Antai Iesu Kristo?
N ana tai ni boowi ma te Tengaun ma Uoman i Kaitareia I-Biribi, ao e titiraki Iesu, “Ao ngkami kam taku baw antai Ngai?” E kaeka Timon Betero, te mataniwi n Abotoro, “Bon te Kristo Ngkoe are Natin te Atua are maiu” (Mataio 16:15–16) Imwiina ao e kakoaua Betero bwa bon Iesu “e a kaman katabuaki ngke tuai ni karikaki aonaaba” (1 Betero 1:20). E mena irarikin te Tama maimoana, ao bon te Moanbungiaki (tara D&C 93:21).
N aron ana babaire te Tama—te babaire ibukin te kamaiuaki ao te kukurei (noora Aramwa 34:9)—e anganaki (noora Aramwa 42:5, 8), temanna are e na karaoa te mwakuri ni kamaiu ni kaboan maiura ao te akoi nakoia naake a butimwaea te babaire (noora Aramwa 34:16; 39:18; 42:15). E titiraki te Tama bwa antai ae E na kanakoa. Ngaia are E na kinaaki bwa Iesu e kaota nanona ae tamaroa n tangiria bwa E na nako (tara Abraham 3:27). E taekinna Iesu Kristo bwa e na karaoaki n aron ana kantaninga ao e na neboaki te Tama n aki toki (tara Moote 4:2).
E taekinna te Tama bwa E karikaki te aonaaba iroun Natina te Mwaane, are bon Ana Rikitemanna (tara Moses 1:33; tara naba I-Ebeto 3:9; Ereman 14:12; Moses 2:1).
Aran Iesu Kristo
E ataaki ngkoa n arana ae Iehova irouia burabeti n te O Tetemanti (tara Aberaam 1:16; Teotinako 6:3). E a kaman kaotaki Rokona irouia burabeti: “Noora ana Tiibu te Teei te Atua, eng, are bon Natin te Atua ae Akea Tokina!” (1 Nibwaai 11:21; tara naba Ioane 1:14). Ao e tuangaki Tinana, “Aranna bwa Iesu… . E na … aranaki bwa Natin Teuare Moan te Rietata” (Ruka 1:31–32).
A mwaiti atuun arana ao arana ibukin nakoa aika a kabwarabwara Ana mition ao Ana mwakuri ae mairoun te Atua. E taku ana reirei: “Ngai te oota ao maiun te aonaaba. Ngai te Areba ao te Omeka, te moan ao te kabane” (3 Nibwaai 9:18). E taekinna bwa boni Ngaia ara tia ibuobuoki nakon te Tama (tara D&C 29:5; tara naba D&C 110:14). “Boni Ngai te tia kaawakin tiibu ae raoiroi” (Ioane 10:11). “Boni Ngai te Mesia, Uean Tion, Bwaan Karawa” (Moote 7:53). “Boni Ngai te berena ni kamaiu: ane nakoiu ao ena bon aki baki [ke] n taka” (Ioane 6:35). “Ngai te kai ae te kurebe ni koaua” (Ioane 15:1). “Ngai te mangauti ao te maiu” (Ioane 11:25). “Ngai … te itoi ni ngaina ae raneanea” (Te Kaotioti 22:16), Boni Ngaia Iesu Kristo, te Tia Kabooira, ae Ngai ae I Kakannato (tara D&C 29:1).
Boni Ngai te tia raoi (noora 1 Timoteo 2:5), te Tia Kamaiu (noora Ruka 2:11), te Tia Kabooi Maiura (noora T&B 18:47), Atuun te Ekaretia (noora I-Ebeto 5:23), Mataniwiin Atiibun bouan te Maninganinga (noora I-Ebeto 2:20). Ao n te kabanea ni bong, “E na motiki taekaia … aomata te Atua iroun Iesu n aiaron [te] eungkerio” (I-Rom 2:16; noora naba Moomon 3:20).
“Bwa e tangiriia aomata te Atua n te aro are E anga Natina ae te riki temanna” (Ioane 3:16); “ma ngaia, ae e na reke te kabooaki mairoun te Mesia ae Tabu; bwa e onrake n te akoi ma te koaua” (2 Nibwaai 2:6).
E aki toki n titiraki te Burabeti ae Iotebwa Timiti, “Baikara moan tuua aika a rang ni boongana mani kakaawaki n am Ekaretia?”
