2010
Vahehongofulú Ko e Fili Lelei Tahá
Fēpueli 2010

Vahehongofulú Ko e Fili Lelei Tahá

Fai ʻe ʻEletā Sheldon F. Child

Naʻe hoko ko ha mēmipa ʻo e Kau Fitungofulú mei he 1996 ki he 2008

Mei he malanga konifelenisi lahi ʻi ʻEpeleli 2008.

Elder Sheldon F. Child

  1. Ko e taimi naʻá ku kei siʻi aí, naʻe foaki mai ʻe hamau kaungāʻapi ha kiʻi pulu ne toki fāʻeleʻi.

  2. Naʻe faingataʻa hono ohi hake ʻo e kiʻi pulú. Naʻá ku tauhi mo fafanga ia.

  3. Ko e ʻaho naʻe fakatau atu ai ʻe heʻeku Tangataʻeikí ʻa e kiʻi pulú naʻe puputuʻu hoku lotó. Te u ʻofa ki he kiʻi pulú, ka naʻá ku toe ʻamanaki atu ki hano fakapaleʻi au ʻi heʻeku ngāue mālohí.

  4. ʻI he taimi naʻe foki mai ai ʻa e Tangataʻeikí ki ʻapí, naʻá ne tuku ha paʻanga siliva ʻe 20 ki hoku nimá. Naʻá ku ongoʻi ʻo hangē kuó u maʻu ʻa e paʻanga kotoa he māmaní.

  5. Naʻá ku lau, olo, mo siofi ʻa e ngaahi foʻi paʻangá taki taha.

  6. ʻI he Sāpaté, naʻá ku faʻo leva ha ongo foʻi paʻanga siliva ʻe ua ki hoku kató ki muʻa peá u toki ʻalu ki he lotú koeʻuhí ke u totongi ʻeku vahehongofulú.

  7. Naʻe faingataʻa kiate au ke u ʻoange ʻeku vahehongofulú ki he pīsopé, ka ko ha ongoʻi lelei ke te talangofua ki he ʻEikí.

  8. Naʻe talamai ʻe heʻeku faʻeé ʻokú ne laukau ʻaki au. Naʻá ne talamai ʻe tāpauekina au ʻi heʻeku totongi ʻa e vahehongofulú pea ko e maluʻi lelei taha ia ʻe faifaiangé peá u fakahoko.