Christ Eset; Mbuotidem ke Enye Eyekpat mme Obot.
Mbuotidem ke Jesus Christ edi odudu emi okponde akan ke uwem emi. Kpukpru nkpo ekeme ndiworo nno enye enimde-ke-akpaniko.
Ndima ndito-eka iren ye iban mi, mmenem esit ke ufang nditiŋ-ikɔ nno mbufo ke Sunday Easter emi.1 Uwa ufak ye Eriset Jesus Christ okpuho uwem nnyin owo kiet-kiet ke nsinsi. Nnyin imema Enye inyung inehede ituak-ibuot ino Enye ye Ete Heaven.
Ke ofiong itiokiet emi ebede, nnyin iminwana ye udongo ke ofuri ererimbot. Idem akpa mi abanga nsongo ye odudu spirit mbufo ke ndiyo udongo, unana, ye ndidu ikpong. Ami mebong akm kpukpru ini, ke ofuri ini emi, nte yak ekop ima emi Abasi enyenede ono mbufo. Edieke ekeyode mme idomo mbufo ye okposong nkop item, isua emi ekebede ikidighe ke ikpikpu.
Usenubok emi, nnyin imikop ito mme adausung ke Ufok Abasi emi etode ebiet enehede ewak ke ererimbot. Ke akpaniko mme edidiong ke iko Abasi edu eno ofuri idut, usem ye mme owo. Ufɔk Abasi Jesus Christ edi Ufok Abasi ofuri ererimbot . Jesus Christ edi ada usung nnyin.
Ke mfoniso, udongo ofuri ererimbot ikpanke akpaniko Esie ndika iso. Iko Abasi Jesus Christ edi se eyomde ke ererimbot emi oyohode ye ntime, enwan, ye mmemidem.
Ndito Abasi kiet kiet edot ndinyene ufang ndikop nyung nyime etop Jesus Christ emi okokde onyung afakde. Etop efen ifonke ke inemesit nnyin—idahaemi ye ke nsinsi.2 Etop efen iduhe emi oyohode ye idorenyin. Etop efen ikemeke ndisio enwan ke obio nnyin.
Mbuotidem ke Jesus Christ edi ntongo mbuotidem ye usung edisana odudu. Nte Apostle Paul etingde,”Edi ke mbuotidem miduhe owo ikemeke ndinem [Abasi] esit: koro owo eke asangade ekpere Abasi enyene ndinim ete ke enye odudu, onyung edi Andino mmo emi eyomde enye utip.”3
Kpukpru mkpo emi ofonde ke uwem—kpukpru edidiong emi enyenede nsinsi ufon—otongo ye mbuotidem. Ndiyak Abasi akara ke uwem nnyin otongo ye mbuotidem ete ke Enye eyeda nnyin usung. Ata edikabare esit otongo ye mbuotidem ete ke Jesus Christ enyene odudu ndiyet, nkok, nyung nsongo nnyin idem.4
“Kukang odudu Abasi,” prophet Moroni ama odoho, “koro enye anamde utom ye odudu, nte asangade ye mbuotidem ndito owo.“5 Edi mbuotidem nnyin atat odudu Abasi ke uwem nnyin .
Ndien edi, ndinyene mbuotidem ekeme ndibiet nte osong akan nnyin. Usuk ini nnyin imikeme ndikere mme nnyin iminyene mbuotidem ikem man ndibo mme edidiong emi nnyin iyomde. Edi, Jehovah ama oboro mme mbume oro ke mme iko prophet Nwed Mormon Alma.
Alma odoho nnyin ete yak inam iko inyung “inyene ekpri ubak mbuotidem, ihn, kpa ndinyene udong ndinim ikpong.”6 Mme iko emi “ekpri ubak mbuotidem” anam mi ti enwongo Jehovah ke bible ete edieke nnyin “enyenede mbiotidem nte mkpasip mustard,” nnyin iyekan “idoho obot emi, ete Daha kpong ebiet emi kowuho ko; ndien enye eyedaha; ndien baba nkpo ndomokiet idisongke ikan [nnyin].”7
Jehovah ofiok mmemidem nnyin ke uwem. Kpukpru nnyin imidue kini kini. Edi Enye nko ofiok abanga ukeme nnyin. Mkpasip mustard otongo nte ekpri eto edi okori edi akamba eto ono mme inuen ndidung ke mme nkok esie. Mkpasip mustard ada ono ekpri mbuotidem emi okoride. 8
Jehovah iyomke mfon-mma mbuotidem ito nnyin man inyene mfon-mma odudu Esie. Edi Enye oyom nnyin ibuotidem.
