Nam Ŋkpɔ Sinyene Ata Ufɔn
Nte nnyin iwukde uwem nyin ke Jesus Christ, nnyin iyenyene ɔsɔŋɔ ke nkpɔ Abasi, uyuhɔ ye idara.
Itimke ibighe, edima ufan mi kiet ama obo ntuuk ndikise nnwan kiet eke ward esie. Enye ama esin ntuuk oro sia enye mitimke idiongo enye—ikinehede iworo nkpo. Edi koro ekikere oro osuk afiakde oduk esit esie, enye edibiere ndinam-nkpo kabanga ntuuk oro. Koro enye ikikopke inem kabanga edi-ka oro, enye ebiere ke ndida nkpo nsok eyeneka-nnwan oro eyesuhode iduoesit esie. Ke akpaniko enye ikikemeke ndika ke mikamake nkpo ke ubok! Ntem enye edep iduo ice cream, onyung adaha otongo aka se enye ekerede ke edi-di etikwo edikise.
Enye ama okong ke enyin-usung nnwan oro, ndien ibihike eyeneka nnwan oro oboro. Ufan mi ama ayak ice cream esinede ke nsang-nsang ekpat-babru ono enye, ndien nneme ama otongo. Ikidaha ini ono ufan mi ndifiok ntak akanade edikise oro ada-itie. Nte mmo etiede otokiet ke esa-esien, nnwan oro eting ata-ediwak mfina emi esimde enye. Ke ndineme ke hour eke inem ini ndaeyo oro ebede, ufan mi edikut nte ice cream ɔduɔhɔde ɔwɔrɔ ke nsang-nsang ekpat-babru.
Enye ofiori ete, “Ami mmenehede nseme koro ice cream fo ama emem!”
Nnwan oro enem-esit oboro, “ Oro ifinake! Ami nsdiaha ininge nkpo”!
Ke ndap, Jehovah odoho prophet Lehi ete, “Eridiong enyene fi Lehi, kabanga mme nkpo emi afo aka namde.”1
Ndidi mbet Jesus Christ esine awak ndidori-enyin mme ndinim ke akpaniko. Oro oyom ukeme, isang, ye nsinifik. Oro oyom nnyin inam nkpo, ndidi “mme anam iko, ikudi mme okop iko kpot.”2
Kabanga ice cream ndiduɔhɔ, nso inyene ata ufɔn? Ice crem oro? Mme ke ufan mi ama anam nkpɔ kiet?
Ami mma nyene inem ifiok-ukpep kiet ye ediye nkaiferi kiet emi okobupde ata eti mbume kiet ete: “Sister Craven, didie ke afo odiongo ke nkpo ekededi abangade Ufok Abasi emi edi akpaniko? Koro ami nkopke nkpo ndomokiet.”
Mbemiso ami nsɔsɔp mbɔrɔ, ami mma mbup mme mbume ifang. “Ting nno mi banga itie-nwed Abasi emi fo esikotde ke idem fo.”
Enye oboro, “Ami nsikotke nwed Abasi.”
Ami mbup nte, “Eke ufokemna fo? Nte afo emekot Edi, Etiene Mi ɔtɔkiet?
Enye ete, “Ihn-ihn.”
Ami mbup mbanga akam esie nte: “Nso ke afo esikop kini esibɔŋde akam?”
Ibɔrɔ esie edi: “Ami nsibongke akam.”
Ibɔrɔ eke ami nkenode enye ama emem: “Edieke afo oyomde ndidiongo nkpo ekededi, afo enyene ndinam nkpo kiet.”
Nte oro idihe akpaniko ye nkpo ekededi emi nnyin iyomde ndikpep mme ndidiongo? Ami mma nkot obufa ufan mi nte otongo ndinam iko Abasi Jesus Christ: obong-akam, okot-nwed, anam-nkpo ono mbon efen onyung obuot-idem ke Jehovah. Nkabare-esit ididige kini munamke nkpo ndomokiet. Oro edi-di ito odudu Edisana Spirit ke nte nnyin inehede inam ata ukeme man ifiok ke ndibup, nyom, nyung ntuak. Oro edi-di ke ndina-nam.3
Ke Ukpepnkpo ye Ediomi, Jehovah awak ndidoho ete, “Ibeheke.”4 Oro anam mi nkere edieke usuk nkpo minyeneke ufon, mme ufon ekpride, ke odu mme nkpo enyenede ata ufon. Ke ukeme nnyin ke ndi nam nkpo kiet mme ndinam nkpo ekededi, akpana nnyin ibup idem nnyin ite, “Ewe ŋkpɔ enyene ata ufɔn?.”
