Elder Juan A. Uceda

No te Hitu Ahuru

I te taime a haamata ai o Elder Juan Alberto Uceda Andrade i te haamatau ia Maria Isabel Bendezú—te vahine ta’na i faaipoipo i te pae hopea—ua ite oia e e vahine taa ê mau oia. Raua toopiti e na melo faafariuhia mai i roto i te Ekalesia i to raua apîraa e ua tavini raua toopiti i te hoê misioni i roto i to raua fenua ai‘a i Peru.

Aua‘e râ te ite hohonu o te tuahine Uceda ia faaipoipohia i roto i te hiero, na te reira i faatupu i te taa-ê-raa. I taua taime ra, te hiero fatata roa a‘e o te hiero ïa no Sao Paulo, Paratiria. « E hitu mahana no te haere noa, ma te faaohipa i te mau huru faurao atoa e vai ra », te faaiteraa ïa a Elder Uceda. « Ua ratere matou na ni‘a i te Bus, te pereoo uira, te pahi, te puaahorofenua e te pereoo puaarehenua, te pereoo auahi, te pereoo pani e te manureva. Ia tae atu matou i te hiero, ua faatoro matou i to matou rima no te tapea i te mau papa‘i no te haapapu e, e ere ïa i te hoê moemoea. Ua riro mau ei iteraa tumu no maua toopiti ».

Ua faaipoipohia na taata nei i roto i te Hiero no Sao Paulo Paratiria i te 13 no eperera 1979. E pae ta raua tamarii.

Ua fanauhia o Elder Uceda i te ava‘e tiurai 1953 i Lima, Peru, na Jose Uceda Perez e na Ines Andrade Uceda. I muri a‘e i to’na tomoraa mai i roto i te Ekalesia i te matahiti 1972, ua haapii o Elder Uceda i te toro‘a matutu numera e i te toro‘a farereiraa i te taata i te Institut no Jose Carlos Mairiategui i Lima. Ua haapii atoa oia i te Business Faatereraa i te Centro Andino de G.E. e ua roaa ia’na te parau tuite Licence i roto i te Fare Haapiiraa Tuatoru no San Luis Gonzaga.

Ua rave o Elder Uceda i te ohipa i roto i te Faanahoraa Haapiiraa a te Ekalesia ei raatira area no Peru e o Bolivia. I te matahiti 2003 ua reva oia mai Peru haere ti‘a’tu i New Jersey, HAM, no te tauturu i to’na metua tane ia faatupu i te ohipa haapiiraa e te haapiiraa i te reo.

Taa ê noa’tu ta’na ohipa misionare, ua tavini atoa o Elder Uceda ei melo apooraa teitei, ei episekopo, ei peresideni tĭtĭ, ei peresideni no te Misioni no Lima Peru North, e ei Hitu ahuru Area. Te tavini nei oia i teie nei i roto i te Pŭpŭ matamua o te Hitu Ahuru.

« E iteraa papû puai to‘u no ni‘a i te mana o te heheuraa a te taata iho na roto mai i te Varua Mo‘a », te parau ïa a Elder Uceda. « Ua haapapû tamau-hia te reira iteraa papû na roto i te mau haamaitairaa e tae mai na roto i te haapa‘o ».