Akwa Mboho
Ndinim Uyo Mme Anam Ediomi ke Idem Nditɔ-ŋwɔŋ
Akwa Mbono Ɔfiɔŋ Duop 2023
10:13

Ndinim Uyo Mme Anam Ediomi ke Idem Nditɔ-ŋwɔŋ

Otode Brother Jan E. Newman

Udiana Ɔnɔitem ke General Presidency eke Sunday School

Kiet ke ata akpan edisana utom nnyin edi ndinam nditɔ nnyin edidiɔŋɔ ntotuŋɔ-ntotuŋɔ ye nnen-nnen, ke Jesus edi Christ oro.

Kiet ke ata akpan ini ke Eto Ŋwed Mormon edi Andinyaŋa emi ama ekeset ndika nkese otu-owo ke temple ke isɔŋ Bountiful. Ke usen ukpep kiet ekebede, edikɔk, ye edibɔp mbuɔtidem, Jesus ama ɔwɔŋɔre ekikere otu owo esin ke idem nditɔ-ŋwɔŋ: “Enye eketeme mmɔ eda nkpri nditɔ-ŋwɔŋ esɔk Enye.”1 Enye ama ɔbɔŋ-akam ɔnɔ mmɔ; ɔnyuŋ odiɔŋ mmɔ kiet-kiet. Nkpo-ntibe oro ama enyene utenge tutu Andinyaŋa ke Idemesie akatua ediwak ini.

Ndien, ke etinŋde ikɔ ɔnɔ otu-owo, Jesus ama ɔdɔhɔ:

Sese Mkpri Ndito Mbufo.

“Ndien nte mmɔ ekesede … mmɔ ema ekut heaven okubɔre, enyung ekut mme angel esuhore eto heaven,” enyuŋ ekanare nkpri nditɔ oro ekuk.2

Mmesisɔp ndikere mbaŋa nkpɔ-ntibe emi. Enye ama eyemere esit kpukpru owo! Mmɔ ema ekut Andinyaŋa. Mmɔ etuk Enye. Mmɔ efiɔk Enye. Enye ekpep mmɔ ŋkpɔ. Enye ɔdiɔŋ mmɔ. Enye amma mmɔ. Idihe ŋkpɔ mkpaidem ke edisana edinam emi ama ekebe, nkpri nditɔ emi ema ekponi enyung enwam ebɔp obio enyenede emem, uforo, ye mbiet-ima Christ emi ekebihide ediwak emana.2

Ikpidihe ediye ŋkpɔ edieke nditɔ nnyin enyenede ukem ebuana ntem ye Jesus Christ—ŋkpɔ emi ɔbɔpde esit mmɔ idian Enye! Enye okot nnyin, nte Enye okokotde unyene nditɔ oro ke Eto Ŋwed Mormon, ida nkpri nditɔ nnyin isɔk Enye. Nnyin imekeme ndinam mmɔ ediɔŋɔ Andinyaŋa ye Andifak, usuŋ nte nditɔ emi ekediɔŋɔde. Nyin imikeme ndiwut mmɔ nte edikemede ikut Andiyaŋa ke ŋwed-ikɔ-Abasi, enyuŋ ebɔp itiat-idak-isɔŋ mmɔ ke Enye.4

Ibihike, eti ufan kiet ama ekpep mi ŋkpɔ mme nkɔdiɔŋɔke, abaŋa nke ɔfiɔk ŋkpɔ owo emi ɔkɔbɔpde ufɔk odori ke itiat. Ke itienede mbuk oro ke Luke, nte ɔfiɔk ŋkpɔ owo ekebiride itiat-idak-isɔŋ ɔnɔ ufɔk esie, enye “ama ɔdɔk ɔtuŋɔ.”4 Ikidihe mfefere mme mmem-mmem utom—ama ada odudu!