Ndima ndito eka iren ye iban, iko nnode mbufo usenubok Easter emi edi yak etongo mfin ndikori mbuotidem mbufo. Otode ke mbuotidem mbufo, Jesus Christ eyekori ukeme mbufo ndikpat mme obot ke uwem mbufo,9 mfina mbufo okpokpon nte Mount Everest.
Obot mbufo ekeme ndidi ikpong, eyighe, udongo, mme mme mfina efen. Obot mbufo eyekpuho, edi iboro mbufo kiet kiet kabanga mfina mbufo edi ndikori mbuotidem mbufo. Oro oyom utom. Mme ifu ye mbon misopke idem eyekut mfina ke ndinyene ekpri ubak mbuotidem.
Ndinam mkpo ofon oyom utom. Ndidi eti mbet Jesus Christ esine do. Ndikori mbuotidem ye idorenyin mbufo ke Enye oyom utom. Yak nno ekikere ition ndinwam mbufo ke ndikori mbuotidem ye idorenyin oro.
Akpa, ekpep mkpo. Edi eti ndito ufok-nwed. Ekpep mme nwed Abasi man efiok uduak ye utom Christ. Efiok ukpepnkpo Christ man efiok odudu esie ke uwem mbufo. Efiok akpaniko ete ke Erisio-isop Jesus Christ esim mbufo. Enye ama emen ukut mbufo, ndudue mbufo, mmemidem mbufo, ye idioknkpo mbufo, odori ke Idemesie. Enye ama ekpe ekom urua onyung ono mbufo odudu ndikpat kpukpru obot emi mbufo edikutde. Mbufo enyene odudu oro eto mbuotidem, idorenyin, ye uduak mbufo nditiene Enye.
Ndikpat mme obot mbufo eyeyom utibe mkpo. Ekpebe ebanga mme utibe mkpo. Mme utibe mkpo edi etiene mbuotidem mbufo ke Abasi. Ndidori-enyin ke uduak ye ubono-mkpo Esie edi akpan ono mbuotidem oro—ini ye nte Enye edidiongde mbufo ke utibe mkpo emi mbufo eyomde. Edi unana mbuotidem mbufoedikpan Abasi ndidiong mbufo ye mme utibe nkpo ndikpat mme obot ke uwem mbufo nsio.10
Nte mbufo ekpepde ebanga Andinyanga, ntre ke emem ono mbufo ndidori-enyin ke mbom Esie, anana utit ima Esie, ye odudu Esie ndinɔ ukeme, nkɔk, ye odudu erifak. Andinyanga ekpere mbufo akan ke ini mbufo edokde obot ye mbuotidem.
Udiana, emek ndibuotidem ke Jesus Christ. Edieke enyenede eyighe ebanga Abasi Ete ye Edima Eyen Esie mme abangade Edifiak mmem-ndi mme edisana ikoot Joseph Smith nte prophet, emek ndinim11 enyung ebuotidem. Eda mme mbume mbufo esok Jehovah ye mme eti itie efen. Ekpep ye udong ndibuotidem ukudi ye ekikere ndikut ndudue ke uwem prophet mme se mifonke ke nwed Abasi. Ekukori eyighe mbufo ke ndineme mmo ye mbon eyighe efen. Eyak Jehovah ada mbufo usung ke isang mbufo ndikut mkpo spirit.
Oyoho Ita, nam ke mbuotidem. Nso ke akpanam edieke ekpenyenede akamba mbuotidem? Ekere ebanga enye. Ewet ebanga enye. Ndien ebo mbuotidem ke ndinam se iyomde mbuotidem.
Oyoho Inang, ebuana ke ndisana edinam nte odotde. Mme edinam eda odudu Abasi edi ke uwem mbufo.12
Ndien oyoho Ition, ebenge Ete mbufo ke Heaven, ke enying Jesus Christ, eyom unwam.
Mbuotidem oyom utom. Ndibo eriyarare oyom utom. Edi “Kpukpru owo emi ebupde ebo; ndien enye emi oyomde okut; ndien enye emi okongde eyeberede.”13 Abasi ofiok se idinamde mbuotidem mbufo ekori. Ebenge, enyung efiak ebenge.
