Ndise-video: “Mbufo Edi iban emi Enye Okokutde“
Ke 1979 President Spencer W. Kimball okodu ke ufokibok ndien odoho Camilla, nnwan esie, ete okot iko-etop esie ono ke esop ofuri iban.
Sisiter Camilla Kimball: “Ediwak akwa nkori emi odukde edi ke Ufok Abasi ke ekpere edem usen edi-di koro ediwak nti iban eke ererimbot (emi mmo esiwakde ndinyene oruk ntotungo ido nkpo-Abasi) eyediduk Ufok Abasi ke ediwak ibat. Emi editibe ke edieke iban Ufok Abasi edinyenede edinen ido ye nting-enyin ke uwem mmo ye ke edieke edikutde iban oro ndien ekesim ndaha nte ke ekut iban Ufok Abasi nte edide isio-isio ye ukpuhore—ke ndaha inemesit—kotu mme iban efen ke ererimbot.”1
President Russell M. Nelson: “Ndima ndito-ekami iban, mbufo emi edide akpan nsanga nnyin kini edikure utom emi, usen eke President Kimball okokutde edimfin emi. Mbufo edi iban emi enye okokutde! Eti-ibuot, unwana, ima, ifiok, uko, ido, mbuotidem, ye edinen uwem mbufo eyeda mme nti iban eke ererimbot, diana ye mme ufokemana mmo, edi Ufok Abasi ke anana-ibat ndaha!
“Nnyin … imoyom osongo, nkabare-esit, edinim, ukeme mbufo ke ndida usung, ifiok, ye uyo mbufo. Obio-ubong Abasi ikemke ndien ikemeke ndikem ke iban emi enamde ndisana ediomi ndien ekem enim mmo miduhe,iban emi ekemede nditing-iko ye odudu ye unen eke Abasi! …
“… Ke suto ikoot, ke suto ndaha, nnyin imoyom nti-ekikere, ntotungo-ifiok, ye inem-iko mbufo. Nnyin imeyom mbufo eting iko esong uyo ke ward ye stake councils. Nnyin imoyom iban ndɔ nditing-iko nte‘ anditip ye oyoho nsanga’ ke nte afo edianade ye ebe fo ke ndikara ufokemana fo. Mme emedɔ-ndɔ mme udɔhɔ, mbufo nditɔ-eka iban emenyene isio-isio ukeme ye ɔkpɔkpɔ ifiok ke idem mbufo emi ebode nte mme enɔ eto Abasi. Nnyin irenowo ikemeke ndinyene asanga-asanga odudu nte mbufo.
“Nnyin imidiongo ete ke utit edinam eke ofuri se ekebotde ekedi ndibot nnwan! Nnyin imoyom nsongo-nda eke mbufo! …
“… Ami mmekom mbufo, ndima ndito-eka mi iban, nyung ndiong mbufo nte edaha ekesim oyoho ndaha mbufo, man enam utom emi ekebotde mbufo eno ekure, ke nte nnyin idianade kiet inam edisana utom emi. Otokiet nnyin iyenwam ibenge ererimbot inim ino Edidi Obong Oyoho Ikaba.”2