Ko ʻEtau Pēsí
Kendall A., taʻu 10, Kosita Lika
ʻI heʻeku kamata he taʻu kuo ʻosí ʻi he lautohi puleʻangá, naʻá ku fuʻu tailiili naʻa ngalo ʻi heʻeku Fineʻeikí ke ʻalu ange ʻo ʻave au he tuku ʻa e akó. Naʻe aʻu ʻo u tangi ʻi he taimi naʻá ku aʻu atu ai ki he akó. Ka ki muʻa pea kamata ʻa e kalasí, naʻe fai haʻaku lotu ʻo u kole ki he Tamai Hēvaní ke Ne tokoniʻi au ke ʻoua te u tangi pea mo tokoniʻi ʻeku Fineʻeikí ke ne manatuʻi ke haʻu ʻo ʻave au.
Hili ʻeku lotú naʻá ku ongoʻi fiemālie ange pea naʻe ʻikai ke u toe fie tangi. ʻI he hokosia ʻa e taimi ke u foki aí, naʻá ku fakatokangaʻi atu ʻeku Fineʻeikí kuo ʻosi talitali mai he matapā ki muʻa he ʻaá. Naʻá ku fiefia lahi ʻi he fanongo mai ʻa e Tamai Hēvaní mo ʻEne tali ʻeku lotú.
Iūtingi, taʻu 7, Taiuani
ʻOku saiʻia ʻa Ialosalavi F., taʻu 3, mei ʻIukuleini, ʻi he ngaahi peesi ʻa e fānaú he Liahoná. ʻOku saiʻia ke lau ange ʻe heʻene faʻeé mo ʻene tamaí ha ngaahi talanoa ki ai, pea ʻokú ne feinga ke hangē ko Sīsūú. ʻOku toe manako foki ke tokoni!
Kailoni A., taʻu 5, Filipaini
ʻOku saiʻia ʻa ʻEti L., taʻu 10, mei Malēsia Hihifo, ke vaʻinga pasiketipolo mo petiminitoni mo hono ngaahi kaungāmeʻa mei he akó mo e siasí. Naʻá ne fakafofongaʻi hono ʻapiakó ʻi he feʻauhi petiminitoní he 2008 pea tokoni ʻi hono ikunaʻi e feʻauhí. ʻOku manako he fāngotá pea ʻoku muimui ʻi heʻene tamaí ʻi ha feituʻu pē ʻoku ʻalu ki ai. ʻOku manako ke ʻalu ki he feituʻu ʻoku tauhi ai e fanga monumanú mo fiefia ʻi he ʻalu ki he lotú.
Ne ma fakamoleki ʻa e ʻahó mo homa mehikitanga hono ua ko Tionēsiá ʻo ma ʻilo lahi ange heni ki heʻema ngaahi kuí. Ne ma vahevahe ʻa e meʻa ne ma ʻiló mo homa fāmilí pea mau fakaʻaongaʻi leva mo e tuʻasila ʻinitaneti ʻo e Siasí ki he hisitōlia fakafāmilí.
Mākosi ʻIlaiasi mo Mākosi ʻImanuela M., taʻu 10, ʻĀsenitina