“Moan tuua aika kakaawaki mani boongana n ara aro bon aia koaua Abotoro ao Buraabeti, aika kaineti ma Iesu Kristo, bwa e mate, e taunaki, ao e a mangauti n te katenibong, ao e nako karawa; ao bwaai ni kabane riki tabeua ae kaineti ma ara aaro bon itera aika rang ni kakaawaki.”1
Ana Nanorinano Iesu Kristo
N te tai are tauaki iai imwaain Taurakina, e oki te Uea mai ketetemwane. N tain kamwaneana, e arora ana kabaang Betero ni kaitara Maariko, ana toro te ibonga ae rietaata. E taku Iesu:
“Karina am kabaang i nanoni nnena… .
“Ko taku bwa I aki kona ni butiia Tamau, ao E a kanakomaia ngkai naba taanga n anera nako Iu aika mwaiti riki nakon tengaun ma ua taanga?” (Mataio 26:52–53).
Inanon aia tai n taetae buakaiia, n aki akonna, ni kaunuunna, n taibaoia, ao n tauria iaon te kaibangaki, ao e teimatoa te Uea n aki kakarongoa ao ni butimwaea te mwakuri are karaoaki nakoina—ma ti, n te tai are, e korakora te bwai ae riki are kaota iai matoatoan aia koaua Kiritian. E riki n tain te karawawataaki e maaku, Birato, ao e taku Iesu: “Ko aki taetae nako iu? Ko aki ataai bwai iai irou te konaa ni kanakoko, ao te konaa ni kamateko n te kaibangaki?” (Ioane 19:10).
Temanna e kona n iangoa aron tamaroan mwaakana ngke e taetae te Uea: “Bon akea iroum te konaa ni karaoa te bwai teuana nako Iu, ngkana ko aki anganaki mai karawa” (Ioane 19:11). Tera ae riki imwiina e aki roko ibukina bwa Birato iai mwaakana n anganako ma ibukina bwa bon nanon te Uea bwa e na kariaia.
“I anga maiu,” e taku te Uea, “bwa I aonga ni manga anaia.
“Akea ane anaia mai irou, ma I bon anga. Iai irou te mwaaka n anga ao iai irou te mwaaka ni manga anaia.” (Ioane 10:17–18).
Ana Mwakuri ni Kamaiu Iesu Kristo
Imwain Taurakina ao imwiina, a mwaiti aomata aika aanga maiuia ma nanoia ni kukurei ibukiia ma te nano ae korakora. Ma akea ae e a tia n teimatoa n aron Kristo. E katokaa iaona rawaawatan aia bure aomata ni kabane, ao rawaawataia aomata ni kabane. Ao moan te kangaanga riki bon Ana Mwakuri ni Kamaiu. Rinanon Ana mwakuri n anganano, te akoi ao te motiraoi e kona n rinanoaki, ni kamatoaa n te kateibai te tua ae akea tokina, ao n akean te booraraoi anne aomata ana bon aki konaa ni kamaiuaki.
E rineaki ao e kariaia te katuaaeaki ibukiia aomata n aia bure ni kabane n aron, aia iowaawa, aia aki ongotaeka, aia katei aika buakaka, ao aia aki kokoaua, aia kakabane tai, aia tiritiri mani kakamaaku—ibukin bwaai aikai are ana bon bane n riki n te aonaaba aei. Ma rineakiia E kaitara ma mwaakan ana katikitiki te bwai ae buakaka, ae aki kabaeaki n te iriko ke nakon te maraki are e na karika te mate. Anne i Ketetemwane!
E kangaa n nakoraoi te mwakuri ni kamaiu ae ti aki ataia. Akea te aomata ae maamate ae nooria n aron te riaaboro ae tannako ao ni karabaa bwa e maama imwaiin Ootan te aomata ae itiaki. Akea te buakaka ae konaa ni katoka te Oota anne. Nningai ao tera ae karaoaki ae e tia ni karaoaki, e a tia ni kabooa te tia kaboomwi. Te mate ao moone a katikui aia koaua bwa antai ae na rairananona. Aomata n tokina a kainaomataaki. Ao tamneiia aomata ake a maiu a kona n rineia bwa ana riinga te Oota bwa aonga ni kamaiuaki.
Man ana Aanga karea ae akea tiana, “rinanon[ana] Mwakuri ni Kamaiu Kristo, ao a kona ni kamaiuaki aomata ni kabane iai, man te ongotaeka nakon taian tua ao otenanti n te Euangkerio” (Taekan te Onimaki 1:3).
