![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F8c%2F84%2F8c84222ffbcd600f7e1a3fe1a128828bdad5906a%2F8c84222ffbcd600f7e1a3fe1a128828bdad5906a.jpeg/full/!250,/0/default)
Diyin God Niha Iinizinígíí éí Hooghandi Nídiidaał
Tsídá t’áá ałtso Diyin God yánáhasą́’ígíí éí ba’ałchíní hooghangóó neidooiish biniyéh.
Baah ahéhee’ nisin nihi sodizin díí Diyin Yá Naazíníjí shit’ééjí’, President Russell M. Nelson bikéhgo, dóó shinaanish inda bóhooshaah. Díí yéígo jooba’ áshiilaah, dóó yéígo sheeiiná łahgo áyiilaahígíí baah nisiskees. T’áá áyisii yéígo shił nilį́į́go Yisda’iinííłii bá naash’a’í nishłį́į́’ doo, dóó nihił naanish doo, dóó bina’hagha chohoo’į́ bee bá nánishtin doo.
Kódah haní, aniidi Diyin Yá Naazíní áhódiilį́į́hgo hamá doo joo’íínii yikeedilyiis. T’áá anii daahtsí bee há’oodziih, ndi shí éí daahtsí ákot’éii doo. Jó ndi shimá doo yiishį́į́nii éí ájidin, doo nihił holǫǫ da, ndi ałdó shį́į́h bikeedeesyis doo nt’ę́ę́’.
Naaki nideeziz yaadą́ą́’, shi dóó she’esdzaan sodizinji naanish biniyeh neet’aash, abiní danijahdi cheenidzid dóótłóógóó dee’į́į́h sésó biniká. Nihiyaadi atiin lei dahdeet’ah áko silao lei atiindi sizį́, chidi tóó naaná hájeehgo bee bóholniih. Ałtsé t’áá dikwii chidí naaná hajeeh. Wónaasgoo tóó’ahayóí chidí ałahsilį́į́h.
Tsésǫ́doo dinishį̨́́į́go siláo bił nizhónígo nahalin áádi bóhołnííhgo chidí baa naanáhajééh. Háhidileesgo, asdą́ą́’ ałzizh nahalingo chidí baa naanáhijééh. Lá’ ndahałbaasígíí doo bił yá’ádaat’ééh da atiin dádeet’ahnígíí nidi siláo dóó jooba’ da nahalin. Tóó bitsiitsiin yiłmasgo nat’ąąjigo hádah dilní.
Shik’s, dóó diyin bikeendaakaí’ígíí iina bitiinjí wokágo, nihiZh’é nizhónígo binahata éí hoghangóó nidíídaał biniyéh nahastą éí nádádeelkaał da. Doo atiin dádeet’ą́ da dóó doo siláo nát’ąągo yinaał níí da. Bee hozin, éí łahjígo at’é. Diyin God éí t’áá ayísii hanitá. Sha’ałchíní t’áá bí ídeenizingo shaanáhidookah, dóó t’áá há’át’ííshshį́į́h chóyołį́į́go hanhint’ą́.
Diyin God ayóó’óó’ní bee nahasdzáán niha ayiilaa áko kwí’í diniilseeł, dóó t’áá nihí nisiikéésgo bikéédahdidíídaał, ní’iilzííhígíí binahjį’ diníílseeł, nihéé’iiná łahgo ánidiinííł, dóó Diyin God ayóó’á’níí’níí’ doo dóó nihííghago dabighanígíí ałdó ayóó’á’níí’níí doo dóó naasdi yołkaałdi hooghangóó nídíídaał.
Biye’ yiniłaad nahasdzáánjį’ áko iiná yíyích’í doogaał, yá’át’ééhjí nihinááł ídoóííł áko ba’ałchíní yikéé yiká doo dóó yáninádoodłééł dóó hasdánéédoonił. Christ atiin dá’deetąní nahji’íídooleeł iinájí dóó diyin kéjí jó éí éíyá nihidaahsít’ą́ nt’ę́ę́’ áko doo hooghangóó nidíídaał da.
