KAREKEAN TE KUKUREI IROUN IESU KRISTO
E taku Iesu, “Boni Ngai te kawai, ao te koaua, ao te maiu ” (Ioane 14:6). Bon akea riki taeka aika tamaroa riki nakon Ana taeka ibukin kabwarabwaraan au koaua.
I a tia ni kamatebwai iaon booki, taian rabakau nako, ao rongorongon ngkoa ibukin te beeba ni bwaati ae rietaata riki (higher degree) ao I kunea bwa ni kabane iango aika kakannato, katautau iaon rabakau, ao bitineti bon iai tiaia. N ai aron naba te karo n te aonaaba e aki kona ni karekea te rau, te wanawana, ke te maiu ae akea tokina nakon oin natina.
E ngae n anne, Tamara are i Karawa e a tia ni katanoata nakon te aonaaba bwa man iriirakin kawain Kristo, karaoan Ana banna ni katooto, ao te ongeaba n Ana koaua are E tia ni kaoti, ti na kona iai ni karekea te kukurei ni koaua n te maiu aio. Ao imwiin te maiu aei— ngkana ti oki nakon Tamara are i Karawa—ti na karekea te kukurei ma Ngaia ae akea tokina.