Christ Ɔkɔk Enye Emi Ɔbuŋɔde
Enye ekeme ndikok mme mbiara ebuana ye Abasi, mbiara ebuana ye mbon efen, ye mme mbai eke idem nnyin.
Esisit mme isua emi ebede, ke eboho ufokemana, William eyen-eyeneka mi isua itiaita ini oro obup Briton, mkpon-nkan eyeneren nnyin, mme enye akpama ndibre ball ye enye. Briton ke inemesit oboro, “Ihn! Ami mkpama ndibre!” Ke mmo ema ekebre ke esisiti ini, ball ɔfɔrɔ ebe Briton, ndien ke ndiɔkiso okobom kiet kotu mme abang eke ekam esie.
Briton ama ofuhɔ. Nte enye otongode nditang mme mbai oro, William asanga ebine cousin esie onyung atabi ke edem ke ima. Enye ndien odong enye esiet ete, “Kufina idem, Briton. Ami mmebom nkpo ke ufok Eka-eka ye Ete-ete mi akpa, ndien Eka-eka ada ubok esie afat mi onyung odoho ete, ‘oro ekem, William. Afo edi isua ition kpɔt,’”
Emi Briton okoborode ete, “Edi, William, Ami ndi isua Edip-ye itaI!”
Nnyin imikeme ndikpep ediwak nto nwed Abasi ke nte Andinyanga, Jesus Christ, edinehede inwam nnyin ndidiong mme nkpo ke uwem nnyin emi okobomode, isehe ndaha isua nnyin. Enye ekeme ndikɔk mme mbiara ebuana ye Abasi, mbiara ebuana ye mbon efen, ye mme mbai eke idem nnyin.
Mbiara Ebuana ye Abasi
Kini Andinyanga ekekpepde nkpo ke temple, mme scribe ye Pharisee ema eda nnwan kiet esɔk Enye. Nnyin ifiɔkke ofuri mbuk esie, oro edi ke “ekemum enye ke efibe.”1 Ediwak ini nwed Abasi esinɔ ekpri ubak mbuk kabanga uwem owo, ndien kabanga ubak oro, nnyin ke usukini isiyom nditoro mme ndisua-nnɔ. Udukemeke ndifiok uwem owo kiet oto ke ndaha inemesit kiet mme ke ndaha anwa-anwa edikpu mkpɔfiɔk kiet. Ntak emi enode mme mbuk nwed Abasi edi man anwam nnyinndikut ete ke Jesus Christ ekedi iboro kini oro, ndien ke Enye edi iboro idahaemi. Enye odiongo ofuri mbuk nnyin ye ofuri ukut nnyin, ukem nte mme ukeme ye namndue nnyin.
Iboro Christ kabanga osongurua eyenanwan Abasi emi ekedi “Ami nnyung ntipke fi ikpe: nyɔŋ okuo; kunam aba idiok-nkpo.”2 Usung efen ke ndidoho ete “nyɔŋ okuo; kunam aba idiok-nkpo” ekeme ndidi “nyɔŋ ka ndien kpuhɔ.” Andinyanga okokot enye man atua-mkpɔfiɔk: ɔkpuhɔ ido esie, mme nka, usung nte enye ekerede abanga idemesie, ye esit esie.
Otode ke Christ, ubiere nnyin ke “ndika nyung mkpuhɔ” nko ekeme ndindiyak nnyin man “ika inyung ikɔk,” koro Enye edi ntongo edikɔk ofuri se ikibomo ke uwem nnyin. Nte akwa Ada-ubiong ye Etie-ubiong ye Ete, Christ anam-asana onyung odiong mme ebuana—ata akpan-nkpɔ, ebuana nnyin ye Abasi.
Ediakabare eke Joseph Smith anam anwanga ete ke nnwan oro ama anam item Andinyanga onyung okpuho uwem esie. Ndien nnwan oro otoro Abasitongo kini oro, onyung onim enying esie ke akpaniko.”3 Ke ndiɔkiso nnyin ifiɔkke enying esie, mme mbuk efen kabanaga uwem esie ke ebede ini emi, sia oro okpokoyom akwa ubiere, nsuhɔre-idem, ye mbuɔtidem ke Jesus Christ man enye atua-mkpɔfiɔk onyung ɔkpuhɔ. Se nnyin ifiokde edi ke enye ekedi nnwan emi “ekenimde ke enying esieke akpaniko” ye ifiok ete ke enye idiokke ibe anana-adanga ye nsinsi nwaidem Esie.