“Ana mwakuri ni Kamaiu” inanon te Boki Ae Tabu
Te taeka n Imatang ae atonement bon iai taeka inanona aika tenua: at-one-ment, are nanona bwa te katiteuanaaki; teuana ma te Atua; karekean te iooki imarenaia aomata aika itabaraara, karekean te iraorao imarenaia, te nanomaraki n te mwakuri ae bure ae ko a tia ni karaoia.
Ko ataa te taeka ae Ana Mwakuri ni Kamaiu e taekinaki ti teuana te tai n te Baibara ni Imatang n te Nutetemanti? Ti teuana te tai! I karekea man ana reta Bauro nakoia kaain Rom:
“E mate Kristo ibukira.
“… Ti raoiakinaki ma te Atua ni maten Natina te Mwaane, ngke taan ribaia ngaira, ao a na kabatiaaki riki iai kamaiuara ni maiuna.
“Ao tiaki ti aei, ma ti kimwareirei naba iroun te Atua I nanon ara Uea are Iesu Kristo, are ti anganaki ana mwakuri ni kamaiu irouna ngkai” (I-Rom 5:8, 10–11; katuruaki raoi).
Ti anne te tai ae kaoti iai te taeka ae ana mwakuri ni kamaiu n te Ingiriti Nu Tetemanti. Te Mwakuri ni Kamaiu, ibukin taeka ni kabane! Ti aki te taeka ae aki ataaki, bukina e a tia n rangin ni kabonganaaki n te O Tetemanti ni kaineti ma ana tua Moote, ma ti teuana taina ni kabonganaaki n te Nu Tetemanti. I kunea te bwai anne bwa e rangin ni kamiimi.
I ataa kabwarabwaraana ae ti teuana. Ibukin aei ao ti na taraa Ana Boki Moomon. Ao Nibwaai e kakoauaa bwa “kanoana bon taekan ana uangkerio ae bwanin te Uea, are a kakoauaa abootoro ake tengaun ma uoman” ao “ngke a [tia ni waaki] inanon baia ana abotoro te tiibu te teei ake tengaun ma uoman, mairouia Iutaia nakoia Tientaire, ao ko na noora iai katean te ekaretia are e korakora ma n ribaaki, ae moan te ribaaki riki nakoia ekaretia riki tabeua; bwa nooria, a tia ni buti man ana euangkerio te Tiibu te Teei mwakoro aika a mwaiti aika a maataata ma ni kakaawaki; ao a mwaiti naba ana berita aika a tabu te Uea ake a tia ni buutaki” (1 Nibwaai 13:24, 26).
E kabwarabwara Iakobwa te ribaaki ae korakora n te ekaretia n taeka aikai: “Mangaia, are e teirake ni buakana Tion, te Iutaia ke te Tientaire, ke ae te toro ke ae tiaki, ke te mwaane ke te aine, a a mate, bwa bon ngaia kabekaaun te aonaaba; bwa aomata ake tiaki ibukiu bon ngaia kaitaraau, n aron are e taekinna te Atua” (2 Nibwaai 10:16).
E taekinna naba Nibwaai, “Ao ngke a tia ni buutaki man te boki bwaai aika a maataata mani kakaawaki aikai, … ao a mwaiti aika bwaka, eng, n te aro are e roko mwaakan Taatan ae korakora iaoia” (1 Nibwaai 13:29). Ao e taetae ni burabetiia bwa ana manga kaokaki bwaai aika kakaawaki (tara 1 Nibwaai 13:34–35).
Ao a manga kaokaki. Te taeka ae mwakuri ni kamaiu n arona ao taekana e kaoti n Ana Boki Moomon 39 te tai. I taekina teuana te kibu man Aramwa: “Ao ngkanne, te babaaire n nanoanga e aki konaa ni koro bukina ngkana akea te mwakuri ni kamaiu ae karaoaki; ngaia are te Atua i bon irouna e kamaiuira man buren te aonaaba, bwa e aonga n reke te babaaire n nanoanga, e na rau te nano n tangiran te motiraoi, bwa e aonga ni kororaoi te Atua, e na etieti te Atua, ao te Atua ae nanoanga naba” (Aramwa 42:15; katuruaki raoi).
