Ke Fakafonu ʻa Māmani
Kuo kole mai ʻa Palesiteni Tōmasi S. Monisoni ki he Kāingalotu ʻo e Ngaahi ʻAho Kimui Ní ke hokohoko atu ʻi heʻetau tuí mo ʻetau lotú ke fakaava ʻa e “[ngaahi feituʻu ʻoku fakangatangata ai hotau ngaahi faingamālié mo ia ʻoku ʻikai fakangofua ke tau vahevahe ai ʻa e ongoongoleleí” (vakai, tafaʻaki ʻo e peesi 25). Naʻe ʻi he fakataha fakahisitōlia ʻi he 1974 ʻa ia ne kole ai ʻa Palesiteni Sipenisā W. Kimipolo (1895–1985) ki he kau taki ʻo e Siasí ke fakamālohia ange ʻenau laká mo fakafālahi ange ʻenau vīsoné ʻi hono fakahoko ʻo e polokalama ngāue fakafaifekaú he funga ʻo e māmaní “ ʻi hono kumi ʻo e ngaahi kī ne mole mei ha ngaahi puleʻanga lahi ʻa ia te tau lava ʻo fakaava ai ʻa e ngaahi maama ko iá].”1
Naʻe palōmesi ai ʻa Palesiteni Monisoni ʻe lava ke hoko ha ngaahi mana ka tau ka hoko atu ʻi heʻetau tuí mo ʻetau ngaahi lotú. ʻOkú ne ʻilo mei he meʻa kuó ne aʻusiá ʻoku moʻoni ʻeni. ʻI he ngaahi taʻu ne hokó hili e kole ʻa Palesiteni Kimipoló, naʻá ne fakatokangaʻi ha liliu lahi ʻi he tokolahi ʻo e kau faifekaú pea mo e kau papi uluí.2 Naʻe sio tonu ʻi hano fakaava ʻo ha ngaahi ʻēlia lahi ʻi he talangofua ʻa e Kāingalotu ʻo e Ngaahi ʻAho Kimui Ní ki he kole ʻa Palesiteni Kimipolo ke nau lotua ke fakaava ʻa e ngaahi matapā ʻo e ngaahi puleʻanga he māmaní ki hono malangaʻi ʻo e ongoongoleleí. Naʻe tokoni ʻa Palesiteni Monisoni ʻi hono langa ʻo e Temipale Falaipeki Siamané. Naʻe sio tonu ki hono fakaava ʻo ha ngaahi puleʻanga lahi ki he ongoongoleleí ʻi he hili hono holoki ʻo e ʻĀ ʻo Pealiní ʻi he 1989.3
ʻOkú ne ʻiloʻi fakataha mo e kau palōfita kotoa pē ʻo e ngaahi ʻaho kimui ní talu mei hono Toe Fakafoki mai ʻo e ongoongoleleí ʻoku moʻoni, ko e ngaahi lea ne hiki ʻe he Palōfita ko Siosefa Sāmitá ʻi Māʻasi 1842: “[Ko e Fuka ʻo e Moʻoní kuo ʻosi fokotuʻu; he ʻikai lava ʻe ha nima taʻe-māʻoniʻoni ke taʻofi ʻa e ngāué mei heʻene laka atú; ʻe taulōfuʻu ʻa e ngaahi fakatangá, ʻe kau fakataha ʻa e kau tangata koví, fakatahatahaʻi mo e ngaahi kongakaú, manuki ʻa e kau lauʻikoví, ka ʻe laka taʻe ufi atu ʻa e moʻoni ʻa e ʻOtuá, ʻi he fakaʻeiʻeiki, mo e tauʻatāina, kae ʻoua kuo hū atu ki he konitinēniti kotoa pē, aʻu ki he faʻahinga kotoa pē, mo ne ʻufiʻufi ʻa e puleʻanga kotoa pē, pea mo ongo ʻi he telinga kotoa pē, kae ʻoua kuo fakahoko kotoa ʻa e ngaahi taumuʻa ʻa e ʻOtuá, pea toki folofola ʻa Sihova Maʻongoʻonga kuo lava ʻa e ngāué.]”4
Tau fakatahaʻi muʻa ʻetau tuí mo ʻetau ngaahi lotú kae lava ke fakaava ʻa e ngaahi feituʻu ʻoku lolotonga tāpuni he taimi ní pea ʻe hoko ʻa e ngaahi maná ʻi heʻetau tali ʻa e tukupā meia Palesiteni Monisoní.
Laló: Ko hono fakatapui ʻe Palesiteni Hiipa J. Kalānite ʻa e Temipale Kātisitoni ʻAlapetá he ʻaho 26 ʻo ʻAokosi 1923—ko e ʻuluaki temipale ia ke fakatapui ʻi tuʻa mei he ʻIunaiteti Siteití. Toʻomataʻú: Ko e tulele siliva naʻe fakaʻaongaʻi ʻe ʻEletā Tēvita O. Makei ʻi hono fakatoka ʻo e makatuliki ʻo e temipalé he 1915.
