Cheryl A. Esplin

Tauturu piti i roto i te Peresideniraa Rahi o te Paraimere

E tauturu piti o Cheryl Asay Esplin i roto i te peresideniraa rahi no te Paraimere, aita e ti‘a ia’na ia haamana‘o i te hoê taime aita oia i ti‘aturi i te Metua i te Ao ra e ia Iesu Mesia. « Ua haapiihia vau i to‘u apîraa ia pure », te na reira ra oia. « Te haamana‘o nei au i to‘u pureraa no te imi i te tauturu hou a rave ai au i te hoê mea, e e farii noa vau i te mau pahonoraa i ta‘u mau pure ».

Fanauhia i te ava‘e atopa 1944 na Orson raua o Mildred Asay, ua paari te tuahine Esplin i roto i te hoê fare faaapu 13 km i te pae hitia o te râ i Lovell, Wyoming, HAM. Oia te piti o te mau tamarii e iva, e mea pinepine oia i te faauehia ia haapa‘o i te tamarii. A haapa‘o ai oia i to’na mau teina, te haamana‘o nei te tuahine Esplin i te pureraa ia paruruhia to’na utuafare, tei te atea ê to’na na metua.

Ua roaa te parau tuite Licence a te tuahine Esplin i roto i te Fare haapiiraa tuatoru Brigham Young, e parau tuite no roto i te ohipa haapiiraa. A haere ai oia i te haapiiraa, ua farerei oia i ta’na tane o Max Esplin, e ua faaipoipohia oia ia’na i roto i te Hiero no St. George Utaha i te 1 no setepa 1967. Ia hope ta’na haapiiraa ua tomo te taea‘e Esplin i roto i te aua faehau, ua haapii te tuahine Esplin i te piha pae i te roaraa e piti matahiti i piha‘i iho i to’na utuafare i Byron, , Wyoming.

Ua tavini oia i roto i te pŭpŭ Sotaiete Tauturu, Feia Apî Tamahine, e te Paraimere. To’na piiraa hopea iho nei tei roto ïa i te apooraa rahi no te Paraimere. Ua tavini atoa oia i piha‘i iho i ta’na tane a riro ai oia ei peresideni no te Misioni no North Carolina Raleigh.

E pae tamarii ta Esplins mâ. E mea au roa na te tuahine Esplin ia horo‘a i te taime i piha‘i iho i ta’na mau mootua; e tunu ratou i te faraoa farai e te faraoa monamona, e hauti ratou i te faanehenehe i te ahu, e haere e orihaere, e e tai‘o amui i te mau aamu.

Ua here te tuahine Esplin i te parau poro‘i no ni‘a i ta’na irava au roa, Te Parau Haapiiraa e te mau Parau Fafau 84:88: « E o oia o te farii mai ia outou na, ei reira atoa ïa vau, no te mea e haere au na mua i to outou mata. E vai hoi au i to outou pae atau i to outou pae aui, e ei roto hoi to‘u Varua i to outou mau aau, e ta‘u mau melahi hoi e ati noa‘e ia outou na, ia haamaraa mai ia outou i ni‘a ». Te ti‘aturi nei oia e, e haamana‘o te mau tamarii e, e roaa ia ratou te Metua i te Ao ra i te mau taime atoa na roto i te pure.