Etop Ntongo
Nnyin imikpono ndito-iban Abasi ke asanga-sanga ikpehe emi ke ndisin-ifik nkere mbanga se ifinade mmo ye mme mfina eke nka mmo.
Ndima ndito-eka mi iban, nte nnyin itongoke isio-isio ikpehe iban eke akwa mbono emi, ami mmenem esit ke ndino etop ntongo emi eketode First Presidency.
Mme ikpehe eke nnyin Saturday enyene ido eke isio-isio ekikere ye nsio-nsio mme andikop. Mbubreyo emi nnyin idian ke ido oro ke nte nnyin itongoke obufa uduak ye usung-edinam nno ata ini-iso. Iko Abasi Jesus Christ ikpuhɔke. Ukpepnkpo iko Abasi ikpuhɔke. Ediomi eke idem nnyin ikpuhɔke. Edi ke mme isua ebede, mme esop emi nnyin isinimde man ineme mme etop nnyin edikpuhɔ ndien nte isede eyeka iso ɔkpuhɔ ke mme isua kiso.
Ke idahaemi, esop mbubreyo Saturday emi edi ikpehe eke akwa mbono, idige ikpehe eke nka efen ndomokiet. Ukem nte ofuri ikpehe eke akwa mbono, First Presidency ekemek nte edinamde, mme eting-iko, ye ikwo.
Nnyin ima idɔhɔ President Jean B. Bingham, Akwa Adaibuot eke Relief Society, ete adausng ke ikpehe emi. Kiete kotu mme General Officers eke Ufok Abasi eken ekeme ndida usung ke mme ikpehe mbubreyo eke Sautrday kini iso, oruk nte mbon eke General Presidencies eke Relief Society, Nkaiferi Iban, ye Primary, ke nte First Presidency emekde ndinam.
Okoneyo emi ikpehe akwa mbono eke mbubreyo Saturday emi edikongo ke se ifinade iban Latter-day Saint. Emi edisine ikpɔ-ukpepnkpɔ eke Ufok Abasi Jesus Christ eke Ndisana Owo ke Ukpere-edem Usen, mme ido eke Ufok Abasi emi enehede ebehe iban, ye ofuri ubiong ye utom eke mme nka esinede iban ye mme nkaiferi eke Ufok Abasi. Okpusuk nte enehede esuan-etop ikpehe emi eno ofuri ererimbot ete ekop ukem nte kpukpru mme ikpehe akwa mbono eken, mme andikop emi ekekotde ete edu ke Ebiet Mbono eke ikpehe enye emi edi iban ye mme nkaiferi emi edide isua Duopeba ye akande oro. Nnyin imesin mme usuk adausung itie-oku eke edide-ibuot ke mme nka emi edibuanade.
Nkpo se nnyin itongo mi edi ndino mkpang-utong ke mme nkpo-utom nneme emi odude ɔnɔ mme adausung ye mbon Ufok Abasi Christ ke ofuri ererimbot. Ikpɔ-ukpepnkpɔ ikɔ Abasi Jesus Christ edi ɔnɔ ofuti owo, oro edi akpan ntak ye usung edisuan etop emi. Nnyin imikpono ndito-iban Abasi ke sanga-sanga ikpehe emi ke ndisin-ifik nkere mbanga se ifinade mmo ye mme mfina eke nka mmo.
Nnyin iminem esit koro nkpo-ukwak usunetop idahaemi ɔnɔ mme adausung Ufok Abasi ukeme ke edinam ɔyɔhɔ-ɔyɔhɔ ukpepnkpɔ ke nditing-ikɔ nnɔ mme asanga-asanga mbon emi edikopde ekedude ke anwa. Nnyin nko imidara et-eti koro mme ufang edika isang idahaemi ke awawak. Oro anwam nnyin ndidɔŋ mme adausung Ufok Abasi ete ekenam iso-ye-iso ukpepnkpo ndausung emi eyomde kini-kini ke anwa.
Emi edi utom eke Ɔbɔŋ Jesus Christ. Nnyin idi isuŋ-utom Esie, emi Edisana Spirit Esie adade-usuŋ. Nnyin imidɔŋ mme edidiɔŋ Abasi inɔ mme adausuŋ eke mme nka emi ye nti iban ye nkaiferi emi enamde utom Abasi ke mme nka emi ye ke uwem idem mmɔ. Ke enying Jesus Christ, amen.