Edisuhɔ ke Usen Christ

Otode Sister Amy A. Wright

Akpa Onoitem ke Primary General Presidency

Jesus Christ anam emem ɔnɔ nnyin “ndidu ke usen.”

Enye ekedi usen ɔyɔhɔde ye ediwut mme nnen nnen nke, mme ɔkpɔsɔŋ mbume, ye eti ubono ŋkpɔ. Ke ekurede ɔkpɔsɔŋ edikpan mbon oro eketiede nte mme “afia edibot-ŋkpɔ, emi ke akpanikɔ ekeyede ke odoro, edi ɔkɔyɔhɔ ye ndukpo ɔkpɔ owo, ye mme kpukpru mme ndedehe ŋkpɔ”¹ Jesus ama ekpep mme nke ita efen kabaŋa mbeŋe idem eke spirit ye ndaha eke mbet. Kiet kotu oro ekedi nke-mbuk eke nditɔ-iban duop.

“Ntem ke obio ubɔŋ heaven editie nte nditɔ-iban duop, emi ekedade utuene-ikaŋ mmɔ, ndien eka ndikut ɔdɔ-ndɔ.

“Ndien ition ke otu mmɔ ekedi mme asian, nko ition ekedi ndisime.

“Mbon oro ekedide ndisime emen utuen ikaŋ mmɔ, edi ikidaha aran idian ye mmɔ:

“Edi mme asian ema-eda aran ke ekpeme ye ikaŋ mmɔ.

“Kini ɔdɔ-ndɔ mikidihe, kpukpru mmɔ ekop ekaha enyuŋ ede idap.

“Edi ke ufɔt okoneyo efiori ete, Sese, ɔdɔ-ndɔ kedi; mbufo ewɔŋɔ eka ekosobo ye enye.

“Ntem kpukpru nditɔ-iban oro edaha ke enyɔŋ, enyuŋ ediɔŋ utuenikaŋ mmɔ

“Mme ndisime nditɔ-iban edɔhɔ mme asian nditɔ-iban ete, Enɔ nnyin aran mbufo esisit; koro utuenikaŋ nnyin mmɔŋ enime.

“Edi mme asian nditɔ-iban ebɔrɔ ete, Idihe ntre; ndusuk aran idikemke nnyin ye mbufo: ekam eka, enyuŋ ekedep ke idem mbufo.

“Edi kini mme ndisime ndito-iban ekade ekedep, ɔdɔ-ndɔ edi; ndien mme asian nditɔ-iban etiene enye eduk ke ndɔ: ndien eberi usuŋ.

“Ke ebede ke mme nditɔ-iban eken edi, edɔhɔ ete, Ɔbɔŋ, Ɔbɔŋ, berede usuŋ nnɔ nnyin.²

“Edi enye ɔbɔrɔ ete, Ke akpanikɔ ke ndɔhɔ mbufo, mbufo ifiɔkke mi.³

“Ekpeme ndien, koro mbufo mifiɔkke usen mme hour eke Eyen owo edide.”⁴

President Dallin H. Oaks ewet mme iko mbume ekikere-iyatesit emi ke ebuana ke edidi Ɔdɔ-ndɔ:⁵ Nso edideke usen edidi Ɔmɔ edide mkpɔŋ? Edieke nnyin ifiɔkde ite ke nnyin iyesobo ye Ɔbɔŋ mkpɔŋ—otode ke mkpa nsek mme otode ke edidi Esie—nso ke nnyin ikpinam mfin emi?”⁶

Ami mekpep otode ke mbufiɔk eke idem mi nte ke mbeŋe idem eke spirit ke edidi Ɔbɔŋ idihe akpan ŋkpɔ kpɔt edi edi nkukure usuŋ ke ndinie ata emem ye inemesit.

Ekedi ndedeŋ usen edim ke ini ami nkekopke ke akpa mme ikɔ “Afo amenyene cancer.” Idem ama akpa ebe mi ye ami! Nte nnyin iwatde inyɔŋ ufɔk ke ndop uyo, ndikere mbaŋa mme etop oro, esit mi ekere abaŋa nditɔ iren nnyin ita.

