“Háshtʼéh Díínitʼé, Diyin God Nishłį́nigii Nił Beehozin doo”
Házhó hashtʼéh dadínotéh nihił beehódoolzį́į́ł Diyin God ei nihi zhé’é nilį́, Jesus Christ éí nihi yisda’iinííłii nilį́.
T’áá ʼániidigo Diyin bighan łá ʼąą’alneehdi diné naaltsoos aseezį́ yikéhʼałchí’ígíí hazhó’ó dahwiidiiłtsééł danízinígíí Diyin bighan góné dadííʼį́į́ʼí. Diyin bighan biniyé naaznilʼígíí ei bee nihił haashné dóó, áádóó binidaʼadookidʼígíí ałdo bee nihił haashné doo.
Táádoo Celestial hazʼą́ goné yaaʼ ííkaago ei ałtsé nihił hashné doo, Díí hazʼą́ goné ei yéígo bááhasti dóó hodeeyeeł dóó hózhǫ́ní, Diyin bighandi ákó hot’éh, nihi áłdo Diyin bighandi bił yaaʼánídíídaał. Diné koné celestial hazą́ goné yahííkágo éí doo yátį́ da, ndi bikéédi ch’į́neikaigo inda naʼadíkid.
Ałtsogo celestial hazą́dę́ę́ ch’íniikaigo ła daatsʼi diné nidadoolkid dooleeł, háít’áó baa hanéʼígíí yaa nisédaakéés dishní. Lá’ diné aní, “Doo háada kót’áó hazʼą́go yíítsééh da ´ntʼę́ę́. Kwéʼé yaaʼííkaiʼígíi shidiyííisnaah ní. Nahasdzáán bikaago doo ʼákot’áó łá hazʼą́ da niizin, hodííyeeł ei doo hólǫ da niizin, doo yooshdląą da nt’ę́ę́ ní.”
Diné t’ááʼ áníigo yee haadziihígíí baa nitsésikéés. Diné łá naaltsoos yikaa hané naa yiniłʼígíí ei ʼahootehʼígíí yaa ákóníízį́į́h--hodíízheel, dóó hozhǫ́ʼ iina holǫ́go ya ʼákoniizin.
Tʼáá naas hodiziihgo hastį́ łá hané naayizhoʼígíí ʼádííniid yę́ę́ baa nitsísekess. Dishjį́į́di nihi naago, ʼayoo hahóóʼáʼ dóó tʼóó ʼáháʼyoigo ʼáhátʼį́--nidaʼánish, ʼayoi íítsá, nidaniłtłahʼígii holǫ́, nidaniʼáʼígíí holǫ́, tʼááʼátʼé nihił halą́--Diyin bizaad baa tsidikees: “Háshtʼéh díínitʼé, Diyin God nishłį́nigii nił beehodozin doo.”
Diyin bichʼį́ sodizingo ei Diyin Íisizí Nilį́nii (Holy Ghost) nihił holǫ́ doo, dahodiyingo nahazą́go neidaa ʼako nihił hoolzhééh, dóó tʼóó nihił halą́ą́ da, Diyin, nihiTáá yaʼą́ą́shdi Holǫ́nii béneilniih, báá ʼałchini niilí, dóó Jesus Christ ei nihi yisdaíiníiii nilį́. Diyin bee ʼakʼíhojodli ei diné “Diyin bił algha’diit’ą́nigii” ei deinizin.
Háshtʼéh díínitʼé
1833 yihai yę́ę́dą́ą́, Keya Missouri hahodzohdi, Diné Diyin dayodlą́nígíí yéígo atídabídilʼį́į́ nt’ę́ę́’. T’óó ahayóí diné bádahach’įį́ʼgo Diné Mornmonji Diyin da yoodlaanigii, Jackson Countydę́ę́ʼ chʼį́biniiłkaadi. Łá ch’ééh naanałá hahodzohgo nidahánéh. Diné bá dahach’į́į́go, biniinaa diné tʼóó ʼáhayoi ádaadin. Kirtland, Ohiodi, Diné bich’į’nida hwiinąągo Diyin yá yałtíhí Joseph Smith ʼádahodooniłʼígíí Diyin bił iishją́ą́ áyiilaah.