Ti teuana n te Nu Tetemanti ma 39 te tai n Ana Boki Moomon. Tera te kakoaua riki ae na kaota koauan Ana Boki Moomon bwa bon te kakoaua ibukin taekan Iesu Kristo?
Ao tiaki anne tokina. Taeka aika kamaiu, kamaiuaki, ao mwakuri ni kamaiu e kaoti n te Doctrine and Covenants nimaua te tai ao n te Pearl of Great Price uoua te tai. Abwi ma itiua taekana aika rang ni kakaawaki. Ma tiaki anne tokina! Tebubua kiibu riki tabeua ake a buoka kabwarabwaraakin te Mwakuri ni Kamaiu.
Te Rinerine
E karaoaki te Mwakuri ni Kamaiu iroun te Uea ma te nano ae kukurei, ibukina bwa te rinerine bon te tua ae inaomata. N aron te babaire, e riai ni karineaki te rinerine. E riki aei man moan karikan bwaai, mai Eten.
E taetae te Uea nakon Enoka bwa tarin Enoka bon uaan ana mwakuri Baina, ao I anganiia te atatai n te tai are I karikiia iai. E angan te aomata inaomatana inanon te Nne n Aroka are i Eten (tara Moses 7:32).
Tera are e manga riki i Eten, n ana tai ni kataaki, e karaoa ana rinerine Atam. Imwiin are e tuangaki Atam ao Eewa iroun te Uea bwa ana kamwaitii aia kariki ma n ni kaona te aonaaba ao E tuangiia naba bwa ana aki kana uaan te kai ibukin te ataibwai n te raoiroi ao te buakaka, ma E taku bwa ana rineia i bon irouia, bukina bwa anganaki. Ma ana riai ni uringa ae E tabuia, bwa n te tai are a kanna ao ana boni mate (tara Moses 3:17).
A mwaiti rongorongo aika kaotinakoa taekan te aomata bwa e kairoroaki nakon te rabwata ae maamate. Anne ena kaitaraa te tua ae moan te kakaawaki ibukin te babaaire. E karekea te babaire bwa natin te Atua n tamnei ana karekea te rabwata ae maamate ao ana kataaki n tatabemaniia nako. E nooria Atam bwa e riai ngaia are karaoa ana rinerine. “E bwaka Atam bwa aonga n riki aomata; ao a riki aomata bwa aonga ni karekea te kimwareirei” (2 Nibwaai 2:25).
Atam ao Ewa a rinanon te kangaanga ni kabatiaa aia kariki ao ni kaona te aonaaba n aiaron are a tia n tuangaki. A karikaki rabwataia n ai aron katotoongan te Atua, bwa ai aron kariki bwai aika kakaokoro, ao man rang ni kakaawaki nakon te babaaire. E riai rikin Bwakaia ngkana arona bwa te rabwata ae maamate e boni koaua ao te babaaire ena teimatoa ni waaki.
Kakaawakin te Mwakuri ni Kamaiu
E kabwarabwara Nibwaai te bwai ae e na riki nakon rabwatara ao tamneira ngkana“te mwakuri ni kamaiu ae akea tokina” ae karaoaki. “Ao tamneira,” e taku, “a riai n riki bwa aiaron [te riaboroo].” (tara 2 Nibwaai 9:7–10.)
I aki rang ni kakabonganaa te taeka ae e koaua raoi. E aki tau. I kabongana ngkai—uoua te tai:
Ibukin te Bwaka, te Mwakuri ni Kamaiu e koaua raoi e kakaawaki ibukin te mangauti bwa ena teimatoa ni waaki ao man tokanikai man te mate n rabwata.
Te Mwakuri ni kamaiu e koaua raoi e kakaawaki ibukiia aomata bwa ana kaitiakiia man aia bure ao n tokanikai man te kauoua ni mate, te mate n tamnei, are e karaureiira mairoun Tamara are I Karawa, bwa e taekinaki nakoira ni booki aika tabu waniua te tai bwa akea te bwai ae bareka are kona ni maeka ma te Atua (noora 1 Nibwaai 10:21; 15:34; Aramwa 7:21; 11:37; 40:26; Ereman 8:25; 3 Nibwaai 27:19; Moses 6:57).
