Faaararaa no te hiero i Manaus, i Paratira.

Ua faaara mai te Peresideniraa Matamua i te mau opuaraa no te patu i te hoê hiero i Manaus, Paratira na roto i te hoê rata i te feia faatere no te autahu‘araa no Paratira i te 23 no Me 2007.

« Te haamauruuru nei matou i te feia mo‘a no to ratou pûpûraa ia ratou iho e no to ratou faaroo, e ua mauruuru no te mau haamaitairaa e tae mai ia ratou na roto i te paturaa o teie nei hiero apî », o te parau ïa a te Peresideniraa Matamua i roto i te rata.

Ia oti teie hiero, o te onoraa ïa teie hiero o Manaus i Paratira. E faaitehia mai te mau tĭtĭ o te tuuhia’tu i roto i teie mataeinaa hiero a muri a‘e.

Na te mau hiero e patuhia piri mai i te mau tahatai apatoa e apato‘erau no Paratira, e tere mai ïa te tahi mau melo e noho ra i te mau tuhaa ropu e i te hiti‘a-o-te-râ no Paratira hau atu tauasini maile (1.600 km) no te haere i te hiero.

« Te ti‘aturi nei matou e e riro teie ei haamaitairaa no te mau feia mo‘a e rave rahi i ô nei i te mau area e haaatira o te tere atea mai ia oaoa i te mau haamaitairaa o te hiero », o te parau ïa a te Peresideniraa Matamua.

Te faaohipahia nei 124 hiero i te ao atoa nei, te patuhia nei e 6 e, e 6 tei faaarahia’tu oia’toa to Manaus.

Ua patuhia te hiero matamua no Amerika Latino i São Paulo, i Paratira i te matahiti 1978, i te rae‘a-raa-hia te meloraa 54.000. Na te peresideni Spencer W. Kimball (1895-1985) i peresideni te oro‘a ofa‘i tihi. Na te peresideni Gordon B. Hinckley i haamo‘a faahou i te hiero no São Paulo i te matahiti 2004 i muri mai i to’na faaapî-raa-hia.

I te hopea no 2005 ua roaahia e 928.926 melo i Paratira, o tei farii e toru faahou mau hiero i te mau oire no Recife, Porto Alegre e Campinas. E oti te hiero no Curitiba i Paratira tei haamata te paturaa i te matahiti 2005 i teie matahiti i mua nei.

Ua fafau Elder Russell M. Nelson no te Pŭpŭ no te Tino Ahuru Ma Piti Aposetolo i te mau melo no Curitiba i to’na tere farerei i reira aita i maoro a‘e nei e, « mai te mea e faaineine outou no te haere i te hiero e no te rave i te mau oro‘a no outou iho e no to outou mau tupuna, e patu ïa outou i te hoê iteraa papû no teie nei ohipa, o te ore e nehenehe ia outou ia rave i te tahi atu vahi ». Ua parau atoa oia e, « e mea ohie a‘e paha ia patu i te hoê hiero i te faaineine i te mau taata no te hoê hiero ».