![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F2d%2F73%2F2d73558bc878c9848249c5fd3278ce13d820fe0f%2F2d73558bc878c9848249c5fd3278ce13d820fe0f.jpeg/full/!250,/0/default)
Ndikpeb Ndito-owong ye Iwaad mbanga Nda-ke-Idem
Yak nnyin itiene Andinyanga nnyin, Jesus Christ, ye gospel Esie ke ndida-ke-idem ke ofuri uwem nnyin, inyung ikpeb ndito ye iwaad nnyin nko.
Ami nditing mbanga nte nda-ke-idem ye nte ekemede ndikpeb ndito ye mkparawa mbanga nda-ke-idem. Nda-ke-idem ekeme nditie nte edi ibuot-ikɔ enyenede ikpɔ-owo. Mmodiongo ke ikpo-owo ekeme ndisanga ke usung nda-ke-idem ke ema ekekpeb mmo gospel Jesus Christ, ndien enyung enam ukpeb-nkpo ye ibet esie tongode ke uyen, ye nte iwaad ke ufok-idung.
Ata eti mmen-nwut edi akwa uwut-nkpo emi etibede ke uwem. Wilfried Vanie, ndito eka esie itiaba, ye ye eka esie ekeduk ufok-Abasi ke Abijan, Ivory Coast, ke ini enye ekedide isua itiokiet. Ekenim enye baptism ke esimde isua Itiaita. Ete esie, nkukure ono udia ke ufokemana oro, akakpa ke ini Wilfried ekedide isua duobekiet.
Okposuk enye okofuhore abanga idiok-itie ekpuk mmo, Wilfried ama ebiere ndika iso ke ufok-nwed etiene item eka esie ye iberedem eke ufok-Abasi. Enye ama ekure ufok-nwed secondary onyung aka oyoho mission ke Mission Ghana Cape Coast, ebiet enye ekekpebde nditing Usem Mbakara. Ama ekekure mission esie, enye ama aka ufɔknwed nta-ifiɔk onyung ɔbɔ diploma ke accounting ye finance. Okposuk okosongde ndinyene utom ke usung ifiok oro, enye ama okut utom ke itie-utom nsanga-nse ye edinɔ-inemesit.
Enye okotongo nte isung-utom ke five-star hotel, edi udong esie ndinam ofon ama onuk enye ekpeb nkpo tutu enye akabare edi eting-iko ke nsio-nsio usem do. Ke ini obufa hotel okotongode, ema eda enye nte auditor ke okoneyo. Ekem, enye ama esin enying ke BYU–Pathway Worldwide ndien idahaemi ekpep-nkpɔ man ɔbɔ nwed-itoro ke hospitality ye mbubehe tourism. Udong esie edi, usen kiet, ndidi andikara ke akamba hotel. Wilfried ekeme ndikama nsinsi ada-nsanga ye ndito iba esie, adiana ye ndinwam eka ye ndito eka esie. Idahaemi eno enye ikot ke ufok-Abasi nte owo kiet ke high council stake.
Nnam-ke-idem edi “ukeme, iwuk, ye odudu ndino spirit ye ikpok-idem mme nkpo uwem iyomde ino idem nnyin ye ekpuk.”1 Ndinwana nda-ke-idem edi ubak utom ke usung ediomo adade nnyin afiak ebine Ete ke Enyong ye Eyen Esie, Jesus Christ. Oro eyesongo mbuotidemnnyin ke Jesus Christ ontung enehede adian nnyin ye Enye oto ke ediomiye edinam-iko Abasi erinyanga-ukpong ye edimemede. Edida-ke-idem edi ido iko Abasi Jesus Christ, idighe edinam. Enye edi ndutim emi edibihide ke eyo uwem owo, idighe edinam.
Nnyin iyenam-ke-idem ke ofuri uwem nnyin nte ikoride ke odudu spirit, ndinam ikpɔhidem ye nsongidem ke ekikere nnyin, ika-iso iyom ifiok ye utom, ye ndidu ke mbenge-idem.2 Ndi utom emi eyekure ke uwem nnyin? Ih,ih, enye edi anyan ndutim ukpeb-nkpo, nkori, ye utom. Enye idikureke; edi aka-iso ndutim ofuri usen.
Nnyin idikpeb ndito-nwong nnyin ye iwad ifiok ye ibet nnam-ke-idem emi didie? Akpan usung kiet edi ndinam mme ukpep-nkpo edinam Ndito-nwong ye Iwaad kini-kini. Mme ete ye ndito-nwong ekpep gospel Jesus Christ, ebuana ke edinam utom ye mbre, enyung edian ubok enam utom ke usung inang abangade nkori mmo nte ekemde ye mmo kiet-kiet. Idiihe aba ukem edinam ekenimde enɔ kpukpru owo.
Nwed Ukpeb-nkpo Mkpri-ndito ette: “Ini Jesus eketiede nte afo, Enye ama ekpep onyung ɔkɔri. Afo ke ekpeb onyung okori nko. Iko-Abasi ette: ‘Ndien Jesus okori ke eti ibuot ye ke idaha, onyung ododiong edi eyen mfon-iso ke iso Abasi ye ke iso owo’ (Luke 2:52).”3 Iko-Abasi emi abanga nkori ye ukpeb ke nkang spirit, mfon-iso ye Abasi; ke usung ebuana, mfon-iso ye owo;;ke nkori ikpok-idem, idaha; ye usung ekike, eti-ibuot. Mme usung nkɔri emi edi ukem ono kpukpru nnyin. Ini ewe ke nnyin idikpeb mmo? Ke Deuteronomy 6:6–7 ikot ette:
“Ndien yak mme iko emi ntemede fi mfin emi, edu ke esit:
“Nnyung dodiong siak mmo nno ndito fo, nyung kama mmo ke inua fo ke ini afo etiede ke ufok fo, ye ini afo asangade ke usung, ye ke ini afo anade ke isong,ye ke ini afo adahade ke enyong.”