Mme-asuan-etop-urua esiwak ndida oruk ibio-iko nte “Ata-akpan” mme “Ana Enyene” ye idorenyin ke iyetabi nnyin man inim ke nkpo-urua emi mmo enyamde edi ono inemesit mme nsong-idem nnyin. Edi nte se mmo enyamde enehede edi akpan-nkpo? Ana nte nnyin inehede inyene nkpo oro? Nte nkpo oro enehede enyene-ufon?
Ese mme ubak ekikere se man ekere-ebanga mi: Ewe ŋkpɔ enyene ata ufɔn?
-
“Mmema” awak didie emi nnyin ibode ke nkpo social mdeia nnyin? Mme didie ke Ete Heaven nnyin ama nnyin onyung enyene-ufɔn ono nnyin eketre?
-
Ke ndisine obufa oruk ofong eke idahaemi? Mme ndiwut ukpono nno idem nnyin ke ndisine ofong mfuk-idem?
-
Ndikut iboro oto edidungore ke intanet? Mme edibo iboro nto Abasi oto ke Edisana Spirit?
-
Ndiyom-nkpo awak? Mme ke ndiyuho ye se ekenode nnyin?
President Russell M. Nelson ekpepete:
“Ye Edisana Spirit nte nsanga fo, afo eyetim okut ke ido edinam usoro emi abiatde mbon obio nnyin. Afo emekeme ndisop-idem akan nte mme emana eken ekesinamde. …
“Tongo ndaha kiet nno ofuri ererimbot!”5
Oro oyom ukeme man eting-enyin ke se idi-de ata akpan-nkpo ono nsinsi idara. Satan idimaha nkpo efen ino nnyin akan ndikpuho nsinsi ufon nnyin, ndinam nnyin ibiat osongurua ini, eno-obot, mme osongo spirit nnyin ke nkpo se minyeneke ufon. Ami nkoot nnyi owo kiet-kiet nte inehede ikere-ibanga mme nkpo eke otimede nnyin okpong ndinam se inyenede ufon.
Andikpep class adaha ita eke mkpon-nkan eyeneren nnyin ekekpep mmo ete “ekara mfre mbufo.” Ekedi nditi mkpri ndito ufoknwed esie ete ke mmo edikpeme mme ekikere mmo ndien ke ntre ke ekeme ndikpeme se mmo enamde. Ami nditi idem mi nte “kara mfre mi ” kini ami nkutde idem mi nte nkade nkanam mme nkpo sinyene ekpri ufon.
Mmi-mmi emi eyen akamba ufoknwed eting ono mi ete ke otongo ndiwak kotu mme iwaad Ufok Abasi ke ndisin mme mbet ye ye mbufiok uduak ke iyetua-mkpofiok kini eken. Enye odoho mi ete, “Oro edi usung idiongo kiet eke ukpono.” Ke akpaniko Jehovah eyeka-iso ndifen-nno mbon emi enehede etua-mkpofiok “ke ofuri esit.”6 Edi inaha nte eda enyene-mbom Erisio-isop eke Andinyanga ke usung nsahi ntre. Nnyin imidiongo nke-mbuk eke erong kiet emi okosopde. Nte ededi, ekpeme-erong eyekpong erong Anang-ye-efurenang eken ndikut erong kiet emi okotunde usung. Edi nte afo emekeme ndikere mbanga idara eke mbon emi emekde ndi-di erong Anang-ye-efurenang edade esok Eti Ekpemerong? Mbon owo emi edude otokiet enyung enwam kiet eken enam ediomi mmo? Nte afo emekere se ererimbot mme ufoknwed mme utom mme ufokidung fo edi-dide edieke nkop-item edide nkpo se ofuri owo ekpenamde? Idihe kabanga ndina-nam uwem ofon-ama—edi abanga ndikut idara kini inamde ata ukeme nnyin ke ndinim ediomi emi ikanamde ye Obong.
