Okpon Akan Otu-ekɔŋ
Jesus Christ idihe otu-ekɔŋ kpɔt, Enye edi Ɔbɔŋ mme Edidem nnyin, Andinyaŋa ye Andifak ubon owo.
Tɔŋɔde ke 1856 tutu 1860, tosin mme andikibem-iso Latter-day Saint ekeduri mme inyene mmɔ ke ŋkpɔ isaŋ ke ɔniɔŋde akan itiat 1000 (1600 km) nte mmɔ ekade ke Salt Lake Valley. Ke isua 167 emi ekebede udua emi, ke October 4, 1856, President Brigham Young ama akpaidem ke ndikpep mbaŋa ke udim ŋkpɔ isaŋ iba, emi Edward Martin ye James Willie ekedade usuŋ, ekesuk edu ke mme itiat ikie otode Salt Lake, ye ini ndedeŋ edide ke usɔp.1 Ke udiana usen, President Young ada ke iso mme Ndinen owo, ofiori: “Ediwak mme nditɔ ete iren ye mme nditɔ eka iban edu ke una isɔŋ emi ye ŋkpɔ isaŋ, ndien ana nte emen mmɔ edi mi. … Eka enyuŋ ekemen edi mbon oro idaha emi ke una isɔŋ.”2
Nkpasip usen iba ekebede, akpa mbon unwam ema edaha ke ndiyom ŋkpɔ uben owo mme mme andikibem-iso.
Owo udim isaŋ eke Willie okokot ndaha nyeŋidem ekperede ndisim eke mbon unwam. Enye akebuana: “Ata ini eketiede nte kpukpru eyetak, ndien etie ekpri nte ekpri ɔsuhɔ ndidu, … nte obuma otopde ke enyɔŋ, Abasi ɔbɔrɔ akam nnyin. Mbon unwam, edade udia ye mme ŋkpɔ efen edi … , ema edi ke iso. … Adaŋɔmde Abasi inɔ unwam nnyin.”3
Mbon unwam emi ekedi mme otu-ekɔŋ enɔ mme andikibem-iso, esinde uwem mmɔ ke mfina ke ɔkpɔsɔŋ eyo oro ke ndimen nte ekemede ndimen suŋsuŋ ekesim ufɔk. Kiet kotu otu ekɔŋ oro ekedi Ephraim Hanks.
Ke ufuɔt Ɔfiɔŋ duop, ŋkpɔ ntibe unana idorenyin eke ŋkpɔ isaŋ, Hanks ekefiak ɔnyɔŋ ufɔk esie ke Salt Lake etienede isaŋ kini, ke okon eyo, uyom ama ɔtɔi enye ɔdɔhɔde ete, “Mbon ŋkpɔ isaŋ edu ke mfina, ndien eyom fi; nte afo eyeka onyuŋ akanwam mmɔ?”
Ye mbume oro odude ke ekikere Esie, enye ɔsɔp afiak aka Obio Salt Lake. Ke ndikop uyo President Heber C. Kimball okootde mme mbon unwam efen, Hanks afiak aka ke edem usen, ke idem esie, man ekesin unwam. Asaŋade ɔsɔp, enye ama ɔbɔhɔ mbon unwam eken ke usuŋ ndien, kini esimde mbon isaŋ eke Martin, Hanks eti, “Enyen oro esede nte enye okodukde ebiet oro ikemeke ndiwɔrɔ ke ekikere esie … [nko] ama ekem ndituk esit itiat.”4
Ephraim abiat mme usen asaŋade ke efe ke efe ɔdiɔŋde mbon udɔŋɔ. Enye abuana ete “ke mme ndaha ifaŋ, ke ini nnyin ikinamde ŋkpɔ inɔ mbon udɔŋɔ, inyuŋ itre mme udɔŋɔ ke enyiŋ Ɔbɔŋ Jesus Christ, mbon mfina eye eboho ɔtɔ kiet; ekebɔ edikɔk ke usɔp.”5 Ephraim Hanks enye ke nsinsi eyedi otu-ekɔŋ ɔnɔ mbon kpɔ isaŋ eke akpa mbon.
Ukem nte akamba unwam oro, mme ŋkpɔ emi otukde uwem mbon owo kpa nte usuŋ mbuk eset esisɔp ndidi i9bɔrɔ mme ndumek ye inyene eke iren owo ye iban kiet kiet—mme akamba mbon mbre, mbo0n ukpep ŋkpɔ obot, mme ada ibuot ke mbubehe, ye mme ada ibuot ukara. Mme asaŋa asaŋa mbon emi esisɔp ndinyene ukpono nte mme otu-ekɔŋ, ye mme ini ye ŋkpɔ editi ebɔpde man eti utom mmɔ.