Diyin ʼaní, “nihijéí éí ił hozhǫ́ biih daholǫ́ doo, haalá ʼats’íígo bidiitʼį́ʼígíí ei ałtso shilák’ééh silaa, háshtʼéh díínitʼé, Diyin God nishłį́nigii nił beehodozin doo.”
Diyin aní “hodinizééh” éí doo t’óó jizdaahgo, t’áá doo yaniłtí’í, dóó t’áádoo nijíínánigii iiłnii da. Diyin béneilniih, bá iííniidlí, “dóó tʼáá ałahjį́, tʼáá ałtsoní, tʼáá ałtso nahzʼą́ą́go dahwiiniilǫ́ǫ́ holǫ́.” “Háshtʼéh díínitʼé” tʼáá neidáago Diyin baa nitsiikessgo Diyin Yisdaʼíiníilii nihił holǫ́go bee nidziłgo dóó tʼáádooléʼé dabidziłʼgíí ʼádeełnéh doo.
Tsé bikaagi ánilééh.
Nihi ’oodlą́ éí t’ááʼ ániigo Jesus Christ joodlą́- Hoolʼaago Diyin God yiyé nilį́ yisdaʼííníilii dooleełgo ei binaanish dooleełgo bá alyaa.
“Háálá beehazʼáanii ninítʼiʼjįʼ ałtso yiʼiilaa, dóó [diné] tʼáá ałtso dabodláánígíí éí shí yiłní; dóó [diné] dabodláánígíí éí tʼáá ałtso yáʼátʼééhí deinizinʼ dooleeł; áko [diné] bilaʼashdlaʼii baʼáłchíní bí biniiyé yánáʼookąąh, dóó hoolʼáágóó yáʼąąshdi kééhatʼį́.”
Jesus Christ éí nihi Yisda’iinííłii nilį́ Nihitaʼ Sizʼiinii, dóó Nihich’ą́’yałtí’í nilį́ Hooʼááhgo NihiTáá, dóó tsé nahalingo bidziłgo bikaagi nihéé iina ha’diitł́ííł.
Diyin yá yáłt’į́, Helaman ei Mormon Binaaltsoos yídoo nánhinitingo aní, “Beeniłniih dii tsé bikaadoo éí Nihi Yisda’íiníilii nihik’ijidli beenilnííh éí tsé nahalingo Diyin Yisdá’iiníłii, éí Diyin God biYe, kin bitłááh bee ha’asdliní bidzíil; áko ch’į́į́dii biniyoltsoh dóó yéego niyoł ndi doo hadadoonił da, háálá Diyin binaajį́ ei niłdzil.
Díí Christ tsé nahalin, éí binahjį’ “tsé” bikaagi nihéé’iinájí bitł’ąądę́ę́’ ha’diitł’ił éí nizhǫ́’nígo bee nanitin. Baa ákonosin díí saad dahshijááhígíí éí doo Yisda’diinííłii bee há’aastł’inígíí áyiłní. Diyingo dahiniinago ei ałtsé ʼáláadi éi´ Jesus Christ baa niséékees doo.
Bee há’aastł’inígíí éí hazhǫ́’ó nijį’ yikaah sí’ą́. Hazhǫ́’ó há’aastł’ingo yéígo niyol ndi doo nahánąą da doo. Tʼáádooléʼé nidazʼigii nitsaaʼigii ałnéégo, ałtsé ntsaago bá hashtʼé hoolʼį́, bitłáádę́ę́ léézh bidził dóó nił dziłgo bikaadoo náʼánishgo kin niitáá.