Diana ererimobt ndiwut eyighe kabanga Abasi ye ndutime ye mme mfihe okoride, emi edi ini anade nte nnyin idu ikpere prophet. Nte enye edide isung-utom Abasi, nnyin iyebuot-idem ke se enye odoho, eteme, onyung ekpe-ubok ete nnyin inam edi nkpo sinyene ata ufon.
Okposuk nte oro mimemke, usung odu kpukpru ini ke ndinam eti nkpo. Kini nnemede-nneme ye eboho mme ufan ke ufoknwed, nkaiferi kiet okop nte esit esie ofuhode kini nneme oro ebede ekesim ndikut-ndudue nno nti-ndaha eke Ufok Abasi. Enye edifiok ke inaha enye odop uyo do—ana enye anam nkpo kiet. Ke ukpono, enye eting abanga ima eke Ete Heaven ye adanga nte mme mbet emi Enye okonimde odude man odiong onyung ekpeme ndito Esie. Ekpeke-nehede emem ono enye nditre edi-nam nkpo ndomokiet. Edi ewe nkpo enyene ata ufon? Ndibuaha ye otuowo? Mme ndiworo nda nte ntiense nno Abasi ke “kpukpru ini ye ke kpukpru nkpo ye ke kpukpru ebiet”?7
Edieke mfiak-mmen-ndi Ufok Abasi Jesus Christ editode nkim-nkim iworo idi, nnyin inyene ndiiworo ke nkim-nkim. Nte anam-ediomi iban, nnyin inyene ndiyama unwana iko Abasi nnyin ke ofuri ererimbot ke ndinam ofon nyung nworo nda. Nnyin inam emi otokiet nte ndito-iban eke Abasi—odudu ibat iban 8.2 million emi edide isua Duopekiet ye akande oro, emi utom mmo edide ata ukem. Nnyin ke ibobok Israel ke nte nnyin inamde uto erinyanga-ukpong ye edimenere: inwana ndinam iko Abasi Jesus Christ, ise mbon unana enyin, ikoot kpukpru owo ete edibo iko Abasi, inyung idian mme ufokemna ke nsinsi.8 Iko Abasi Jesus Christ edi iko Abasi edianam-nkpo ye iko Abasi idara! Yak nnyin itre edisuhore ndaha ukeme nnyin man inam mme nkpo eke enyenede ata ufon. Edisana inyene nnyin onono nnyin uko ye mbuotidem ke ndinam nyung ndi ofuri se edima Ete eke Heaven nnyin ofiokde ete ke nnyin imikeme ndi-di.
Ibuot-iko eke iwaad ek isua emi oto Mme Nke 3:5–6:
“Buot idem fo ye Jehovah ke ofuriesitfo;ndien kuberi edem ke asian fo.
“Diongo enye ke kpukpru usung fo, ndien enye eyenengere usung fo onim.”
Akpan nkpo ke ndibuot idem ye Jehovah edi ndika-iso nam, ndinim ke Enye eyeda nnyin usung kpa ke ini emi nnyin minyeneke ofuri iboro.
Ndito-eka iban, idihe kabanga ice cream. Inyung idihe kabanga ndinam awak. Edi abanga ndinam se inyenede ufon. Edindinam ukpep-nkpo Christ ke uwem nnyin ke nte nnyin inwanade ndikabare mbiet Enye ofon.
Nte nnyin inamde awak ke ndisongo ndu ke usung ediomi, ntre ke mbuotidem nnyin ke Jesus Christ edikori ikesim. Nte mbuoidem nnyin okoride awak, udong edikabare-esit nnyin eyekpon. Ndien nte nnyin ikabarede-esit ofon, iyenehede isongo ebuana ediomi nnyin ye Abasi. Ebuana ediomo oro oduri nnyin aka temple koro ndinim ediomi eke temple edi usung nnyin ndiyɔ nkesim utit.
Nte nnyin iwukde uwem nyin ke Jesus Christ, nnyin iyenyene ndausuŋ ke ndinam nkpɔ sinyene ata ufɔn. Ndien nnyin iyenyene ɔsɔŋɔ nkpɔ-Abasi, uyuhɔ, dian ye idara! Ke enying Jesus Christ, amen.