Tohi ki he ʻĒtitá
Tali ki ha Ngaahi Fehuʻi
ʻOku ou maʻu fakahinohino ki heʻeku moʻuí he māhina kotoa pē ʻi he makasiní, pea ʻoku ou ʻiloʻi ʻoku moʻoni ʻa e ngaahi fakamatala aí. Ne u maʻu ha ngaahi tali ʻi he fakamatala ʻa ʻEletā Wolfgang H. Paul ko e “Tataki Nima ʻa e ʻOtuá” (Siulai 2008) ki ha ngaahi fehuʻi ne ʻi hoku ʻatamaí ʻi ha ngaahi ʻaho siʻi peá u toki maʻu e makasiní. Ne toe fakamamafaʻi ai kiate au ko e makasiní ko e folofola ia ʻa e ʻEikí kuo fakafou mai ʻi he ngaahi pōpoaki ʻa ʻEne kau tamaioʻeiki faivelengá.
Senitulā Senikilisitopolo, ʻUlukuai
Ko Hono Ikunaʻi ʻo e Ngaahi Faingataʻá
ʻOku ou fakamālō ki he ngaahi fakamatala kau kia Palesiteni Henelī B. ʻAealingi mo Palesiteni Tieta F. ʻUkitofá ʻi he Liahona ʻo Siulai 2008. Hili ʻeku lau mo lotua e ngaahi fakamatalá ni, ne u maʻu ha ngaahi tali ki ha ngaahi fehuʻi naʻe fakatupu loto-mamahi kiate au. Ne u ʻiloʻi ai naʻe hoko kia Palesiteni ʻAealingi mo hono fāmilí ʻa e ngaahi faingataʻa tatau pē naʻe aʻusia ʻe hoku fāmilí, peá u sio ai ne mau fai ʻa e ngaahi fili naʻe totonú, neongo hono fakaʻuhingaʻi kehe ʻe he māmaní. Kuo ngaohi au ʻi heʻeku lau e ngaahi faingataʻaʻia ʻa Palesiteni ʻUkitofa mo hono fāmilí ke u toe loto-fakatōkilalo mo houngaʻia ange ʻi he ngaahi tāpuaki ʻoku ou maʻú.
Lueni ʻIsapela Fenanitesi Tiasi, Palāsila