Bidziłgo kin bitł’áádi há’asiniłinígíí ei kin bee bidziłgo alyáá sią́ doo. ʼákó naasgóó nizhonigo niłdziłgo sią́ doo. Kin béé nił dził dooleełígíí ei “tsé nadlééh bitłʼáádę́ę́” dóó bééshi nidáázʼááhʼígii nidziłgo biłʼádáʼísyiz.
T’áá ’Akot’éégo, nihi iina ei łáji Diyin Christ bidiitʼigo bee nił dziłgo bił síídzih. Diyin bił ʼaghaaditááʼ dóó Diyin Yisda’diinííłii ba´ náʼa´nish ei bee ni´dziłgo Diyin bikee siidziih dóó tʼaá´ béesh kin bitłʼáádę́ę́ siniił bee nił dziłʼígíí ʼatʼoa. Dadiyingo iiłʼį́nigii binaajį́ ałdo diyingo nihi dziił dóó Jesus Christ bee nííł dził.
“T’áá háiida Diyin God yoodlánii nihokáá’ ts’ííd doolééh niyólí, aoo’, azhą Diyin God biníshnáájí, jo’éí oodlą’ bee ha’óní, diné bii’sizį́į yee nił dzil, jo’éí ádabósin t’áá aaníí dóó ahidiizį́, áłahjį’ naanish yá’át’éhii áyoolííł, Diyin God yaa hániih.”
ʼAsts’íígo ʼakʼíhiniłgo “Naaz hodiziihgo,” “ei nihi dził yileeh nizhonigo nitsiikess,” “nihi dziłgo Diyin bichʼį́go yinaał,” áádóó “Diyin Íisízi Nilínii (Holy Ghost) ei nikáʼánalwoʼ.” Áko nizhónígo nihi dziilgo Diyin yiniidlaa doo. Diyin Yisdaʼíiníilii ei bee nihikʼį́ hojołíígo bee nihił´ “Hoołzééh doo” Diyin God ei NihiTáá nilį́, ʼako Diyin ba ałchiní niiłí. Jesus ei nihi Yisdaʼíiníilii nilį́.
Baa Hastiį́ Hoolzíísh, Dahodiyingo naahaz’ą́ áádóó Diyingo Hoghan.
Diyin ei diyingo nahotʼah, dóó diyingo hazʼą́go ʼáyiilaa, ako nihi ałdo diyiniigo hodíílzééh doo ei nihił béédahozin dooleeł biniye.
Damóogo ei Diyin God béneełniih, hodiyingo hazʼą́ dóó ʼóʼááł, Diyin nihiTáá bichʼi sodilizin Biyé bizhí binaajį́, Diyin Bibeeʼadził bee naanishʼígíí ʼátah íílį́ dóó diyingo Diyin biłʼaghadiitʼaah. T’áá damóo naaʼodleehgo “Diyin dayodlaa’ígíí” Diyin bich’i’ sodadiilzin, baah dóó tó bá sohodizingo, t’áá hoghandi ałdó sodadilzin. Tʼáá damóogo Diyin ei hodiyin ba nitsekess dóó hodiniiłzin haala Diyin ʼayoi aniiní. T’áá damóógo hodiniilseehgo nihił beehozin doo Diyin God éí NihiTáá nil’į́ dóó Jesus Christ éí nihi Yisdaʼíiníilii at’é.
Damóogo Sohodizin bahoghango “ananiedaago sodilzin doo Baah dóó neidį́į́h doo [Diyin] bee’ájį́.” “Sohodizin bighan¨ ei dámóogo biih ałah náʼadlééh—Diyingo sią́ dóó hodizyeeł, sohodizin dóó ʼóhooʼaah. Kin biih ʼáłah nidaʼaleehʼígíí éí diné Diyin Bee Aził yéé dadiyinʼígíí ei kin dóó dine´ kin choodayooʼį́į́ dooleeł ba sohodizin, ´ako Diyin ei bił holǫ́ dooleeł, “áko Yisdaʼiiníilii bił holǫ́ doo.” “Háshtʼéh díínitʼé” da hodiyingo, Diyin NihiTáá yaʼaash holǫ́nii bichʼį́ sodozin, Bá ałchiní daniidlį́, dóó Jesus Christ ei nihi Yisdaʼíiníilii nilį́´.
