Diyin Bibee’ádziil Bee’ą́ą́ditíhí Baa’ahéé Ninízin
Diyin God bibee’adziil bee’ą́ą́niditíhí éí Diyin yee nahwiiz’ą́ąniijí choo’í doo dóó t’áá haishį́į́h diyin binaha’gha yidiiyaahgo bikidhojídlííh doo.
Shik’is dóó shilákee, diishjį’ éí ałk’idą́ą́’ áhóóot’įįd yę́ę bénashniih shí dóó Naat’áanii Dallin H. Oats. Dízdiin naahai yaahdą́ą́’, Tááchil tsosts’id 1984, íidą́ą́’ nihit’ééjí naakidts’aadahjí. Íídą́ą́’ dóó woshdę́ę́’ ntsaago ałah ná’adleeh baa ahééh níídzin dóó diishjį’ áleehígíí ałdó. Íísizíínii nihił hólǫǫgo nihikidnaahojisdlíí ałah siidlį́į́hdi. Tá’nit’ééh naasyíziłgo ní hazhó’o yiniłt’á dóó baa nisinkees doo díí bee nichłį́ hadahiisdzííhígíí.
Shidich’į́į́h dóó wooshdę́ę́’ t’áá hast’ą́ą́ diyin bighan ntsaa’ígíi --- łá’ St. Georgedi, Logandi, dóó Salt Lake Citii, Utahdi; dóó Cardston, Alberta, Canada; dóó Laie, Hawaii. Tóó nighaajį’ naanish silį́į́h éí Kirtland, Ohiodi dóó Nauvoo, Ilinoisdi. Há’á’aahgo dah diinąągo, naaki diyin bighan ntsaaígíí bits’ąą’doo ch’íhódíniikaad.
Diyin bighan Ntsaaí Nauvoo éí kǫ́ bee ádíík’ąąh. Bikaadę́ę́’ ánalyaahgo Naat’áánii Gordon B. Hinckley yá sodoolzin. Nihi sodizin dayoołahígíí Diyin Bighan Ntsaaígíí Kirtland dah yííłch’ǫ́. Bikéédę́ę́’ Community of Christ Kirtland temple nidah yiisnííh, dóo t’áádaabígo lá’í naahai.
Nideezid yaadą́ą́’ Jesus Christ Binahagha akee di dayoolkaalgo ya naazinígíí Kirtland Temple nidahyiisnííh, dóó t’áá ákwe’é lá’ ałkidą́ą́’ biłnáhaz’ą́ígíí ałdó nahaaznííh. Baa ahééh dah níídzin Community of Christ binaat’áánii dahnilinígíí yá’át’ééhgo bił nidah síílnish.
Kirtland Templedi Jesus Christ binahagha hanaalyah, éí nizhónígo bee hániih. Miil naahai yaadą́ą́’ bąąh hané dóó bee hádahíisdziid, Diyin bisodizin hanádoolyeeł diishjíídi.
Yéígo ílį́į́go ahoot’iid Jesus Daazts’ą́ dóó Naadiidzah goné Damóógo Tááchil táá 1836 Joseph Smith dóó Oliver Cowdery yá’aashdę́ę́’ baa íísdeeh. Ałtsé éíyá Jesus Christ haaníyah. “Binaa kǫ́ łichį́į́’, bitsii’ éí yas nahalingo łigai; johonąą’ai yilaadi bitsádinidiin; binee’ éí tó ts’ííłgo nilį́ nahalingo diits’á, Jehovah, anihiłní:
Diyin haaniyaahgo adaah holzííh. “Shí éí altsé dóó akeedi nishlį́; Hinishná, Shí éí niha dah sitsá; Shí éí shiZhe’é ná bitádí Shizį́.
Díí Shighan Nitsaago shá’ołlááhígíí shił nizǫ́ní Dóó díí yee haadzííh, “Shi diné baa jíínishba’ doo kwe’e’ shihagan goné baa náshdááh doo.”
