Edisana Uduot-obot ye Nsinsi Akaŋa Mbufo

Otode Elder Dale G. Renlund

Eke Eboho mme Apostle Duopeba

Ami nkot mbufo nte ewuk uwem mbufo ke Jesus Christ enyung eti mme ata-ntongo akpaniko ekedude ke ibuot-iko eke Nkaiferi Iban.

Ndima ndito-eka iban, mbufo esosongo ke edidu mi. Ami mmekop ukpono ke ndibuana ke ikpehe iban eke akwa mbono. Ke usuk ndaha ami nko mmesinyene ufang ndika ubet-ukpepnkpo eke Nkaiferi Iban. Edi yak ami nwut se nsikutde—Ami ndihe ekpri-owo, ndien ami ndihe nnwan! Ami ndifiok, nte ededi, ke ami nkopke inem edieke ami nkemede ndikot ibuot-iko eke Nkaiferi Iban ye nkaiferi iban eken ke ibuot. Akpan ukpepnkpo emi ekpepde ke ibuot-iko eke Nkaiferi Iban¹ edi akpan-nkpo ono mme nkaiferi iban, edioro ebehe ofuri owo, edide mbon nnyin emimidihe nkaiferi iban.

Ibuot-iko Nkaiferi Iban otongo ke, “Ami ndi edima eyenanwan nno ete ye eka eke heaven, diana ye edisana uduot-obot ye nsinsi akanga.”² Iko emi esine ata akpaniko inang. Akpa, afo edi edima eyenanwan. Iduhe nkpo ndomokiet afo anamde—mme eke munamke—emi ekemede ndikpuho oro. Abasi amama fi koro afo edi eyenanwan eke spirit Esie. Ke ubak ini nnyin idikopke ima Esie, edi ima oro odu do ke ofuri ini. Ima Abasi edi nsana-mma.³ Ukeme nnyin ndifiok ima oro idihe ntre.

Spirit esinam akpan utom ke nditing ima Abasi nno nnyin.⁴ Edi odudu eke Edisana Spirit ekeme ndidibe “oto ke ndioi ntuuk, oruk nte iyatesit, ufup, … [mme] ndik, … ebiet nte edidomo edikop eti-inem udanga-aya kiniatade ntuen jalapeño . … [Inem ufik kiet] enehede enyene odudu akan eken.”⁵ Ntre nko, mme edu emi adiangare nnyin okpong Edisana Spirit, esinede idioknkpo,⁶ ono nnyin anam oro osong ke ndifiok ima emi Abasi enyenede ono nnyin.

Ukem-ukem, ifiok nnyin kabanga ima Abasi ekeme ndikim oto ke mme ndaha mfina ye udongo ikpokidem mme eke mfre, kotu mme nkpo efen. Ke ofuri nkpo emi, item eke nti adausung mme ntaifiok ekeme ndinwam ke ediwak ini. Nnyin imekeme nko edidomo man inam usung nnyin edibo ima Abasi ofon ke ndibup idem nnyin ete, “Ndi ami mmema Abasi ke ofuri ini mme ndi ami ma Enye ke ini ami nnyenede eti usen, edi iwakke ntre ke ini ami nnyenede idiok usen?”

Udiana akpaniko edi ke nnyin imenyene ete ye eka eke heaven, ete ye eka.⁷ Ukpepnkpo abangade Eka eke Heaven oworo oto eriyarare onyung edi se enimde-ke-akpaniko kotu mbon Latter-day Saint. President Dallin H. Oaks anam anwanga ufon akpaniko emi ete: “Ukpepnkpo iko Abasi nnyin otongo ke ete ye eka eke heaven. Nkpo-nkan udong nnyin edi nditie nte mmo.”⁸

Ekeyarare ata esisit kabanga Eka eke Heaven, edi enam se nnyin ifiokde edi ibio-ibio ke ibuot iko Abasi emi odude ke Gospel Library application nnyin.⁹ Inikiet eke afo okotde se idude do, afo eyediongo kpukpru nkpo eke ami mfiokde kabanga ibuot-iko oro Ebiete ke mkpediongo ata ediwak. Afo emekeme ndisuk nnyenyene mbume ndien oyom ndikut ediwak iboro. Ndiyom akwa ifiok edi ubak akpan-nkpo eke nkori spirit nnyin, edi mbok kpeme idem. Ntak ikemeke ndida-itie eriyarare.

