Ndi Afo Omoyom Ndidu ke Inemesit?
Edu ke Usung Ediomo. Uwem mbufo eyefere akan, eyenem akan, ɔnyuŋ ɔyɔhɔ ye idara.
Ndi afo omoyom ndidu ke inemesit? Nso inam fi ɔfuhɔ? President Russell M. Nelson etiŋ ete: “Edieke oyomde ndidu ke mfuhɔ, biat ibet—kunyuŋ utua mkpɔfiɔk. Edieke afo oyomde idaresit, du ke usuŋ ediomi.”1 Ndi afo omoyom ndidu ke inemesit? Kap nam ediomi nyuŋ nnim mmɔ ke uwem mbufo. Eyak nnyin ise mme ŋkpɔ emi ekemede ndinam nnyin idu ke usung ediomi onyuŋ anam nnyin inemesit.
1 Nso idi Usuŋ Ediomo?
Ke ikɔ Elder Dale G. Renlund: “Ikɔ oro usuŋ ediomi ɔwɔrɔ ediwak ediomi emi nnyin idade itiene Christ inyuŋ iyire ye Enye. Otode ke ubiɔŋ ediomi emi nnyin imenyene usuŋ ikesim nsinsi odudu Esie. Usuŋ oro ɔtɔŋɔ ye mbuɔtidem ke Jesus Christ ye erikabare-esit, ndien baptism ye edibɔ Edisana Spirit etiene do.”2 Nnyin ifiak inam ediomi emi kpukpru ini nnyin ibuanade ke sacrament.”
Ɔtɔŋɔde ye ediomi baptism, nnyin imanam ediwak ediomi efen ke ofuri uwem nnyin. Nko, Elder Renlund eting ette: “Usuŋ ediomi ada ekesim ewuho inamde ke temple, utɔ nte endowment ke temple. Endowment edi enɔ Abasi otode ndisana ediomi emi eyiride nnyin ofuri-ofuri ye Enye.”3
2 Ndi Afo odu ke Usuŋ Ediomi?
Ndusuk ini, ke ini nnyin inamde ediomi, imesitre ndinim mmɔ. Ŋkpɔ ntem amatibe, afo edinam didie ifiak ikasaŋa ke usuŋ ediomi. Yak mi nting mbaŋa mme uwutŋkpɔ ndifiak nkasaŋa ke usuŋ ediomi.
Ɔfiɔŋ kiet ye ubak emi ebede, mma mbo etop nto return missionary kiet, emi akanamde utom ye nnyin. Enye ɔkɔdɔhɔ ette: “Ŋkpɔ ɔsɔŋ, ekpri ini emi ebede. Ndinwana nyomo-nsia ye mfuho kpukpru usen efik mi enim ke isɔŋ, ŋkpɔ ɔnyuŋ ɔsɔŋ. Etie mi ikpɔŋ-ikpɔŋ, nnyuŋ mfuho Mmebeŋe Ete Heaven nnyin nno nda-usuŋ nyom emem ye ndɔŋ-esit, ke se mkpanamde man nkpakan unana. Ke ini nkɔbɔŋde akam, mma nkop ntuk spirit ɔdɔhɔde mi ke ami nnyene ndikpe ɔyɔhɔ tithe mi. … Spirit ama otuk mi ke ɔkpɔsɔŋ, nnyuŋ nsɔp nkop udɔŋ ndinam. Ye udɔŋ ndinam, mma nnyene ntuk nte ‘Edieke ekpede tihe fo, kpukpru ŋkpɔ Ɔyɔfɔn.’ Ami ke nsuk nyom emem, edi mmenyene iko ntiense ke Andnyaŋa nnyin, nko ke otode nkop-item mi, mmekeme ndikop nnyuŋ nkut emem oro ami nyomde ke esit ye ekikere mi. Idahaemi ami mmenyime ndifiak ndi ufɔk-Abasi man ndiyom spirit ke kpupkpru se nnamde.”
