Elder José L. Alonso

No te Hitu Ahuru

Hou oia a riro ai ei melo no te Ekalesia, e iteraa papû to José Luis Alonso Trejo no ni‘a i te mana o te pure. Ua parau oia e « I te 11raa o to’u matahiti, ua fatata vau i te pohe. Ua faaroo vau i te mau taote i te parauraa e aita ratou i ti‘aturi e e ora mai au. No reira ua pure au e ua pure au i te Fatu, e ua faaora mai Oia ia‘u.

« I to’u faaroo raa i muri mai i te aamu o Iosepha Semita e to’u iteraa e nahea te hoê tamaiti e 14 ana‘e to’na matahiti i te paraparauraa i te Atua, ua ite au e e parau mau te reira. Ua ite au e e nehenehe ta te Atua e pahono i ta tatou mau pure, e ua matau Oia ia tatou ».

Na taua varua tamahanahana ra â i arata‘i ia Elder Alonson a tai‘o ai oia i te Buka a Moromona. Ua parau oia e, « Maoti te pure e teie buka, ua ite au ma te papû e o Iesu te Mesia ».

Ua fanauhia o Elder Alonson i te Oire no Mexico, te fenua Mexico, i te ava‘e Novema 1958 e to’na na metua o Luis e Luz Alonso ïa. I to’na taure‘are‘araa ua haere atu oia i te Oire no Cuautla, Mexico, i reira to’na ôraa’tu i te Ekalesia. Na to’na haereraa’tu i te Pô na te Feia Apî i haafarerei ia’na i te feia apî puai tei farii maitai ia’na e tei riro te pitiraa o te utuafare no’na. I roto i te Pureraa Feia Apî to’na farereiraa ia Rebecca Salazar, te vahine tei riro i muri mai ta’na vahine faaipoipo.

I te 19raa o to’na matahiti, ua tavini Elder Alonso i te hoê misioni rave tamau i roto i te Misioni no Mexico Hermosillo. I muri mai i ta’na misioni, ua faaipoipohia o Elder Alonso e Rebecca i te 24 no Febuare 1981 i te Hiero no Mesa Arizona. E metua raua no na tamarii e piti.

Taa ê noa’tu i te taviniraa ei faatere no te Haapiiraa Evanelia na te Feia Apî Paari no te Faanahoraa Haapiiraa a te Ekalesia, e parau tu‘ite taote ta Elder Alonso i roto i te tupuraa o te mau tamarii e ua rave oia i te ohipa ei taote raau pape e e taote tapû. Te faaite nei ta’na ohipa i te hoê hinaaro maoro i te tavini e i te haamaitai ia vetahi ê mai ta te Fatu i haamaitai ia’na o ma‘ihia’i oia i to’na tamariirii raa. Ua parau oia e, « E patu te taviniraa ia vetahi ê i te tahoêraa e te autaea‘eraa e e titau manihini te reira i te mana o te Fatu i roto i to tatou mau oraraa ».

Hou to’na piiraahia i roto i te Pŭpŭ Matamua no te Hitu Ahuru, ua tavini o Elder Alonso ei episekopo, peresideni misioni, peresideni tĭtĭ, tauturu i te peresideni misioni, peresideni no te Misioni no Mexico Tijuana e e Hitu Ahuru Area.