Te u Lava ʻo Muimui ʻi he Sīpinga ʻa Sīsū Kalaisí

Fai ʻe Sandra Tanner mo Cristina Franco

Naʻe folofola ʻa Sīsū Kalaisi, “Haʻu, Muimui ʻiate au.” Te tau lava ʻo muimui ʻia Sīsū ʻaki haʻatau fai ʻa e ngaahi meʻa naʻá Ne faí. ʻOku fakahaaʻi ʻe he ngaahi fakatātā ʻi he peesi hanga maí ʻa e founga hono fakalotolahiʻi ʻe Sīsū ʻa e kakaí ke nau tui kiate Iá. Naʻá Ne akoʻi ʻoku mahuʻinga ke fai ha fakamālō ʻi he ngaahi tāpuaki ʻoku tau maʻú. Naʻá Ne hahaʻo takatakai ʻa e fānaú ʻiate Ia koeʻuhí ke Ne lava ʻo nofo mo akoʻi kinautolu. Naʻe ʻofa ʻa Sīsū ʻi he kakai naʻe nofo mo Iá mo Ne fakahā mai ke tau ʻofa ʻi hotau ngaahi kaungāʻapí. ʻI he talanoa fakatātā ʻo e Samaletani angaleleí, naʻe akoʻi ai ʻe Sīsū ʻo fekauʻaki mo e ʻofa ʻi he kakai kehé.

Naʻe ʻohofi ha taha fononga ʻe ha kau kaihaʻa pea liʻaki ke mate. Naʻe ʻilo ʻe ha taulaʻeiki malanga pea mo ha Līvaite ʻa e tangata kafó, ka naʻá na takitaha fakalaka pē ʻo ʻikai tokoniʻi. Fāifai pea fou mai ai ha tangata Samaletani pea tuʻu ke tokoni ki he tangatá. Naʻá ne haʻihaʻi ʻa e ngaahi kafo ʻo e tangatá pea ʻave ia ki ha fale talifononga. Naʻe tuku ʻe he tangata Samaletaní ha paʻanga ʻi he tokotaha tauhi fale talifonongá ke tokoni ʻi hono tauhi ʻo e tangatá. (Vakai, Luke 10:30–37.) ʻOku fakahaaʻi mai ʻe he talanoá ni kiate kitautolu hono ʻuhinga moʻoni ʻo e muimui ʻi he fekau ke ʻofa ʻi hotau kaungāʻapí.

Tohinoa Folofola ʻo Siulai 2010

Lau ʻa e Luke 18:22.

Lotu ki he Tamai Hēvaní ke ke ʻilo e founga te ke muimui ai kia Sīsuú.

Ako maʻuloto ʻa e Luke 18:22.

Fili ha taha ʻo e ngaahi ʻekitivitī ko ʻení, pe faʻu pē haʻo ʻekitivitī ʻaʻau:

Tokoniʻi ha taha kehe ke ne maʻuloto ʻa e Luke 18:22.
Fai ʻa e ʻekitivitī ʻi he peesi 64. Kosi ʻo toʻo ʻa e ngaahi laʻi vaʻé. Ko e taimi te ke fai ai ha meʻa ke ke muimui ʻi he sīpinga ʻa Sīsū Kalaisí, hiki ia ʻi he laine ʻoku ʻikai ke ʻi ai ha meʻá, pea fakapipiki ha laʻi vaʻe ki he halá.
Hoko ko ha kaungāmeʻa ki ha taha ʻoku faingataʻaʻia fakaesino pe taʻelata. Fakakaukau ki he sīpinga ʻa Sīsū Kalaisí ke ke ʻilo ai e meʻa ke ke faí. Te ke lava ʻo talanoa mo feohi mo e tokotahá peá ke fakalotolahiʻi mo tokoniʻi ia.

ʻOku anga fēfē hono tokoniʻi koe ʻe he meʻa naʻá ke faí ke mahino ʻa e potufolofola ko ʻení?

Hiki ʻi hoʻo tohinoá pe tā ha fakatātā fekauʻaki mo e meʻa naʻá ke faí.

ʻOku ou muimui ʻi he sīpinga ʻa Sīsū Kalaisí ʻi he taimi ʻoku ou hoko ai ko ha kaungāmeʻa lelei kia .

ʻOku ou muimui ʻi he sīpinga ʻa Sīsū Kalaisí ʻi he taimi ʻoku ou tokoni ai ki hoku tokouá pe tuofefiné ʻo .

ʻOku ou muimui ʻi he sīpinga ʻa Sīsū Kalaisí ʻi he taimi ʻoku ou lotu ai ʻo fakafetaʻi ki he Tamai Hēvaní ʻi he .

ʻOku ou muimui ʻi he sīpinga ʻa Sīsū Kalaisí ʻaki ʻeku .

Toʻohemá, mei ʻolunga: ʻĪmisi ʻo Kalaisí, tā ʻe Heinrich Hofmann, angalelei ʻa e C. Harrison Conroy Co.; Ko Kalaisi mo e Fānaú, tā ʻe Harry Anderson, © IRI; Ko e Kilia Naʻe Pehē, “Māloó,” tā ʻe John Steel, ʻoua naʻa hiki hano tatau; Ko e Samaletani Angaleleí, tā ʻe Walter Rane, angalelei ʻa e Musiume Hisitōlia ʻo e Siasí; ʻEiki, Fakamoʻui Au, © Gary L. Kapp, ʻoua naʻa hiki hano tatau; ʻOfeina ʻe he ʻOtuá, © Simon Dewey; toʻomataʻú: tā fakatātaaʻi ʻe James Johnson