Taeka aika tabu akanne, “Kona bae n rineia ibukim, bwa koa tia n anganaki” (Moote 3:17), a tuangaki n temoan tai Atam ao Ewa ao kanoaia kangaanga aika ana riki ibukin te mate. Nte aonaaba ae maamate aomata a inaomata n rinerine, ao aia rinerine nako e na kairiia nakon bukina ae riai. Ana rinerine Atam e kakorakora te tua ibukin te momotiraoi, are karekea te rekenikai ae te mate ibukiia aika aki ongeaaba.
Ma taeka aika taekinaki n tain te kataaki, “Bon akea iroum te konaa ni karaoa te bwai teuana nakoiu,, ngkana ko aki anganaki mai karawa” (Ioane 19:11), kakoauaan te aakoi e rang ni korakora mani boongana. Te Tia Kabooi maiura e kanakoaki bwa ena kabooi ara bure ao ni kainaomataiia aomata. Anne bon te babaaire.
Natin Aramwa te Mwaane Korianton e iangoia bwa e aki riai te rekenikai are rimwiaki n te bure bwa e na riai n iai te katuaeaki. N taiia n reirei aika kakaawaki mani korakora, Aramwa e reireiniia te babaaire ibukin kabooan maiura nakon natina te mwaane ao nakoira naba, E taetae Aramwa ibukin te Mwakuri ni Kamaiu ao e taku, , “Ao ngkanne, te rairannano e aki kona n reke nakoia aomata ma ti ngkana iai te katuaa” (Aramwa 42:16).
Ngkana te katuaeaki e tangira te rairannano, ao anne e aki rang ni mwaiti ibukin ana bwai n tituaraoi te rairannano. Ao mwiina, e ngae ngke taiia ni maraki, e kataniira. E rang ni beebete n aiaron te teei are e tang ibukin marakina ngke bue baina n te ai ao ti bon reireinaki naba iai. Ma ti te maraki, ena bae n rang n rootaki iai te teei.
Kakabwaia man te Rairannano
I tauraoi ni kaotia bwa n na bon aki karekea te rau, ke te kukurei ke te kaawakinaki raoi, n te aonaaba n akea te rairannano. I aki ataia bwa teraa ae n na riai ni karaoia ngkana arona bwa akea te kawai ibukin kamaunaan au bure. Te rawaawata are e uouotia e korakora riki nakon are I kona ni uotia. Tao ko konaa ni uotia ma ngai I aki konaa.
E karaoaki te mwakuri ni kamaiu. E aki konaa n taainako ni karekea te kainaomataaki man uruakakin te tua ao man te mate ngkana tina rairi nanora. Te rairannano bon te kawai n tokanikai man te bure ao te mate. Te rairannano bon te kiing are ti kona ni kainaomata iai te tia bure mai inanona. Ti kawakin taian kiing inanon baira, ao te rinerine ngaia ara bwai ae ti konaa ni kabonganaa.
Ai kakaawakira aron karekean te inaomata ae korakora; ai kororaoira man kakaawakira aron te rinerine.
Rutibeero e kamangaoi ara rinerine ni kawai aika wanawana, n anai nanora nakon te bure ao bwaai ake ana reke mai iai. Ngaia ma ana anera a anai nanora bwa tina aki kororaoi, ao ni buaakaka. Ma e aki kona—n te maiu are akea tokina e aki kona, ni kabane korakorana e aki konaa—ni kamaunanakoira, e aki konaa n akean ara kariaia. Ngke arona bwa e roko te rinerine nakon te aomata n akean te Mwakuri ni Kamaiu, e na konaa n riki bwa te bwaintangira are e na kamaunaira.
Karikaki N Aron Katotoongana
Ti reireinaki ni Karikani Bwai, ni Moses, n Abraham, n Ana Boki Moomon, ao n te entaunemente bwa rabwatan te aomata ae maamate e karikaki n aron katotoongan te Atua n te karikibwai ae kaokoro. Ngke arona bwa e roko n te kawai ae kaokoro man bwaai riki tabeua te Karikibwai, ao ana bon akea te Bwaka.
Ngkana aomata bon maan, ngkanne e raoiroi riki karekean te inaomata n akea te kabaeaki.
N na kangaa n ataia bwa mai buakoia aomata ake a reireinaki raoi a kabanea aia tai ni kakaaea moan rikin te aomata. Aki taraa nanoia ni ukoukora te tamnei ikekei. A reireiniia ni ukoukorii tain maanin bwaai, n te ngaa ao n te mirion, man taekinna bwa maan aikai ae atongaki bwa aomata a riki n te tai ae aki ataaki. Ao ibukin aei are a inaomata ni karaoia, i bukina bwa iai te rinerine irouia.