Toʻohemá: Naʻe kau ʻa Samuela H. Sāmita, ko e tokoua ʻo e Palōfita ko Siosefa Sāmitá, he kau fuofua faifekau ke malangaʻi ʻa e ongoongoleleí ʻi he ʻIunaiteti Sitetí. ʻOlungá: Naʻe ola lelei ʻaupito hono fakamafola ʻo e ongoongoleleí, ʻe he kau ʻuluaki faifekau ki ʻIngilaní pea pehē ki Sikenitinēvia pea mo e ngaahi fonua ʻo ʻIulopé.
Toʻohema pea mo ʻolungá: Ko e falelotu Ketifila ʻĒlimi ʻi ʻIngilaní, ko e ʻuluaki pea ko e falelotu motuʻa taha ia ʻo e Siasí. ʻI he 1840 naʻe fakaului ai ʻe ʻEletā Uilifooti Utalafi ha kāingalotu ʻe toko 600 ʻo e Kāinga Fakatahataha (United Brethren) ne lotu hení. Naʻa nau foaki honau falelotú ki he Siasí, pea naʻe hoko ia ko e fakamaʻunga ʻo e ngāue fakafaifekaú ʻi he ʻēliá. Naʻa nau fakatau ia kimui ange ke tokoni ʻi hono totongi ʻo e kāingalotu he feituʻú ke nau tānaki fakataha mai ki Saione.
Faitaaʻi ʻe David Pickup
Naʻe teuteu ʻa e vaka ko e ʻĒleni Maliá ke tukufolau mei Livapulu, ʻIngilani ki ʻAmelika ʻi he ʻaho 1 ʻo Fēpueli 1851. ʻI he taimi tatau pē, ne laka hake ʻi he toko 50,000 ha Kāingalotu ʻo e Siasí ne nau nofo ʻi he Ngaahi ʻOtu motu ʻo Pilitāniá. Naʻe malava ʻa e hikifonuá tuʻunga ʻi he Paʻanga Hikifonua Tuʻuloá (Perpetual Emigrating Fund), ʻa ia naʻá ne nō atu ha paʻanga ki he Kāingalotu masivá ʻi ha palōmesi te nau totongi fakafoki ʻa e noó ke lava mo ha niʻihi ʻo hikifonua. Naʻe lauiafe ha kau ului ne nau hikifonua ke kau fakataha mo e Kāingalotú ʻi ʻAmelika.
Toʻohemá, maka fakamanatu ʻo Samuela H. Sāmita, ne fai ʻe D. J. Bawden; toʻomataʻú: Fakahekekeka ʻa e Kāingalotú ʻi Livapulú, fai ʻe Ken Baxter
Ko e lahi ʻo ha “ngaahi ʻotu motu ʻo e tahí” ne kau ʻi he ngaahi feituʻu ne kamata tuʻu ai ʻa e ongoongoleleí ʻi he senituli 19. Taupotu ki toʻohemá: Ko e tuʻuʻanga ʻo e fale lotu ko ʻení ʻi he 1882 ʻi Hauaiʻí ne hoko ia ko e tuʻuʻanga ʻo e Temipale Laʻie Hauaiʻí, ʻa ia naʻe ʻosi ʻi he 1919 (toʻohemá). Toʻohema ʻi laló: Hili ʻe folau ʻa e kau faifekaú ki Nuʻu Sila ʻi he 1854, ne tupulaki ʻa e ongoongoleleí ai. Laló: Ko e tatau ʻo e Sitela 5—ko e taha ʻo e ngaahi maka fakamanatu ʻe 80 ʻi ʻIsapa ʻi Siapa ʻi Mekisikoú—ʻoku ʻiloa ia ko e Maka ʻo e ʻAkau ʻo e Moʻuí. Ko e niʻihi kuo nau fokotuʻu mai ʻoku hangē ʻokú ne fakafōtunga mai ʻa e misi ʻa Līhaí (vakai, 1 Nīfai 8).
Toʻohemá: tā ʻo e falelotú he 1882 ko e angalelei ia ʻa e Musiume Hisitōlia ʻo e Siasí; ʻolungá: Ko e Talaʻofá, tā ʻe Al Rounds; toʻohema ʻi laló: Langa he Taimí ni ki ʻItāniti, tā ʻe Sylvia Huege de Serville, Feʻauhi ʻAati Fakavahaʻa Puleʻanga Hono Faá; laló: Misi ʻa Līhaí, tā ʻe Araceli Andrade, Feʻauhi ʻAati Fakavahaʻa Puleʻanga Hono Fitú
Toʻomataʻú: ʻI he 1960 tupú naʻe tokolahi ha niʻihi ʻi Naisīlia mo Kana ne nau maʻu ha ngaahi fakamoʻoni ʻi heʻenau lau ʻa e ngaahi tohi ʻa e Siasí. ʻI he tūʻuta atu ʻa e kau faifekaú ʻi he 1978, kuo ʻosi mateuteu ha kakai ʻAfilika ia ʻe laungeau ke papitaiso. ʻI ha taʻu pē ʻe taha, kuo ʻosi papitaiso ha kakai ʻe toko 1,700 nai mo fakamaʻu ko e mēmipa.