Díí bee há’oodziihígíí t’áá at’é diyin bigha ntsaaígíí bidahdéét’é. Ánihidiish ní t’áá nihi Diyin yeeh haadzííhígíí baa nisókees.
Yisda’iinííłii dah nidíídzaahgo, Moses niyah. Moses Joseph Smith Isrel áłahalnéehígíí bibee’ą́aą́nditíhí yaahyínínil dóó neeznaa doone’í diné niháhidookah.
Hwił ádzaa’yaah asdiingo, “Elias niyah, dóó Abraham binan’nitinígíi Joseph yeeyínilah.”
Áádóó Elijah Diyin Yayałtí’í haaniyah. Niyahígíí Malachi yee haadziihígíi be’oolyaah t’ádoo Naakidi Góné Nadahii, Diyin Elijah iidoołaał, “Éí azhe’é bijéí bá’ałchíní yich’į́ bił lá’í nidadoodleeł dóó ałchíní bizhéé yich’į́ lá’í nidadoodleeł.” Áádóó Elijah diné ahídiiljééh bibee’ą́ą́niditíhí Joseph Smith yee yinínil.
Díí táá diyin yanidaal’á’í nahasdzáán bikaajį’ bee’ą́ą́niditíhí nideeshjááhígíí éí ilį́įgo baa nitsáhakees. Diyin bibee’ą́ą́dziil bee’ą́niditíhí éí óholnííh dóó adziil naat’áánii nilinígíí neejáah łeh. Diyin God bibee’adziil bee’ą́ą́niditíhí éí Diyin yee nahwiiz’ą́ąniijí choo’í doo dóó t’áá haishį́į́h diyin binaha’gha yidiiyaahgo bikidhojídlííh doo.
Tádoo diyin bisodizin hadilnééyááhdą́ą́’ yá’aashshį́į́hdę́ę́ nidaala’ii Arronic dóó Melchizdek bibee ą́ą́niditíhí diyin yáyałtí’í Joseph bee yinil. !830 yaadą́ą́’ Joseph Smith diyin bibee’ą́ą́niditíhí chó’yoos’íídgo diyin bisodizin héídiilaah.
1836 yaadą́ą́’ Kirland Templedi díí táá diyin bibee’ą́ą́niditíhí choos’ííd—Isrel ałahálneeh, Abraham binahagha, dóó diné ahídiiljééhii choos’ííd. Diyin bisodizindę́ę́’ diyin bibee’ą́ą́niditíhí Joseph Smith baa yinil—doo wooshdę́ę́ t’áá at’é diyin binaat’áánii daaslíi’ígíí binaanish—Isrel dine’é alahalneeh t’áá alahjí bich’i’dinibaaljí ndi, Abraham binahnitin diyin yiłahádahdeest’ąnígíí bee bikidhojídlííh doo, dóó diyin bee’ó’oolį́į́h dóó iłhajééh ahídahdiiljééh áko hool’áágóó bá doo. Diyin bibee’ą́ą́ditíhí éí hool’áágóó bidziil dóó ayóó’at’é.
Háíshą́ yit’éii doo nt’ę́ę́’ nééiiná ła’go at’éii doo nt’ę́ę́’ doo diyin bibee’adziilii nahasdzáán bikaagi hanaal yaahgo. Diyin bibee’adziil bee’ą́ą́niditíhí doo hólǫǫgóó, ní diyin be’adziilii doo nééh hólǫǫdah nt’ę́ę́’. Doo diyin bibee’ą́ą́niditíhí hólǫǫgóó, nihi sodizin tóó diné ílį́įgo nidahnitin doo diné yiká’anahjah doo dóó t’áá ákódí. Diyin bibeeádziil bee’ąąniditíhí adingo doo niha biigha da nt’ę́ę́’ diyin bil áhádeet’ą́ígíí dóó bee’ó’ool’į́į́h áko ayóó’ádahíínii
Diyin bibee’adziil bee’ą́ą́niditíhí binahjį’ Jesus Christ Binahagha’ Akee Di Dahyookaalgo Yá Naazínígíí éí tsídá łágo at’é doo nanałah bełt’éii da. Lá’í diné dahiká’ígíí aká’anídaalwo’ dóó nidaalnish áko diné bee iiná’í bá’yá’át’ééhgo yee dahiná. Doo nanałah dahyiká’ígíí niká ádoolwoł dóó ínooneeł niwójí iiná’ígíí doo bił bee dah hózin da.
