Ua aparau te taata aamu i te ohipa no te aamu i roto i te misioni a te Ekalesia

Te mau opuaraa faufaa a te Aupŭpŭ no te Aamu no te Ekalesia e no te Utuafare mai ta Elder Marlin K. Jensen no te Hitu Ahuru i parau, no te « tauturu ïa i te mau tamarii a te Atua ia haapa‘o i te mau oro‘a mo‘a », te hoê ïa faaueraa tei horo‘ahia mai e te peropheta Iosepha Semita i te mau mahana matamua o te Ekalesia.

To’na a‘oraa i roto i te amuiraa matahiti o te Taatiraa Aamu o te Momoni i te ava‘e Me 26, ua ma‘iti Elder Jensen i te hoê taata aamu no te Ekalesia e ua papa‘ihia i te ava‘e Eperera 2005, tei faati‘a-faahou-hia i roto i to’na faahu‘ahu‘araa no te faarahiraa o te aupŭpŭ no te aamu e te mau tauturu o te feia faatere e rave rahi o tei farii ma te haapa‘o maitai i te faaue o ta te Fatu i horo‘a mai i te mahana mau i faanahonahohia’i te Ekalesia ia faahereherehia te hoê parau tuatapaparaa no te Ekalesia.

« Aita vau e parau nei mai te hoê taata papa‘i aamu aravihi area râ, ei taata papa‘i aamu no te ‘Ekalesia’, mai te hoê i roto i te reni roa o te mau hui mana faatere o te Ekalesia tei piihia no te hoê tau faataa-ore- hia no te rave faaoti i teie piiraa o tei faati‘ahia na roto i te hoê heheuraa a te peropheta ia Iosepha Semita », o ta’na ïa i parau.

Teie faahou ta’na i parau, te mau ohipa tei ravehia i mairi a‘e nei e te aupŭpŭ, ua faatumuhia ïa na roto i te haaputuraa, te faaherehereraa e te haaparareraa o te mau parau tuatapaparaa e vai i roto i te mau haaputuraa aamu o te Ekalesia.

« No te aha te aamu o te Ekalesia i riro ai ei mea faufaa? » o ta’na ïa uiraa. « Ua tupu te Ekalesia mai te hoê faanahonahoraa rahi roa no te ao nei e to’na pae varuaraa paari ma te faanuu rave rahi e rave rahi i te afaraa o te fenua i te pae apato‘a. Na teie nei mau faaiteraa i haaputapu ia tatou e, eita tatou e nehenehe noa ia rave i ta tatou ohipa aamu mai tei matarohia ».

I muri mai i te feruriraa na roto i te pure i teie mau matahiti i mairi a‘e nei e nahea ia tuu i ni‘a i te tabula hoho‘a no te aupŭpŭ, teie ta Elder Jensen i parau, « ua mana‘o matou e riro te aamu i te tauturu i te taato‘araa o te misioni a te Ekalesia, … no te ora o te taata nei ».

Ua faahiti atoa Elder Jensen e, na teie faaueraa i faataa i te Aupŭpŭ no te Aamu o te Ekalesia e o te Utuafare i te tahi atu mau anaanataeraa o te ti‘araa ohipa e o te aamu.

« E ohipa hanahana teie e te titauraa teitei, o te ore e nehenehe ia rave faaotihia na roto i te ohie e o te ore hoi e au maitaihia e to tatou mau hoa rave ohipa », o ta’na ïa i parau.

No te rave faaoti i teie nei faaueraa, ua faarotahi te Aupŭpŭ no te Aamu o te Ekalesia e o te Utuafare i ni‘a e toru tapa‘o: no te faaite mau i te haamana‘oraa o te mau mea rarahi a te Atua, no te tauturu i te faaherehereraa i te tuatapaparaa o te basileia i heheuhia mai, e no te faaite papûraa e no te parururaa i te parau mau o te faati‘a-faahou-raa.

Na teie nei fâ e « faaite i ta tatou ohipa e i te mau taata e faaroo mai nei ia tatou », te poieteraa « i te hoê ohipa rahi a‘e o ta tatou iho e nehenehe e rave faaoti – i titauhia’i te tahoêraa », o te parau ïa a Elder Jensen. Na te reira e « faahaere ia tatou mai roto atu i te riroraa ei taata faaherehere paruparu i te hoê faanahonahoraa itoito o te faataa i te mau ohipa matamua i roto i te faaherehereraa, te haaparareraa, te ma‘imiraa e i te papa‘iraa ».

Te paturaa i te hoê aupŭpŭ no te tavini i te hoê Ekalesia aano no te ao atoa nei, titauhia ïa te hoê tauiraa i roto i te feruriraa ma te mauiui ore o ta’na ïa i parau. E titau teie huru faarahiraa i te mau tauiraa i roto i te faanahonahoraa o te faatumu i te taviniraa no te mau melo atoa o te Ekalesia oia’toa te feia faatere. No teie mau tauiraa atoa, e mea ti‘a ia ootihia mai te faufaa taato‘a o te ite aravihi.

Te tahi atoa e‘a faahiahia no te haereraa i mua o te aupŭpŭ aamu, o te paturaa ïa i te hoê fare (23.000 metera tuea) i te rahi ia itehia ei fare aamu na te Ekalesia.

« Ua tupu te oro‘a tapuraa repo i te ava‘e atopa i mairi a‘e nei e ua haamatahia te paturaa e e tupu te oro‘a haamo‘araa i te afa matahiti no 2009. E farii teie fare vairaa i ta tatou mau haaputuraa faufaa rahi e ua opuahia ia iriti, ia ani manihini e ia tupu maitai ta’na ohipa », o te parau ïa a Elder Jensen.

Faaauhia no ô mai i te mau Ve‘a a te Ekalesia, 2 no Tiunu, 2007.