Iko edem ididaha ikesim akwa ifiok ke nkpo Abasi, edi ekeme ndiad nkesim abianga mme ndiwongore idorenyin nnyin mkpong se ema ekeyarare.¹⁰ Nte uwutnkpo, Andinyanga ekekpep mbet Esie ete, “Mmodo mbufo enyene ndibong akam kpukpru ini nno Ete ke enying mi.”¹¹ Nnyin itiene uwutnkpo emi inyung inam ntuak-ibuot nnyin ino Ete nnyin ke Heaven ke enying Jesus Christ ndien nnyin ibongke akam ino Eka eke Heaven.¹²

Tongo nte Abasi ekemek mme prophet, mmo ema ebo unen nditing iko ke nde Esie. Edi mmo itingke mme abianga ukpepnkpo “eke esit [mmo] ”¹³ mme ndikpep se emi-kiyarake. Kere-banga mme iko eke prophet Balaam Akani Testament, emi ekenode enye ubok-edem ete osungi ndito Israel man ofon ye Moab. Balaam ete, “Ekpedi [edidem Moab] ono mi adanga silver ye gold nte ekemede ndiyoho ufok esie, ndikemeke ndibe uyo Jehovah Abasi mi, nkanam ekpri mme ediwak.”¹⁴ Mme prophet ekpere-edem usen emi enam ukem oro. Ndiyoyom eriyarare nto Abasi edi nwutidem inyung inyeneke ufon. Ke ntre, nnyin iyeda-ibet Abasi ye ini Esie man ayara mme akpaniko Esie ke usung emi Enye ekenimde.¹⁵

Oyoho akpaniko ita ke ntongo udim-nwed eke ibuot-iko Nkaiferi Iban edi ke nnyin iminyene “edisana uduot-obot.” Emi edi akpan-nkpo ono owo eke nnyin idide. Oro edi edisana “uduot,” ibode ito ete ye eka heaven nnyin,¹⁶ inyung iyomke ukeme eke idem nnyin. Emi edi ata akpan idiongo, ibeheke nte nnyin iyomde ndiwut idem nnyin. Ndifiok ata akpaniko emi edi akpn-nkpo ono kpukpru owo edi akpan-akpan ono mbon-owo esinede ke mme nka emi ema ekesin, etuhode, mme ekesuenede tongode ke eset. Ti ete ke ata akpan idiɔŋɔ foenyene ebuana ye edisana uduot-obot fo nte eyen Abasi.

Oyoho akpaniko inang edi ke nnyin iminyene “nsinsi akanga.” Owo idifikke oruk akanga oro ino nnyin. Ke mkpa ebede, nnyin iyebo se odotde ye nnyin inyung “ikop-idara [kpot] ke nkpo emi [nnyin] nnyin inyimede ndibo,”¹⁷ Ndifiok nsinsi akanga nnyin okongo ke mme mbumek nnyin. Oro oyom edi-nam nyung nim ndisana ediomi. Usung ediomo edi usung emi nnyin itienede Christ ndien okongo ke ata akpaniko ye nsinsi, mbet emi mikpuhoke. Nnyin ikemeke edimek usung nnyin ndien iyom edibo edidiong nto Abasi. Ndiyom edidiong Esie kini munamke nsinsi mbet emi adade-ono mmo¹⁸ edi nditun-usung, nte ndikere ke nnyin imikeme edimum ufiop-ikang ndien “ibiere” ke ikang iditaha nnyin.

