Didie ke Idara Fo Edikpon
Ami idahaemi mekot mbufo ndimen ifiɔk mbufo, diana ye edikpono mme ikɔ ntiense, ndien eka ke mission.
Ndima nditɔ eka iren mme iban, ekikere mi mfin edi ndibok Israel, se President Russell M. Nelson okokot “ke akpan ŋkpɔ adade itie ke isɔŋ mfin emi. Ŋkpɔ efen idomokiet iduhe ekemeke ndida ndomo ke udop, ŋkpɔk efen iduhe ke ubɔŋ.”1
Editaŋ mbok edi akpan edifiɔk ete ke “ekom urua ukpɔŋ okpon ke iso Abasi”.”2 Edi mmem mmem ntre. Nnyin ibok nditɔ Abasi ke mme akpatre usen emi man mmɔ enyene “mme edidiɔŋ emi ekeduɔkde ke ibuot mmɔ”3 ndien mme edidiɔŋ eke “inyene nsinsi.”4 Enye etiene oro ke ndibok Israel nnyin iyom mme—ɔkwɔrɔ ikɔ.5 Mfin emi ami ntiŋ ikɔ nnɔ ediwak nti mkpon owo ke Ufɔk Abasi emi ekemede ndiam utom ukwɔrɔ ikɔ. Abasi oyom mbufo. Nnyin imiyom mbufo ke New York mme Chicago, Australia mme Africa, Thailand mme Mexico, ye ofuri ebiet .
Yak nda mbufo nka ke isua 2015. Ami nkedi obufa owo ke Eboho mme Apostle Duopeba. Kiet kotu mme ubiɔŋ utom nnyin ikikamade nte mme Apostle ekedi ndinɔ mme ɔkwɔrɔ ikɔ eka inwaŋ utom. Ami mma mbuana nte owo eboho Seventy ke usuŋ oro,6 edi idahaemi nte Apostle, ami mma nkop ɔyɔhɔ udop ubiɔŋ utom. Ami ntɔŋɔ ke akam ke ndinim akwa mme elder ye mme nditɔ eka iban, kiet kiet ke missin ke ofuri ererimbot. Ndien ami nkabare ndi akamba ebe mme ŋwan. Mmɔ eke duop ke ibat. Ikinehekede iwak. Ke mkpaidem, ami mbup mbon nsaŋa mi otode ke Ebieht Ukwɔrɔ ikɔ, “Ibat emi nnyin iyomde ke ndinam ekem?”
Enye ɔbɔrɔ, “ikie ita.”
Ini mfuhɔ osuk odu odu ye ami: mme ebe mme anwan 10 ndiba ke ebeŋe 300.
President Russell M. Nelson ɔnɔ mme ebe ye ŋwan enamde utom ete “etɔŋɔ edɔŋ mmɔ enyuŋ ebeŋe Ete eke Heaven mme ini ekem ɔnɔ mmɔ ndinam utom mission ɔtɔ kiet.”7 Ke kpukpru edidot, enye eke ɔdɔhɔ, “ udɔŋ ndinam utom ekeme ndidi ata akpan ŋkpɔ.”8
Nte ikɔ Abasi emi ɔdɔhɔde ete, “Edieke afo enyenede udɔŋ ndinam ŋkpɔ nnɔ Abasi ekot fi esin ke utom.”9 Utom oro ɔyɔhɔ ye ibet ikɔ idɔk. Nnyin ikot ke John, “Mbiba emi etɔde ye emi edɔkde ekeme ndidara ɔtɔkiet.”10
Ami mokut ibet idɔk nte ɔwɔrɔde osu ke ufɔkemana mi.
Ke mme isua ifaŋ emi ekebede, ami nkeka ndise ufɔk emana kiet kini bishop okobupde mi ete nkure sacrament.11 Nte ami nkosuhɔre ndi, ŋwan kiet osobo ye ami ye nditɔ esie itiaba onyuŋ etiŋ esie nte Eyen-eka ŋwan Rebecca Guzman.
Enye obup, “Elder Rasband, afo ɔmɔfiɔk Rulon ye Verda Rasband?”
Ami nnehede nse nyuŋ mbɔrɔ, “Mmɔ edi ete ye eka mi.”
