Koro Abasi Akamama Nnyin
Abasi ama-ma nnyin tutu Enye okono Ikpong-kpong Eyen Esie—idihe ndibiom nnyin ikpe edi man anyanga nnyin.
“Koro Abasi akamama ererimbot ntem, tutu Enye osio ikpong-ikpong Eyen emi Enye Obonde ono, man owo ekededi eke obuotde idem ye Enye okutak, edi enyene nsinsi uwem.”(John 3:16). Akpa ini ami nkekutde ufang nwed emi, ami nkeduhe ke ufok Abasi mme ke mboho mbubreyo eke ufokemana. Ami nkese nkpo mbre nsinge-idem ke television. Ibeheke suto ebiet emi nkesede, nko ibeheke suto mbre enye ekedide, sese owo kiet ama akama idiongo emi ekekotde “John 3:16
Ami man-di mma ukem-ukem ufang Efureba: “Koro Abasi ikodongke Eyen esie edi ke ererimbot ndibiat; edi man ekpenyanga ererimbot otode ke enye.”
Abasi okodong Jesus Christ, ikpong ikpong Eyen Esie ke obukidem, ndiyak uwem Esie nno nnyin kiet kiet. Enye akanam emi koro Enye akamade nnyin nko akanam uduak ono nnyin kiet kiet ndifiak nyong ufok mbine Enye.
Edi emi idihe ufuk-nkpo, mum-kpukpru, tuak-yung-tre oruk uduak. Edi nkpo idem, ekenimde otode edima Ete Heaven, emi ofiokde esit nnyin, enying nnyin, ye se Enye oyomde nnyin inam. Ntak eke nnyin inimdidie oro? Koro ema ekpep oro eno nnyin ke edisana nwed Abasi.
Moses afiak okop nte Ete Heaven etingde mme iko “Moses, eyen mmi” (see Moses 1:6; se nko verses 7, 40). Abraham ama ofiok ke imo idi eyen Abasi, ekemekde eno utom esie mbemiso enye ekedima-na (se Abraham 3:12, 23). Otode ke ubok Abasi, ema enim Esther ke ndaha utenge man anyanga ikot esie (se Esther 4). Nko Abasi ama onim ekpri eyenanwan, eyen-ufok, man etie-ntiense abanga odu-uwem prophet man Naaman ekeme ndibo ukok (seke 2 Kings 5:1–15).
Ami sanga-sanga mmema eti owo oro, ibio ke idaha, emi okodokde eto man okut Jesus. Andinyanga ama ofiok ke enye odu do, ese ke enyong ke nkok eto, ndien eting mme iko emi: “Zacchaeus, … suhore di” (Luke 19:5 Nko nnyin ikemeke ndifre eyen isua Duopenang emi okodukde ke ikoot eto ndien ekpep ke idem esie adanga nte uduak edide: “[Joseph,] emi edi Edima Eyen Mi. Ekpang utom eno Enye!” (Joseph Smith—History 1:17).
Ndito-eka irenowo ye iban, nnyin idi se Ete Heaven esede ke uduak esie ye ntak utom eke Andinyanga nnyin. Nnyin kiet kiet, ke owo ke owo, idi utom Mmo ye ubong Mmo.
Nte ami, iduhe nwed iko Abasi eke anamde emi anwanga nte ukpepnkpo mi eke Akani Testament. Ibuot ke ibuot nnyin ikut mme uwutnkpo adanga nte Ete Heaven ye Jehovah enehede esine ke uwem nnyin.
Mmi-mmi emi nnyin ikekpep ibanga Joseph, edima eyen Jacob. Tongode ke uyen esie, Joseph ama enehede enyene mfon iso otode Obong, edi enye okut akwa ukut ke ubok ndito-ete esie. Udua iba emi ekebede, ediwak nnyin ima ikop mbom kabanga nte Joseph ekefende-do ono ndito-ete esie. Ke Di, Tiene Mi nnyin ikoot: “Ke ediwak usung, uwem Joseph asanga ukem ye eke Jesus Christ. Okposuk edi nte mme idiok-nkpo okonode Enye akwa ndutuhode, Andinyanga ono edifen-nno, afak kpukpru nnyin osio ke sibe-de akang. Mme ana nte nnyin ibo edifen-nno mme ndino aka—ke ndusuk ini ana nte kpukpru nnyin inam mbiba—uwutnkpo Joseph owut nnyin Andinyanga, ata ntongo ukok ye edikpe emem.”1
Ukpepnkpo emi mmade ke mbuk oro otode eyeneka Joseph eren Judah, emi akanamde ubiong eke uduak Abasi ono Joseph. Kini ndito-ete Joseph eketabide enye, Judah anam anwanga mmo ke inaha nte eda uwem Joseph, edi ke ndinyam enye nsin ke ufun (se Genesis 37:26–27).