Ma te rinerine aei bon ara bwai naba. Ti tarai bwaai aika korakora riki nakoia aomata, ao n te aonaaba ti noori ana mwakuri te Atua ao ni bairei bwaai man kakabwakan te tai man te tai ae akea tokina, ni boong, n aki toki. Bwaai aika mwaiti aika tiaki atai, ti kariai man te onimaki.
Ma ti ataa aei! E a kaman baireaki imwaain karikan aonaaba (tara D&C 38:1; taraa naba D&C 49:17; 76:13, 39; 93:7; Abraham 3:22–25). Kanoan taai man te Karikibwai ni karokoa tiana, nakon tokina aki karaoaki nakon angaraoia; a karaoaki man te rinerine! E baireaki n arona anne.
Aio ti ataia! Te koaua ae beebete aei! Ngke akea te Karikibwai ao akea te Bwaka, ao ana bon akea nanon te Mwakuri ni Kamaiu, n ikotaki ma te Tia Kabooi Maiura bwa e na karekea te raoi i marenara. Ao ana akea naba kainnanoan te Kristo.
Kanikinaa Ibukin te Mwakuri ni Kamaiu
I Ketetemwane ao I Korokota, e wawaanako raraan te Tia Kamaiu. Ni moan Tienture aika a tia n nako ao e a tia ni karaoaki te Toa ae te Riao bwa te kanikinaa ao te aeka ni bwai teuana ae na roko. Bon te otenanti ae na kaawakinaki n aki toki. (Tara Te Otinako 12.)
Ngke e katanoataaki te karekekai iaon Aikubita, a bane n tuangaki aia utu kaain Iteraera bwa ana anaaki aia tiibu te teei—moan nati, te mwaane, ae akea baarekana. Te tiibu te teei aei e na kamateaki n aki uruakaki riina, ao raraana e na mwaakenaki iai mataroan te mweenga. E berita te Uea bwa aia anera maate ana riaon mweenga ake a tia ni mwaakenaki man aki kamateiia ake inanona. A kamaiuaki man raraan te tiibu.
Imwiin Taurakin te Uea, ao e aki manga tangiraki katimtimwan te raraa ibukin tuan te karea. Ao e karaoaki anne, ngke e reireiniia Bauro kaain Ebera, “ae ti … teuana te karea ibukin buure ae manena n aki toki” (Ebera 10:10, 12). Mangaia ae te karea ena riki bwa te nano ae uruaki ao te tamnei ae raraoma—rairannano.
Ao ena teimatoa n aki toki ni karaoaki kanuuringaan te Toa ae te Riao n te Toa, are ti kabou iai ara berita n te bwabetiito ao n taua ibukin kanuringaan rabwatan ana Tiibu te Teei te Atua ao n Raraana, are e katauaki ibukira.
Akea te bwai ae uarereke ae na manga kaota te kanikina aei n Tuan Te Mauri. E riaon te taeka n akoi bwa Aika Itiaki n te bong aei ae karineiia ana karekea te marurung ao kakaawakin te atatai e kangai: “e anganiia te Uea te berita, bwa anera n tiritiri ana riaoia, n aroia natiia kaain Iteraera, ao n aki kamateia” (tara D&C 89:21).
Ngkana I taekina au namakin ibukin te Mwakuri ni Kamaiu ao e rootai te nanokaawaki. E riinga kabin te nano ae kakaaitau ao ae e kabaeaki. Tamneiu e Kawaria ngaia ae karikia—te Kristo aei, ara Tia Kamaiu, are I tei ni kakoaua naba ibukina. I kakoauaa. Ngaia ara Uea, te Tia Kabooi Maiura, ara Tia Ibuobuoki ma te Tama, E kainaomataira n Raraana. I cannot with composure tell you how I feel about the Atonement. It touches the deepest emotion of gratitude and obligation. My soul reaches after Him who wrought it—this Christ, our Savior, of whom I am a witness. I testify of Him. He is our Lord, our Redeemer, our Advocate with the Father. He ransomed us with His blood.
Ma te nanorinano I kawenei au buubuti ibukin ana Mwakuri ni Kamaiu Kristo. I aki maamaa ni katorobubua n neboa te Tama ma Natina. Bukina bwa au bwai te rinerine, ao aio ae I rineia bwa n na karaoia!