Afo amekeme ndikut ebiet emi enye akade? Ke unyime Rebecca, emi odude mi mme ufɔk emana ke Anwa Mbono emi, ami mbuana mbuk ufɔk emana esie.12
Ete mme eka mi, Elder Rulon mme Sister Verda Rasband, ekenam utom nte ebe mme ŋwan ke Florida Fort Lauderdale Mission.13 Mmɔ eke ekwɔbrɔikɔ ye ke edisana ndausuŋ ekɔŋ usuŋ ufɔk eke Rebecca. Enye ekedi eyen ɔwɔŋ ndien ɔnɔ mkpaŋ utɔŋ ke ikwɔ eke Osmonds, akpan akpan ufan nnyin Donny—emi nko odude mi mfin.14 Enye ama ɔnɔ mkpaŋ utɔŋ ke mbume ofim mmɔ onyuŋ ekpep ete ke mmɔ ekedi mbon Ufɔk Abasi Jesus Christ eke mme Latter-day Saint. Enye ama ekere ke ukpuhɔre ŋkpɔ odu kabaŋa mmɔ, ndien ekere ke ekeme ndidi edu ukpono mmɔ, Rebecca ama abiat isua iba ke ndiduŋɔre edinam Ufɔk Abasi ke ebiet unim ŋwed ufɔk ŋwed. Ndien, kini nti ebe mme ŋwan ekɔŋde ke usuŋ ufɔk ufɔk emana esie enyuŋ etiŋ idem mmɔ nte mme ɔkwɔrɔ ikɔ Latter-day Saint, enye ama ekere ŋkpɔ abaŋa edem.
“Eka mi ama ɔdɔhɔ mi ete mfre mbaŋa mmɔ,” ekem Rebecca ewet, “edi esit mi ɔkɔdɔhɔ ‘ihn ihn.’ Ami mma nse ke iso mmɔ, nyuŋ nkop inem ye ima. Ekikere oro osuk emen mmɔŋ eyet edi ke mme enyen mi ye ntotuŋɔ ekikere ke esit mi.”15
Rebecca ama okot mmɔ ete eduk edi, ndien mme anam utom ukwɔrɔ ikɔ ete mme eka mi ema ebuana etop ye enye, mkpri nditɔ eka iban esie iba, ndien, ke misehe ubiɔŋɔ esie, eka esie.
Rebecca etiŋ ɔnɔ mi: “ete mme eka fo mbiba ekedi utibe owo ke ndinam anwaŋa mme mbume nnyin ikinyenede. Ami nsuk nkokut mme iso mmɔ nte unwana akanare mmɔ okuk. Nnyin kpukpru ini isifad eka fo kini eyomde ndikpɔŋ ye enye kpukpru ini esinam ŋkpɔ ndiwam eka mi okop ndɔŋ esit ye ukpono. Ete fo kpukpru ini esinyene unwana ke enyen esie ke nte enye ekekpepde abaŋa Jesus Christ. Enye esidomo ndida ete mi nsin ke nneme ke edise enye akan enye. Ete mi ekedi etem udia ke itie udia uwem ndien ɔtuŋɔ nditem udia mbubreyo ɔnɔ ete ye eka fo, esinede ndisin udia emi ete fo amade, pie eke udaŋa aya.”16
Kini Elder mme Sister Rasband ekebupde Rebecca ye ufɔk emana ndikot Ŋwed Mormon, Rebecca ekenam oro ke usen ition. Enye okoyom ndiduɔk mmɔŋ ke usɔp, edi mbon ufɔk emana esie eken ikinyeneke mbeŋeidem. Ke ɔfiɔŋ inaŋ ebede, Rebecca eyire ke ana nte enye ɔduɔk mmɔŋ onyuŋ oduk ufɔk Abasi. Enye eti ete, “kpukpru asip ke idem mi ama ɔfiɔk ke ekedi akpanikɔ.”17 Ke April 5, 1979, mme ɔkwɔrɔ ikɔ ema eduɔk owo isua 19 Rebecca, eka esie, ye nditɔ eka iba mmɔŋ. Ete mi ekedi ntiense ke uduɔk mmɔŋ oro.