Kini ami nkedide eyen ɔwɔŋ, mme akpa otu-ekɔŋ mi ekedi mbon itɔk. Akpa ekikere mi edi ndibɔ ekpri ŋwed eke baseball ye mme ndise ye mme ibat eke Akpan Mbuba mbon mbre Baseball. “Otu-ekɔŋ ntuak-ibuot” nte eyen ɔwɔŋ ekeme ndidi ŋkpɔ imam ye unana ifiɔk, utɔ nte nditɔ ŋwɔŋ esinede ɔfɔŋ nte mmɔ emade mme ata otu-ekɔŋ ke Halloween. Ɔkpɔsukedi nte nnyin imade inyuŋ ikponode ediwak mme enyene enɔ ye nwɔrɔnda eren owo ye ŋwan ke ukeme mmɔ ye se etibde, ndaha emi mmɔ edade edi se etide, edieke emende eka ke ediwak, ekeme ndidi ukem nte eke nditɔ Israel etuakde ibuot ekpono eyen enaŋ gold ke edisad isɔŋ eke Sinai.
Nte mme ikpɔ owo, emi ekedide kini kiet mme anana ifiɔk nditɔ ŋwɔŋ ŋkpɔ imam ekeme ndidi ŋkpɔ ubiɔŋɔ kini “otu-ekɔŋ ntuak-ibuot” eke mbon ukara, mme ewet ŋe, mbon itɔk, mme mme ɔkwɔ ikwɔ enamde yak nnyin ise “ibe adaŋa”6 inyuŋ itre ndise se idide akpan ŋkpɔ.
Kabaŋa nditɔ Israel, idomo ikidihe gold emi mmɔ ekedade enyɔŋ ke isaŋ unyɔŋɔ isɔŋ unwɔŋɔ edi edi se mmɔ ekeyakde gold akabare edi: edibot ŋkpɔ, oro akekabare edi ŋkpɔ ntuak ibuot mmɔ, adade ekikere mmɔ ɔkpɔŋ Jehovah, emi eke bahakede Idoduod Inyaŋ nyuŋ nsio mmɔ ke ufin. Ntiŋeyen mmɔ ke edibot eyen enaŋ etre ukeme mmɔ ndikpono ata Abasi.7
Otu-ekɔŋ —otu-ekɔŋ nnyin, idahaemi ye ke kpukpru ini—edi Jesus Christ, ndien ŋkpɔ ekededi, mme owo ekededi, atabide nnyin ɔkpɔŋ ukpep ŋkpɔ Esie, nte odude ke ŋwed Abasi mme otode ke mme ikɔ mme oduwem prophet, ekeme ke idiɔk nditre nkori nnyin ke usuŋ ediomi. Mbemiso Edibot ererimbot, nnyin ikise ke Jesus Chriost kini ekenamde anwaŋa ke enɔ uduak otode Ete eke Heaven nnyin, emi esinede unen nnyin ndikɔri nnyuŋ ntie nte Enye, ekenyenede mfina.
Ikidihe Jesus Christ kpɔt ekedi adausuŋ ke ndida mme uduak Ete, edi ke Enye ama anam akpan ubiɔŋ ke ndinam ɔwɔrɔ osu. Enye ama ɔbɔrɔ Ete onyuŋ eyime ndika nkenɔ idem Esie mnte ŋkpɔ uwa nnɔ kpukpru owo,”8 ke ndikpe isɔŋ emi nnyin kiet kiet ikpikamade otode ke idiɔk ŋkpɔ edi nnyin ikpikemeke ndikpe ke idem nnyin.
President Dallin H. Oaks ekekpep ete, “[Jesus Christ] ama anam kpukpru ŋkpɔ edide akpan ke isaŋ nnyin kini uwem emi ndika akaŋa emi esinede ke uduak Ete nnyin eke Heaven.”9
Ke Inwaŋ Gathsemane, kini ekesobode ye utɔ enyene ndik utom oro, Andinyaŋa ke uko ama etiŋ ete, “Idihe ke unyime mi, edi okuo, yak okuo osu,” ndien aka iso ndida nnɔ idem Esie ofuri ufen, udɔŋɔ, ye ndutuhɔre kabaŋa idiɔk ŋkpɔ ofuri owo emi odude.10 Ke ata edinam nwut eke nsuhɔre idem ye unyime, Jesus Christ ama ama mkpon-nkan, edinam otu-ekɔŋ eke ofuri edibot, anamde enyene ubɔŋ Eriset ke mkpa Esie.
Ke ata akpatre akwa mbono, President Russell M. Nelson ama eti nnyin: “Sutɔ mbume mme mfina enyenede, ibɔrɔ kpukpru ini esine ke uwem ye ukpep ŋkpɔ Jesus Christ. Kpep ediwak baŋa Uwa usio isop Esie, ima Esie, mbɔm Esie, ndutum Esie, ye mfiak men ndi ikɔAbasi Esie eke edikɔk ye nkɔri. Enwoŋore etiene Jesus. Etiene Enye.”11 Ndien ami nyedian, “Mmek Enye.”