Ke ekikere mi ami mbup Ete eke Heaven, “Nte ami nyekpa?”

Edisana Spirit eneme ɔnɔ mi, “Kpukpru ŋkpɔ Eyefɔn.”

Ntem ami mbuk, “ami nyedu uwem?”

Nko, Edisana ibɔrɔedi ɔnɔ mi: “Kpukpru ŋkpɔ Eyefɔn.”

Mma ntie ke ndutimede. Ntak emi ami nkebɔde ukem ibɔrɔ nte mme nyedu mme nyekpa?

Ke ndo ndo oro kpukpru asip uwem mi ɔyɔhɔ ye ata emem nte eketide mi: Ikinaha nte nnyin isɔp ke ndinyɔŋ ufɔk nyuŋ ŋkpep nditɔ nnyin adaŋa nte edibɔŋde akam. Mmɔ ema efiɔk nte ebɔde ibɔrɔ ye ndɔŋ esit etode ke edibɔŋ akam. Nnyin ikiyomke ndisɔp nyɔŋ ufɔk ndikpep mmɔ mbaŋa ikɔ Abasi mme mme ikɔ mme odu-uwem prophet. Mme ikɔ oro ekedi usuŋ ifiɔkde emi ukeme mme ekikere otode. Nnyin ikiyomke ndisɔp nyɔŋ ufɔk ndikpep mmɔ mbaŋa ikɔ nkabare esit, ediset ke mkpa, edifiak men-ndi, uduak erinyaŋa ukpɔŋ, nsinsi ufɔk emana, mme ndutum eke Jesus Christ.

Ke ini oro kpukpru ukpep ŋkpɔ eke mboho mbubreyo eke ufɔk emana, ikpehe ukpep ikɔ Abasi, mme akam mbuotidem ikinɔde,edidiɔŋ emi ekenɔde, ikɔ ntiense ikibuanade, ediomi ikinamde ye inimde, ufɔk Ɔbɔŋ ikikade, ye usen sabbath isinimde ekedi akpan—oh, didie ke enye edi akpan! Ini ama abiara ndisin aran ke mme utuenikaŋ nnyin. Nnyin ikiyom kpukpru ntɔi, ndien nnyin iyom enye idaha emi!

Ke ntak Jesus Christ ye mfiak men-ndi ikɔ Abasi Esie, adieke mkpade, eyedɔŋ ufɔk emana mi esit, esɔŋɔ, ndien usen kiet efiak emen edi. Adieke ndude uwem, ami nye-nyene ufaŋ ndinie akamba odudu ke ererimbot emi ndinwam ndibɔk, nnɔ ɔsɔŋɔ, nyuŋ nyaŋa mi. Ke akpatre, ke ntak Jesus Christ, kpukpru ŋkpɔ ekeme Ndifɔn.

Nnyin ikpep ito ata edikpep eke Doctrine mme nte “Ofɔn” etiede:

“Ndien ke usen oro, kini ami ndidide ke ubɔŋ mi, ke mbuk-nke oro ediwɔrɔ isu emi ami nketiŋde mbaŋa nditɔ-iban duop.

“Koro mmɔ emi enyenede ibuot enyuŋ ebɔde akpanikɔ, enyuŋ ebode Edisana Spirit nte ndausuŋ mmɔ, inyuŋ ibiaŋake mmɔ—ke akpanikɔ ami ndɔhɔ mbufo nte, owo idisibeke mmo ifep iduɔk ke ikaŋ, edi eyesuhɔ ke usen oro⁷

Jesus Christ anam emem ɔnɔ nnyin “ndidu ke usen.” Edidu ke usen iwɔrɔke ite ke ana nte edian ye mme udim ŋkpɔ enyenede ndinam. Kerebaŋa ŋkpɔ emi esinamde ŋkpɔ okpon. Akpan ufɔn esie idihe ndinam ŋkpɔ okpon kpɔt. Enyene ekeme ndinam unwana enehede enyene odudu. Ana nte nnyin inam amem, iwuk ukeme nnyin, ndien itaŋ Unwana Jesus Christ ibok ɔtɔkiet. Nnyin iyom ata edisana ye eriyarare mbufiɔk.

