BUOKIA TABEMAN BWA A NA NAKO NAKOINA
“Titita Hopkins, aikai 10 Sunbeams are ko na reireiniia n te ririki aei,” e katanoata te kauntira n te beretitentii n te Moanrinan. I a bon tibwa rairaki, ao I kakoaua bwa I maaka te wewete aei. N na kanga n anga reirei i aon te bwai ae e tuai reke raoi otau iai? N na kanga n tararuaia ataei aika mwaiti aika marurung? Ma te bitiobi ao te beretitenti n te Moanrinan a kakoaua nakoiu bwa N na bon kakabwaiaki ibukin karaoan te wewete ae kakamaku aei.
I ataia bwa N na riai ni kabanea nanou ni kamatebwaia te euangkerio bwa I aonga ni kona n anga reirei iai, ngaia are ni katoa wiiki I wareka te boki n reirei—are a reke iai koaua aika korakora n te euangkerio—ao I tataro ao I iangoia bwa a kanga tuua ni mwakuri inanon maiu ao ataei. N au tai ni kamatebwai ao n anga reirei, I karekea au kakoaua ibukin ara bwaibwai mairoun te Atua ngkai ngaira Natina. I kunea kakaawakia ao okoroia ae onoti n tatabemania nako. Reirei aika beebete n te Moanrinan aki ti kairiia Natina aika kakaawaki, ma a karikirakea te koraa ibukin te kakoaua are e a tia n reke irou ngke I tebo n te ran ni bwabetito.
Te ririki ae kakaawaki ma Sunbeams e karekea irou te kakaitau n taai nako ibukin te wewete are e bita maiu. I bon bitaki, ao ataei naba, man Ana reirei Iesu Kristo.