Kini ami nsoboke Rebecca ye ufɔk emana esie ke ufɔk Abasi, nnyin ima isio ndise mme ufɔk emana esie. Ami mma men enye nka ufɔk ndiwut eka mi edide akani owo, ndien enye ama adian enye ke esit esie. Ndien enye ɔdɔhɔ mi ete, “Ronnie, emi edi kiet kotu ata usen inem esit ke uwem mi.”
Mbume eka mi ɔnɔ mkpe ubɔk esɔk mme ikpɔ mme ɔkwɔrɔ ikɔ nnyin: “Nso ke mbufo enam ke ndaha uwem mfo emi?” Odu ata ediwak usuŋ emi mme ikpɔ ɔkwɔrɔ ikɔ ekemede ndinam emi mibaha owo ndomokiet ekemede. Mbufo edi asaŋa asaŋa odudu udia, ekpepde ke ufɔk Abasi, ndien etum mbufo idem ndinɔ udɔŋ ye ndinyaŋa nditɔ Abasi.
Ndusuk mbufo ekeme ndikere ete: “Edi nso idi ndikpɔŋ nditɔ nditɔ? Nnyin iyetre ndikut ufɔk emana ke ediwak itiat, mme usen emana, mme ufan, ndien kpa nte ŋkpɔ mbre.” Edieke mkpeke bupde ete mme eka mi nta emi mmɔ ekekade mission, ami mefiɔk ke enye ekpekedɔhɔ emi, “ami mmenyene nditɔ-nditɔ. Nkeyom mmɔ efiɔk ete ke ete fo ye ami ima inam utom ke mission, nnyin ikiyom ndidi uwutŋkpɔ nnɔ ubon nnyin, ndien ema ediɔŋ nnyin, enehede ediɔŋ.
Nte ami nsede mission ke ofuri ererimbot, ami mekut mme nti utom eke mbon ekɔŋ nnyin mme ikpɔ mme ɔkwɔrɔ ikɔ. Enehede anwaŋa ke mmɔ ekop inem ke ndinam “uduak Abasi”18ndien ke nditie mbaŋa “mbubehe Ɔbɔŋ.”18
Ɔnɔde ndusuk, ndien nnyin imikere ke tosin mbufo, edide enamde utom nte full-time missionary ke nkaŋ ererimbot efen eyedi eti ebiet.19 Ɔnɔde mbon efen, ndinam ŋkpɔ ke Church-service mission ke ufɔk ekeme ndidi se eyomde. Ke ntak ndaha nsɔŋidem ye mme ŋkpɔ efen, odu mbon emi mikemeke ndinwam. Nnyin imifɔk mme ndaha oro, nko eyedi idorenyin mi ke mbufo eyekut usuŋ ndinwam mbon oro enamde utom. Etiene item prophet enyuŋ ebɔŋ akam ndifiɔk se Ɔbɔŋ oyomde mbufo enam.
Mme anwa mission ke ofuri ererimbot ke ebeŋe eyom unwam mbufo. President Russell Nelson ama etiŋ abaŋa mme ikpɔ ɔkwɔrɔ ikɔ, “Mmɔ edi mkpri ke spirit, efiɔk ŋkpɔ, enyuŋ enyene udɔŋ ndinam utom.”20
Ke anwa ukwɔrɔ ikɔ, mbufo emenyene unen eke udia: afo emekeme ndinam nte ekpri ɔkwɔrɔ ikɔ, esede abaŋa mkpri branch, enam utom ke ubet mbuk ufɔk emana mme ke ebiet Mbuk Eset, ekpep institute, ɔnɔ unwam eke uwem, anam utom ye mkparawa, anwam ke ebiet utaŋ owo ke utom mme ke mme inwaŋ Ufɔk Abasi. Mme ŋkpɔ usuŋ emi anamde, se inehede idot ye afo, ebiet emi eyomde fi, ye adaŋa nte afo ebeŋede idem ndika nkenɔ ntɔt ke ikpehe ofim “Ikpɔ Missionary.”21 Mbufo emekeme ndisobo ye bishop mme branch president mbufo.
