Tohi ki he ʻĒtitá
Naʻá ne Liliu ʻEku Moʻuí
Kuó u lau ʻa e Liahoná talu mei heʻeku hoko ko ha mēmipa ʻo e Siasí ʻi hoku taʻu 14. Kuo hanga ʻe he makasiní ʻo liliu moʻoni ʻeku moʻui fakatāutahá mo e moʻui ʻo e kau mēmipa ʻo hoku fāmilí. Naʻá ku ngāue fakafaifekau pea ko e taimi pē naʻa mau papitaiso ai ha kau mēmipa foʻou, naʻá ku totongi haʻanau makasini koeʻuhí naʻá ku ʻiloʻi te ne tokoniʻi kinautolu ʻo hangē ko ʻene tokoniʻi aú.
ʻIoamisi Konisālesi, Venesuela
Naʻá ku Ako ʻa e ʻUhinga ʻo e Moʻuí
Kuo hanga ʻe he makasini Liahoná ʻo ʻomai kiate au ʻa e ʻiló, pea kuo hanga ʻe he ʻilo ko ʻení ʻo tokoniʻi au ʻi hoku vā fetuʻutaki mo e niʻihi kehé. ʻOku ou lava ʻo fehokotaki mo e ngaahi talanoa kuó u laú, tautautefito ʻa e “Teuteu ki he Ngāue Fakafaifekaú” (ʻOkatopa 2008, K14) mo e “ʻOua Naʻa Teitei Ngalo ko e Māmonga Koe” (Sānuali 2009, 44). Kuo tokoniʻi au ʻe he makasiní ke u ʻiloʻi ʻa e ʻuhinga ʻo e moʻuí; kuó ne ʻomi kiate au ha mālohi.
Hilipati A. Kusimani, Filipaini
Ko ha Laumālie ʻo e Melinó
Naʻá ku lau ʻa e pōpoaki meia Palesiteni Tōmasi S. Monisoní ʻi he Liahona Tīsema 2008 (“Ko e Kilisimasi Lelei Tahá,” 2), pea naʻá ku fonu ʻi he laumālie ʻo e foakí mo e melinó. Naʻe fakataumuʻa ʻeku ngaahi fakakaukaú kia Kalaisi pea ke ʻaʻeva ʻi Hono ngaahi ʻalungá. Fakamālō ki he Liahoná, ʻi hono ʻomai ha maama lahi mo ha melino ki homau laumālié.
Kilisitiano Lopiseni Pelesitesi, Palāsila