Odude ke edere Israel edi ediye obot okponde ntye esisɔpde ekot nte “awawa obot.” Obot Carmel⁸ edi awawa ke ofuri isua okponde akan ke ndusuk ekpri ntukube. Edibɔk esitibe kpukpru usen. Nte ntukube eke Carmel,⁹nte nnyin iyomde edibɔk mme nnɔ ukpɔŋ nnyin “ye mme ŋkpɔ abaŋade edinen ido,”¹⁰ mkpri mme mmem mmem ŋkpɔ,”¹¹ mme ikɔ ntiense nnyin ye mme ikɔ ntiense eke nditɔ nnyin eye-enyene uwem!

Idahaemi, mbufo emekeme ndikere, “Edi Sister Wright, afo ufiɔkke ufɔkemana mi. Nnyin iminehede inwana ndien isehe ŋkpɔ ntem.” Afo emenen. Ami mfiɔke ufokemana fo. Edi Abasi ye ata ima, mbɔm, odudu, ifiɔk, mme ubɔŋ ɔfiɔk.

Mme mbume emi afo akpebupde edi mme mbume eke esit enyikde ke ata ntotuŋo ukpɔŋ fo. Ukem mbume oro odu ke ndisana nwed Abasi:

“Andikpeb, nte Afo ukereke ete ke [ufɔkemana] mi ekutak?”¹¹

“Idorenyin mi idahaemi odu mmɔŋ?”¹³

“Nso ke [ami] ndinam, man emen nkim emi esio ke ndifuk [mi]?”¹⁴

“Ebiet ewe ke edikut ifiɔk? ndien ebiet asian odu ke mmɔŋ?”¹⁵

“Didie ke edi mmem mmem ete ke [ami] mekeme edimum kpukpru nti ŋkpɔ?”¹⁶

“Ɔbɔŋ, nso ke afo oyom ete ami nam?”¹⁷

Ndien tɔŋɔ ke ndo ndo oro ke mme inem inem ibɔrɔ edi:

“Nte afo emenim ke odudu Christ ekesim erinyaŋa ukpɔŋ?”¹⁸

“Nte Ɔbɔŋ ama akpan owo ndomokiet ete ekutabi ke mfɔn esie?”¹⁹

“Afo nim ete ke [Enye] enyene ukeme ndinam emi?”²⁰

“Nte afo emenim mme prophet ke akpanikɔ?”²¹

“Nte mbufo emenam ye mbuɔtidem ke edidemere enye emi okobotde mbufo?”²²

“Nte Andikpe unen eke ofuri isɔŋ isinamke sifɔn?”²³

Mme ndima ufan mi, nnyin ikemeke ndibuana aran nnyin, edi nnyin imikeme ndibuana unwana Esie. Aran ke utuenikaŋ nnyin iyake nnyin “idu ke usen” kpɔt edi ekeme nko ndidi ŋkpɔ uyama ke usuŋ emi adade mbon emi nnyin imade mbine Andinyaŋa, emi adade ke mbeŋeidem “ye ubɔk atarade ndibɔ” mmɔ.²⁴

“Ɔbɔŋ ɔdɔhɔ ete; Esio uyo mbufo ekpɔŋ mfuhɔ, enyen mbufo ekpɔŋ mmɔŋ eyet: koro eyenɔ utib ke utom mbufo, … ndien mmɔ eyefiak edi otode ke isɔŋ eke asua.