Diyin bibee’adziil beę́’ą́ą́niditíhí binahjį’ ołholnííh nihéíyilyah áko Abraham bee bá’háoodzííhígíí bikéhojidlíí doo, t’áá haishį́į́h diné dóó asdzááni diyin yił áhá’dahdeest’á’ígíí bikidhojídlííh doo ałdó. Diyin bighan ntsaadi díí akidhojídlí t’áá ałtso Diyin God bá’ałchíní bá doo, t’áá haadashį́į́h dooda yeeh hádą́ą́’ dah hiną́ą́’ nt’ę́ę́’ dooda yeeh ndiishjį’ dah hiná’ígíí bá. Há’aashjááhshį́į́h baa ahéédah niidzin doo díí diyin bibee’adziil bee’ą́ą́ditíhí nahasdzáán bikaagi hanaal yah!
Díí táá bee haasdziihígíí yéígo bąąh nisinkees doo:
-
Isrel áhá’analnééhígíí éí Diyin God t’áá’at’é ba’ałchíní t’áá ałtso ayóó’á’yó’ní lá.
-
Abraham binanítin éí náásgóó Diyin God t’áá ałtso bá’ałchíní ayóó’á’yó’ní łá. T’áá ałtso shaahohkáago—“lizhin dóó łigaii,da’ahót’ą’ii dóó sahdii naagháii, biką’ii dóó bi’áadii t’áá ałtso God beego t’áá aheełt’é.”
-
Diné áhidiijééhgo éí ayóó at’é Diyin God bee ayóó’óó’ní t’áá ałtso bá’ałchíní dóó yáyinízinígíí t’áá ałtso shá’ałchíní t’áá bí hooghangóó nidiishdaał dah nizin doo.
Joseph Smith Diyin bibee’adziil bee’ą́ą́niditíhí hanaalyaahgo niha ą́ą́’áyiilaah t’áá ałtso diyin yiłáhá’dahdeest’ąnígíí diné dóó asdzááni k’ad bá biigha t’áá bí diyin kéhjį’ bił hané bá biigha doo. Kwe’é, tóó aháyóí Kirtland temple baa hanégo at’é.
Kirtland templedi Joseph Smith bee oodlish biniyéh sodoolzinígíi binahjį’nánitingo nihidziil doo áko iinájí ách’į́nahwíínáhígíi bich’i bííniighá doo. Shi anhidiish ní sodizin yéigo baa nisokees doo Doctrine dóó Covenants 109 goné. Díí íídlish sodizinígíí éí yá’aashdę́ę́’ bił hoolné at’é yee ninitinígíí éí diyin bighan ntsaa éí sodizin hooghan at’é, adą adąąh yit’į́ hooghan at’é, oodlą́ hooghan at’é, óhooąąh hoghan at’é, haasht’éhoot’é hooghan at’é, diyin God bighan at’é.
Bee hadit’éhígíi éí lá’í dóó diyin bighan ntsaaígíí éí bilaadi at’é. Diné dóó asdzááni bił ádooníił diyin bigan ntsaadi nidaalnishígíí dóo dah hódisinígíí. Bisodizin éí bá didootsiił, yá’aashdę́ę́’ bił hodoolní, oodlą́ bidziil doo, aajooba’ doo, ééhozinii bidziil doo dóó diyin kéhjį’ adziil doo.
