Faamatalaga

Tali i Fesili

O masina uma lava ou te maua ai i le mekasini se taitaiga ma se fesoasoani mo lo’u olaga, ma ou te iloa o mea o loo i ai ua moni ia. I le tusiga “O Le Aao Taiala o le Atua” (Iulai 2008), na saunia e Elder Wolfgang H. Paul, na ou maua ai tali i fesili na i ai i lo’u mafaufau i na o ni nai aso ae maua mai loa le mekasini. O i na toe faamalosia mai ai ia te au o le mekasini o le afioga a le Alii, ua tuuina mai ia i tatou e ala i savali mai Ana auauna faamaoni.

Sandra Sancristobal, Iurukuei

Foiaina o Luitau

Ou te faafetai lava i tusiga e uiga ia Peresitene Henry B. Eyring ma Peresitene Dieter F. Uchtdorf i le Liahona o Iulai 2008. Ina ua uma ona ou faitauina nei tusiga ma ou tatalo, sa ou maua ai tali i fesili na avea ma faapogai o lo’u popole. Na ou aoaoina ai o luitau sa oo i lo’u aiga na tutupu foi ia Peresitene Eyring ma lona aiga, ma na ou iloa ai sa matou faia filifiliga sao, e ui lava ina ese manatu o le lalolagi. O le faitau e uiga i faigata sa onosaia e Peresitene Uchtdorf ma lona aiga, na taitaia ai au ina ia faateleina lo’u lotomaualalo ma lo’u agaga faafetai mo faamanuiaga ua ou maua.

Luane Izabel Fernandes Dias, Pasila

Faamolemole auina mai lou finagalo faaalia po o fautuaga i le [e-mail]. O tusi e lomiaina e ono toe fetuunai mo le uumi po o le manino.