Afo emekeme edidiongo ete ke ami nsikɔk mbon-udongo emi enyenede udongo esit. Ata nti iboro mmo ekesito mmo editiene mme enenim, owut-idiongo uduak nte edibode-ukok. Kesioho ndifiok emi, ubak mbon-udongo esiyom ndinam uduak edibo-usobo efen. Mmo ete, “Ami nyomke ndida ata ediwak ibok” mme “Ami nyomke ndinam udomo edise owo idem.” Nte ededi, mbon-udongo enyene unen ndinam ubiere mmo, edi edieke mmo etrede uduk edibo usobo, iboro mmo eyediok. Mbon-udongo eke udongo-esit ikemeke ndimek idiok usung ndien ekem edibiom mbon-use-esit kini idem mmo misongke.

Ukem oro edi akpaniko ye nnyin. Usung emi Ete Heaven ekenimde ada aka nsinsi nti iboro. Nnyin iminyene uben ndimek, edi nnyin ikemeke ndimek mme iboro ke itreke editiene usung emi ekeyarade ewut.¹⁹ Jehovah okodoho ete, “Owo eke abiatde ibet, inyung isanagake ke ibet, edi oyom ndikabare ndi ibet nno idemesie, … ibet idinamke enye asana, mme mbom, utip-ikpe mme ubiere-ikpe.”²⁰ Nnyin ikemeke ndikpong eketode Ete Heaven ndien idibiom Enye ke mme ndioi iboro etibede.

Udiana ntongo udim-nwed eke ibuot-iko Nkaiferi Iban okot ete: “Nte mbet Jesus Christ, ami ndomo editie nte Enye. Ami nyom nyung nam nkpo ye eriyarare eke idem mi nyung nwam mbon efen ke edisana enying Esie.” Nnyin imikeme edinyene iko ntiense mbanga Jesus Christ ke edinam-nkpo ke mbuotidem.²¹ Nnyin imikeme edibo eno spirit “man idiongo ete ke Jesus Christ edi Eyen Abasi, ndien ke ekewot ke ntak idioknkpo eke ererimbot.” Mme ke nnyin imikeme edibo eno man inim ke mme iko eke mbon emi ekefiokde,²² tutu nnyin idifiok ino idem nnyin. Nnyin imikeme editiene mme ukpepnkpo Andinyanga inyung inwam mbon efen nditiene Enye. Ke usung ntem, nnyin idiana ye Enye ke utom Esie.²³

Ibuot-iko eke Nkaiferi Iban aka-iso ete, “Amii nyeda nte ntiense nno Abasi ke kpukpru ini ye ke kpukpru nkpo ye ke kpukpru ebiet.” Eyom ofuri mbon Ufok Abasi edi mme ntiense Abasi,²⁴ okposuk nte ema ekemek mme Apostle ye Seventies nte asanga-asanga ntiense kabanga enying Jesus Christ enim.²⁵ Kere mbuba mbre utigha-ball emi andimum kpot ebemde inua-eto. Kesioho unwam eke mbon mbre eken, andimum idikemeke ndinehe mbem inua-eto, ndien eyekan nka-mbre oro ke ofuri ini. Ntre nko, eyom kupkpru owo ke nka-mbre Jehovah.²⁶

Akpatre udim-nwed eke ibuot-iko eke Nkaiferi Iban otongo ete, “Nte ami ntimede man ndot nno edimenede, ami mmema eno editua-mkpofiok nyung nyom ndinam-ofon kwa usen.” Ke ntak uwa usio-isop eke Andinyanga, nnyin imikeme editua-mkpofiok, ikpep ito ndundue nnyin, ndien iboho ubiom-ikpe ito mmo. President Russell M. Nelson ekpep ke: “Ata ediwak owo eda editua-mkpofiok nte ufen. … Edi Satan esi-sin ekikere emi ete kedi edibo-ufen. Enye odomo ndibiongo nnyin man ikuse Jesus Christ, emi adade ye ntaru-ubok, enyime onyung aduak ndikok, mfen-nno, nyet, nsongo, nyung nam nnyin isana.”²⁷

