ʻInitia

ʻI he 1849 ne tukufolau ai ha ongo folautahi Māmonga ki ʻInitia. Naʻá na kamata malangaʻi ʻiate kinaua pē ʻa e ongoongoleleí ʻi Kalakata. ʻI he 1851 ne tūʻuta atu ʻa Siosefa Lisiate ke toki kamata totonu ʻa e ngāue fakafaifekaú ʻi he fonuá. Naʻá ne papitaiso heni ʻa e fuofua kau mēmipa ʻo e Siasí ʻi ʻInitiá mo fokotuʻu ha kiʻi kolo. ʻI heʻene aʻu ki he 1852 kuo aʻu ʻa e tokolahi ʻo e kāingalotú ki he toko 189. Naʻa nau langa leva ha kiʻi falelotu—ko e fuofua falelotu ia ʻo e Siasí ʻi ʻĒsiá.

Neongo ia, ʻi he lolotonga ʻo e senituli hono hokó, ne faingataʻa ʻa e ngāue fakafaifekaú. Ka ʻi he 1978 ne kamata e kau faifekau hoa malí ke ngāue ko ha kau fakafofonga ke tokoniʻi e Siasí ke tali pea mo fakamālohia ʻa e kāingalotú.

Talu mei ai, kuo ʻosi liliu ʻa e Tohi ʻa Molomoná ki ha lea fakafonua ʻe 5 ʻi he ngaahi lea fakafonua lalahi ʻe 20 ʻa ʻInitiá: Hinitī, Tāmili, Teiluku, ʻUtu, mo ha ngaahi kongokonga ʻi he lea faka-Pengikalí. Naʻe fokotuʻu ʻa e Misiona ʻInitia Pengikaloá ʻi he 1993. ʻI he 2007 ne fokotuʻu ai mo e Misiona ʻInitia Niu Telí ke ne tokangaʻi ʻa e fakatokelau ʻo ʻInitiá mo ha ngaahi fonua ʻe niʻihi ne ofi ki aí.

Kuo ʻiloa fakapuleʻanga ai ʻa e Siasí ʻi haʻane ngaahi ngāue tokoni ʻofa fakaetangata ʻi ha ngaahi kulupu ʻe 50 he fonuá.

Ko e Siasí ʻi ʻInitia
Tokolahi ʻo e Kāingalotú	8,200
Ngaahi Misioná	2
Ngaahi Vahefonuá	6
Ngaahi Koló	30

Ko e tokotaha ului taʻu hongofulu mā ua ko Henelī Makuiní ʻi heʻene talitali ʻa e kau faifekau ʻe niʻihi ʻo e Siasí ʻi heʻenau tūʻuta ki Kalakata ʻi ʻInitia he 1853.

Laló: Ko Kitione mo Haniseni Palaputa mei he Kolo Pangikaloa Uá. Toʻomataʻú: Ko ha fakatahaʻanga ʻo e kau maʻu lakanga fakataulaʻeiki mei he Kolo Haitalapati Faá.