Idahaemi enye ada ɔfɔn. Afo nko benge Ete ke Heavev yom emem, edi ibɔrɔ ekeme ndikpuhɔre akan se afo ekekerede. Adaŋante afo oyomde ndidiɔŋɔ Andinyaŋa, onyuŋ ɔbɔŋde akam ɔnɔ Ete ke Heaven, Enye eyenɔ fi ibɔrɔ edikemde ye afo.
President Thomas S. Monson ama ekpep ete:
“Andikpon-nkan ukpebŋkpɔ anade ikpep ke uwem-isɔŋ edi Abasi ama etiŋ ikɔ, ndien nnyin ikop, nnyin iyenen kpukpru ini.”4
“Ke ini nnyin inimde ibet, uwem nnyin eyenem, ɔyuhɔ akamba-akamba, ɔnyuŋ emem. Mme ŋkpɔ-ubiɔŋɔ ye mfina nnyin eyemem ndibiom, ndien nnyin iyebo edidiong emi [Abasi] ɔkɔnwɔŋɔde.”5
Ke ini ekekotde mi nte bishop, ekedi ke atta ɔkpɔsɔŋ ini ke uwem mi. Ami nkedi ekpri ete eke isua 30, edi nkodu ke mfina ŋkpɔ-okuk etiene mme mfina ubon. Nkekemeke nkut edikan ndomokiet, ndien mma nkere ke mfina oro idikureke. Idem ama emem mi ke okuk ye ifiok. Ami mma ntɔŋɔ ndiyik odudu spirit mi nko. Ekedi ke ɔkpɔsɔŋ in oro ke president stake mi ɔkɔnɔ mi ikɔt oro. Mma nnyime ikot oro, nte ededi, okposuk edi nkpo okosongde.
Ŋwan mi nko ama osobo ye stake president, edi ikɔdɔhɔke ih, nko ikidɔhɔke ih ih nko edi akaiso ndiduɔk mmɔŋeyet. Enye akatatua ofuri urua oro, ebeŋe Ete ke Heaven, “Ntak edide idahaemi?” ye “Ndi Afo emenehede ɔdiɔŋɔ owo kiet-kiet?” Enye ikɔbɔhɔ ibɔrɔ ndomokiet, edi ema esio mi nte bishop ke udiana Sunday efen. Enye ikebupke Ete ke Heaven mme mbume oro aba edi ama anwam mi ke utom mi ke isua itiokiet.
Ke Sunday oro ekesiode mi efep, nwan mi ama okop uyo ke ini enye ɔkɔbɔde sacrament. Uyo oro eting ke ekpri uyo ɔnɔ enye, “Koro ama ɔsɔŋ ɔnɔ fi ndisaŋa, mma nkot fi nte bishop man otodo nkpɔmum fi nnyuŋ nsaŋa nnɔ fi.” Nte ekesede isua itiokiet oro ebede, enye ama okut ke kpukpru mme ediwak mfina oro eketiede nte idikureke ema ekan nte ekesaŋade ke usuŋ.
Nnyin ima ikpep ite ke ini nnyin ikerede ke idihe eti ini nnyin ndibɔ ikɔt, ekeme ndidi ini nnyin inehede iyom ikɔt oro. Ini ekededi Ɔbɔŋ ɔdɔŋde nnyin idinam utom ndomokiet, ekpedi edi mfefere mme ndodobi utom, Enye okut mfina fo. Enye eyenɔ ukeme nnyin iyomde onyuŋ enyene eridiɔŋ ndinwaŋa nno nnyin nte nnyin inamde ke akpanikɔ.