Ini emi nnyin inehede iyua-mkpofiok, iduhe nam-ndue emi edidude, isehe se nnyin ikanam, nte okodiokde, mme adanga ibat emi nnyin ikafiakde inam oro.²⁸ Nte nnyin iwakde nditua-mkpofiok inyung iyom edidahado ke oyoho esit, eyefen eno nnyin.²⁹ Nsuto eti eno eketode Andinyanga nnyin, Jesus Christ!³⁰ Edisana Spirit ekeme edisongo nno nnyin ete ke efen-eno nnyin. Nte nnyin ikopde idara ye emem,³¹ esohi ekikere-ndudue efep,³² ndien nnyin iboho ndutuho ito idionkpo nnyin aba.³³

Kpa ke ima ikenehede itua-mkpofiok ikure, nte ededi, nnyin imikeme ndidue. Ndinam ndudue iwɔrɔke ke mkpɔfiɔk ikikemke edi ediwut mmemidem nnyin nte owo. Se osongo ke ndifiok ete ke “Abasi okut mmemidem ke isio-isio usung akan nte [Enye] esede nsong-ibuot.” Inaha nte nnyin iyik ukeme eke Andinyanga ke ndinwam nnyin ke mmemidem nnyin koro “ini emi Abasi etingde abanga mmemidem, ofuri ini oro esidi ye mbom.”³⁴

Ibuot-iko eke Nkaiferi Iban editre ete, “Ye mbuotidem, ami nyesongo ufok ye ufokemana mi idem, nam nyung nim ndisana ediomi, nyung mbo mme edinam iko-Abasi ye edidiong eke temple. Ndisongo ufok ye ufokemana idem ekeme ndidi ndidiong akpa uruk ke uyiri mbuotidem, mum inyene mbuotidem, mme ndifiak nda oro ndi.³⁵ Ke misehe, osongo oto ndibuot-idem ke Jesus Christ ye ke ndinam ndisana ediomi.

Ke temple, nnyin ikpep ibanga owo eke nnyin idide ye ebiet emi nnyin ikodude. Cicero ata-owo-mbufiɔk mbon Rome ete, “Ndinana ifiok mbaŋa se ikitibede mbemiso afo ekedimana kpukpru ini edisuk idi eyenowong.”³⁶ Enye ekedi, nte ededi, nditing mbanga ifiok mbuk-eset, edi ata enyin-edikut esie ekeme nditara. Nnyin idi-di ndito-owong ke nsinsi edieke nnyin mifiokke nsinsi ini-iso emi nnyin ikibode ke temple. Do ke nnyin idikori ke Abasi, “ibo oyoho Edisana Spirit,”³⁷ inyung ikabare itim isin-ifik nte mbet eke Andinyanga.³⁸ Nte nnyin inamde ediomi nnyin, nnyin ibo odudu Abasi ke uwem nnyin.³⁹

Ami nkot mbufo nte ewuk uwem mbufo ke Jesus Christ enyung eti mme ata-ntongo akpaniko ekedude ke ibuot-iko eke Nkaiferi Iban. Edieke mbufo eduakde, Edisana Spirit eyeda mbufo usung. Ete nnyin ke Heaven oyom mbufo ekabare edi adia-akpa Esie enyung ebo kpukpru se Enye enyenede.⁴⁰ Enye ikemeke ndino awak akan oro. Enye ikemeke ndinwongo-nno mbufo akan oro. Enye enehede ama mbufo akan nte mbufo efiokde onyung oyom mbufo enem-esit ke uwem emi ye ke uwem eke edidide. Ke enying Jesus Chrst, amen.

Mkpri nwed

1. See Bonnie H. Cordon, “Beloved Daughters,” Liahona, Nov. 2019, 67; “Young Women Theme,” ChurchofJesusChrist.org.

2. Se nko “The Family: A Proclamation to the World,” ChurchofJesusChrist.org.

3. See Romans 8:35, 38–39.

4. See Galatians 5:22.

5. Richard G. Scott, “To Acquire Spiritual Guidance,” Liahona, Nov. 2009, 8. The jalapeño is a medium-sized chile pepper pod of the species Capsicum annuum.