ʻOlungá: Tā ʻo e ngaahi papitaiso ʻi Naisīlia he 1978 naʻe fai ʻe Janath Cannon; ʻOlungá: Ko e Fakanofo Lakanga Fakataulaʻeiki ʻi Siela Lione ne fai ʻe he Kāingalotú, faitaaʻi ʻe Emile Wilson; Toʻomataʻú: Papitaiso ʻi Siela Lioné, faitaaʻi ʻe Emile Wilson
ʻOlungá: Ko hono fakafiefiaʻi ʻe he kakai ʻo ʻĒsiá ʻa e ʻaʻahi ʻa Palesiteni Kōtoni B. Hingikelī mo hono uaifi ko Masolié he 1996. Lotomālie ʻi ʻolungá: Ko ha ngaahi ʻīmisi ʻi ʻĒsia mo e Siasí ʻoku nau ʻātakaiʻi ʻa e kāingalotu mei Taiuaní, ʻo fakahaaʻi ai ʻa e founga ʻe lava ai ʻa e ongoongoleleí ʻo ngāue ʻi ha faʻahinga anga fakafonua pē. Toʻomataʻu ʻi ʻolungá: ʻEletā Hiipa J. Kalānite, (ʻi lotomālié), mo ha kau faifekau ʻi hono fakatapui ʻo Siapani ki he ngāue fakafaifekaú ʻi he feituʻu ko ʻení ʻi Siapani ʻi he ʻaho 1 ʻo Sepitema 1901. ʻOlungá: Ko ʻEletā Falanisisi M. Laimani, ko ha ʻAposetolo, ʻi heʻene fakatahataha atu mo ha kau taki kehe ʻo e Siasí ki Seni Pitasipeeki ʻi Lūsia ʻi ʻAokosi 1903, ke fakatāpui ʻa Lūsia ki hono malangaʻi ʻo e ongoongoleleí.
Toʻohema ʻi ʻolungá: ʻOku Matala ʻa e Kau Leimaná ʻo Hangē ko e Lose ʻi he Toafá, tā ʻe Maria Gladis Barrientos de Monterroso, Feʻauhi ʻAati Fakavahaʻapuleʻanga Hono Tolú; toʻohemá: Ko e ʻUluaki Mata Meʻa-hā Mai ʻa Siosefa Sāmitá, tā ʻe Januza Mostyl, ʻi he angalelei ʻa e Musiume Hisitōlia ʻo e Siasí; toʻomataʻu ʻi ʻolungá: tā ʻo Palesiteni Hingikelií naʻe fai ʻe Gerry Avant; lotomālie ʻi ʻolungá: Kau Faifekau Vilitaki, tā ʻe Jueling Chen, Feʻauhi ʻAati Fakavahaʻapuleʻanga Hono Faá, ʻoua naʻa hiki hano tatau; taupotu ki toʻomataʻu ʻi ʻolungá: tā ʻo e kau faifekau ʻi Siapaní ko e angalelei ia ʻa e Musiume Hisitōlia ʻo e Siasí; Toʻomataʻú: Fakatāpui ʻo Lūsiá, faitaaʻi ʻe Emin Zulfugarov
Toʻohemá: ʻOku fakahaaʻi ʻe he lanú pea mo e fōtunga ʻo e tuilalanga ko ʻení ʻa e ivi mo e tupulekina lahi ʻa e Siasí ʻi Mekisikou ʻi ʻAmelika Lotoloto pea mo ʻAmelika Tongá he taʻu ʻe 50 kuo hilí. ʻOku saiʻia ʻa e kāingalotú ni ʻi he Tohi ʻa Molomoná pea ʻoku nau lata ki he temipalé, ʻa ia ʻoku fakafōtunga atu heni ʻe he Temipale ʻo e Kolo Kuatemala Kuatemalá. Laló: ʻI he ʻahó ni kuo laka hake ha kāingalotu ʻe toko 1,500 tupu ʻoku nau nofo ʻi Pōlani, ko ha fonua ne uesia lahi ʻe he Tau Lahi Hono Ua ʻa Māmani. ʻOku fakavaʻe ʻenau ngaahi fakamoʻoní ʻi he ngaahi tui tatau ʻoku ʻi he Kāingalotu kotoa ʻo e Ngaahi ʻAho Kimui Ní, hangē ko e ʻUluaki Mata Meʻa-hā Maí (ʻoku fakafōtungaʻi atu ʻi lalo ʻe ha taha tā fakatātā Pōlani).