Ami mekot ediwak ebe mme ŋwan nte enam utom nyuŋ ese nte Unwana Christ ɔyɔhɔde mmɔ idem.22 Nte mmɔ enyɔŋde mmɔ etiŋ ebaŋa ndikɔri mkpere Ɔbɔŋ ye kiet eken, ekopde Spirit Ɔbɔŋ odoride mmɔ, efiɔkde ke mmɔ enam ukpuhɔre.23 Anie miyomke oro?
Mission ekeme ndidi akamba ikpehe ke uwem ebe mme ŋwan. Eti ibuot ikɔ ekeme ndidi “Ɔbɔŋ Eyeyom Unwam Mi.”24 afo amekeme ndidu ke ebiet umufiɔke; nte ededi, odudu eke Spirit eyenam fi okop nte odu ke ufɔk.
Ete mme eka mi ye tosin duop mbon sinyɔŋ mission nte ebe mme ŋwan enɔ mme ikɔ ntiense ebaŋa idara mmɔ ekutde ke utom ukwɔrɔ-ikɔ. Ɔbɔŋ ama ɔdɔhɔ ke ŋwed Abasi eke latter-day, “Ndien edieke edide man mbufo enam-utom ofuri usen mbufo ke ndikwɔrɔ edikabare-esit nnɔ mme owo emi, enyung eda,kpak ukpɔŋ kiet esɔk Mi, idara mbufo edikpon didie ye enye ke obio-ubɔŋ eke Ete Mi!”25
Isaiah ama ɔnɔ nnyin ediwet owut ŋkpɔ se ɔwɔrɔde ndinwam ke “anwa mission.” Ikɔ Abasi etiŋ ɔnɔ nnyin ete “anwa edi ererimbot.”26 Akwa prophet eset emi ekewet, “Koro mbufo eyewɔrɔ eka ye idara, enyuŋ eda usuŋ ye emem: mme ikpɔ obot ye mme obot eye bomo kiso mbufo ke ikwɔ, ndien kpukpru mme eto ke inwaŋ eyekwak ubɔk mmɔ.”27 Mme ikpɔ obot, mme obot, inwaŋ, ye mme eto ekeme ndidi nte mme mission president, mme bishop, mme adaibuot ke district, mbon ufɔk Abasi, ye mbon oro eyomde akpanikɔ edi “ifiɔke ebiet edikutde,”28 Mmɔ eyetie ntiense ete ke mme ikpɔ missionary ekpuhɔre adaŋa ye ikɔ ntiense mmɔ kabaŋa Andinyaŋa ye Andifak, Jesus Christ.
Nte Apostle Ɔbɔŋ Jesus Christ, ami mbeŋe mbufo nte enam utom nte ɔkwɔrɔ ikɔ ke nditaŋ Israel ye ke akpan ndifiak ŋwam. Nnyin imiyom mbufo—nnyin imiyom mbufo. Nnyin imikop inemesit ibaŋa mme ikpɔ owo ke uwem emi mbufo enyenede ye mme uwut ŋkpɔ emi mbufo edide ke ufɔk mbufo, mme ward , ye mme stake. Ami idahaemi mekot mbufo ndimen ifiɔk mbufo, diana ye edikpono mme ikɔ ntiense, ndien eka ke mission. Mebɔŋ akam nte ini efen nditiede ke ndinɔ ebe mme ŋwan, unen ke eyedu ikie kotu mbufo ebetde ye udɔŋ ndibɔ ikot mbufo.
Ami nko meŋwɔŋɔ nnɔ mbufo, nte ke nte mbufo edinamde utom ke eyekop ima Ɔbɔŋ ke uwem mbufo, mbufo eyefiɔk Enye, Enye eyefiɔk mbufo, ndien “idara mbufo edikpon didie.”29 Nwaidem utom mbufo kabaŋa Jesus Christ eyenɔ mbufo udɔŋ onyuŋ ɔdiɔŋ ufɔk emana mbufo, nditɔ nditɔ mbufo, ye nditɔ-nditɔ-nditɔ mbufo. “Emem, ye ima [eye] ɔkɔri”30 ke uwem mmɔ ke mme isua edidide. Nnyin inwongo. Ke enying Jesus Chrst, amen.