Owo emi minimke eyedoho ke mbuotidem enyene mbon mmemidem. Edi akpaniko emi isehe odudu eke mbuotidem. Ndi mme Apostle Andinyanga ekpeka iso ekpep item Esie ke ini Enye ama ekekpa edieke mmo ekeyikde?14 Ndi Joseph ye Hyrum Smith ekpekpa eno Edifiak mmen Ufok Abasi Obong ndi ekpedi mmo ikinyeneke ata iko ntiense ete ke edi akpaniko? Ndi nkpo-nte owo Tosin Iba ekpekpa ke usung uda iso15 edieke mmo mikpike-nyeneke mbuotidem ete ke ema efiak eda iko Abasi Jesus Christ edi? Ke akpaniko, mbuotidem edi odudu oro emi anamde mme mkpo etibe.
Kuyak mbuotidem emi mbufo enyenede ekpa. Eyom mbuotidem ndiduk Ufok Abasi nyung ndu do. Eyom mbuotidem nditiene prophet nyung mfiak mkpong ererimbot. Eyom mbuotidem ndika mission ke eyo udongo emi. Eyom mbuotidem ndifara ke idem ke ini ererimbot edohode ete ke mbet Abasi ete efara ke idem edi akani. Eyom mbuotidem ndikpep ndito onwong iko Abasi ke ererimbot. Eyom mbuotidem ndikpe ubok mbanga uwem owo emi imade ye akamba mbuotidem ke ini iboro akam midighe se iyomde.
Isua iba eke ebede, ami ye Sister Nelson ima ika Samoa, Tonga,Fiji, ye Tahiti. Edim ama edep ke mme utan oro kiet kiet ke ediwak usen. Mbon ufok Abasi ema ebong akam ebenge ukpeme ebanga mme mbono mmo ke anwa.
Edim ama ebiere ke Samoa, Fiji, ye Tahiti, mbemiso mbono mmo otongo. Edi ke Tonga, edim ikibiereke . Edi nti owo 13,000 ema ebak edi man enyene itie etie, ebet ke ime ke ini edim ekekade iso edep, ndien etie ke mbitmbit ke ofuri hour iba.
Nnyin imaikut mbuotidem ke idem mbon utan oro—mbuotidem emi ekekemde ndikpan edim ye mbuotidem ndikpeme mmo ke ini edim mikitreke.
Mme obot ke uwem nnyin isikke nte ye ke ini nnyin iyomde. Edi mbuotidem nnyin kpukpru ini ada nnyin aka iso. Mbuotidem kpukpru ini okori ufang nnyin ndinyene odudu.
Mbok efiok emi: edieke kpukpru nkpo ye kpukpru owo ke ererimbot emi edoride enyin edibiangade mbufo, Jesus Christ ye Ufok Abasi Esie idi biangake mbufo. Idem imemke Abasi ndien Enye nko idehe idap.16 Enye “edi ukem-ukem mkpong-emi-ekebede, mfin, ye [mkpong ekedide].”17 Enye ikpongke mme ediomi Esie,18 mme enwongo Esie, mme ima Esie abangade ikot Esie. Enye anam mme utibe nkpo mfin, ndien Enye eyenam mme utibe nkpo mkpong.19
Mbuotidem ke Jesus Christ edi odudu emi okponde akan emi odude ono nnyin ke uwem emi. Kpukpru mkpo ekeme ndiworo nno enye emi obuotde idem.20
Nko ri mbuotidem mbufo ke Enye eyekpat mme obot—idighe mme obot itiat emi enamde ererimbot eyedi mme obot ukut ke uwem mbufo. Nko ri ke mbuotidem mbufo eyenam ukut mbufo ekabare edi mme anana mbiet ufang.
Ke Sunday Easter emi, ke esit ima ye ekom, ami nting iko ntiense mi nte ke Jesus Christ ama enehede eset. Enye eset ndida Ufok Abasi Esie usung. Enye eset ndidiong mme uwem ndito Abasi, ebiet eke mmo ekpedudung. Ye mbuotidem ke Enye, nnyin imikeme ndikpat mme obot ke uwem nnyin. Ami nting iko ntiense emi ke edisana enying Jesus Christ, amen.