Silei

ʻI Mē ʻo e 1955, ne maʻu ai ʻe he Misiona ʻĀsenitiná ha fakangofua mei he Kau Palesitenisī ʻUluakí ke ʻave ha kau faifekau ki Silei. ʻI he taʻu hono hokó ne tūʻuta ʻa e kau faifekaú ʻi he kolomuʻá, ko Sanitiako. ʻI Siulai ʻo e 1956 naʻe kau atu ki ai mo ʻEletā Henelī D. Moili (1889–1963) ʻo e Kōlomu ʻo e Kau ʻAposetolo ʻe Toko Hongofulu Mā Uá ke fokotuʻu ʻa e fuofua kolo ʻo e Siasí ʻi Sileí. Hili pē mei ai ha ngaahi māhina siʻi, ne fakahoko ʻa e fuofua papitaiso ʻo ha kau Silei.

ʻI he tupu tokolahi ʻa e kāingalotú, ne fakalakalaka ai pē mo hono fokotuʻutuʻu ʻo e Siasí. Naʻe fokotuʻu ʻa e Misiona Sileí ʻi ʻOkatopa 1961, pea ʻi he 1983, ne tāpuekina ʻaki ha temipale ʻa e kakai Sileí ʻa ia naʻe fakatapui ʻe Palesiteni Kōtoni B. Hingikelī (1910–2008). Hili ha fakamole lahi ki hono fakaleleiʻi ʻo e temipalé, ne toe fakatapui e temipalé ʻe Palesiteni Hingikelī ʻi he 2006.

Ko ha ngaahi moʻoniʻi meʻa ʻeni fekauʻaki mo e Siasí ʻi Silei he ʻahó ni:

Tokolahi ʻo e Kāingalotú	548,628
Ngaahi Misioná	9
Ngaahi Siteikí	75
Ngaahi Vahefonuá	24
Ngaahi Uōtí mo e Ngaahi Koló	612
Ngaahi Temipale ʻoku lolotonga ngāueʻakí	1

Ko ha ʻata ʻo Sanitiako, kolomuʻa ʻo Sileí.

Naʻe fokotuʻu ʻe ʻEletā Henelī D. Moili ʻo e Kōlomu ʻo e Kau ʻAposetolo ʻe Toko Hongofulu Mā Uá ʻa e fuofua kolo ʻo e Siasí ʻi Sileí ʻi he 1956.

Ko e loki silesitiale ʻi he Temipale Sanitiako Sileí.