Ke mbuaha ererimbot nnyin emi, ekeme ndidi idomo ke ndiwɔŋɔde nse mme otu-ekɔŋ obio ke ukeme ke ndinam anwaŋa ke uwem kini etiede nte idu ke ndutimede mme ikopde ndik. Nnyin idep ɔfɔŋ emi mmɔ edɔŋde, itiene mbre ukara emi mmɔedade edi, ndien itiene ekikere mmɔ ke ŋkpɔofim. Emi ekeme ndifɔn nnɔ ubiere ekpri ini, edi ana nte ikpeme mbak utɔ ntuak ibuot otu-ekɔŋ inamke enye etie nte eke eyen enaŋgold. Ndimek nnen nnen otu-ekɔŋ enyene nsinsi ŋkpɔ.
Kini ufɔk emana nnyin ekesimde Spain nte mme andida ibuot ke mission, nnyin ima ikut ndise emi eke ewetde se Elder Neal A. Maxwell eketiŋde emi enyenede ufɔn abaŋa mme otu-ekɔŋ nnyin imekde nditiene. Enye etiŋete, “Edieke afo mumeke obio ubɔŋ Abasi akpa, idinamke ŋkpɔ ndomo kiet ke akpatre ke se afo ekemekde Nditɔ eka iren mme iban, edi ke ndimek Jesus Christ, Edidem mme ndidem, ke nnyin imek obio ubɔŋ Abasi. Ndumeke ekededi edi ukem ke ndimek eke ubɔk obukidem, mme eyen enaŋ gold, ndien ke akpan eyekpu nnyin.
Ke Ŋwed Daniel ke Old Testament, nnyinikot mme utom Shadrach, Meshach ye Abednego, emi ekenehekede efiɔk Otu-ekɔŋ ekemekde—ndien enye ikidihe eke abasi Edidem Nebuchadnezzar. Mmɔ etiŋ anwa anwa ye uko:
“Abasi Nnyin emi nnyin inamde ŋkpɔ inɔ ekeme ndinyaŋa nnyin nsio ke edeme ikaŋ. …
“Edi midihe ntre, yak enam efiɔk fi, O edidem, ke nnyin idikponoke abasi mbufo, mme ndikpono edibot gold.”13
Nte Aposle Ekekpepde, “ediwak abasi odu,”14 ndien, ami mekeme ndidian, mme ediwak emi ekotde mme otu-ekɔŋ, emi ekotde nnyin ete yak isuk ibuot inɔ, ke ndituak ibuot, mme ke ndifad. Edi kpa nte mme ufan ita Daniel oro ifiɔkde, kiet kpɔt odu emi edide ɔsɔŋɔ ke ndinwam—koro Enye enyeyene eyesuk enyenyene.
Kabaŋa nnyin ke isaŋ usuŋ nnyin ndiyɔŋ ntiene Abasi, ke isɔŋ unwɔŋɔ nnyin, idihe mbon mbre ukara, mbon ikwɔ, mbon itɔk, mme mme ewet ŋwed edi enye, edi, ndimek ndiyak mmɔ ekabare edi akpa ŋkpɔ eke ekikere ye nwuk eyen, efikde Andinyaŋa ye Andifak nnyin.
Nnyin imek Enye, Jesus Christ, kini nnyin imekede ndikpono usen Esie me ikpedu ke ufɔk mme ke nduɔk odudu. Nnyin imek Enye kini nnyin ikopde uyo Esie otode ke nŋwed Abasi ye ke ikɔ eke mme prophet. Nnyin imek Enye kini nnyin imekde ndikama temple recommend, idu uwem odotde ye enye. Nnyin imek Enye kini nnyin idide mme anam emem ndion itre ndidi mme anam mfina, “akpan akpan kini inyenede nsio nsio ekikere.”15
Iduho adausuŋ ndomo kiet owutde nkpon nkan uko, iduho mfɔn nkan ima, iduho abia ibɔk emi ɔkɔkde ediwak udɔŋɔ, inyuŋ iduho owo mbre emi enehekede anam ɔfɔn akan Jesus Christ.
Ke ererimbot eke mme otu-ekɔŋ, ye mme ŋkpɔ ebonode ye ebiet ubono ŋkpɔ uto enamde man ebɔ eto mme eren ye ŋwan uwem isɔŋ, odu Enye emi adade ɔfɔn akan kpukpru eken. Ami metie ntiense ke Jesus Christ idihe otu-ekɔŋ kpɔt; Enye edi Ɔbɔŋ mme Edidem nnyin, Andinyaŋa ye Andifak ubon owo. Ke enying Jesus Chrst, amen.