Ke ediwak isua ebede, Judah ye ndito-ete esie ema eyom ndimen mkpri-nkan eyen-ete eren mmo, Benjamin, eka Eqypt. Ke akpa ini ete mmo ama afanga. Edi Judah ama-anam enwongo ono Jacob—enye eyeda Benjamin afiak onyong ufok.
Ke Egypt, ema edomo enwongo Judah ese. Ema edot ekpri Benjamin uyio ke ndudue ubiat-ibet. Judah, man ada ke enwongo esie, enyime ndika nkpokobi ke ibuot Benjamin. “Koro,” enye okodoho, “didie ke ndika mbine ete mi, ndien ekpri eyen iduhe ye ami?” (se Genesis 44:33–34). Judah ama ebiere ndinam enwongo esie nyung mfiak ye Benjamin ke ifure. Ndi afo emesikere nkpo abanga mbon efen ke uto usung nte Judah ekekerede abanga Benjamin?
Idihe emi ke mme ete ye eka esikere ebanga ndito mmo? Didie ke mme missionary esikere ebanga mme owo emi mmo enamde nkpo eno? Didie ke mme adausung primary ye iwaad ekere ebanga mbon oro mmo ekpepde ye ima?
Ke misehe uto owo emi afo edide mme ndaha fo idahaemi, owo kiet ekere ke ukem-ukem usung emi abanga fi. Owo kiet oyom ndifiak nyong mbine Ete Heaven ye afo.
Ami mmekop inemesit mbanga mbon oro misikpaha mba kabanga nnyin, emi ekade iso ndibong-akam kabanga nnyin, ye emi ekade iso ke ndikpep nnyung nnwam nnyin idot ke ndifiak nyong ufok mbine Ete Heaven nnyin.
Mmi-mmi emi, edima ufan ama abiat usen Ikie-iba ye edip-ye-duopeta ke ufokibok ye COVID-19. Ke ini oro, ete esie emi akpade ama ekese enye, emi akebupde ete yak eno etop esok mme ndito eyeyen esie. Kpa nte ke edem ikpehe eken, eti ete-ete emi enyene udong ke ndinwam ndito-ndito esie ndifiak nyong ufok heaven mmo.
Enehede-awak, mme mbet Christ ke eti “mme Benjamin” ke uwem mmo. Ke ofuri ererimbot mmo ema ekop akwa ikoot eke odu-uwem prophet Abasi, President Russell M. Nelson. Mkparawa ye nkaiferi esin idem ke mbon ekong iwaad eke Obong. Mme owo ye ufokemana ke eka ke spirit utom unwam—ke ima, ebuana, enyung ekoot mme ufan ye mbohoidung ete edi etiene Christ. Iwaad ye mme ikpo-owo ke ete-ti enyung edomo ndinim ediomi mmo—ndiyoho mme temple Abasi, eyom enying mbon ufokemana mmo emi ema ekekpa, enyung ebo edinam-iko Abasi eno mmo.
Ntak asanga-sanga uduak eke Ete Heaven kabanga nnyin esinede ndinwam mbon efen enyong ebine Enye? Koro oro edi ntak eke nnyin itiede nte Jesus Christ. Ke akpatre, mbuk Judah ye Benjamin ekpep nnyin abanga uwa Andinyanga anamde ono nnyin. Otode ke Erisio-isop Esie, Enye ono uwem Esie man emen nnyin onyong ufok. Iko Judah anam owut ima Andinyana koro: “Didie ke ndika mbine ete mi, ndien [afo] uduhe ye ami?” Nte anditang Israel mbook, oro ekeme ndidi iko nnyin nko.
Akani Testament oyoho ye utibe-nkpo ye akwa mfon emi edide akpan-nkpo ke uduak Ete eke Heaven. Ke 2 Kings, ibuot Inangekpri iko “enye oduo ke usen kiet” esin enye ke iko ukime ikata ndinehede nting mbanga mme akpan nkpo-ntibe ke ami asangade ke ini Abasi, inyung iduhe nkpo eke ekpride ono Enye.
