Kukop Ndik: Kam Nyene Mbuɔtidem!
Tongo ndungode mbufo eke inemesit otode ndifari mme ediwak emi nnyin ikobode ito andino kpukpru nti enɔ.
Ami nno etop mi mfin emi nsok mme iwaad ke Ufok Abasi, oworode owo kiet ekededi edide ukem isua ye President Nelson mme esipde akan. Ami nsisopke ndimen ndise nsin ke edinam, edi ndikake ntre edibuana enye emi.
Enye emi cri de coeur oto ufan Marin Arnold edide isua itia-ita. Ami nyekabare no fi usem eke Egypt esie:
Edima Bishop
akgwa mboho
ama Akak nsidi ntak
Ana nte nnyin
Nam enye? ting nno mi ntak
Ami okuo, Marin
Arnold.1
Sese, Marin, etop emi ami nyomde ndino eyenam fi afiak okpu. Edi kini afo awetde ono bishop fo ke nditing iko, edi akpan afo ndidoho enye ke enying mi edi “Kearon. Elder Patrick Kearon.”
Ke esimde isua iba idahaemi udongo oyohode ekonde eke ndaha eke bible okofuk isong, ndien kini unomo oro adade editre nkpo edi ke utu enyin kpukpru nkpo ebuana, kapan iko, nnye ikedaha utre idi ke enwan, afai, ye usua eke iyaresit. Nte oro ikikemke, nnyin isuk ikokut ayan nkpo ebuana ye nyan ubok eke oruk owo, otongode ke iduo okuk tutu mbiara eke nkan nkuk tutu odusat eke oruk owo ye ediwak.
Oruk nsong ofim oro ye mme ekim usen oro ekeme ndinam mme iwaad inyeneke udong ke otu nnyin, mbon emi nnyin isede ye nti idorenyin ye uduak kabanga mkpong ke uwem nnyin Ema edɔhɔ ete ke “odudu eke iwaad edi ukem inyene ke ofuri ererimbot. Mkpri … owo … edi mme okpoiso eke ini-iso … nnyin.”2 Ke ndidian do, ndito nyin edi mmo emi inimde kakpan ke ubok eke ini iso eke UfokAbasi edidoride.
Enode ini nnyin emi, iminyne mbufiok adieke ifiok eke mme iwaad osuhode ekpri. Dr. Laurie Santos, ata-ifiok nwed ke Yale University, ibighike ama anam class emi ibuot-iko edide “Ukpepnkpo Edu-owo ye Eti Uwem. “Ke akpa isua ekenimde class oro, ama ekpere [mbak kiet ke itie inang] eke [ofuri] ndito ufoknwed ekenam.”3 Awakde akan owo 64 million ema ekese nkpo utom esie. Ke ndiwet mbanga nkpo emi, owo mbuk kiet ewet abanga danga ubiak ke ndikut ediwak uyama, mkpri ndito ufoknwed—ye mme ikpo owo —ke nyikidem “ke ndiyom nkpo emi mmo ema ekenana” mme, odiokde akan, ndiyom nkpo emi mmo minyeneke akananam.4
Ebenge mi mfin emi nnode mme iwaad nnyin, ye mbufo mme ete ye eka ye mme ikpo owo emi enode mmo item, edi nditongo ndungode mbufo eke inemesit otode ndibat mme ediwak emi nnyin ikobode ito andino kpukpru nti eno.5 Ke ata ndaha ediwak ini ke ererimbot ebup ata mbume eke ukpong, ana nte nnyin iboro ye “mme nti mbuk”6 eke iko Abasi Jesus Christ. Ufok-Abasi Jesus Christ Mme Ndisana Owo Ekpere Edem Usen, emi emumde ekama ye etop eke Andinyanga ererimbot, onode ata akpan usung ke ndikut mbiba nti ye ndinam nti ke oruk ini ekeyomde.
