2010
Hoho‘a video: Te vai nei ta‘u opuaraa
Me 2010

Hoho‘a video: Te vai nei ta‘u opuaraa

Teie te mau papa‘iraa o te hoê faaiteraa video tei patahia i roto i te putuputuraa rahi a te Feia Apî tamahine i te 27 no mati 2010.

Peresideni Thomas S. Monson : « Faahou â, e to‘u mau tuahine apî, noa’tu e e vai noa mai te mau tamataraa i roto i te ao nei, e mea taa ê mau taua mau tamararaa ra e rave rahi i teie mahana ta outou e faaruru ».1

Elaine S. Dalton, peresideni rahi na te Feia Apî Tamahine : « Ia nehenehe ia vai viivii-ore noa, e mea ti‘a ïa ia outou ia vai parau-ti‘a noa i to outou ti‘araa mo‘a e ia faati‘a i te mau hoho‘a no te mana‘o e no te haaapa‘o niuhia i ni‘a i te mai ti‘araa teitei i te pae morare ».2

Peresideni Henry B. Eyring, tauturu matamua i roto i te Peresideniraa Matmaua : « Te pure nei au ma to‘u aau atoa ia faarahihia to outou faaroo e tamahine outou no te hoê Atua here ».3

Mary N. Cook, tauturu matamua i roto i te peresideniraa rahi o te Feia Apî Tamahine : « Outou, e to‘u mau feia apî tamahine here e, ua oti a‘e na outou i te rave i te mau ma‘itiraa maitai e rave rahi. I teie nei, a haamau i te mau haere‘a paieti o te tape‘a ia outou i ni‘a i teie e‘a e i roto i to outou oraraa taatoa ».4

Peresideni Dieter F. Uchtdorf, tauturu piti i roto i te Peresideniraa Matamua : « E te mau tuahine, a ti‘aturi i te Varua. Ia haapa‘o ana‘e outou i te mau horo‘araa atoa o to outou oraraa i te mau mahana atoa, e ia poiete i te hoê mea nehenehe e te faufaa, aita ïa outou e haamaitai noa ra i te ao ati a‘e ia outou nei ».5

Ann M. Dibb, tauturu piti i roto i te peresideniraa rahi o te Feia Apî tamahine : « Te mau mea iti e te ohia o ta outou e ma‘iti i te rave i teie mahana e riro ïa i te rahi e ei mau haamaitairaa hanahana no ananahi ».6

Elaine S. Dalton, peresideni rahi no te Feia Apî Tamahine : « E nehenehe anei ta te hoê tamahine apî parau-ti‘a e taui i te ao nei ? Na te mau mea tamau ta outou e rave nei e haapuai ia outou ia riro ei hoê faatere, hoê hoho‘a – te pure, te tai‘oraa i te papa‘iraa mo‘a, te haapa‘oraa, te taviniraa ia vetahi ê i te mahana atoa. A rave ai outou i teie mau mea, e tupu apiti atu outou e te Faaora e e riro outou mai Ia’na te huru ».7

Peresideni Thomas S. Monson : « E to‘u mau hoa taure‘are‘a e, ia puai noa… Ua ite outou e eaha te mea maitai e te mea ino ; e aita roa faaamuamuraa, noa’tu to’na aminamina, e nehenehe e taui i taua parau mau. Mai te mea e, e tura‘i to outou mau hoa ia outou ia rave i te hoê mea ta outou i ite e, e mea ino a ti‘a parau ti‘a noa, noa’tu o outou ana‘e ».8

TE MAU NOTA

  1. Thomas S. Monson, « Ia itoito outou », Liahona, Me 2009, 127.

  2. Elaine S. Dalton, « E haere mai, e haere tatou i ni‘a i te mou‘a o Iehova », Liahona, Me 2009, 121.

  3. Henry B. Eyring, « E haere ma te maramarama », Liahona, Me 2008, 125.

  4. Mary N. Cook, « Te hoe oraraa paieti – Te tahi taahiraa i muri i te tahi taahiraa », Liahona, Me 2009, 117.

  5. Dieter F. Uchtdorf, « Te oaoa, ta outou faufaa ai‘a », Liahona, Novema 2008, 119.

  6. Ann M. Dibb, « Ei haapa‘oraa ra oe na tei faaroo », Liahona, Me 2009, 116.

  7. Elaine S. Dalton, « E itehia i ni‘a i to outou mata », Liahona, Me 2006, 109.

  8. Thomas S. Monson, « Hi‘oraa no te Parau ti‘a », Liahona, Me 2008, 65.