Obufa ufan mi Paul eting iko ntiense kabanga akpaniko emi. Paul ekekori ke ufok emi esisabide owo ke ubakini ndien kpukpru ini esifanga abanga edu-ukpono. Kini odude ke ufoknwed ke anwa-ekong ke Germany, enye okut ndito-eka iban iba emi ekenyenede unwana eke spirit. Ke ndibup ntak mmo ekenyenede ukpuhode emen iboro ete ke mmo edi mbon Ufok Abasi Jesus Christ Mme Ndisana Owo Ekpere Edem Usen.
Esesit ini Paul otongo ndisobo ye mme missionary ndien ekoot enye ete edi ufok Abasi. Ke Sunday efen, nte enye oworode ke bus, enye okut irenowo iba esinede mfia ofong ye tie. Enye obup mmo edi mme ebio-owo eke Ufok Abasi. Mmo eboro ihn, ndien Paul etiene mmo.
Kini iko Abasi, okworo iko anyan-ubok owut mme owo ke ufok Abasi ndien okoot mmo ete edi-no iko ntiense. Ke akpatre iko ntiense mmo, amia-ndido ebre ndido okom mmo ndien otu owo eboro, “Amen.”
Kini okworo-iko anyande ubok owut Paul, enye adaha ada ke ukot onyung odoho ete, “Ami mmofiok ke Joseph Smith ekedi prophet nko ke Nwed Mormon edi akpaniko.” Ikeduhe ekoom eke ndido mme amen. Paul ke ndo-ndo oro ofiok ke enye okodu ke ufok-Abasi efen. Ibihike, Paul oyom usung esie ke nnen-nnen ebiet onyung obo uduok-mmong.
Ke usen uduok-mmong Paul, owo ufokAbasi enye mifioke odoho enye ete, “Afo ama anyanga uwem mi.” Udua ifang eke-be, owo emi ama ebiere ndiyom ufokAbasi efen nko oduk iko Abasi ye ndido ye mme amen. Kini owo oro okopde Paul onode iko ntiense abanga Joseph Smith ye Nwed Mormon, enye ofiok ete ke Abasi ofiok enye, okut ukeme esie, onyung enyene uduak abanga enye. Mbiba eke Paul ye owo oro, “oro eketibe ke usen kiet,” ka-kpaniko!
Nnyin nko imofiok ke Ete eke Heaven enyene asanga-sanga uduak inemesit ono nnyin owo kiet-kiet. Koro Abasi okono Edima Eyen Esie osok nnyin, mme utibe-nkpo emi nnyin iyomde “[oworo] ke [ata] usen oro” eke anamde man uduak Esie osu.
Ami nting iko-ntiense ke isua emi ke nnyin iyekpep ediwak keAkani estament ibanga uduak emi Abasi enyenede ono nnyin. Edisana akamba-nwed oro ekpep abanga ubiong-utom eke mme prophet kini unana-idorenyin ye ubok Abasi ke ererimbot ndutime ye anwan. Oro nko abanga nti andinim ke akpaniko emi esede edi-di Andinyanga nnyin ye mbuotidem, ukem nte nnyin isede inyung ibengede-idem ino Edifiak ndi Esie oyoho ikaba mfiak—ndi ke ubong Esie emi eketingde ebanga ke anyan ini.
Tutu usen oro, nnyin ikemeke ndikut ye enyin obuk-idem nnyin, ubono-nkpo Abasi ke ofuri ndaha eke uwem nnyin (se Doctrine and Covenants 58:3 Edi nnyin imikeme nditi iboro eke Nephi kini enye osobode ye nkpo emi enye mifiokke: kini enye mifiokke iboro eke kpukpru nkpo, enye ofiok ete ke Abasi ama-ma ndito Esie (se 1 Nephi 11:17).
Emi edi ntiense mi ke ediye usenubok Sabbath emi. Yak nnyin iwet enye ke esit nnyin ndien iyak enye oyoho ukpong nnyin ye emem, idorenyin, ye nsinsi inemesit: Abasi ama-ma nnyin tutu Enye okono Ikpong-kpong Eyen Esie—idihe ndibiom nnyin ikpe edi man anyanga nnyin. Ke enying Jesus Christ, amen.