President Russel M. Nelson ama odoho ete ke emana emi eke mme iwaad enyenede ukeme ke ndinyene “udong nno [nti] ke ererimbot nkan emana ekededi emi ekebede.”7 Nnyin, kpukpru owo, “ikpisi [kwo] ikwo edidemede ima,”8 edi enye emi adade ntuno—“eke mbet,” edieke afo aduakde—uto emi esede abanga ndoi eduuwem ye mbiara eduuwem eke oduride nnyin okpong usung nte nnyin idomode ke ndikwo ikwo oro eke nsinsi uwem.
Kpa nte nnyin “idude ke edem uyama efak,”9 nnyin imikeme nditiene mbon emi enyimede ndiyom nkpo emi edide ukpok ye anana-inem kabanga ofuri nkpo. Afo omofiok motto esie: “Kpukpru ini edi ata ekim mbemiso enye owuk ekim esie.” Nsuto idiok uduot nkukut, ye nsobo odu! Ihn, ndusuk ini nnyin iyom ndifehe mkpong ebiet emi idude, edi nnyin inaha nte ifehe ikpong owo emi nnyin idide—ndito odu-uwem Abasi emi amade nnyin, ebengede idem ndifen-nno nnyin, ye emi idikpongke, ikponke nnyin ke nsi nsi. Mbufo edi osongurua eyen esie. Afo edi nsongurua inyene Esie, eyen Esie, emi Enye okonode mme prophet ye mme enwongo, mme eno eke spirit ye eriyarare, mme utibe-nkpo ye mme etop, ye mme angel ke ikpehe nkang mbiba.10
Enye nko ama ono mbufo UfokAbasi emi osongode mme ufokemana ke ikpokidem onyung adian mmo kiet ke nsinsi. Enye ono awakde akan mme ward ye branch 31,000 ke ebiet emi mme owo ebohode enyung ekwo enyung etre udia enyung ebong-akam eno kiet eken enyung eno mme eno mmo esok ubuene. Emi edi ebiet emi esinode kpukpru owo enying, enamde ibat eno, enyung ekworode iko eno ndien ebiet emi mme ufan ye mbohidung enamde utom unwam ke mfon eno kiet eken ke ikoot mmo otongode ke utom ediwtt-nkpo kesim utom edise enyin. Mme iwaad—ye mme ikpo mme odo ndo nko—enam utom mission ke mme tosin ke okuk mmo emi midohoke ke usung kiet ekededi nte ebiet emi mmo edinamde utom, ndien mbon Ufok Abasi, mkpri ye ikpo esikade temple ndinam mme edisana edinam edide akpan ono ke ndidian ubon owo kiet—akpan edinam ke uto ubahade ererimbot emi edi kiet emi ofioride ete ke uto ubahade oro edi-di ke ekpri ini. Emi edi mme esisit ntak emi nnyin inode kabanga “idorenyin emi odude ke idem [nnyin].”11
Nte ededi, ke eyo nnyin, akamba okposong nkpo oworo ono mbet Jesus Christ ekededi. Mme adausung ke Ufok Abasi emi Ufok Abasi Esie eyak ata uwem mmo ke ndiyom ndausung Obong ke ndiyo mfina oro. Edieke ndusuk mibɔhɔ unen ke unyime eke ofuri owo, ke ntre mmo edi ubak cross emi Jesus okodohode ke nnyin iyebiom man iditiene Enye.12 Enehede edi koro eyedu mme usen ekim ye mme okposong nkpo emi Abasi okonwongode ke eyedu, oworo ke enyong otode ke usen ye adaha ikang ke okoneyo, ada mme prophet usung, ono esang ukwak, eberede mkpafaha usung adade osim edinen usung, akande oro odudu ke ndikure utom.13
Ndien mbok, etie ebet ofuri usoro okposuk edi nte afo munimke kabanga se mikemke. Du ke unwana Esie nyung nno uyama fo fke ntak utom oro.14 Mmo enyene enye ke Primary: Jesus ke enehede “[oyom fi] ndino unwana.”15
Kini adausung eke Jew Jairus ekpede Jesus ubok ete anyanga eyenanwan isua Duopeba esie emi okodude ke nna mkpa ke ufok, otuowo emi ekedude do ema ebighide ye Andinuyanga tutu eyenufok ekediting ono enyek-idem ete emi ete, “Eyenanwan fo akpa; kufina Andikpep.”