6. Se Mosiah 2:36.

7. See Gospel Topics, “Heavenly Parents,” topics.ChurchofJesusChrist.org.

8. Dallin H. Oaks, “Apostasy and Restoration,” Ensign, May 1995, 87; see also Doctrine and Covenants 131:1–4; 132:19. Women and men cannot be exalted without each other.

9. See Gospel Topics, “Heavenly Parents.” Another resource providing information on this subject is the Gospel Topics essay “Mother in Heaven” (topics.ChurchofJesusChrist.org).

10. Even sincere questions about partially revealed or unrevealed truths can lead us to look “beyond the mark” (Jacob 4:14). In particular, we need to rely “wholly upon the merits of him who is mighty to save” (2 Nephi 31:19), Jesus Christ. Suggesting the need for something more than what Jesus Christ offers effectively diminishes the scope and power of His infinite Atonement. In so doing we divert our attention from the ultimate “source [to which we should] look for a remission of [our] sins” (2 Nephi 25:26).

11. 3 Nephi 18:19.

12. See, for example, Russell M. Nelson, “Lessons from the Lord’s Prayers,” Liahona, May 2009, 47.

13. Numbers 16:28.

14. Numbers 22:18.

15. Se Doctrine and Covenants 28:2–7.

16. See Gospel Topics, “Heavenly Parents.”

17. Doctrine and Covenants 88:32.

18. Se Doctrine and Covenants 130:20–21.

19. Se 2 Nephi 2:5, 16, 26-27.

20. Doctrine and Covenants 88:35.

21. Russell M. Nelson, “Christ Is Risen; Faith in Him Will Move Mountains,” Liahona, May 2021, 101–4.

22. Se Doctrine ye Covenants 46:13–14.

23. See General Handbook: Serving in The Church of Jesus Christ of Latter-day Saints, 4.1, ChurchofJesusChrist.org.

24. Se Mosiah 18:9.

25. Se Doctrine ye Covenants 27:12; 107:23, 25; 124:138–39

26. No one needs to do everything, but everyone who is willing can do something. Moreover, God can make the willing able, but He cannot or will not make the able willing.

27. Russell M. Nelson, “We Can Do Better and Be Better,” LiahonaMay 2019, 67.

28. Joseph Smith taught: “There is never a time when the spirit is too old to approach God. All are within the reach of pardoning mercy. … This doctrine appears glorious, inasmuch as it exhibits the greatness of divine compassion and benevolence in the extent of the plan of human salvation. This glorious truth is well calculated to enlarge the understanding, and to sustain the soul under troubles, difficulties and distress” (Teachings of Presidents of the Church: Joseph Smith [2007], 471). Se Boyd K. Packer, “The Plan of Happiness,” LiahonaMay 2015, 28.

29. Se Mosiah 26:29–30; Moroni 6:8; Doctrine and Covenants 58:42–43

30. Se Moroni 7:27–28. Remarkably, our Judge is also our Advocate.

31. Se Mosiah 4:3.

32. se Enos 1:6.

33. Se Alma 36:19.

34. Richard G. Scott, “Personal Strength through the Atonement of Jesus Christ,” Liahona, Nov. 2013, 83. Consciously planning a sin with the callous plan to repent afterwards—in other words, preplanned repentance—is repugnant to the Lord. Those who do so “crucify to themselves the Son of God afresh” (see Hebrews 6:4–6). This warning should be considered: “For if we sin wilfully after that we have received the knowledge of the truth, there remaineth no more sacrifice for sins, but a certain fearful looking for of judgment and fiery indignation” (Hebrews 10:26–27).

35. Se Isaiah 58:12–14.

36. Marcus Tullius Cicero, Orator, trans. H. M. Hubbell, chapter 34, section 120; in Cicero (1971), 5:395.

37. Se Doctrine ye Covenants 109:15.

38. Se Doctrine ye Covenants 109:22.

39. Se Doctrine and Covenants 84:19–20.

40. Se Doctrine ye Covenants 84:36–38.