Mbiara Ebuana ye Mbio efen
Ke Nwed Luke ibuot Efut nnyin ikoot nke-mbuk kiet abnagade erenowo kiet emi ekenyenede ndito iren iba. Udɔ obup ete esie ɔbɔ udeme nkpɔ esie, adaha aka anyan idut onyung asuan inyene esie ke eridu otime uwem.4
“Edi ke enye ama akasuan kpukpru ama, okposong akang otibe ke idut oro; enye onyung otongo ndidu ke unana.
“Ndien enye aka akadian idem ye eyen idut oro; enye oro onyung odong enye aka inwang ɔkɔbɔk mme edi.
“Enye onyung oyom ndidia ikpok udia,neke mme edi ediade, nyuhɔ; owo inyung inɔŋɔ enye nkpɔ.
“Edi kini enyin anwangade enye, enye okut idemesie, ete, Sese, adanga ediwak mbio utom ete mi enyene udia eke awakde akan mmo ndidia edi se mi mi, mmɔŋ ndikpa ye biɔŋ.
“Nyedaha nnyung ntiene ete mi, nnyung ndɔhɔ enye nte, Ete, mmanam idiɔk-nkpɔ ndian heaven ye ke iso fo,
“Ndotke aba ndikere eyen fo: da mi nte owo-utom fo kiet.
“Ndien enye adaha ke enyɔŋ etiene ete esie. Edi ke ini enye odude kaŋa nsan-nsan, ete esie okut enye, onyuŋ atua enye mbɔm, efehe, awaŋa enye ke itɔŋ, onyung otim enye inua.”5
Ke akpaniko ke ete ama efehe ebine eyen esie, ami mmenim, ke enye se ada ono. Ubiak emi eyen okonode ete esie ama enehede otungo onyung okpon. Ukem oro, ete ekeme ndinehede nkop esuene oto ke mme edinam eke eyen esie.
Ntem nsidi ntak eke ete mikibetke man eyen esie ebine edikpe-ubok? Ntem nsidi ntak eke ete mikiyomke usiene ye edinam-emem mbemiso ɔnɔ edifen-nnɔ ye ima? Emi edi nkpo ami nsiwakde ndikere-ke-esit mbanga.
Obong ekpep nnyin ete ke ndifen- nno owo efen edi item enode ofuri owo ete: “Ami, Jehovah nyefen nno eke Ami ndifende nno, edi ana afo efen ono kpukpru owo.”6 Ndifen-nno ekeme ndiyom akwa uko ye nsuhore-idem Oro ekeme nko ndida ini. Oro eyeyom nnyin isin mbuotidem ye edibuot idem ke Jehovah ke nte nnyin iyomde ndaha edinam-ibat kabanga mme utom eke esit nnyin. Se ufɔn ye odudu ye unen-edimek nnyin mi.
Ke nte esoide ete emi ewut ke mbuk idiɔk udɔ emi, Andinyanga osongo-eting ke mfen-nnɔ edi kiet kotu nti enɔ nnyin ikpinɔde kiet eken ye ata akpan-akpan eke idem nnyin. Ndi-fihede esit nnyin oto ke mfen-nnɔ isimemke ke ofuri ini, edi otode ke odudu ukeme Jesus Christ, oro emem.
Mme Mbai eke Idem Nnyin
Ke Utom mme Apostle ibuot Ita nnyin ikpep kabanga owo kiet emi edide mbungo toto ke emana esie ye, “eke mmɔ emende enye edinim ke usen ke usen ke enyin usung temple emi ekotde Ediye, man enye ebenge mmo emi edukde ke temple nkpɔ.”7
Ebenge-benge owo-mbungo ama okpon akan isua Aba8 onyung abiat ofuri isua-uwem esie ke sibietde anana-utit itie ebenge ye edibebet, koro enye okodu-uwem oto mfonido eke mbon efen.