Tsídá t’áá ałtso Diyin God yánáhasą́’ígíí éí ba’ałchíní hooghangóó neidooiish biniyéh.
Há’át’į́į́h biníyéh God bá yá’daalt’í’ii diyin bizaad hanaalyáh deiłní? Niná’ílyáago nahat’áhígíí yołyéh ájooba’ nahat’áhígíí iłhózhǫǫnii nahat’áhígíí dóó yisdaa’iideeh binahast’ą́hii éí t’áá ałtso diné bá, “ShiYé T’áá éí T́éiyá Yizchíinii bidił biyí gonégo t’éíyá.”
Diyin God ayóó’át’éii binahat’ą́ biniyéh éí nihił hózhǫ́ doo t’áá k’ad, t’áá kwe’é, dóó hool’áágóó ałdó. Binahát’ą́ éí nihił hózhǫǫ doo dóó doo bineeldzid da dóó baah nihiní doo.
Diyin God niha íínizinígíí éí hasdandííidaał Jesus christ nigha tíhoozniih bąąhági át’éii dóó ínooneeł niha yikéh deesdlííh. Doo tóó t’áá aníít’éii’ígí atáó doo.
Yá’aashdi nihiZhe’é binahat’ą́ éí ajooba’ dóó ajooba’ bee nat’ą́ą́ bich’į́ dahnidiizáo dóó bił beeaha’diniit’ą́’ígíí bikéhgo yiidaał doo dóó bá’ííniidlį́ doo. Yinił dóó atah honeezgai éí doo nihich’į́ hwiilį́į́h da, ajooba’ t’ááyah.
NihiZhe’é yisdá’iildéehii binahata éí binahjį’ yisda’diidaał yá’ąąshdi nléí aláadi Jesus yiníídłąągo dóó t’áá at’é nihíísizíínii bąąh díít’aał. Doo nihits’ádeet’ąą’ da.
Da’ t’áá nihí’ííh ííniidzinígíí baa néidaah doo? Da’ t’áá nihí ííniizinígíí doo bóhónííh da? Áko diyin bibeehazáanii t’áá nihi bikéh dooda yeeh doo bikéh hóniil’į́į́h da doo? Nidaga’. Diyin binaaltsoos biyídi, Jesus nanitinyaadą́ą́’ éí nanhookaah niheeiiná łahgo andaadlééh dóó shaa hókaah. Binanitin éí wódahdi dah yá’át’ééhgo dahinónah éí t’áásáhi naasgóó Christ yinódlą́, dóó nihijéí yéígo lahgo anandlééh.
Niha yinízinígíí éí nájiádoołeeł díín t’áá ádaa nitsíjikeesi dóó t’ááshít’éiiyah niidzin, dóó bee sháá hodoo’níh, dóó náji adoołeeł díí diné atsíík’ehgo ntsékeesígíí dóó niwóji t’áá doo bąąhági at’éii baa nanahá’í.
Da’ nihiZhe’é yisdádíídlaał yiníídląągo, nihaa jooba’, binahjį’ nihił hózhǫ́ǫ́’ doo, ákoshą́ biYé éí háásh yit’áo binahatá doo?
“Háálá doo t’áá shí íinisinígi át’éego ádeeshnííł biniyé yá’ąąshdę́ę́’ hadááyáa da, nidi shiníł’a’ii íinízinígíí éí ádeeshnííł biniyé níyá;
Ataa’ yinízinígíí éí Jesus binaanish nt’ę́ę́’. T’áá át’é sha’ałchíiní díí shinahata bił bee hózin doo, éí hóól’áágóó iina éí bá nisin. T’áá ałtso diyinjí yiighago át’é.
Baa ninígo doo shá biigha da nosingo. dooda yeeh Christ niháninánidlá’ígíí éí doo shi shiké’tí da nosingo, jó doo nił bee hozin da lá. Doo ninití da éí doo ninití da ááyił ní. doo ninití da éí nikétí dóó ayóó’íí’ní’ní’ígíí ałdó bikéhtí.