Diyin bighan ntsaa goné celestialjį’ baanisinkees doo dóó nił iijaanádooniił t’áá anii nit’éhígíí, naasgóó diilééłígíí, dóó hool’áágóó iiná yá’át’éehii ninizinígíí. T’áá ałahdi diyin bighan ntsaadi nandaahgo nizhónígo ádaahnisinkees doo dóó hait’áó God binahatajį’ díínaał. Shí éí bee nich’į́ haasdziih.
Diyin God bighan ntsaadi Niłch’í Íísizíínii “naadoogaał.” Baa nisinkees t’áá háíshį́ih t’áá aniinii háínit’áágo éí yá’aash bá’ą́ą́’ádoolniił éí bee há’oodzííh yaah.
Nił hané t’áá háíshį́į́h diyin bighan ntsaa goné hodisingo ch’íní yaahgo diyin be’adziilii bee hólǫǫ’ doo dóó diyin yánidaal’á’í “bił dah hólǫǫ’ doo.” Diyin yił ałhádeet’áígíí diné dóó asdzááni doo naldzidgo diyin be’adziilii bee hólǫǫgo iiná doo t’áá sahí yííyigaał doo. Diyin yánidaalá’í t’áá anii niká’adoolwoł binahjį’ doo nandzida doo.
Ákéédi bee há’oodziih “doo yá’át’éehii” nikéh didoodlééł t’áá háíshį́į́h diyin bighan ntsaadi bikínahóyahígíí.
Diishjíídi diyin bighan ntsaadi éí t’áá aniiltso nigha biigha diyin kéhjį’ yéígo niha yá’át’ééh.
Shik’is dóó shilakee, díí bee nihich’į́ haasdziih. Tsídá aláádi niká’adoolwołígíí éí béesh kédonígíí yinit’ą́goéí diyin bighan ntsaadi t’áá łá’jį’ nandaahgodóó t’áá nábííghago. T’sídá éí bee naa’áhayaah doo dóó nahasdzáán bee chá’aheełdi biyíyínaalgo. Tsídá ałdó Jesus Christ yinidlą́ígíí bidziil íídooleeł dóó niha niná’ilyahígíí dooda yeeh Diyin God binahata hazhǫ́’o nił bee hódoolzííł. Tsídá díí t’éíya ni’iisizíínii yiká’adoolwoł nitáhónéezgaigo. Tsidá t’áá díí t’éíya ya’aash ná’ąąíídooleeł. tsídá ádin!
Diyin bighan ntsaadi t’eíyá nihi Diyin God aláádi bee nihikidhojídlígíí niháínilah t’áá at’é Abraham bee bá’há’oodziid yaah nihaa doolyeeł. Éí biniinaa Diyin God bikégo diyin bighan ntsaaígíí lá’í ánaadaalné, áko t’áá ayidígo niha naasnilgo daoodlą́ígíí chódah yołíí’ doo. Baa nihił dahózhǫ́ ashdla’áadah aniidi diyin bighan ntsaa ánaadahdoolnííł bił nahasąądi éí:
-
Uturoa, French Polynesia
-
Chihuahua, Mexico
-
Florianópolis, Brazil
-
Rosario, Argentina
-
Edinburgh, Scotland
-
Brisbane, Australia South Area
-
Victoria, British Columbia
-
Yuma, Arizona
-
Houston, Texas south area
-
Des Moines, Iowa
-
Cincinnati, Ohio
-
Honolulu, Hawaii
-
West Jordon, Utah
-
Lehi, Utah
-
Maracaibo, Venezuela
Shik’is dóó Shilahkéí ayóó’ánhííníshníinii, díí éí Jesus Christ Bisodizin yá Naazínígíí át’é. Jesus Christ yiląąjį’ sizį́. Nihí bá nidéiil’a’í daniidlį́.
Há’aashjááhshį́į́h baa nihił dah hózhǫǫ’ doo diyin bibee’adziil bee’ą́ą́niditíhí niha hanaajááh áko t’áá aniiltso diyin kéjį’ nihikidhojídlííh doo dóó t’áá ákot’éego hiniiná doo. Shí Jesus Christ bízhi’ baa hasti’íi binahjį’ adishní, áámen.