“Ndien idorenyin odu ke akpatre, Ɔbɔŋ ɔdɔhɔ, man nditɔ mbufo ekeme ndifiak ndi ke adaŋa mmɔ.”²⁵

Jesus Christ edi “idorenyin ke akpaktre.” Iduho ŋkpɔ inamde mme idinamde emi akande ndaha nsinsi mme ata uwa Esie. Enye edi ntak emi ke nsinsi midihe utit mbuk nnyin.²⁶ Ke ntre “ana nnyin esin ifik eka iso ye ndisɔŋɔ-nda ke Christ, ke ndiyene ata ediyama eke idorenyin, ye ima eke Abasi ye eke kpukpru owo. Ke emi, edieke [nnyin] idisin-nde ifik edikade-iso, ndikot ikɔ Christ, enyuŋ nyɔ tutu isim utit, sese, Ete odoho ete: [Nnyin] eyenyene nsinsi uwem.”²⁷

Nsinsi uwem edi nsinsi idara. Idara ke uwem emi, idahaemi—ke misehe mme mfina eke usen nnyin edi ke ntak unwam Ɔbɔŋ ke ndikpep nto ndien akpan akpan ndikan mmɔ—ndien idara emi udomo miduhe ke uwem edidide. Mmɔŋeyet eyesat, esit emi obuŋɔre eye enyene edikɔk, eyekut ŋkpɔ emi okosopde, eyeyɔ mme mfina, eyefiak ebok ufɔk emana, ndien kpukpru emi Ete enyenede eyedi eke nnyin.²⁸

Ese Jesus Christ enyuŋ edu uwem²⁹ edi ikɔ ntiense mi ke edisana ye edisana enyiŋ eke edima “Akpeme-erɔŋ mme Bishop ukpɔŋ [nnyin] ,”³⁰ Jesus Christ, amen.

Mkpri nwed

1. Matthew 23:27.

2. Matthew 25:1–11.

3. Joseph Smith Translation, Matthew 25:11 (in Matthew 25:12, footnote a).

4. Matthew 25:13.

5. Elder James E. Talmage taught: “The Bridegroom is the Lord Jesus; the marriage feast symbolizes His coming in glory, to receive unto Himself the Church on earth as His bride. The virgins typify those who profess a belief in Christ, and who, therefore, confidently expect to be included among the blessed participants at the feast. The lighted lamp, which each of the maidens carried, is the outward profession of Christian belief and practise; and in the oil reserves of the wiser ones we may see the spiritual strength and abundance which diligence and devotion in God’s service alone can insure” (Jesus the Christ [1916], 578–79).

6. Dallin H. Oaks, “Preparation for the Second Coming,” Liahona, May 2004, 9.

7. Doctrine and Covenants 45:56–57; emphasis added.

8. “Dewfall provides a limited amount of moisture even during the dry summer, and is important to summer crops such as watermelon. The nearer the area to the sea, the better are its prospects for dewfall on windless nights when the soil grows colder than the air which touches its surface. In general, the Coastal Plain has more dew than inland regions; richest is Mount Carmel, which has an average 250 nights of dew per year” (Efraim Orni and Elisha Efrat, Geography of Israel, 3rd rev. ed. [1971], 147).

9. Doctrine and Covenants 128:19.

10. Mosiah 23:18.

11. Alma 37:6.

12. Mark 4:38.

13. Job 17:15.

14. Helaman 5:40.

15. Job 28:12.

16. Moroni 7:20.

17. Acts 9:6.

18. Alma 15:6.

19. 2 Nephi 26:28.

20. Matthew 9:28.

21. Acts 26:27.

22. Alma 5:15.

23. Genesis 18:25.

24. Mormon 6:17.

25. Jeremiah 31:16–17; emphasis added.

26. See Camille N. Johnson, “Invite Christ to Author Your Story,” Liahona, Nov. 2021, 82: “Let the adversity and affliction that are part of every good story be a means by which you draw closer to, and become more like, Jesus Christ.”

27. 2 Nephi 31:20.

28. See Doctrine and Covenants 84:38.

29. See Alma 37:47.

30. 1 Peter 2:25.