Diyin bighan (temple) éí áádí hodilzin t’áá iiysi’síí biniyéh sią́ dóó Diyin báneelnish dóó hooláágóó t’áá anii át’eii bóhdahwiilaah. Diyin bighan (temple) góné hazhǫ́’í hodíniizingo yéeltí dóó nihiéé’ ákóné’ ałdó láhgo adaat’é. Diyin bighan (temple) góné, nihił hoolzhééhgo God ei NihiTáá nihił bee hódoolzį́į́ł nilį́į́, dóó Jesus Christ éí nihi Yisdaʼíiníilii nilį́.
Hágo dóó haadi sodizinigii, ei NihiTáá beehoniih dóó binahotá, Jesus Christ dóó naaʼiina niha yikʼeh niniłlaah, áádóó Diyin Íizíisíi niliinii dóó dadiyinii bił danitʼį́ʼígíí bee yáʼátʼééhgo yidaal dóó diyingo ʼádaalʼį́į́nigii, Diyin bił ʼaghaaditáá dóó Yisdaʼíiníilii binanitin niha naayé.
Diishjį’ baa nahódeeshní ei Diyin binánitinígíí ałtsé baa haasdziih. Nihighan ei baa hastį́ dóó Diyingo hazą́ doo diné dóó bighan doo dine ei “bił holzééh” Diyin God bizhéʼé nishłį́nigii bił beedahozin doo, dóó Jesus Christ ei Yisdaʼíiníilii nilį́. Damóogo nihighandi ei sodilzin dóó hodiníílzin, áádóó Diyin bighandi ei íiyíisii sohodizin. Nihighandi neidaago ei díí diyingo ʼádaatʼéʼígíí bee nihi dził íína yáʼátʼééhgo nííłʼį́, dóó nihi naaago doo yáʼa´tʼééh nilį́į́nii baa ʼakwiiniizingo bee ʼdaahwiiyą́.
Dahodiyingo ałna neidaaʼígíí, Damóo hodinilzin, Diyin Bighango ałná neidaago Diyin íísizį́ nilį́nii (Holy Ghost) nihil holǫ́go “bee lą́ hasingo bee niha yáʼa´hotʼééh”.
Da nihighan dóó sodizin bahoghan ei Diyin Jesus Christ bee tʼááłá niilį́. ʼazhą́ą́ nihi naago łą́ʼahatʼį́į́ ndi nihi ní dóó nihi jéí doo yee nitʼį́ da doo. Nihich’į’ andahazti’ t’áá há’t’į́į́shį́į́h ndi , doo nohił hóyééh da doo. Diné dah hijoołá ndi nihił bee hózin doo t’áá sáhí needaahdah. Diyin kéhjį’ nihiká ádoolwoł áko nihidziil doo dóó niłdzilgo t’áá anii át’éii bee síídzííh doo.
Háádíítʼánigii béé háʼódziih dóó tʼááʼáánii hoł bééhózinigíí.
Jesus Christ éi´nihi tsé nilį́go bee niiłdził doo. Diyin íisizí niiį́nii (Holy Ghost ) ei nihił holǫ́go doo. Diyin God ei baa ałchin daniidlí, Jesus Christ ei nihi yisdaíiníilii nilį́. Nihi kihojodlíígo niha nidanitłahʼigii bichʼį́ nihi dziłgo ʼádeilnéh doo.
T’ááʼáanii shił beehózin God éí nihi zhe’é nilį́ dóó Jesus Christ éí nihi yisda’íiníiłii nilį́. Shí t’áá aaníí Diyin Bóhólníihii Jesus Christ bízhi’ dílzinii binahjį’ ádíshní, amen.