E Tauturu te Faanahoraa Apî i te mau Tuahine Hahaere ia Haamaitai

I te ava‘e tiurai 2010 e ite te mau tuahine o te Sotaiete Tauturu e tae noa’tu i te mau taata atoa e hoo nei i te Liahona e te Ensign i te hoê tauiraa i roto i te faanahoraa matarohia o te Parau Poro‘i no te Hahaereraa Utuafare.

« Te hinaaro nei matou i te mau tuahine hahaere utuafare tata‘itahi ia ite e, te ohipa hahaereraa utuafare o te hoê ïa piiraa no ô mai i te Fatu ra e ia farii ratou i ta ratou hopoi‘a no te here, no te tavini, no te haapii e no te utuutu i te tahi atu tuahine ma te tape‘a i te reira i roto i to ratou feruriraa », ten a reira ra o Julie B. Beck, peresideni rahi no te Sotaiete Tauturu.

E tauturu te faanahoraa apî o te parau poro‘i i te mau tuahine ia ite i te fâ o te Sotaiete Tauturu, e e haapii atoa hoi ia ratou i te mau parau tumu o te tauturu i te mau tuahine ia faaohipa i te reira fâ i roto i to ratou oraraa, e e horo‘a atoa i te mau mana‘o tauturu no ni‘a i te huru e ti‘a ai i te mau vahine ia haapuai e ia ara maitai a‘e i ni‘a i te tahi atu mau tuahine.

« Ua riro te Parau Poro‘i no te Hahaereraa Utuafare ei mauhaa i roto i te rima o te tuahine hahaere. Mai te mea e, e tuatapapa oia i te mau poro‘i ma te haamana‘o i to’na mau tuahine, e ite oia eaha ta’na e faaite ia ratou e eaha te rave no ratou », te parau ïa a te tuahine Beck.

Teie i raro nei te hoê hoho‘a no te Parau Poro‘i apî no te Hahaereraa Utuafare, e te mau haamaramaramaraa o to’na faanahoraa apî.

Arata‘iraa

Te mau Opuaraa a te Sotaiete Tauturu

Parau Poro‘i

Uiraa no te Utuuturaa

Uiraa no te Faaohiparaa

No Roto mai i to Tatou Aamu

No Roto mai i te mau Papa‘iraa Mo‘a

Te Tahi Atu mau Haamaramaramaraa

Na te mau arata‘iraa e tauturu i te mau tuahine hahaere ia ite e nahea ia haapii e ia faaohipa i te parau poro‘i.

Ua tuuhia’tu te mau opuaraa a te Sotaiete tauturu no te faahaamana‘o i te mau tuahine i te mau hopoi‘a a te Sotaiete Tauturu : faarahi i te faaroo e i te parauti‘a o te taata iho, haapuai i te mau utuafare e i te mau nohoraa, e e imi e e tauturu i te feia rava‘i ore.

I teie nei, e itehia i roto i te parau poro‘i tumu te a‘oraa papû e te tano maitai no roto roa mai i te peresideniraa rahi o te Sotaiete Tauturu.

Te tumu no teie uiraa no te tauturu ïa i te mau tuahine hahaere ia imi i te fauururaa no te tavini matai a‘e i te mau tuahine ta ratou e haapii nei.

Te tumu no teie uiraa no te tura‘i ïa i te tuahine tata‘itahi ia rave i te hoê ohipa e no te tauturu ia’na ia faaohipa i te parau poro‘i i roto i to’na iho oraraa.

Na roto i te tai‘oraa i te faufaa ai‘a hanahana a te Sotaiete Tauturu, e nehenehe ta te mau tuahine e huti mai i te faaururaa na roto mai i faanahonahoraa i vai na i roto i te Ekalesia i mutaa iho ra e i roto i te faanahoraa a te Sotaiete Tauturu i teie mahana. « Ua faauruhia tatou na roto i ta ratou mau tusia e te hinaaro ia rave i ta tatou tuhaa i roto i te paturaa i te basileia o te Fatu i roto i ta tatou ohipa taviniraa », te parau ïa a te tuahine Beck.

Na teie mau faahororaa i roto i te papa‘iraa mo‘a e tauturu ia nehenehe maitai te tuatapaparaa, te haapiiraa e te faaohiparaa i te parau poro‘i.

E itehia te mau reni natiraa i te tahi atu mau vairaa rave‘a tauturu i ni‘a i te Tahua itenati a te Sotaiete Tauturu, reliefsociety.lds.org.