Man ibɔp uwem nnyin idori ke Itiat eke Andifak nnyin, Jesus Christ, ana nnyin idɔk isɔŋ otuŋo. Nnyin iyesioŋo ŋkpɔ ekededi emi edide ndedet mme ɔdiɔkde ke uwem nnyin. Nnyin iyeka iso idɔk tutu ikokut Enye. Inyung ikpep ndito nnyin idem mmɔ ndian Enye, oto ke ndisana ewuhɔ ye ediomi man ke ini ɔkpɔsɔŋ oyobio ye ukwɔ edide, nte mmɔ edidide, mmɔ eyenyene nkpri unɔmɔ ke idem mmɔ “ke ntak itiat oro ebɔpde [mmɔ] edori.”6

Utɔ ukeme emi isuk itibeke ntre. Enye ibehe ikisim emana efen nte inyene spirit. Kpukpru owo ana edɔk otuŋɔ man ekekut Itiat emi.

Nnyin imikpep ukpep-ŋkpɔ emi ito mbuk efen ke Eto Ŋwed Mormon. Ke ini King Benjamin ɔkɔnɔde ikot esie akpatre etop esie, mmɔ ekebono nte ubon eda ekop ikɔ esie.7 King Benjamin ama ɔnɔ okop-odudu ikɔ-ntiense abaŋa Jesus Christ, ndien otu owo ema ekop uyuhɔ eto ikɔ ntiense esie. Mmɔ etiŋ anwa anwa:

“Spirit … amanam akwa ukpuhɔde ke idem nnyin, mme ke esit nnyin. …

“Ndien nnyin imenyime ndinam enwɔŋɔ ye Abasi nnyin, ndinam uduak Esie … kpukpru nyɔhɔ-nsuhɔ usen nnyin.”8

Owo ekeme ndikere ke nkpri nditɔ ye unyene emi enyenede utɔ ntotuŋɔ- nkabare esit ntem, ekeme ndikabare, enyung enam ediomi ke idem mmɔ Edi, ke ndusuk ntak emi owo mmitiŋke ke nwed-editi, ediomi mme unyene ndito ekenamde ikifɔnke ye ndusuk nditɔ mmɔ. Ediwak isua ke iso “ema edu ediwak ke otu emana nditɔ-ŋwɔŋ emi ikɔ King Benjamin mikinwaŋake mmɔ, ekedide nkpri nditɔ ke ini enye eketingde ikɔ ɔnɔ ikoɔt esie; ndien mmɔ ikenimke ndiɔi edinam mme ete mmɔ.

“Mmɔ ikinimke se eketiŋde ebaŋa ediset mme akpa-mkpa, inyuŋ inimke se ibaŋade edidi Christ. …

“Mmo inyuŋ inaha baptism, inuŋ idukke ufɔk-Abasi. Mmɔ ekedi iso-iso ibon ke ntak mbuɔtidem owo.”9

Nsutɔ nnen-nnen ekikere! Ifɔnke inɔ nditɔ-ŋwɔŋ, edieke mbuɔtidem ke Jesus Christ edide “ndiɔi edinam mme ete mmɔ.” Mmɔ ana eda mbuɔtidem ke Jesus Christ enyene ke idem mmɔ. Nte nditɔ ediomi Abasi, nnyin iidinam didie imen isin ke esit nditɔ nnyin udɔng ndinam nnyuŋ nnim ediomi ye Abasi?

Nnyin imekeme nditɔŋɔ ke nditiene uwutŋkpɔ Nephi: “Nnyin itiŋ ibaŋa Christ, idara Christ, ikwɔrɔ Christ, inyuŋ itiŋ prophecy ibaŋa Christ, inyuŋ iwet nte prophecy ɔdɔhɔde, man nditɔ nnyin ekpefiɔk utɔ usuŋ emi mmɔ ekemede ndise ke ndibɔ eriyanga ke idiɔk ŋkpɔ”10 Ikɔ Nephi ɔwɔrɔ nsin ifik, nka-iso utom ndikpep nditɔ nnyin mbaŋa Christ. Ana nnyin ikut ette ke uyo nditɔ ediomi idopke ke utong nditɔ ŋɔŋ, ye nko, ke Jesus idihe ibuot-ikɔ ke Sunday kpɔt.11

Eyekut uyo mme anam ediomi ke ikɔ idem nnyin edude ke ikɔ-ntiense. Eyekut enye ke ikɔ mme odu-uwem prophet. Enyuŋ etim enye enim ke eti usuŋ ke mme nwed iko-Abasi. Edi do ke nditɔ nnyin edididiɔŋɔ Jesus, enyuŋ ebɔ ibɔrɔ enɔ mbume mmɔ. Edi do ke mmɔ edikpep ukpep-ŋkpɔ Christ, ke idem mmɔ. Edi do ke mmɔ edikut idorenyin. Enye eyetim mmɔ idem ɔnɔ uwem ediyom akpanikɔ nnyuŋ nsaŋa ke usuŋ ediomi.