Edu ediwak ŋkpɔ emi mmiyak ke nnyin idu ke usuŋ ediomi. Ekpedi se ededi, ini ibiarake ndiwɔŋɔde esit nnyin mbine Ete ke Heaven nkoyom unwam. Elder Paul V. Johnson ekekpep nnyin: “Kini nnyin itienede Satan, nnyin imɔnɔ enye odudu. Kini nnyin itienede Abasi, Enye eye ɔnɔ nnyin odudu.”6
King Benjamin ke Eto Ŋwed Mormon ɔdɔhɔ ette: “Ami mkpama nte mbufo ekere ebaŋa eridiɔŋ ye idaha inemesit mmɔ emi enimde ibet Abasi. Koro sese, ediɔŋ mmɔ ke kpukpru ŋkpɔ, ke obukidem ye ke spirit mbiba; ndien edieke mmɔ ebuɔtde idem tutu esim utit eyebɔ mmɔ esin ke heaven … [ndien] eduŋ ye Abasi ke nsi nsi inemesit.”7
Didie ke Ndinim Ediomi ye Abasi Edinam Fi Enemesit?
Ŋwan mi ɔdɔhɔ ke ndɔ nnyin ɔbɔp nnyin ɔtɔkiet, ndien ke ntak oro enye ekeme ndinam ŋkpɔ enye mmikisinamke akpa. Nte uwut-ŋkpɔ, tɔŋɔde ini uyen esie, ekedi ɔkpɔsɔŋ enyhe ndiwɔrɔ anwa ke ekim, edi isɔŋke aba koro ami nsisaŋa ye enye. Enye edi ibio ndien ikemeke ndisime anyan utaŋ ke midɔk ke ifim mme ebene, edi ami mmesime mme ŋkpɔ oro ke anyan utaŋ nnɔ enye koro ami mmɔniɔŋ nkan enye. Ndimen ɔkpɔnɔ Andinyaŋa ke itɔŋ nnyin etie ntre. Nte nnyin ibɔpde idem nnyin idian Enye, nnyin imekeme ndinam mme ŋkpɔ nnyin mmikpikemeke ndinam nnɔ idem nnyin.
Elder David A. Bednar ette: “Ndinam nnyuŋ nnim ndisana ediomi ɔbɔp nnyin adian ɔnyuŋ ɔbɔp nnyin ye Andinyaŋa Jesus Christ. Ke akpan, Andinyaŋa okokot nnyin idibuot idem inyuŋ iduri ntre ye Enye, ɔkpɔsuk edi mkpon-nkan ukeme nnyin midihe ukem inyuŋ ikemeke ndidomo ye Esie. Nte nnyin ibuotde idem inyuŋ iduride mbiomo nnyin ye Enye ke ini isang uwem-isɔŋ, ke akpanikɔ ɔkpɔnɔ Esie ememem, mbiomo Esie ɔnyuŋ efefere.”8
President Nelson nko ekepeb ete:
“Ndidian idem mbufo ye Andinyaŋa ɔwɔrɔ ke mbufo emekut odudu Esie eke ukeme ye erifak.”9
“Utip ke ndinam mme ediomi ye Abasi edi odudu eke heaven—odudu emi anamde nnyin ikan iyɔ mme idomo, mfina, ye mme ubiak. Odudu emi anam usuŋ nnyin emem. Mbon emi enimde ikpɔ ibet Jesus Christ enyene akamba odudu Esie.”10
“Ndinim ediomi anam uwem emem! Owo kiet kiet emi anamde eŋwɔŋɔ ke obube mmɔŋ baptism ye ke temple—onyuŋ enimde mmɔ—eyetat usuŋ esie ndibɔ odudu Jesus Christ.”11
Ndima nditɔ eka mi iren ye iban, ndi mbufo emeyom ndinemesit? Edu ke Usung Ediomo. Uwem mbufo eyefere akan, eyenem akan, ɔnyuŋ ɔyɔhɔ ye idara. Andinyaŋa nnyin kokot nnyin, “Etiene m, kpukpru mbufo emi ekpade mba enyuŋ ebiomde edidobi mbiomo, ndien Ami nyenɔ mbufo nduɔk odudu.”12 Jesus edi odu-uwem Christ. Enye oyobiom mbiomo nnyin onyuŋ anam uwem nnyin efefere. Ke enyiŋ Jesus Chrst, amen.