Edi kini Jesus Christ okokopde, enye oboro enye, ete, Kukop ndik: kam nyene mbuotidem, ndien eyenam enye okop nsongidem.”16
Ndien enye ama ɔbɔ ukɔk. Ndien mbufo eyekop nsongidem ntre. “Kukop ndik: kam nyene mbuotidem.”
Koro mbufo kiet-kiet ke otuowo emi edi nsongurua eno Abasi ye Ufok-Abasi emi, ami nyetre ye asanga-asanga mfiori eke isungutom emi. Mbemiso afo ekdibo eno Edisana Spirit, afo ama enyene unwana Christ eketɔde ke ukpong fo,17 “unwana emi odude ke kpukpru nkpo, … eke onode kpukpru nkpo uwem,”18 ndien edi eti utenge ke esit kpukpru owo emi ekedude mme eke-didude. Ekeno unwana oro man ekpeme fi onyung ekpep fi. Kiet ke esit etop esie edi ke uwem edi ata nsongurua kotu ofuri eno, eno idi-bo ke nsinsi kpot otode Erisio-isop eke Obong Jesus Christ. Nte Unwana ye Uwem ererimbot,19 Ikpong-Ikpong Eyen Abasi ekedi ndino nnyin uwem oto ke edikan mkpa.
Ana nnyin ino uwem nnyin oyoho-oyoho ke eno uwem ndien ifehe iyom unwam ino mmo oro edude ke mfina ke ndikpong edisana eno emi. Mme adausung, mme onoitem, mme ufan, ufokemana—se yom idiongo eke mfina ekikere, nduyo, mme nkpo ekededi emi edifinade idem. Nyime ndinwam. Ekpang-utong. Nam mme nkpo ndinwam nte edotde.
Onode mme iwaad nnyin ekededi emi enyenede-mfina, ke suto mfina ekededi mme mkposong-nkpo, mkpa otode uwot-idem uwutke ite ke iboro iduhe. Enye idisioroke ubiak emi okopde afo ekeme ndidi ke ema esungi fi. Ke ererimbot emi eyomde ndisɔsɔp nyene unwana nte ekpekemede, mbok ku suhode nsinsi unwana emi Abasi esinde ke ukpong fo mbemiso ererimbot emi okoddodu. Ting iko nno owo. Ebup eyom unwam. Ku biat uwem emi Christ okonode uwem Esie ete ekpe-kpeme. Afo emekeme ndiyɔ mme mfina uwem emi koro nnyin iyenwam fi ndibiom mmo. Afo omosong odudu akan nte ekerede. Unwam odu ono, otode mbon efen ye akpan-akpan otode Abasi. Ema fi enyung ekut ufon fo enyung eyom fi. Nnyin imeyom mbufo! “Kukop ndik: kam nyene mbuotidem.”
Owo emi okutde mme ndaha okponde akan nnyek-idem eke afo ye ami idikutde, ke inikiet ete: “Ka iso [ndima mkpri ufan mi]. Uko, …ye nkaiso nka-iso, akade ndikan! Eyak esit mbufo adara, enyung enem-esit eti-eti.”20 Nnyin imiyene ediwak ndinem esit mbanga. Nnyin iminyene kiet eken, nko nnyin iminyene Enye. Kunyim nnyin ufan ndima fi, ami mbenge ke edisana enying Jesus Christ, Andikara nnyin, amen.