Usen kiet enye ama okut “Peter ye John nte eyomde ndiduk ke temple [onyung] ebenge mmo nkpo.
“Edi Peter, owuk enyin ese enye ye John, onyung odoho enye ete, Se nnyin.
“Ndien enye ese mmo, onyung odori enyin ete mmo eyeno imo nkpo.
“Edi Peter odoho ete, nnyeneke Silver ye gold; edi se nnyenede ke nno fi oro: Ke enying Jesus Christ emi otode ke Nazareth daha-da yung sanga.
“Ndien Peter omum enye ke ubok nnasia, emenere enye ke enyong: ndien idaha oro enye okop odudu ke ukot esie ye okpo itong-ukot esie.
“Enye onyung obumere adaha ke enyong, adada,onyung otongo ndisanga; onyung etiene mmo oduk ke temple, asanga onyung ɔfrɔ, onyung otoro Abasi.”9
Ke ediwak ini nnyin imikeme ndikut idem nnyin, ukem nte owo-mbungo ebenge-benge oro ke inua-otop temple, ke ime—mme ke ubakini ke unana-ime—“ime[bere] ye Jehovah.”10 Ida ibet man ibɔ ukɔk ikpɔkidem mme ke ekikere. Ida ibet ibɔrɔ emi edidukde ata ntotungo itie eke esit nnyin. Ida ibet iyom utbe-nkpɔ.
Ndibet Abasi ekeme ndidi edisana ebiet—ebiet eke edidiong ye edinam-ɔfɔn emi nnyin idifiɔkde Andinyanga ke ata akamba usung. Ndibet Abasi nko ekeme ndidi ebiet eke ikutde idem nnyin nte ibupde ite, “O Abasi, afo odu ke mmong?”11—ebiet emi nkpɔ Abasi oyomde ete nnyin inynene mbuɔtidem ke Christ ke ndimek Enye mfiak mmek nyung mfiak mmek. Ami mmediɔŋɔ ebiet emi, ndien ami mmefiɔk oruk edibet emi.
Ami mmebiat ediwak ini itie ukɔk udɔŋɔ-cancer, idiana-otokiet ke ukut mi ye ediwak owo emi eyomde ndibɔ edikɔk. Ubak edu uwem; ubak ikoduhe. Ami mmekpep ke akpan usung kiet nte ke ndiboho idomo nnyin edi isio-isio ono nnyin owo kiet-kiet,ntre idorenyin nnyin ekpedi esisit abanga usung ubɔhɔ nnyin ndien akam-awak abanga Andinɔ-ubɔhɔ ke Idemesie. Kpukpru ini nting-enyin nnyin ekpedi ke Jesus Christ!
Ndinyene mbuɔtidem ke Christ ɔwɔrɔ ndibere-edem ke uduak Abasi ye ke ini Esie. Koro Enye enehede ɔfiɔk se nnyin iyomde ye ini iyomde enye. Ini emi nnyin iyakde idem ino uduak Abasi, ke akpatre nnyin iyebɔ awak akan se nnyin ikoyomde.
Ndima ufan mi, ofuri nnyin iminyene nkpo ke uwem nnyinemi abiarade emi anade ediong, enenge, enyung ekɔk. Nte nnyin iwongore ibine Andinyanga, nte nnyin idiande esit ye ekikre nnyi ye Enye, nte nnyin itaude-mkpofiok, Enye edi-se nnyin “ye ukɔk ke mba esie,”12 ada ubɔk ima Esie awang nnyin, odoho ete, “Oro ekem. Afo edi isua ition—mme Efurekiet, Edip-ye-ita, Aba-ye-itiaita, Ata-ye-inang, Anang-ye-duopekiet kpot. Nnyin imikeme ndinenge emi otokiet!”
Ami nting iko ntiense nte ke iduhe nkpɔ ndomokiet ke uwem fo emi abiarade ebe ukɔk, ufak, ye ukeme odudu eke Jesus Christ Ke edisana ye nsasana enying Enye emi enyenede odudu ndikɔk, Jesus Chrst, amen.