Yisdá’iiníiłii “doo t’áa doole’é iiléeh da t’áá hazhó’í dine’é bá yá’át’éhii t’éiyá yá ííł’į́; dine’é ayóó áyó’nóo biká, índa be’iina’ ndi nínéídiní’ą́ áko dine’é ałtso baa náhidookah. Eíí bąą, doo ła’ íididooníił da eíí yisdáá’iildééh doo ndeididoołééł da.”
Yisda’iinííłii, na’niłkaadii yá’át’ééhii, bidibé yoo’ííyahígíí haanit’ą́ágo tsídá yikéh yaahgo inda níkót’į́į́h. Doo atídooniiłgo yaah nisíkéés.
“… Shigaan joobá’ii nich’į́ ąą’át’é, dóó t’áá haishį́į́h shaaniyaahgo éí baah déíshaał.
“Nihitahísh diné bitah doo dahatsʼídígíí hólǫ́? Wóshdę́ę́’ bił nihohkááh. Nihitahísh diné ch’ééh dah daiikáhígíí, dóó bináá ádaadinígíí, inda łóód doo náádziihii, dóó bits’íís ła daniiłna’ígíí ,doodago bijééhkałígíí, éí doodago t’áá hait’éego da bąąh dah nahaz’ánígíísh hólǫ́? Wóshdę́ę́ʼ bił nidahohkááh dóó hadaałtʼéego áńdadeeshdlííł, háálá naa a’ááh nisin.”
Asdzání dił bee nití t’áá doo niwójí yidííniid da, t’áá doo diné łóód doo nádziihii yits’ąąjį’ kódzaah, asdzání ídiléi t’áá doo yitsąąjigo dahiiyaah da, dóó diné bąąhgí at’éii t’áá doo yitsíniyaah da. Dóó diné ayóó’íí’ní’níínii dóó ní ní’íisizį́į jooba’go shaa yiníyááhgo doo niwójį’ nididiishniił da. Díí éí doo binahata át’éii da.
Nidága’ doo atiin nts’ąą dah didoot’ééł; Bí éí nahjį’ ayííniił. Doo nidaah deesdaah da; Wooshdę́ę́’ yahinaah nihiłní. Nanitinyaadą́ą́’ akót’áo nihich’í yałtí nt’ę́ę́’.
Ninádeideez’ą́ éí t’áá nihi doo nihił bee hozin da, doo biiníígha da baasííkeesgo. Ndi, díí éí bąąh hastí’ígíí, nihił bee hózin, dóó náá’ádiisnii’gi naniná’ilyahígíí éí nihił bee hózin.
Jesus daasts’ąągo diyin bighan ntsaadi dádinibaal íídlaad, nihá ąą’alyaah nihiZhe’é bighandi nidíídaał---t’áá háíshį́į́h diyin yich’į́ dah diiyaahgo, doo yidá’ílííhgo, biyeel nidaas’ígíí yaah deeznil, dóó ni’azéedéetání shaa nót’eeh háálá nił’áhádiniisht’ą́ bee áhééhóniilzin.
BiZhe’é binahata éí doo atiin dadeet’į́į́h da. Tsídá doo ákot’éii doo; tsídá doo yeehas’ąą’ da. Da’ t’áá lé’í haasht’é diilníł, diyin bibeehazaanii bikéh hóniił’į́, dooda yeeh lahgo at’éiigo ch’ídiidaał? Aooʼ Ndi bibee ajooba’ bee nigha biigha doo.
Díí éí hané yá’át’ééhii át’é. Díí t’áá anii át’éii yéígo bąąh ahéénisin. NihiZhe’é binahata éí niha yinizinígíí éí nidíídzį́, áko hódeesheeł doo, áko hooghangóó bich’į́ nidiidaał. Díí Jesus Christ bizhí binaaji ’adishní, amen.