N NA MAIUAKINA MAIU BWA E AONGA N OTARA IAI ANA REIREI
Bon au kanimaua n ririki ni kamatebwai iaon aroia aomata ngke I karekea te reirei iaon kakaawakin te banna ni katooto. Ni katoa te tai are e rin iai ara tia reirei n te Umwanreirei, e kunea tamneina—ae koreaki iroun temanna raora n reirei—i aon te burakibooti. Ao ni katoa tai, te tia reirei ae rabakau e tuatua bwa e na kamaunaaki te korotamnei. E ngae n anne, akea riki te bwai ae taekinna ibukina.
E ringaki nanou ni wanawanan ara tia reirei ae rabakau ao arona n nanorinano, ao I a kan ataia bwa tera te ekaretia ae kaainna. I kunea bwa bon kaain Ana Ekaretia Iesu Kristo Ibukiia Aomata Aika Itiaki ni Boong Aika Kaitira.
I baireia bwa N na karekea aia reirei mitinare, ao I bwabetitoaki n Tebetembwa 10, 2000. Teuare e tia ni kaota te banna nakoiu n aron maiuna boni ngaia au beretitenti n te mwaanga.
I kakoaua bwa Iesu bon te banna ae kakannato. Ngkai ngaira Aomata Aika Itiaki ni Boong Aika Kaitira ao ti maiuakina ae raoiroi, bwa ti katootongan Anuana. Imwiina ao ngaira naba ti a kona n anga reirei man anuara.