Mma-ma item emi otode President Russell M. Nelson:

“Mmɔŋ ke nnyin ikpekeme ndika man ikop uyo Esie?

“Nnyin imikeme ndika ke mme ŋwed Abasi. Mmɔ ekpep nnyin ebaŋa Jesus Christ ye gospel Esie, akwa-ndaha Edifak Esie, ye akwa uduak inemesit ye edifak Ete nnyin. Ndinyini ke ikɔ Abasi kpukpru usen ɔfɔn ke nsɔŋ-idem spirit, akpan-akpan ke mme usen emi idiok ŋkpɔ awakde ntem. Nte idarade ito ikɔ Christ kpukpru usen, Christ eyeteme nnyin nte idinamde ke mfina emi nnyin mikekereke ke iyesobo.”12

Ndien, ekpebiet nso ndidara nto ikɔ Christ ye ndikop Enye? Ndien, etie nte ŋkpɔ ekededi emi etimde ɔfɔn ɔnɔ fi! Ekeme ndidi ndiboho ye ubon fo man ekpetiŋ ebaŋa mme ŋkpɔ Edisana Spirit ekekpepde fi ke ini ukpep ikɔ-Abasi ke Edi, Etiene Mi. Ekeme ndidi ndiboho kpukpru usen ye nditɔ mbufo man ekot ekpri ufaŋ ke ŋwed ikɔ-Abasi, enyuŋ eyom ufaŋ ndineme se ekekpepde nte ekebiatde ini ɔtɔ-kiet. Eyom se ifɔnde ye mbufo ye ubon mbufo; nyuŋ nnam ɔfɔn esesit akan ke usen ke usen.

Kere baŋa ifiɔk emi otode Ndikpeb ke Usuŋ nte Andinyaŋa Ekekpebde: “Ekpebde owo kiet-kiet, home evening kiet, ini ukpeb ŋwed-Abasi, mme nneme gospel, iditiehe nte emenehede anam ŋkpɔ. Edi, ediwak nkpri, mmem-mmem udomo-idem, anamde ediwak ndha ke anyan ini, ekeme ndifon onyuŋ ɔnɔ odudu akan ibat-ibat ikpɔ ini ye ɔwɔrɔ-etop ukpeb ŋkpɔ. … Ndien kukob mmem idem, kunyuŋ ukere ubaŋa ndinam ata akwa ŋkpɔ kpukpru ini. Kam sɔŋ yire ke odudu fo. ”13

Kiet ke ata akpan edisana utom nnyin edi ndinam nditɔ nnyin edidiɔŋɔ ntotuŋɔ-ntotuŋɔ ye nnen-nnen, ke Jesus edi Christ oro, ata Eyen eke Ndodu Abasi, Andinyaŋa ye Andifak mmɔ, emi edide ibuot ɔnɔ Ufɔk-Abasi Esie! Inaha nnyin iyak ekobi mme etre uyo ediomi nnyin ama edisim Enye.

Afo emekeme ndikere ke udotke ke utom enye emi, edi kukere ke edi ikpɔŋ. Nte uwutŋkpɔ, eyak esop ke mme ward enam esop mme andikpeb edu ɔnɔ unyene nditɔ. Ke mbono ikanaŋ-ke-isua emi, unyene nditɔ ekeme ndibono kiet ekpeb eto kiet eken, eneme nte mmo esɔŋɔde ubon mmɔ idem, enyuŋ ekpeb akpan ibet abaŋade ukpeb ŋkpɔ mbiet-uwem Christ. Enyene ndiduk mbono emi ke ɔyɔhɔ hour iba ke usen edukde ufɔk-Abasi.14 Owo emi bishop emekde ke ward edi adausuŋ, ndien enye editiene adaha enimde ke mbono esop andikpeb, onyuŋ ada Ndikpeb ke Usuŋ nte Andinyaŋa Ekekpepde nte akpan ŋwed ukpebŋkpɔ.15 Mme bishop, edieke ward mbufo mme isinimke mbono esop andikpeb inɔ unyene nditɔ, ediana ye Sunday School president, ye esop ward eda bɔp ke idem mbufo.16

