Jean A. Stevens

Tauturu matamua i roto i te Peresideniraa Rahi no te Paraimere

Te ti‘aturi nei o Jean Alldredge Stevens e, te iteraa i te oaoa i te apîraa e mea maitai roa te reira no te tamarii. Ia ite te tamarii i te here e tauturu te reira ia ratou i ite e ia haroaroa i te here rahi o te Metua i te Ao ra e o te Faaora no ratou.

Ua fanauhia te tuahine Stevens i te ava‘e novema 1952 i Roto Miti, Utaha, HAM, na Claron raua o Helen Alldredge.

« Ua faaamuhia vau na te mau metua faaroo rahi », te parau ïa a te tuahine Stevens. « Ua here raua i te Fatu, e ua haapii raua i te evanelia i roto i to matou utuafare. E ite taa ê to to‘u mama no te here i te taata ». E nehenehe ta’na e haamana‘o i to’na apîraa e ua here to’na na metua ia’na e ua here ia tavini i te Fatu.

Ua haamau te tuahine Stevens i te reira hoho‘a i roto i to’na iho utuafare i muri a‘e i to’na faaipoiporaa ia Mark Stevens i roto i te Hiero no Roto Miti 12 no setepa 1973. E pae ta raua tamarii.

Te oaoa nei te tuahine Stevens ia tavini i te Fatu e ua mauruuru roa oia no te rave‘a i horo‘ahia ia’na no te tavini i te mau tamarii Paraimere.

« Te vai ra i roto i te mau tamarii te hoê iteraa taa ê no te mau mea pae varua », te parau ïa a te tuahine Stevens. « E haere mai ratou i roto i teie oraraa nei ma te aau ti‘aturi. E nehenehe outou e ite i to ratou naturaraa hanahana ia pou ana‘e mai ratou mai mua mai i te aro o to ratou Metua i te Ao ra ».

Te ti‘aturi nei te tuahine Stevens e e ohipa faufaa roa ta te mau ti‘a faatere e te mau orometua haapii no te Paraimere i te tautururaa i te mau metua ia haapii i te evanelia a Iesu Mesia. « Ua riro te Paraimere ei vahi nehenehe no te mau tamarii ia ite i te here, e no te mau orometua e te feia faatere ia haapuai i te mau haapiiraa i haapiihia i roto i te fare », ta’na ïa parau.

Hou a piihia ai oia e tavini ei tauturu matamua i roto i te peresideniraa rahi no te Paraimere, Ua tavini na te tuahine Stevens i roto i te apooraa rahi a te Paraimere. Ua tavini atoa oia ei peresideni no te Sotaiete Tauturu o te paroita, e tauturu i roto i te peresideniraa Paraimere no te paroita, e ei orometua haapii no te feia paari. Ua roaa te parau tuite a te tuahine Stevens i te Fare haapiiraa tuatoru no Utaha, e Licence i roto i te numeraraa e te hoê parau faaite no te haapiiraa.