Te mau haapiiraa no to tatou anotau

E mono te mau haamaramaramaraa i muri nei no te mau haapiiraa a te Autahu‘araa a Melehizedeka e a te Sotaiete Tauturu no te maha o te sabati i te Haamaramaramaraa na te feia faatere o te Autahu‘araa e te pŭpŭ tauturu no te faanahoraa haapiiraa, mai te matahiti 2005 tae atu i te matahiti 2008.

E faatumuhia te mau putuputuraa a te Autahu‘araa a Melehizedeka e a te Sotaiete Tauturu o te maha o te sabati o te mau ava‘e tata‘i tahi i ni‘a i « Te mau haapiiraa no to tatou anotau. » E ravehia mai « Te mau haapiiraa no to tatou anotau » mai roto mai i te mau a‘oraa o te amuiraa rahi i tupu iho nei e itehia i roto i te mau ve‘a Liahona. E haapararehia teie mau ve‘a i te ava‘e me e novema. E roaa atoa te mau a‘oraa (i roto i te mau reo e rave rahi) i ni‘a ia www.lds.org.

E faaineinehia te haapiiraa tata‘i tahi mai roto mai hoê e aore râ, hau atu mau a‘oraa. E nehenehe te mau peresideni tĭtĭ e mataeinaa e ma‘iti i te mau a‘oraa e tano ia faaohipahia e aore râ, e faataa i teie hopo‘ia i te mau episekopo e te mau peresideni amaa. E mea ti‘a i te feia faatere o te autahu‘araa ia haapapû i te faufaa no te haapiiraa te mau taea‘e o te Autahu‘araa a Melehizedeka e te mau tuahine o te Sotaiete Tauturu hoê â a‘oraa i taua sabati ra. E mea ti‘a i te mau orometua haapii ia imi i te tauturu i to ratou feia faatere no ni‘a i te tahi mau faataaraa taa ê.

E faaitoitohia te feia o te haere i te mau haapiiraa o te maha o te sabati ia tai‘o e ia hopoi mai i roto i ta ratou piha haapiiraa hoê ve‘a no te amuiraa rahi. E mea ti‘a ia hi‘opo‘a te feia faatere o te paroita e o te amaa e, e nehenehe te mau melo e farii i te mau ve‘a a te Ekalesia.

Te mau mana‘o tauturu no te faaineineraa i te hoê haapiiraa mai roto mai i te mau a‘oraa

A ani i te Varua Maitai na roto i te pure a tai‘o e a haapii ai outou i te mau a‘oraa. E nehenehe outou e faahemahia ia tuu i te hiti te mau a‘oraa no te amuiraa rahi e ia faaineine i te haapiiraa ma te faaohipa i te tahi atu mau materia. Tera râ, ua fariihia te mau a‘oraa o te amuiraa rahi. Ta oe hopoi‘a, o te tautururaa ïa ia vetahi ê ia haapii e ia ora i te evanelia mai tei haapiihia i roto i te amuiraa rahi a te Ekalesia tei tupu iho nei.
A tai‘o i te (mau) a‘oraa, ma te imi i te mau parau tumu e te mau parau haapiiraa e tano i te mau hinaaro o te mau melo o te piha haapiiraa. A imi atoa i te mau aamu, te mau faahororaa no te mau papa‘iraa mo‘a, te mau parau faaite i roto i te (mau) a‘oraa o te tauturu ia outou ia haapii i te mau parau tumu e te mau parau haapiiraa.
A faaineine e mea nahea outou ia haapii i te mau parau tumu e te mau parau haapiiraa. E mea tano ia faaŏ outou i te mau uiraa e tano no te tauturu i te mau melo o te piha haapiiraa :
- –A imi i te mau parau tumu e te mau parau haapiiraa i roto i te (mau) a‘oraa o ta oe e haapii ra.
- –A feruri i te auraa o te mau parau tumu e te mau parau haapiiraa.
- –A opere i to ratou mau ite, mau mana‘o, mau iteraa rau e te mau iteraa papû no te mau parau tumu e te mau parau haapiiraa.
- –A faaohipa i teie mau parau tumu e mau parau haapiiraa i roto i to ratou oraraa.
A tai‘o i te mau pene 31–32 o te buka Haapiiraa, aore e piiraa teitei atu.

« Te mea faufaa roa‘tu râ, ia farii te mau melo i te mana o te Varua, te faarahiraa i to ratou ite i te evanelia, te haapiiraa i te faaohipa i te mau parau tumu o te evanelia i roto i to ratou oraraa, e te haapuairaa i ta ratou mau fafauraa no te oraraa i te evanelia » (Buka Arata‘i Haapiiraa [2001], api 12).

A hapono mai i te mau mana‘o no ni‘a i « Te mau haapiiraa no to tatou anotau » i Curriculum Development, 50 East North Temple Street, Room 2420, Salt Lake City, UT 84150-3220, USA ; e-mail : cur-development@ldschurch .org.

Novema 2006-Eperera 2007	Te mau a‘oraa i nene‘ihia i roto i te Liahona o te ava‘e Novema 2006*
Me 2007- Atopa 2007	Te mau a‘oraa i nene‘ihia i roto i te Liahona o te ava‘e Me 2007*

* E roaa atoa teie mau a‘oraa (i roto i te mau reo e rave rahi) i ni‘a ia www.lds.org.