eyen mmi, ti, ti ke oto ke itiat eke Andifak nnyin, emi edide Christ, eyen Abasi, ke ana nte afo obop itiat idakisong fo; kini andidiok edidongde akwa ofum esie, ndien, idiok esie ke okposong ofim, ndien, kini kpukpru mfina esie ye okposong ofum esie, idiok esie ke okposong ofum, kini idiok esie ye okposong ofum edi miade fi, ennye idi inyeneke odudu ndiduri fi nsin ke idiok, ke ntak emi afo okobopde, emi edide nsongo itiat idak isong, itiat idak isong emi adieke mme owo ebopde ididuoho.”
Oro edi enwongo otode Abasi! Edieke nnyin ibopde itiat idak-isong nnyin ke Jesus Christ, nnyin ikemeke ndiduo! Nte nnyin iyode ke mbuotidem isim utit, Abasi eyenwam nnyin iwuk uwem nnyin ke itiat, “ndien inua-otop usung hell idikanke [nnyin]” (Doctrine and Covenants 10:69). Nnyin ikemeke ndikpuho kpukpru nkpo emi edide, edi nnyin imikeme ndimek nte nnyin idibengeke-idem ino eke-edidide.
Ndusuk nnyin imikeme ndikere, “Iko Abasi ofon, ana nte nnyin isin enye ke uwem nnyin, ndusuk ukpakiet ke udua. Ndika ufok Abasi ukpa kiet ke udua ikemeke ke ndibop ke onyong itiat. Ofuri uwem nnyin ana nte oyoho ye eti mbuk eke iko Abasi Jesus Christ. Iko Abasi idighe kiet ke uwem nnyin, edi uwem nnyin edi kiet ke eti mbuk iko Abasi Jesus Christ. Kere banga enye. Mme oro idighe ntre. Uwem isong nnyin edi ubak ke ofuri uduak erinyanga ukpong ye edimenere.
Abasi edi Ete nnyin ke Enyong. Enye amama kpukpru nnyin. Enye ofiok eti usung nnyin akan nte ifiokde idem nnyin. Enye ifioke kpot mme nkpo uwem nnyin. Abasi ofiok mme nkpo ye mme nkpo ye mme nkpo uwem nnyin.
Mbok tiene item mbufiok odu-uwem prophet nnyin President Nelson. Nte ewetde ke Doctrine and Covenants 21:5–6:
“Ke iko emi mbufo edibode, nte oto ke ata inua mi, ke kpukpru ime ye mbuotidem.
“Ke nnyin inamde mme nkpo emi ke inua-otop hell idikpanke [nyin], ihn, ndien Jehovah Abasi eyebin mme odudu ekim kiso [nnyin] efeb, onyung anam enyong enyenge ke ufon [nnyin], ye ke ubong enying Esie.”
Ke ntak oro, mmo ikemeke ndikan, ndien nnyin Ikemeke Ndiduo!
Ami metie ntiense nno fi nte ke Christ eyefiak edi oyoho ikaba nte enye akanamde ke akpa ini, edi ini emi edidi ye akwa ubong ye edikong. Mmedot enyin nyung mbong akam ke nyedu ke mbenge idem ndibo enye, mme ke ikpehe nkang emi mme ke nkang oko. Nte nnyin idarade ke utibe ini Easter emi, mekere, otode ke Mkpa isop eke Jesus Christ ye ke odudu eke Eriset Esie (see Moroni 7:41), ami nyekeme ndidok ke enyong nnyung nsobo ye Andibot mi nnyung ndoho, “Sosongo.” Ke enying Jesus Chrst, amen.