Ndima ufan mi ke Christ, mbufo emenam efon akan se mbufo ekerede. Kam ka-iso ke utom. Nditɔ-ŋwɔŋ mbufo ke esese, ke ekpaŋ utɔŋ, ke enyuŋ ekpeb. Adaŋa nte mbufo ekpebde mmɔ, eyediɔŋɔ ata uduot mmɔ nte ndima iren ye iban Abasi. Mmɔ ekeme ndifre Andinyaŋa ke ini kiet, edi ami ndɔhɔ fi Enye ikemeke ndifre mmɔ! Mme ini oro emi Edisana Spirit esitiŋde ikɔ inɔ mmɔ eyesuk edu ke esit mmɔ ye ekikere. Ndien usen kiet nditɔ-ŋwɔng mbufo eyefiak etiŋ ikɔ-ntiense Enos: “Ami, mɔfiɔk ke unyene mi edi mbon akpanikɔ—koro mmɔ ekekpepde mi ke edikpeb ye editeme emi otode Abasi—ndien eridiong enyene enyiŋ Abasi mi ke ntak oro.”17

Yak nnyin inyime ikot Andinyaŋa inyuŋ ida nditɔ nnyin isɔk Enye. Adaŋante nnyin inamde ntre, mmɔ eyekut Enye. Mmɔ eyetuk Enye. Mmɔ eyefiɔk Enye. Enye eyekpeb mmɔ. Enye eye ɔdiɔŋ mmɔ. Ndien, se, nte Enye edimade mmɔ. Ndien, se, nte ami mmade Enye. Ke edisana enyiŋ Esie, Jesus Christ, amen.

Mkpri nwed

  1. 3 Nephi 17:11.

  2. 3 Nephi 17:23–24; see also 3 Nephi 17:11–22.

  3. See 4 Nephi 1:1–22.

  4. See Luke 6:47–49; Helaman 5:12.

  5. Luke 6:48.

  6. Helaman 5:12.

  7. See Mosiah 2:5.

  8. Mosiah 5:2 Note that “there was not one soul, except it were little children, but who had entered into the covenant and had taken upon them the name of Christ” (Mosiah 6:2).

  9. Mosiah 26:1–2, 4.

  10. 2 Nephi 25:26.

  11. “There are many things to teach about in the restored gospel of Jesus Christ—principles, commandments, prophecies, and scripture stories. But all of these are branches of the same tree, for they all have one purpose: to help all people come unto Christ and be perfected in Him (see Jarom 1:11; Moroni 10:32). So no matter what you are teaching, remember that you are really teaching about Jesus Christ and how to become like Him” (Teaching in the Savior’s Way: For All Who Teach in the Home and in the Church [2022], 6).

  12. Russell M. Nelson, “Hear Him,” Liahona, May 2020, 89.

  13. Teaching in the Savior’s Way, 31.

  14. Special accommodations can be made for parents who teach in Primary, such as meeting during the 20-minute Primary singing time or holding a separate meeting at another time (see General Handbook: Serving in The Church of Jesus Christ of Latter-day Saints, 17.4, Gospel Library).

  15. Members and leaders can order Teaching in the Savior’s Way through Distribution Services. It is also available digitally in the Gospel Library.

  16. See General Handbook, 13.5.

  17. Enos 1:1. Remember that among the rising generation of unbelievers in the Book of Mormon were Alma the Younger and the sons of Mosiah. When Alma the Younger finally recognized his need to change his life, he remembered what his father had taught about Jesus Christ—teachings that Alma had apparently ignored in the past. But the memory of it remained, and that memory saved Alma spiritually (see Alma 36:17–20).