Karekeaia Raraom
Ma Nanom ni Kabane
Ataei n te aonaaba ni kabuta a tangira ao a neboa Iesu Kristo—n ai arom naba! N te namwakaina aei, ti na kaitibo ma Ricardo Fortuna mai Santo Domingo, Dominican Republic.
Bwaai ni kabane are e karaoi Ricardo Fortuna, e karaoia ma te ungannano. Kaain Santo Domingo n te Dominican Republic ae waniua ana ririki aio e takakarona te beitiboro (baseball) ma korakoran te aomata ae mwaatai iai. E iriria raraona ao tarina ni kauwaia n aia turaki aika bwaai n takakaro ke a bakaea ae a buaka tenaan dinosaurs (manin rimoa aika rangi ni bubura). E rangi ni kukurei ngkana e weteia tinana nakon te umwanikuuka bwa e na kamwa te tostones te plantain (titebo ma tein te bwanana ae bubura) ae baniaki.
E ingainga Ricardo n ira te waaki n tain te bootaki n utu n te tairiki. E tataro ma nanona ni kabane ma ana utu ni katoa ingabong ao tairiki. E aki toki ni wawareware n ana boki aika tabu. Ao e tangiria ni kamwaita riki nakona nakon te Moanrinan nakon teuana te tai n te wiiki! Bwaai ni kabane are e karaoi Ricardo, e karaoia ma nanona.
Iai riki te bwai teuana ae karaoia Ricardo ma nanona ni kabane—e tangira te Uea. E ataia ae te tua ibukina bwa e warekia n te Baibara: “Ko na tangira Iehova ae Atuam n nanom ni kabanea, ao n tamneim ni kabane, ao ni wanawanam ni kabanea” (Mataio 22:37).
“Are nanona bwa ko tangiria nakon am kabanea ni kona,” e taku Ricardo. E ootara te tangira anne ni mweengaia ana utu ngke a bukamarua te Kiritimati. Ni katoa tairiki ao a wareki koroboki aika tabu iaon bungiakin te Tia Kamaiu. Tabeua koroboki aika tabu a taekina te bwai are e riki n te Aba ae Tabu. Ake tabeua a taekina te bwai are e riki n te Aonaaba ae Boou.
E taku Ricardo bwa e kakawaki ae na uringaki Iesu Kristo n tain te Kiritimati ibukina bwa anne aia tai aomata ni bukamarua bungiakina. “Ma e bon kakawaki bwa ti na iangoa Iesu ni katoa bong ao n irira Ana katooto,” e taku. “Ti riai n uringnga bwa E reireinira taekan Tamara are i Karawa ma arora n neboia ao E kanakomaia nakoira naba te Tamnei ae Raoiroi.”
Mai nanon aia mataroa ni mweengaia te utu ae te Fortuna ao e tine iai tamnein te Tia Kamaiu ae bubura. N taabo nako are ko nako iai i nanon te ruu, ao ko kona n nooria. “Ti kauringaki iai bwa ti na iangoia,” e taku Ricardo “tiaki ti n tain te Kiritimati ma i nanon te ririki ni kabane.”
Te Koroboki ae Tabu ae Mamaten Nanon Ricardo
E tatangira Taekan te Onimaki Ricardo, ai moarara riki nambwa nimaua, are e kona ni taekinna muy rápidamente (ni kawaekoa). E taku, “Ti kakoaua bwa e weteaki te aomata iroun te Atua n te taetae n burabeti, ao man te katokabai irouia ake iai irouia te kariaiakaki, bwa e na tataekina te Euangkerio ao n tararua karaoan taian otenanti nako.” “Ti tuangaki n anne bwa te Uea e weteia taan kairiri n Ana Ekaretia ao ti anga reirei n te euangkerio ma te kariaiakaki.”
Amwarake n Takakaro
E kabane tai karaoan kanana ae mamaten nanona, tostones, ma n ana iango Ricardo e bon materaoi te miniti nako are e karaoaki iai. Ngaia ma tinana a karaua ni kuota kunna ao a korokorei ni kamania taian plantains, are titebo tarakina ma te bwanana ma e aki karewerewe. A bania n te oera ae kabuebue, ao a kamwaitoroa, ao a karaua ni kamaua. Ngkanne e a roko ni iterana are mamaten nanon Ricardo. E katoai taian mwakorokoro ni kamanatuai n te bwai ni kamanti ae karaoaki man te kai. Imwiina ao a manga bane ni baniaki taian mwakorokoro. E tatangiria ni kana te tostones ma te tiaotiti.
Banna ni Katooto aika Tamaroa
E aki toki n tatakakaro Ricardo ma tarina ae uarereke ae, Marcus, ao ma temanna raraona ae, Manuel, te Aomata ae Itiaki ni Boong aika Kaitira ae maeka n te mweenga ae kaan. E ataia bwa rao ni koaua a kaungaia i marenaia bwa a na karaoa ae eti. E taku, “Ibukina bwa a taraai ibukin te banna ni katooto, ao I riai n anga te banna ni katooto ae tamaroa nakoia”.
E rangi n reitaki naba Ricardo ma tinana ao tamana. “I tangira au mama ao au baba,” e taku. “A buokai, ao a takakaro ma ngai. A reireinai, ao a wareware ma ngai. A tataro ma ngai ni katoa ingabong ao ni katoa tairiki.”
E tara naba Beretitenti Thomas S. Monson bwa te banna ni katooto. “I ataia bwa ngaia Ana burabeti te Atua ao e tataekina Ana taeka te Atua,” e taku Ricardo. “I ataia bwa e kakaraoa ana tataro ao e wawareki ana boki aika tabu, ngaia are I riai ni karaoia naba.”
Ao e taku Ricardo bwa Iesu Kristo bon te banna ni katooto ae te kabanea n tamaroa. “E reireinira bwa ti na karaoa ae eti, ti na ongotaeka, ti na karaoa raoi ara tataro, ao ti na bwaina te nanorinano ma te karinerine.”
Rawetamnei iroun Richard M. Romney, tiaki ake a kaotaki n taekaia
Mape © Maben Mountain High
E taku Ricardo bwa e kakawaki bwa ti na iangoa Iesu Kristo ni katoa bong. E aki toki n tara te tamnei are e tinetine ni mweengaia ma tamana, ao Ricardo e wawareki koroboki aika tabu i aon taekan maiun te Tia Kamaiu.
E maeka Ricardo n te Dominican Republic, te atimwakoro ae uaia n abaaba iai ma Haiti. E kakamwa te plantain ao te tiaotiti, e tatangira te beitiboro (baseball), ao e takakaro ma taore aika dinosaurs (manin rimoa aika rangi ni bubura) ao taian turaki.
E mena iaa n te Aonaaba Santo Domingo, Dominican Republic?
te marawa ae te atlantic
cuba
Haiti
dominican republic
Puerto Rico
Santo Domingo