Fakahoko ʻe he Siasí ha Ngaahi Liliu ʻi ha Ngaahi Misioná

Ke vahevahe lelei ange ʻa e ngaahi maʻuʻanga tokoní ke feau e ngaahi liliu ʻoku fie maʻú, kuo fokotuʻu ʻe he Siasí ha ngaahi misiona foʻou ʻe 10 pea fakatahaʻi ha niʻihi mo honau ngaahi misiona kaungā ʻapí. ʻE aʻu leva ʻa e tokolahi ʻo e ngaahi misioná ki he 340.

Kuo fokotuʻu ʻe he Siasí ʻa e ngaahi misiona ko ʻení:

Lepupelika Faka-Temokalati ʻo Kongokou Lupumipasí, Kuatemala Letalauliú, Mekisikou Mekisikou Siti Tokelauhihifo, Mekisikou Vilahemosá, Niu Mekisikou Fāmingitoní, Nikalākua Manākua Noaté (ʻe ui ʻa e Misiona Nikalākua Manākuá ko e Misiona Nikalākua Manākua Sauté), Pelū Kusikoú, Pelū Lima Uesité, Filipaini Iloiló, mo ʻIutā Seni Siaosí.

Kuo fakatahaʻi ʻe he Siasí ʻa e ngaahi misiona ko ʻení:

ʻE hoko ʻa e ongo Misiona ʻAositelēlia Melipoane Hahake mo Hihifó ko e Misiona ʻAositelēlia Melipoané.

ʻE hoko ʻa e ongo Misiona ʻAositelēlia Senē Noaté mo Sauté ko e Misiona ʻAositelēlia Seneé.

ʻE hoko ʻa e ongo Misiona Pueto Liko Sani Uani Hihifo mo Hahaké ko e Misiona Pueto Liko Sani Uaní, kae fakatahaʻi ʻa e konga ʻo e misiona hahaké mo e ongo Misiona Lepupelika Tominikeni Sanito Tomingikou Hihifó mo e ʻOtu Motu Kalipiané.

ʻE hoko ʻa e Misiona Siamane Hamipēkí ko e Misiona Siamane Pealiní.

ʻE hoko ʻa e ongo Misiona Siamane Miunikí/ʻAosituliá, Suisalani Siulikí, mo e konga ʻo e Misiona Siamane Felengifētí ko e Misiona ʻAlapaini Lea Faka-Siamané.

ʻE hoko ʻa e ongo Misiona ʻIlinoisi Sikākou Noate mo Sauté ko e Misiona ʻIlinoisi Sikākoú.

ʻE fakatahaʻi ʻa e Misiona ʻIlinoisi Peoliá ki ha vahevahe foʻou ʻo e ngaahi Misiona ʻAiouā Ti Moiní, Mīsuli Seni Luí mo Nepulasikā ʻOumahaá.

ʻE hoko ʻa e ongo Misiona ʻAilani Tupiliní mo Sikotilani ʻĒtinipuá ko e Misiona Sikotilani/ʻAilaní.

ʻE fakatahaʻi ʻa e Misiona ʻĪtali Kataniá ki ha vahevahe foʻou ʻo e ongo misiona ʻĪtali Lomá mo ʻĪtali Milaní.

ʻE fakatahaʻi ʻa e Misiona Siapani Hilosimá ki ha vahevahe foʻou ʻo e ongo Misiona Siapani Fukuoká mo Siapani Koupeí.

ʻE hoko ʻa e Misiona Kōlea Soulu Hihifó ko e konga ʻo e Misiona Kōlea Soulú.

ʻE fakatahaʻi ʻa e Misiona Niu Seisi Seli Hilá ki ha vahevahe foʻou ʻo e ongo Misiona Niu Seisi Mōlisitauní mo Penisilivēnia Filatelafiá.

ʻE fakatahaʻi ʻa e Misiona ʻOhaiō Sinisinetí ki ha vahevahe foʻou ʻo e ongo Misiona ʻOhaiō Kolomupusí mo Veisinia Sālesitoni Uesite.

ʻE fakatahaʻi ʻa e Misiona Sipeini Pilipaó ki ha vahevahe foʻou ʻo e ngaahi Misiona Sipeini Pāseloná, Sipeini Matulití mo Sipeini Malaká.