Nnyin ikpeb mkpri-ndito mme nkpo emi eti uwutnkpo, ke inamde utom inyung inwamde ye mmo, ke ikpepde ikɔ-Abasi, inyung itiene ukpeb-nkpɔ Jesus Christ nte mme prophet ekpepde.
Mmɔdɔhɔ ke ukpeb-nkpɔ nkɔri Mkpri-nditɔ ye Iwaad, mkpri-nditɔ ana emek nsio-nsio utit uduak eto ndaha kiet-kiet ke usung nkɔri inang oro. Ofon mmo ndida utit-uduak mme ke usung kiet-kiet. Mme ete andikpeb ekeme ndikpeb, eteme, enyung enwam.
Nte uwut-nkpo, eyeyen nnyin Miranda oyom ndikori ke ndibuana kpukpru usen ke ukpeb-nkpo seminary usen-ubok. Enye ama enyene udong ke ndikop ndinem iko nto ndito seminary eken ke ward esie. Eka esie ikitoike enye ada aka ukpeb-nkpo. Ke idem esie, enye eyedemere onyung abuana ke mbono video ke 6:20 usiere esinimde koro enye ama enyene eti edu-uwem emi akanwamde enye. Mme ete mi edoho mi mmi-mmi ke Miranda idahaemi eting iko atara ke ini ekedisede mmo, koro enye ama okori ke uko-idem. Emi edi ukpeb-nkpo ono uwem ye nkori emi ekutde.
Mme ete ye eka, ete-ete ye eka-eka, adausung, ye ufan, enwam ke nkori ye eti ndaha nditto-owong. Iren ye iban esangade ese ɔyɔhɔ-ɔyɔhɔ, ediana kiet ye mme adaha itie-oku ye nka ke ward enɔ unwam. “Ufokemana: Etop enode ofuri Ererimbo” ete: “Oto ke edisana ndutim, mme ete enyene ndikara ufɔkemana mmɔ ke ima ye edinen-ido enyung enyene ndino mbon ekpuk mmo mme nkpo uwem ye ukpeme. Mme eka enehede enyene ubiong eno nsongidem eke ndito mmo. Ke ndon-ndot utom emi, mme ete ye eka enyene ubiong ndnwam kiet eken nte ufan. … Akamba ekpuk ana eno ke ema eyom.”4 Akpatre udim-iko oro abanga mme ete ye eka obom.
Nte nnyin ikanamde utom-unwam ke West Africa, nnwan mi, Nuria, anam nwɔrɔnda utom ndisanga nse nyung nkaiso nyire ye ufɔkemana nnyin ye nditi-nditɔ ke edem inyang. Enye anam emi oto technology. Enye esikot nwed ono mkpri ndito-ndito. Enye esikpeb ikpɔ nditɔ-nditɔ iban mme ibuot-ukpep eke mbuk abangade ufɔkemana nnyin, ifiɔk-obot, mbuk abangade Pueto Rico, Ikɔ Mbuɔtidem, ye gospel Jesus Christ. idahaemi, anyan usung ikpanke ndiyiri, ebuana, ndisanga-nse, ye ndikpeb mbon mbufa emana edude ke ufɔkemana nnyin. Ami mmesidiana ye Nuria ke nkemede, ke ndikpeb ndima nditɔ-nditɔ nnyin, ke ndima mmɔ, ye ndimehe mmɔ nyung nnam mmɔ esak.
Akpana mbufo ekut eti mbiet ke ufot nkori edinam Ndito-nwong ye Iwaad, ye ndinam eda-ke-idem. Mme usung nkɔri inang ke ofuri mmo etie ukem. Odudu spirit ke ndida-ke-idem enyene ebuana ye nkpɔ-spirit odude ke Ndito-owong ye Iwaad. Nsongidem okpo ye ekikere odude ke nda-ke-idem eyire ye nsongidem ye ebuana emi odude ke Ndito-owong ye Iwaad. Ifiok-nwed, utom, ye mbenge-idem odude nda-ke-idem kpukpru edi ukem ye ikike odude ke edinam Ndito-owong ye Iwaad.
Ke akpatre, yak nnyin itiene Andinyanga nnyin, Jesus Christ, ye gospel Esie ke ndidi nda-ke-idem ke ofuri uwem nnyin, inyung ikpeb ndito ye iwaad nnyin nko. Imekeme ndinam emi etim ofon ke
-
ndidi eti uwut-nkpo utom-unwam nno mbon efen,
-
ndinam nyung mkpeb ido ye ibet nda-ke-idem, ye
-
ndinim ibet ubop nda-ke-idem nte ubak iko Abasi Jesus Christ.
Doctrine and Covenants 104:15–16 ette:
‘Edi utom mi ndiyom nno ikot mi. korokpukpru nkpo enyenede Mi.
“Edi, nyom enam enye ke usung okim-mmong; ndien, sese, emi edi usung emi Ami, Jehovah, ntemede nda nyom nno ikot Mi, man ekpemenere ubuene, koro eyenam mme enyene-nkpo esuhorede.”
Emi edi Ufok Abasi Jesus Christ. Gospel ododiong mme ekpuk mi ke isong ye ke ofuri nsinsi. Enye ekpeme nnyin ke uwem nnyin nte nnyin iyomde ndidi ekpuk nsinsi. Ami mmodiongo ke emi edi akpaniko. Ke enying Jesus Christ, amen.